QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Türkiyə XİN Ermənistanın Azərbaycana qarşı ağır silahlarla hücumunu qınayıb

© Photo : TRENDМИД Турции
МИД Турции - Sputnik Azərbaycan
Abunə olmaq
Türkiyə XİN şəhidlərə Allahdan rəhmət diləyib, ailələrinə və bütün Azərbaycan xalqına başsağlığı verib, yaralılara şəfa arzu edib

BAKI, 26 fev — Sputnik. Türkiyə Xarici İşlər Nazirliyi (XİN) bu il fevralın 24-dən 25-ə keçən gecə təmas xəttində Ermənistanın Azərbaycana qarşı ağır silahlarla olan hücumunu qınayıb. Sputnik Azərbaycan bu barədə Türkiyə XİN-in saytına istinadən məlumat verir.

Türkiyə XİN şəhidlərə Allahdan rəhmət diləyib, ailələrinə və bütün Azərbaycan xalqına başsağlığı verib, yaralılara şəfa arzu edib.

“Ermənistan yarım əsrdir ki, Azərbaycan torpaqlarının beşdə birini işğal altında saxlayır. 2016-cı ilin aprel ayında təmas xəttində və Azərbaycan-Ermənistan sərhədinin bəzi hissələrində yaşanan şiddətli qarşıdurmaların təkrar yaşanmaması üçün Ermənistanı atəşkəsə riayət etməyə və işğala son verməyə dəvət edirik” — bəyanatda bildirilir.

Məlumatda o da qeyd edilib ki, Dağlıq Qarabağ münaqişəsinin həlli üçün yaradılan ATƏT-in Minsk Qrupunun üzvü olan Türkiyə münaqişənin Azərbaycanın ərazi bütövlüyü və suverenliyi çərçivəsində ədalətli və daimi həllini dəstəkləməyə davam edəcək. Türkiyə, həmçinin, Minsk qrupunun münaqişənin həlli yönündəki cəhdlərinin sürətləndirlməsinin vacibliyini də qeyd edib.

Xəbərə görə, Türkiyənin xarici işlər naziri Mevlut Çavuşoğlu cəbhədə baş vermiş son insidentlə bağlı azərbaycanlı həmkarlı Elmar Məmmədyarovla telefonla danışaraq ətraflı məlumat alıb. 

Xəbər lenti
0