Birləşmiş Ştatlar Silahlı Qüvvələrinin baş qərargah rəisi Cozef Danford

Danfordun Bakı Ankara səfərləri bu məqsədi daşıyırmış

705
(Yenilənib 13:58 21.02.2017)
Mehmet Perinçek: “Amerikanın Suriyaya dair ən strateji planı İraqın şimalından başlayaraq, Suriyanı da içinə alan və Aralıq dənizinə qədər uzanan kürd koridoru açmaq idi”

BAKI, 21 fev – Sputnik. Birləşmiş Ştatlar Silahlı Qüvvələrinin Baş Qərargah rəisi Cozef Danford və Rusiya Silahlı Qüvvələrinin Baş Qərargah rəisi Valeri Gerasimovun Bakıda görüşdükləri ilə bağlı xəbər vermişdik. Görüşdə Rusiya və ABŞ arasında hərbi sahədə münasibətlərin hazırkı səviyyəsi, potensial böhranların və yanlışlıqların qarşısının alınması üçün hərbçilər arasında daimi və aydın ünsiyyətin vacibliyi müzakirə edilmişdi. 

Amerikalı general Cozef Danford Bakıdan birbaşa Türkiyəyə, Adana vilayətindəki “İncirlik” hərbi bazasına yollanmışdı. Danford sözügedən bazada Türkiyənin Silahlı Qüvvələrinin Baş Qərargah rəisi Hulusi Akarla görüşüb. 

İlham Əliyev ABŞ-ın Baş Qərargah Rəisləri Komitəsi sədrinin başçılıq etdiyi nümayəndə heyətini qəbul edib
© Official website of President of Azerbaijan Republic

İddiaya görə, Amerikanın ordu rəhbərinin Türkiyəyə gəlişində əsas məqsəd qarşıdakı günlərdə planlaşdırılan Raqqa əməliyyatını müzakirə etmək olub. İŞİD terror təşkilatının əsas mərkəzi olan Raqqa, Suriyanın ən böyük 3-cü şəhəridir. Şəhər 2011-ci ildə vətəndaş müharibəsi başlayandan aylar sonra İŞİD-in nəzarətinə keçib. 

Cozef Danfordun Bakıda Rusiya Baş Qərargah rəisi Valeri Gerasimovla olan görüşünün detalları da artıq üzə çıxmağa başlayıb. Türkiyənin bəzi xəbər agentliklərinin yazdığına görə, Danford rus general Gerasimovu Raqqa əməliyyatının tarixi və detalları barədə məlumatlandırıb. Raqqaya əməliyyat zamanı amerikalı və türk hərbçilərin Suriyada rus əsgərləri ilə qarşılaşmaması üçün öncədən belə bir görüşün vacibliyi qeyd olunub. Yaxın günlərdə Rusiya, Türkiyə və Amerika ordu rəhbərlərinin bir-birlərinə qarşılıqlı koordinatlar verəcəyi də iddia edilir.

Mehmet Perinçek - Türkiyəli politoloq
elbe-express
Mehmet Perinçek - Türkiyəli politoloq

Analitiklərə görə, Cozef Danford Azərbaycanda görüşdüyü Rusiya Baş Qərargah rəisi Valeri Gerasimovla olan danışığın yekunları barədə Türkiyəli həmkarı Hulusi Akara məlumat verib. 

Mövzunu Sputnik Azərbaycan-a Türkiyəli tarixçi-yazar Mehmet Perinçek şərh edib: “Amerikanın Suriyadakı planları pozulmuş vəziyyətdədir. Xüsusilə, türk ordusunun başlatdığı “Fərat qalxanı” əməliyyatı Vaşinqtonun bütün maraqlarını alt-üst etdi. Çünki Amerikanın Suriyaya dair ən strateji planı İraqın şimalından başlayaraq, Suriyanı da içinə alan və Aralıq dənizinə qədər uzanan kürd koridoru açmaq idi. Əsas məqsəd İraqın şimalında qurduqları oyuncaq dövləti yaşatmaqdır”. 

“Təsəvvür edin ki, PKK-nın Suriyadakı qolu olan PYD-nin nəzarətindəki ərazilərdə Amerikanın 5 ədəd hərbi bazası yer almaqdadır. Hansı ki, rəsmi Ankara dəfələrlə PYD-nin terror təşkilatı olduğunu bəyan edib. Aldığım məlumata görə, türk ordusu artıq PYD-ni bombalamağa başlayıb. Türk ordusunun Suriyaya girməsi ilə Vaşinqtonun planı ortadan qalxmış oldu. Tək Türkiyə yox, rusların da Suriyada özünü göstərməsi Amerikanı çətin vəziyyətdə qoydu. Xüsusilə Astanadakı konfrans ABŞ-ın planlarının suya düşməsində önəmli rol oynadı. Çünki Suriya problemini bölgə ölkələri, Rusiya, İran və Türkiyə özləri həll edə biləcəklərini göstərdilər. Ən əsası odur ki, hər üç ölkə Suriyanın ərazi bütövlüyünə vurğu edir. Yəni, Amerikanın parçalanmış Suriya xülyasının üzərindən xətt çəkilir” – Mehmet Perinçek bildirib.  

Perincəyin fikrincə, ABŞ rəhbərliyi, türk ordusunun diqqətini yayındırmaq üçün, İŞİD-in qalası hesab edilən Raqqaya əməliyyat planını ortaya atıb: “Türk əsgərini PYD ilə yan-yana İŞİD-ə qarşı döyüşdürmək istəyirlər. Ancaq mən düşünürəm ki, Türkiyə bu məkrli plana uymayacaq”. 

705
Teqlər:
ABŞ, Türkiyə, Suriya, Rusiya, Raqqa, Cozef Danford, Hulusi Akar, Valeri Gerasimov, İŞİD terror təşkilatı
Əlaqədar
İlham Əliyev Cozef Danfordla görüşüb
Məxfi Rusiya-ABŞ görüşü üçün niyə Bakı?
Əfqanıstan Prezidenti Əşrəf Qani, arxiv şəkli

Əşrəf Qəni Taliban* hakimiyyətini tanımağa çağırıb?

7
(Yenilənib 22:09 27.09.2021)
Eks-prezidentin rəsmi "Facebook" səhifəsində "Əfqanıstandan uzaqlaşmaq əvəzinə, hazırkı hakimiyyətlə əməkdaşlıq vacibdir" şəklində bəyanat yer alıb.

BAKI, 27 sentyabr — Sputnik. Əfqanıstanın keçmiş prezidenti Muhammed Əşrəf Qəninin "Facebook" hesabı sındırılıb. Bundan bir neçə dəqiqə əvvəl isə həmin hesabdan Taliban* hakimiyyətinin tanınmasına çağırış edilib. Bu barədə Sputnik Azərbaycan RİA Novosti-yə istinadla xəbər yayıb.

"Muhammed Əşrəf Qəninin "Facebook"-dakı rəsmi səhifəsi sındırılıb", – deyə Qəni öz "Twitter" hesabında yazıb.

Bundan əvvəl Əşrəf Qəninin "Facebook" səhifəsində "Əfqanıstandan uzaqlaşmaq əvəzinə, hazırkı hakimiyyətlə əməkdaşlıq vacibdir" şəklində bəyanat yer almışdı. Bəyanatda Taliban* qruplaşmasına kömək göstərilməsi, onun hakimiyyətinin tanınması və Əfqanıstanın aktivlərinin yenidən açılmasına çağırış öz əksini tapıb.

Qeyd edək ki, avqustun əvvəlində Amerika hərbi kontingentinin Əfqanıstandan çıxarılması fonunda Taliban hücuma keçərək ölkənin bütün iri şəhərlərini tutub və iyirmi illik müharibənin başa çatdığını elan edib. Əfqanıstanın Milli Barışıq üzrə Ali Şurasının rəhbəri Abdulla Abdulla bildirib ki, Əşrəf Qəni prezidentlikdən istefa verərək ölkəni tərk edib.

Avqustun 15-dən 16-na keçən gecə Talibanın* siyasi ofisinin rəsmi nümayəndəsi Muhamməd Naim isə bəyan edib ki, Əfqanıstanda müharibə başa çatıb.

*Rusiyada və digər ölkələrdə qadağan olunmuş terror təşkilatı

 

7
Tbilisi, arxiv şəkli

Gürcüstan Bakı Yerevan arasında vasitəçilik etmək üçün yeni platforma yaratmaq istəyir

14
Qonşu ölkənin Baş naziri bəyan edib ki, rəsmi Tbilisi sözügedən təşəbbüsün qalıcı olmasının tərəfdarıdır.

BAKI, 27 sentyabr — Sputnik. Gürcüstan hakimiyyəti Bakı və Yerevan arasında yüksək səviyyəli danışıqların aparılması üçün platforma rolunu oynamağa hazırdır. Sputnik Gürcüstan xəbər verir ki, bu fikri Gürcüstanın Baş naziri İrakli Qaribaşvili bazar ertəsi günü keçirilən brifinqdə səsləndirib.

O xatırladıb ki, Gürcüstan iyun ayında saxlanılan 15 erməni diversantın Ermənistana təhvil verilməsi, eləcə də Qarabağdakı mina sahələrinin xəritəsinin Azərbaycana ötürülməsinə kömək edib.

"Bu prosesi daha yüksək səviyyədə davam etdirmək üçün bizə qardaş olan iki dövlətə, azərbaycanlılar və ermənilərə Tbilisidə yaratmaq niyyətində olduğumuz bu platformanın köməyilə vasitəçilik təklif edir və istəyirik ki, həmin təşəbbüs qalıcı olsun", – deyə Baş nazir əlavə edib.

Qeyd edək ki, bir qədər əvvəl Qaribaşvili Nyu-Yorkda BMT Baş Assambleyasının 76-cı sessiyasında çıxış edərkən Qara dəniz regionundan sülhün və sabitliyin təmin olunması üçün "dinc qonşuluq təşəbbüsü" yaratmağı təklif edib.

14

Bakıda şəhidlərinin xatirəsinə səmaya işıq fənərləri buraxılıb

0
"Şəhidlərimiz qürurumuzdur" adlı aksiyası zamanı "Regional İnkişaf" İctimai Birliyinin könüllüləri səmaya 3000-dək işıq fənəri uçurdublar.

Bu gün vətən müharibəsi zamanı şəhid olan soydaşlarımızın xatirəsinə həsr edilən anım tədbiri keçirilib.

Heydər Əliyev Fondunun "Regional İnkişaf" İctimai Birliyinin "Şəhidlərimiz qürurumuzdur" adlı aksiyası zamanı bu gün təməli qoyulan Vətən müharibəsi memorial kompleksi və Zəfər muzeyinin ərazisində quraşdırılmış xüsusi projektorlardan səmaya yönələn şüalar Zəfər tağını simvolizə edib. Aksiyada "Regional İnkişaf" İctimai Birliyinin könüllüləri səmaya 3000-dək işıq fənəri uçurdublar.

Qeyd edək ki, sentyabrın 27-si Vətən Müharibəsinin başlamasının bir ili tamam olur. 44 günlük Vətən Müharibəsində torpaqlarımızın azadlığı uğrunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd edilib. Artıq bir necə gündür ölkədə Anım Gününə hazırlıqlar gedir.

Eyni zamanda Bakının bəzi küçə və prospektlərində eyvanlardan bayraqlar asılıb. Bu gün saat 12:00-da ölkə ərazisində şəhidlərimizin əziz xatirəsi bir dəqiqəlik sükutla yad edilib. Şəhər sakinləri, hərbçilər və rəsmilər İkinci Fəxri Xiyabanda uyuyan şəhidlərimizin məzarlarına baş çəkərək şəhidlərin xatirələrini yad ediblər.

Paytaxtda Müzəffər Ali Baş Komandan İlham Əliyev və birinci xanım Mehriban Əliyevanın iştirakı ilə yürüş keçirilib. Yürüş iştirakçıları əllərində Vətən müharibəsində qəhrəmancasına şəhid olanların şəkilləri əks olunan plakatlar daşıyıblar.

0
  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.