Kanadanın Kitsault qəsəbəsi

Bu qəsəbədə hər şey var, amma insan yoxdur

499
(Yenilənib 15:17 18.02.2017)
30 il əvvəl bu qəsəbədə 1200-ə yaxın insan yaşayırdı

BAKI, 18 fev — Sputnik. Kanadanın Kitsault qəsəbəsində yaşamaq üçün hər cür şərait var, amma insan yoxdur. Burada komfortlu evlər, alış-veriş mərkəzləri, kitabxana və s. mövcuddur.

  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
  • Kanadadakı Kitsault qəsəbəsi
    Kanadadakı Kitsault qəsəbəsi
    © Photo : STR
1 / 10
© Photo : STR
Kanadadakı Kitsault qəsəbəsi

Sputnik Azərbaycan Türkiyənin "Milliyet" qəzetinə istinadla xəbər verir ki, 30 il əvvəl bu qəsəbədə 1200-ə yaxın insan yaşayırdı. Ərazidə yerləşən mədəndə çalışanlar üçün bütün rahatlıq nəzərə alınaraq, bu qəsəbə yaradılmış və hər cür şəraitlə təmin olunmuşdu.

Lakin mədən bağlanandan sonra qəsəbə də boşalmağa başladı. Və get-gedə ərazi tamamən boşaldı. Artıq orada bir nəfər də daimi sakin yaşamır. Hazırda bu qəsəbə turistlər üçün cazibədar bir məkana çevrilib.

499
Teqlər:
hər cür şərait, Kitsault qəsəbəsi, Kanada, qəsəbə, insan
Əlaqədar
Bu qəsəbədə qaz böhranı yaşanır və "Azəriqaz" xəbərsizdir...
Dünyada yeganə qəsəbə: hökumət yox, vergi yox, avtomobil yox
Bu qəsəbədə hər axşam kabus dolaşır
Bakının bu qəsəbəsində sakinlərdən "xərac" toplanır
"Bütün Azərbaycan üzrə hotel yataqlarının sayı Türkiyənin bir qəsəbəsindəkindən azdır"
Ermənistan hökuməti UNICEF-in Yerevandakı nümayəndəliyinin rəhbəri Merienn Klark-Hattinq

Ermənistanda Azərbaycanla bağlı casus qalmaqalı - İngilis diplomat Bakıya məlumat ötürüb?

570
(Yenilənib 13:24 09.03.2021)
Ermənistan XİN-ində olan mənbə bildirib ki, Klark-Hattinq təcili Ermənistanı tərk edib. Ermənistan hökuməti onu "persona non grata" elan edib.

BAKI, 9 mart — Sputnik. Ermənistan hökuməti UNICEF-in Yerevandakı nümayəndəliyinin rəhbəri Merienn Klark-Hattinqin fəaliyyətini dayandırıb. Sputnik Ermənistan xəbər verir ki, bu barədə Ermənistan Xarici İşlər Nazirliyinin rəsmi sözçüsü Anna Naqdalyan bildirib.

"BMT-nin daimi nümayəndəsi və UNICEF-in nümayəndələri bu qərar barədə məlumatlandırılıb", - deyə Naqdalyan bildirib.

Qeyd edək ki, Ermənistan XİN-ində olan mənbə Sputnik Ermənistan-a bildirib ki, Klark-Hattinq təcili Ermənistanı tərk edib. Qeyd olunur ki, Klark-Hattinq öz missiyası zamanı bəzi səhvlər buraxıb. Onun hansı səhvlər buraxdığı bildirilmir.

Qeyd edək ki, daha əvvəl "Mediaport" telegram kanalı məlumat yayıb ki, Klark-Hattinq Azərbaycan və Böyük Britaniyanın xeyrinə casusluq edib və ona görə Ermənistan hökuməti onu "persona non grata" elan edib.

570
ABŞ bayrağı, arxiv şəkli

Azərbaycan ABŞ-dakı erməni lobbisinin Pakistana hücumlarını pisləyib

12
N.Ağayev Pakistanın Azərbaycana göstərdiyi dəstəyə görə ABŞ-dakı radikal erməni lobbisinin müharibədən sonra Pakistana qarşı çirkin qarayaxma kampaniyasına start verdiyini qeyd edərək,

Eldar Tanrıverdiyev, Sputnik Azərbaycan

BAKI, 9 mart — Sputnik. Azərbaycanın Los-Ancelesdəki baş konsulu Nəsimi Ağayev və Türkiyənin Los-Ancelesdəki baş konsulu Can Oğuzun birgə iştirakı ilə martın 4-də ABŞ-dakı Pakistan icmasının rəhbərləri ilə onlayn görüş keçirilib.

Bu barədə Sputnik Azərbaycan Azərbaycanın Los-Ancelesdəki Baş Konsulluğundan məlumat verilib.

Görüşdə çıxış edən baş konsul N.Ağayev Vətən Müharibəsi dövründə qardaş Türkiyə və Pakistanın Azərbaycanın haqq mübarizəsinə verdiyi hərtərəfli siyasi dəstəyə görə minnətdar olduğumuzu, bu mübarizəmizin nəticəsində 30 illik qanunsuz işğaldan sonra Azərbaycanın öz ərazi bütövlüyünü və tarixi ədaləti bərpa etdiyini diqqətə çatdırıb.

Diplomat həm müharibə, həm də ondan sonrakı dövrdə ABŞ-ın Pakistan icmasının xüsusilə Los-Ancelesdə Azərbaycana tam dəstəyini nümayiş etdirdiyini qeyd edərək, icma rəhbərlərinə təşəkkürünü bildirib. Pakistan icması ilə son illərdə sıx dostluq münasibətlərinin qurulmasından bəhs edən N.Ağayev bu prosesin məhz Los-Ancelesdə başladığını və Azərbaycan, Pakistan və Türkiyə Baş Konsulluqlarının səylərilə, keçirilən birgə tədbirlərlə hər üç icma arasında da yaxın münasibətlərin yarandığını vurğulayıb.

N.Ağayev Pakistanın Azərbaycana göstərdiyi dəstəyə görə ABŞ-dakı radikal erməni lobbisinin müharibədən sonra Pakistana qarşı çirkin qarayaxma kampaniyasına start verdiyini qeyd edərək, bunun bir daha bu ekstremist lobbi qruplarının əsl xislətini nümayiş etdirdiyini diqqətə çatdırıb. Baş konsul bildirib ki, Ermənistanın Azərbaycan və Türkiyə ilə düşmənçiliyinin davam etməsində maraqlı olan erməni lobbisi yalnız özü haqda düşünür və buna görə də bu lobbi təşkilatları regionda sülhün bərqərar olmasında əsla maraqlı deyil. Çünki Ermənistanın öz qonşuları ilə normal münasibətlərinin yaranacağı təqdirdə erməni lobbi təşkilatlarının ianə toplamaq və diasporu radikal ideologiya ətrafında səfərbər etmək imkanları da azalacaq. Təsadüfi deyil ki, 10 noyabr razılaşmasından sonra erməni lobbisi bu razılaşmanın pozulması, Ermənistan-Azərbaycan münasibətlərinin normallaşdırılmasının qarşısının alınması və yeni müharibənin alovlanması üçün dəridən-qabıqdan çıxır.

Erməni lobbisinin Pakistana qarşı bu məkrli hücumları başlayan kimi Baş Konsulluğun bu hücumları dərhal pislədiyini və Pakistan icması ilə həmrəylik nümayiş etdirdiyini qeyd edən N.Ağayev, qardaş Azərbaycan, Türkiyə və Pakistan icmaları arasında sıx münasibətlərin daha da möhkəmləndirilməsinin vacibliyini vurğulayıb.

Sonra çıxış edən Türkiyənin baş konsulu C.Oğuz üç ölkə arasında tarixi qardaşlıq və əməkdaşlıq münasibətlərinə diqqət çəkib. O, Türkiyənin Vətən Müharibəsi dövründə Azərbaycana siyasi dəstəyinin iki ölkə arasındakı sarsılmaz əlaqələrə, eləcə də beynəlxalq hüquq və BMT Təhlükəsizlik Şurasının məlum qətnamələrinə əsaslandığını qeyd edib.

C.Oğuz çıxışında qardaş Pakistanın Azərbaycana qəti dəstəyini alqışladıqlarını bildirərək, Kaliforniyada Azərbaycan və Türkiyəni hədəf alan erməni lobbisinin artıq Pakistan icmasına qarşı hücuma keçdiyini təəssüflə bildirib. O, Kaliforniyadakı siyasətçilərin qərəzli yanaşmadan çəkinərək, Türkiyə, Azərbaycan və Pakistan icmalarının da fikir və narahatlıqlarını dinləməsinin və nəzərə almasının zəruriliyini vurğulayıb.

Sonra çıxış edən Pakistan icma rəhbərləri daim qardaş Azərbaycan və Türkiyənin yanında olduqlarını qeyd edərək, Azərbaycanın ərazi bütövlüyünün bərpa edilməsindən böyük məmnunluq hissi keçirdiklərini və bunun regionda davamlı sülhə yol açacağına inandıqlarını bildiriblər.

Qeyd edək ki, ABŞ-da hazırda 1 milyona yaxın, Kaliforniyada isə 250 mindən çox pakistanlı yaşayır və bu icmanın ABŞ-ın ictimai-siyasi həyatında rolu və nüfuzu durmadan artır.

12
Yeni Azərbaycan Partiyasının inzibati binası

Parlament sədri: “YAP-ın qurultayında mühüm qərarlar qəbul edilib”

0
"Məmnunluq hissi ilə qeyd etmək istəyirəm ki, partiyamızın yeni Nizamnaməsinə uyğun olaraq, Yeni Azərbaycan Partiyasının sədri cənab İlham Əliyevin Sərəncamı ilə Mehriban xanım Əliyeva partiya sədrinin birinci müavini təyin edilib"

Xalid Məmmədov, Sputnik Azərbaycan

BAKI, 9 mart — Sputnik. "Martın 5-də Yeni Azərbaycan Partiyasının VII qurultayı keçirilib. Mən YAP-ın qurultayı münasibətilə partiyanın bütün üzvlərini ürəkdən təbrik edirəm. Qurultayda Yeni Azərbaycan Partiyasının sədri, Azərbaycan Respublikasının Prezidenti cənab İlham Əliyev geniş nitqlə çıxış edib". Sputnik Azərbaycan xəbər verir ki, bunu Milli Məclisin Sədri Sahibə Qafarova parlamentin bu gün keçirilən iclasında deyib.

"Proqram xarakteri daşıyan bu nitqdə ulu öndər Heydər Əliyevin adı ilə bağlı olan partiyanın yaranma tarixinə, ölkəmizin ictimai-siyasi inkişafında oynadığı son dərəcə mühüm rola nəzər salınıb, Azərbaycanın siyasi, iqtisadi və hərbi potensialının gücləndirilməsi, dünyanın hesablaşdığı nüfuzlu bir dövlətə çevrilməsi üçün görülmüş işlərdən, qarşıda dayanan vəzifələrdən bəhs edilib"-deyə o qeyd edib.

Sədr bildirib ki, bu gün biz qürurla söyləyirik ki, müzəffər Ali Baş Komandan İlham Əliyevin rəhbərliyi ilə Azərbaycan Silahlı Qüvvələri ölkəmizin başlıca problemini həll edib, 30 ilə yaxın müddətdə Ermənistanın işğal altında saxladığı torpaqlarımızı azad edib, dövlətimizin ərazi bütövlüyünü bərpa edib. Bununla da ölkəmizdə və bölgədə tamamilə yeni geosiyasi vəziyyət yaranıb. Möhtərəm Prezidentimizin dediyi kimi, biz bütün addımlarımızı düzgün atmalıyıq ki, daim qələbə qazanaq, Azərbaycan bayrağı daim yüksəklərdə olsun.

O qeyd edib ki, qurultayda bir sıra mühüm qərarlar qəbul edilib, struktur və kadr dəyişiklikləri həyata keçirilib: "Məmnunluq hissi ilə qeyd etmək istəyirəm ki, partiyamızın yeni Nizamnaməsinə uyğun olaraq, Yeni Azərbaycan Partiyasının sədri cənab İlham Əliyevin Sərəncamı ilə Mehriban xanım Əliyeva partiya sədrinin birinci müavini təyin edilib. Mən bütün həmfikirlərim adından Mehriban xanım Əliyevanı təbrik edir, bu şərəfli və məsul vəzifədə ona uğurlar arzulayıram. Eyni zamanda, partiyanın rəhbər orqanlarına seçilmiş həmkarlarımızı təbrik edirəm. İnanıram ki, onlar bu yüksək etimadı öz fəaliyyətləri ilə doğruldacaqlar".

"Yeni Azərbaycan Partiyası xalqın istək və arzularını təcəssüm etdirən siyasi qüvvə kimi tarixi zərurətdən yaranmış, vətənpərvərlik, əqidə birliyi, dövlət müstəqilliyi və suverenlik, azərbaycançılıq ideyalarının möhkəm təməli üzərində inkişaf etmiş və ölkəmizin siyasi həyatında indiki mövqeyinə yüksəlib. Mən əminəm ki, Yeni Azərbaycan Partiyasının üzvləri möhtərəm Prezidentimiz, partiyamızın sədri cənab İlham Əliyevin həyata keçirdiyi möhtəşəm işləri və yeni quruculuq siyasətini dəstəkləmək üçün onun ətrafında daha sıx birləşərək Azərbaycanın xoşbəxt gələcəyi naminə bundan sonra da var qüvvələrini sərf edəcəklər"-deyə o əlavə edib.

 

0