Глава МИД Азербайджана Эльмар Мамедъяров

Elmar Məmmədyarov ATƏT-in Minsk qrupunun həmsədrləri ilə görüşüb

388
(Yenilənib 02:07 17.02.2017)
Görüşdə danışıqlar prosesinin intensivləşdirilməsinə dair fikir mübadiləsi aparılıb

BAKI, 17 fev — Sputnik. Xarici işlər naziri Elmar Məmmədyarov Münhen Təhlükəsizlik konfransı çərçivəsində ATƏT-in Minsk qrupunun həmsədrləri İqor Popov (Rusiya), Stefan Viskonti (Fransa), Riçard Hoaqland (ABŞ), həmçinin ATƏT-in fəaliyyətdə olan sədrinin şəxsi nümayəndəsi səfir Andjey Kaspişik ilə görüşüb.

Sputnik Azərbaycan Xarici İşlər Nazirliyinə istinadən xəbər verir ki, görüşdə Azərbaycan, Ermənistan və Rusiya prezidentlərinin Sankt-Peterburq görüşündəki müzakirələrinin davamı olaraq Ermənistan-Azərbaycan, Dağlıq Qarabağ münaqişəsinin həlli üzrə danışıqlar prosesinin intensivləşdirilməsinə dair fikir mübadiləsi aparılıb.

Nazir Elmar Məmmədyarov münaqişənin həlli prosesində irəliləyişə nail olmaq üçün substantiv danışıqlara başlamaq məqsədilə səylərin artırılmasının vacibliyini vurğulayıb.

Görüşdən sonra ATƏT-in Minsk qrupu həmsədrlərinin dəvəti əsasında həmsədrlərin Azərbaycan və Ermənistan xarici işlər nazirləri ilə birgə şam yeməyi olub.

388
Teqlər:
Münhen Təhlükəsizlik konfransı, Sankt-Peterburq görüşü, Xarici İşlər Nazirliyi, ATƏT-in Minsk Qrupu, İqor Popov, Stefan Viskonti, Riçard Hoaqland, Andjey Kaspişik, Elmar Məmmədyarov, Azərbaycan, Rusiya, Ermənistan, Münhen
Əlaqədar
Azərbaycan və Ermənistanın xarici işlər nazirləri arasında görüş olub
Ermənistan XİN başçısı ATƏT Minsk Qrupunun həmsədrləri ilə görüşüb
F-35 qırıcısı, arxiv şəkli

Səlcuq Bayraqdar: "ABŞ-ın Türkiyəyə F-35 qırıcısı verməməsi xeyirli addımdır" - VİDEO

74
(Yenilənib 16:12 22.04.2021)
Bayraqdar üzərində işlədikləri Milli Pilotsuz Döyüş Təyyarəsi layihəsi barədə də məlumat verərək bildirib ki, sözügedən təyyarə 2023-cü ildə ilk uçuşunu gerçəkləşdirəcək.

BAKI, 22 aprel — Sputnik. "Baykar" şirkətinin texniki direktoru Səlcuq Bayraqdar ABŞ-ın Türkiyəni F-35 proqramından çıxartmasına öz "Instagram" hesabından paylaşdığı video ilə münasibət bildirib. Bu barədə Sputnik Azərbaycan Türkiyənin NTV kanalına istinadla xəbər yayıb.

Bayraqdar bildirib ki, ABŞ-ın Türkiyəyə F-35 qırıcıları verməməsi bu gün mənfi hal kimi qiymətləndirilsə də, əslində gələcəkdə milli müdafiə sənayesinin inkişafı baxımından ən xeyirli addım kimi qiymətləndirilə bilər.

"Çünki proqramını xaricdən satın alacağımız rəqəmsal kompüterlər tərəfindən idarə olunan və pilotun yerinə qərar verən xarici missiyalı kompüteri və proqramı olan bir sistem müstəqil istifadə baxımdan bizə ciddi məhdudiyyətlər yarada bilər. Bundan başqa, satınalma, istismar və təmir xərcləri nəzərə alınarsa, illər ərzində on milyardlarla dollar vəsait xərcləyəcəyimiz layihədən söhbət gedir. Bəli, bu gündən işə başlasaq, bəlkə də bu tip təyyarə düzəltməyimiz üçün 15-20 il vaxt lazım gələ bilər. Onun əvəzinə inkişaf etdiriləcək milli platformanın satınalma, istismar, təmir xərcləri isə hər bir halda F-35-dən az olacaq", – deyə texniki direktor vurğulayıb.

Bayraqdar onu da bildirib ki, üstəlik 15-20 il sonra hazır olacaq bu tip qırıcı həmin dövrə qədər başqa ölkələrin inkişaf etdirəcəyi təyyarələrdən bir nəsil geri qala bilər. Odur ki, bunun əvəzinə daha ucuz qiymətə başa gələn, süni intellektlə təchiz olunmuş pilotsuz döyüş təyyarələrini inkişaf etdirmək daha məqsədəuyğundur. Çünki gələcəyin istiqamətini məhz bu cür hava vasitələri müəyyənləşdirəcək.

Bayraqdar üzərində işlədikləri Milli Pilotsuz Döyüş Təyyarəsi layihəsi barədə də məlumat verərək bildirib ki, sözügedən təyyarə 2023-cü ildə ilk uçuşunu gerçəkləşdirəcək.

"Baykar" şirkətinin son 4-5 ildə gerçəkləşdirdiyi AKINCI platforması üzərində işin başa çatması ilə əlaqədar Milli Pilotsuz Döyüş Təyyarəsi layihəmizi bu yaxınlarda sürətləndirdik. Hədəfimiz bu platformaya aid təyyarənin ilk uçuşunu 2023-cü ildə həyata keçirməkdir", – deyə o bildirib.

Qeyd edək ki, Amerika Birləşmiş Ştatları Rusiyadan S-400 Zenit-Raket Kompleksi aldığına görə Türkiyənin F-35 qırıcılarının istehsalı proqramından çıxarılması barədə Ankaranı rəsmi şəkildə məlumatlandırıb. Məlumatda bildirilir ki, ABŞ 2007-ci ilin yanvarında imzalanmış F-35-lərin istehsalı üzrə birgə memorandumu ləğv edib.

Xatırladaq ki, bu memoranduma əsasən, Ankara öz üzərinə 100 ədəd F-35 tipli qırıcı almaq öhdəliyi götürmüşdü. Türkiyə, həmçinin F-35-lər üçün 1000-dən artıq komponentin istehsalında da iştirak edib.

74
Teqlər:
video, ABŞ, Türkiyə, "F-35" qırıcıları, Səlcuq Bayrakdar, Baykar Makina
Hindistanda epidemioloji vəziyyət

Bu ölkə gündəlik COVID-19-a yoluxma sayına görə rekord vurdu

6
(Yenilənib 15:42 22.04.2021)
Halbuki bu ölkə peyvənd tətbiqinə görə bütün dünyada üçüncü yeri tutur və indiyə kimi 132 milyondan çox insan vaksinasiya olunub.

BAKI, 22 aprel — Sputnik. Hindistan Səhiyyə Nazirliyindən verilən məlumata görə, bu ölkədə son 24 saatda koronavirusa 314 min 835 yeni yoluxma halı qeydə alınıb. Beləliklə, Hindistan bu ilin yanvar ayında ABŞ-da qeydə alınan göstəricini keçərək dünyada antirekord vurub. Bu barədə Sputnik Azərbaycan Anadolu Agentliyinə istinadla məlumat yayıb. Son sutka ərzində Hindistanda COVID-19-dan ölənlərin sayı isə 2 min 104 nəfər olub. Nəticədə ümumilikdə bu ölkədə koronavirus qurbanlarının sayı 184 min 657-yə çatıb.

Türkiyədə epidemioloji vəziyyət
© AFP 2021 / ADEM ALTAN

Xəstəlikdən sağalanların sayı isə 13 milyon 454 min 880 nəfər olub. Hazırda 2 milyon 291 min 413 nəfərin müalicəsi davam edir.

Mütəxəssislərin sözlərinə görə, artıq xəstəxanalarda virusa yeni yoluxanları qəbul etməyə yer yoxdur və tezliklə ölkənin səhiyyə sistemi çökəcək.

Əhalisinin sayı 1,4 milyard nəfər olan ölkədə hazırda koronavirusa qarşı vaksinasiya prosesi davam edir. Səhiyyə Nazirliyi indiyə kimi 132 milyon 330 min 644 doza peyvənd tətbiq olunduğunu bildirib.

Peyvənd məlumatlarının əks olunduğu "Ourworldindata.org" internet saytınında yer alan məlumata görə, Hindistan ABŞ və Çindən sonra dünyada ən çox peyvənd tətbiq olunan 3-cü ölkədir.

 

6
Mövzu:
Yeni tip koronavirus pandemiyası

Vaksinasiya davam edir: növbə turizm sektorunda çalışanlara çatdı - FOTOLAR

0
(Yenilənib 18:26 22.04.2021)
Yuxarı yaş qrupuna aid insanlar və peşəsi ilə əlaqədar koronavirusa yoluxma riski yüksək olanlardan sonra turizm sektorunda çalışanların da peyvənd növbəsi gəlib çatdı. Vaksinasiya prosesinin necə aparıldığını Sputnik Azərbaycanın fotolentində izləyin.

Azərbaycanda koronavirusla mübarizə çərçivəsində bu gün turizm sektorunda çalışanların vaksinasiyasına başlanılıb. Mehmanxana işçiləri könüllü şəkildə "Baku Marriott Boulevard Hotel"-də peyvənd oluna bilərlər. Vaksin vurdurmaq istəyənlər elə həmin hoteldə təşkil olunan məntəqədə tibbi müayinədən keçirilirlər. Azərbaycan Hotellər Birliyi və "Absheron Hotel Group"-un təşəbbüsü və təşkilatçılığı ilə həyata keçirilən peyvəndləmə prosesi mərhələli şəkildə həyata keçirilir.

Birinci mərhələdə Azərbaycan Hotellər Birliyinə daxil olan paytaxtdakı turizm müəssisələrində çalışan 420 işçinin, eləcə də regional mehmanxanaların 575 əməkdaşının peyvənd olunması planlaşdırılır. Mehmanxana sənayesinin bərpası və normal fəaliyyətinə qayıtması üçün işçilərin peyvənd olunması vacibdir.

Qeyd edək ki, vaksinasiya prosesində Çinin "Sinovac" şirkəti tərəfindən istehsal olunan "CoronaVac" preparatından istifadə olunur.

0
  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.

  • © Sputnik / Murad Orujov

    Azərbaycanda hotel əməkdaşlarının vaksinasiyası.