Ali Vayeqhan yenidən Amerikaya giriş edə bilib

Amerikanın “dərin dövləti” Donald Trampın qarşısını alacaq

221
(Yenilənib 15:33 12.02.2017)
Yılmaz Altınsoy: "ABŞ-ın püxtələşmiş idarəçiliyi var. Tramp bu oturuşmuş idarəçiliyə əks olan bəzi fikirlər səsləndirir".

BAKI, 12 fev – Sputnik. Birləşmiş Ştatlar prezidenti Donald Trampın müsəlman ölkə vətəndaşlarının ABŞ-a girişinə qadağa qoyan fərman imzalamasına baxmayaraq, Federal Məhkəmə sözügedən qərarı ləğv etmişdi. 

Sputnik Azərbaycan Fox-a istinadən xəbər verir ki, Federal Məhkəmənin qərarından ilk faydalanan şəxs İran vətəndaşı Ali Vayeqhan olub.

Belə ki, Trampın bu fərmanı imzalamasından sonra Los-Anceles hava limanından geri qaytarılan Ali Vayeqhan daha sonra yenidən Amerikaya daxil ola bilib. Bununla da İran vətəndaşı tarixə düşüb. 

Los-Anceles hava limanına eniş edən Ali Vayeqhan şəhərin bələdiyyə sədri Erik Qarsetti başda olmaqla, yaxın qohumları, vəkillər və ictimai fəallar tərəfindən qarşılanıb.

Qeyd edək ki, Tehrandan Los-Ancelesə gələn, oradan isə İndiana əyalətinə 12 ildir görmədiyi oğluna qovuşmaq üçün yola çıxan Ali Vayeqhan yarı yoldan geriyə, Los-Ancelesə, oradan da İrana qaytarılıb. Təsadüfdən, onun Amerikaya səfəri Donald Trampın fərman imzaladığı günlə eyni vaxta düşüb.

Daha sonra Nyu-York Federal məhkəməsində olduğu kimi, Kaliforniya Federal məhkəməsi də prezidentin qərarını irqçi hesab etdiyi üçün pozub. Məhkəmə İran vətəndaşı Ali Vayeqhanın Amerikada qala biləcəyi barədə hökm verib. Məhz bundan sonra, Amerikaya yenidən giriş edən Vayeqhan, Los-Anceles hava limanına onu qarşılamaq üçün gələn hüquqşünaslara, ictimai fəallara təşəkkürünü bildirib. 

“İnsan hüquqları dediyimiz şey bax budur. Gördüyüm dəstək və maraq məni şok etdi, məni qürurlandırdınız, budur insanlıq” – Ali Vayeqhan deyib.

Ümumilikdə, ABŞ-ın bir çox ştatlarında Donald Trampın imzalamış olduğu fərmanlar əleyhinə çox ciddi etiraz aksiyaları davam edir. Aksiyalarla yanaşı, əyalətlərdəki Federal məhkəmələr də ardı-ardına Trampın qərarlarını ləğv edir. Mövzunu Sputnik Azərbaycan-a dəyərləndirən türkiyəli politoloq Yılmaz Altunsoy, yeni prezident Donald Trampın ABŞ “dərin dövləti”nə zidd siyasət yürütdüyünü deyib: 

“Donald Tramp Amerikan dərin dövlətinə hakim deyil. ABŞ-ın püxtələşmiş idarəçiliyi var. Tramp bu oturuşmuş idarəçiliyə əks olan bəzi fikirlər səsləndirir. Bu baxımdan prezidentin atacağı bir çox addımlar dərin dövlət tərəfindən hansısa formada əngəllənəcək”. 

“Yeddi müsəlman ölkə vətəndaşlarına viza verilməməsi haqda qərar İslam dünyasına qarşı duyulan kin və nifrətin ifadəsidir. Tamamilə irqçi fərmandır, insan haqlarına ziddir. Ancaq müsəlman aləminin də məftun olduğu qərb dünyasından belə bir şillə yeməsi, özünə dönməsinə vəsilə olacaq. Bu mənada, qədər baxımından xeyirli olduğunu düşünürəm. Federal məhkəmənin Trampın imzaladığı fərmanı ləğv etməsi qüvvələr balansı sisteminin ən gözəl nümunəsidir. ABŞ prezidenti belə, öz ölkəsində istədiyi formada idarəçilik edə bilmir. Prezident üsul-idarəsinin ən düzgün formasının şahidi olduğumuzu deyə bilərik” – Yılmaz Altınsoy əlavə edib. 

221
Teqlər:
Kaliforniya Federal məhkəməsi, Nyu-York Federal məhkəməsi, Yılmaz Altunsoy, Erik Qarsetti, Ali Vayeqhan, Donald Tramp, Tehran, İran, Los-Anceles, ABŞ
Əlaqədar
Məhkəmələr prezidentin əl-qolunu bağladı
Məhkəmə Tramp administrasiyasının apellyasiya şikayətini rədd edib
Türkiyənin Xarici İşlər naziri Mövlud Çavuşoğlu, arxiv şəkli

Çavuşoğlu Rusiyaya gedəcək

2
"Biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik".

BAKI, 20 aprel - Sputnik. Türkiyə Xarici işlər naziri Mövlud Çavuşoğlu bildirib ki, ölkəsində koronavirusla bağlı vəziyyət normallaşan kimi uçuşların bərpasının müzakirəsi üçün Rusiyaya gedəcək.

Sputnik Azərbaycan-ın məlumatına görə, Türkiyədə ötən cümə günü pandemiya başlayandan bəri sutka ərzində ən yüksək yoluxma (63082), bu həftənin çərşənbə axşamı isə sutka ərzində ən çox ölüm (346) faktı qeydə alınmışdı. Türkiyədə ağır pandemiya şəraitinə görə Rusiya bu ölkə ilə aprelin 15-dən iyunun 1-dək aviaəlaqəni dayandırıb.

"Türkiyədə koronavirusa yoluxma hallarının artması səbəbindən Rusiya uçuşları məhdudlaşdırdı. İki ölkənin prezidentləri bunu müzakirə etdilər və belə bir qərar alındı, burada siyasət yoxdur. Ancaq biz əlavə məhdudiyyətlər tətbiq etdik. Əgər onları pozsaq, nəticə əldə edə bilmərik, o zaman bizim turizm risk altına düşər", - Çavuşoğlu Habertürk kanalının efirində deyib.

Onun sözlərinə görə, tezliklə Rusiyadan olan nümayəndələr turizm sahəsində təhlükəsizliyi qiymətləndimək üçün Türkiyəyə gələcəklər. 

"Sonra isə biz turizm nazirimizlə Rusiyaya gedəcəyik. Ancaq koronavirus göstəriciləri aşağı olan halda. İndi mənası yoxdxur. Biz inandırıcı görükməyəcəyik. Ramazan ayı ərzində bu göstəriciləri azaltmalıyıq", - Çavuşoğlu əlavə edib.

2
Teqlər:
səfər, Rusiya, Türkiyə, Mövlüd Çavuşoğlu
Aleksey Navalnı, arxiv şəkli

Navalnını vərəm xəstəxanasında təkadamlıq kameraya saldılar

3
Navalnı martın 31-də Instagram səhifəsində "dəvət olunmuş həkimin içəri buraxılması" tələbi ilə aclıq elan etdiyini yazmışdı.

BAKI, 20 aprel - Sputnik. "Hazırda sərt rejimli koloniyanın vərəm xəstəxanasının təkadamlıq kamerasında olan Aleksey Navalnı özü ona qlükoza köçürülməsinə razılıq verib". 

Sputnik Azərbaycan RİA Novosti-yə istinadən bildirir ki, bu barədə onun vəkili Olqa Mixaylova jurnalistlərə deyib.

Moskvanın Simonov məhkəməsinin fevralda "İv Roşe" şirkəti üzrə işə görə şərti cəzanı ləğv edib 3.5 il ümumi rejimli koloniyada həbs cəzası kəsdiyi Navalnı martın 31-də Instagram səhifəsində "dəvət olunmuş həkimin içəri buraxılması" tələbi ilə aclıq elan etdiyini yazmışdı. Olqa Mixaylova Navalnının durumu ilə əlaqədar bildirmişdi ki, onun ayaqları və kürəyi ağrıyır. Federal Cəzaların İcrası Xidməti (FCİX) müayinədən sonra Navalnının vəziyyətini stabil və qənaətbəxş adlandırmış və koloniyada bütün lazımi tibbi yardımı aldığını bildirmişdi.

Ötən həftə Vladimir vilayətinin FCİX-dən bildirmişdilər ki, Navalnını aprelin 5-dən 9-dək Pokrovdakı islah koloniyasının tibbi-sanitar bölməsində saxlayıb, sonra "səhhəti yaxşılaşdığından" geriyə, dəstəyə qaytarıblar. Bazar ertəsi isə həkimlər komissiyası Navalnının koloniyadan Vladimirdəki məhkumlar üçün vilayət xəstəxanasına köçürülməsinə qərar veriblər.

 

3
Teqlər:
kamera, vərəm, həbsxana, Rusiya, Aleksey Navalni