Niderland Krallığında fəaliyyət göstərən Azərbaycan-Türk Kültür Dərnəyinin rəhbəri İlhan Aşkın

Dünya azərbaycanlılarına İlhan Aşkını müdafiə etmək çağırışı

47
(Yenilənib 17:49 10.02.2017)
İlhan Aşkın Hollandiyada “Qarabağ ermənilərin məzarı olacaq” ifadəsinə görə məhkəmə qarşısına çıxarılacaq

BAKI, 10 fev — Sputnik. Dünya Azərbaycanlılarının Beynəlxalq Koordinasiya Mərkəzi (DABKM) Niderland Krallığında fəaliyyət göstərən Azərbaycan-Türk Kültür Dərnəyinin rəhbəri İlhan Aşkının müdafiəsi ilə bağlı Azərbaycan dövlətinə və dünyada yaşayan soydaşlarımıza müraciət edib. DABKM-dan Sputnik Azərbaycan-a verilən məlumata görə, müraciətdə Azərbaycan-Türk Kültür Dərnəyinin rəhbəri İlhan Aşkının erməni terrorunu pislədiyinə görə erməni diasporu tərəfindən məhkəməyə cəlb olunmasından bəhs edilib.

Qeyd olunub ki, 2014-cü ildə Almelo şəhərində qondarma "erməni soyqırımı" abidəsinin tikintisinin qarşısını almaq məqsədilə türk təşkilatlarının keçirdiyi birgə etiraz aksiyasında çıxış edən Aşkın Ermənistanın Azərbaycan torpaqlarını işğal etməsi, azərbaycanlılara qarşı soyqırımı aktı həyata keçirməsi barədə məlumat verib və erməni vəhşiliyini pisləyib. Erməni diasporu isə İlhan Aşkının guya həmin aksiyada irqçi ifadələr işlətdiyinə görə polisə şikayət edib. 

Şikayətlə bağlı Şərqi-Niderland polisi araşdırma aparıb və İlhan Aşkın guya “ermənilərə qarşı şiddəti təşviq etdiyinə” — “Qarabağ ermənilərin məzarı olacaq” ifadəsinə görə Hollandiya Cinayət Məcəlləsinin 137d maddəsinə əsasən şübhəli bilinib.

Koordinasiya Mərkəzi bəyan edir ki, bu məsələ təkcə İlhan Aşkın məsələsi deyil, milli məsələdir və Qarabağ uğrunda mücadilənin tərkib hissəsidir: “Əslində bizim üçün böyük bir fürsət yaranıb. Azərbaycanın hökumət və qeyri-hökumət təşkilatlarından, xüsusən də Avropada yaşayan soydaşlarımızdan İlhan Aşkının martın 3-də keçiriləcək məhkəmə prosesinə qədər ona hər cür yardım göstərmələrini xahiş edirik. Məhkəmə prosesinin keçirildiyi yerə yaxın şəhərlərdə yaşayan azərbaycanlılar birlik nümayiş etdirməlidirlər”. 

Müraciətdə qeyd olunur ki, Prezident İlham Əliyevin daxili və xarici siyasəti nəticəsində son vaxtlar ölkəmizin əldə etdiyi uğurlar dünyada, xüsusən də Avropada yaşayan erməniləri həddindən artıq qıcıqlandırıb. Onlar ciddi cəhdlə hücuma keçib Azərbaycanın, Qarabağın adı ilə bağlı olan məsələlərdə üstünlüyü əla almağa çalışacaqlar: “Hazırda məhkəməsi gedən İlhan Aşkın məsələsi də bu qəbildəndir. Bu, çox vacib məsələdir. Əgər İlhan Aşkın bu məhkəməni uduzarsa, bir daha Hollandiyada və dünyanın başqa ölkələrində erməni qəsbkarlığından bəhs etmək mümkün olmayacaq”.

Xatırladaq ki, mərkəzi ofisi Kiyev şəhərində yerləşən Dünya Azərbaycanlılarının Beynəlxalq Koordinasiya Mərkəzi (DABKM) 2016-cı ildə yaradılıb, Ukrayna Ədliyyə Nazirliyində qeydiyyatdan keçib. Mərkəzin sədri Ukrayna Azərbaycanlıları Birləşmiş Diasporunun (UABD) sədri Hikmət Cavadovdur. DABKM İsveç Diaspor Təşkilatı ilə dünyada azərbaycanlılarının koordinasiya təşəbbüslərinin dəstəklənməsinə dair Memorandum imzalayıb.

47
Teqlər:
Hollandiya Cinayət Məcəlləsi, Qarabağ ermənilərin məzarı olacaq, Şərqi-Niderland polisi, Erməni diasporu, məhkəmə, Ukrayna Ədliyyə Nazirliyi, Azərbaycan-Türk Kültür Dərnəyi, İsveç Diaspor Təşkilatı, Dünya Azərbaycanlılarının Beynəlxalq Koordinasiya Mərkəzi, Ukrayna Azərbaycanlıları Birləşmiş Diasporu, Hikmət Cavadov, İlhan Aşkın, Prezident İlham Əliyev, Kiyev, Almelo şəhəri, Qarabağ, Hollandiya, Avropa
Əlaqədar
Diaspor rəhbəri dekabrın 6-da məhkəmə qarşısına çıxacaq
ABŞ bayrağı

Birləşmiş Ştatlar Avropa İttifaqı Belarusa sanksiya tətbiq etdi

3
Brüsselin sanksiya siyahısında isə 78 fiziki şəxs və 8 təşkilatın adı var. Sanksiyalar Avropa İttifaqının rəsmi jurnalında dərc olunduqdan sonra qüvvəyə minib.

BAKI, 21 iyun — Sputnik. Avropa İttifaqı və Birləşmiş Ştatlar Belarus vətəndaşları və təşkilatlarına qarşı yeni sanksiyalar qəbul edib. Bu barədə Sputnik Azərbaycan "RİA Novosti"-yə istinadən xəbər verir.

ABŞ Maliyyə Nazirliyinin məlumatına görə, sanksiyalar 16 fiziki şəxsə, həmçinin Belarus Milli Təhlükəsizlik Komitəsinə, Belarus DİN-inin Mütəşəkkil Cinayətkarlıq və Korrupsiya ilə mübarizə üzrə Baş İdarəsinə, Belarus DİN-in Daxili Qoşunlarına, Minskin Akrestsin küçəsindəki cinayətkarların təcrid olunması Mərkəzinə də şamil olunacaq.

ABŞ-ın sanksiya tətbiq etdiyi şəxslər siyahısında Belarus Prezidenti Aleksandr Lukaşenkonun mətbuat katibi Natalya Eysmont, Belarus Parlamentinin yuxarı palatasının spikeri Natalya Koçanova, Belarus Milli Təhlükəsizlik Komitəsinin "Alfa" xüsusi dəstəsinin komandiri Sergey Zubkov, Minskin milis rəisi Mixail Qrib, Belarusun ədliyyə nazirinin müavini Sergey Kalinovski və Belarusun Baş Prokuroru Andrey Şvedinin də adları var.

Brüsselin sanksiya siyahısında isə 78 fiziki şəxs və 8 təşkilatın adı qeyd olunub. Sanksiyalar Avropa İttifaqının rəsmi jurnalında dərc olunduqdan sonra qüvvəyə minib.

Siyahıda olan şəxslərin Aİ-də bütün aktivləri dondurulacaq və onların Aİ-yə səyahəti qadağan olunacaq.

Ümumilikdə Aİ-nin Belarusla bağlı tətbiq etdiyi üç sanksiya paketi çərçivəsində Aleksandr Lukaşenko da daxil olmaqla 166 Belarus vətəndaşı və 15 təşkilata qarşı sanksiya qəbul olunub.

3
Yaxın Şərq məsələləri üzrə ekspert Vüqar Zifəroğlu

Ekspert: “İrandakı prezident seçkiləri dəyişikliklərə səbəb olacaq”

7
(Yenilənib 14:36 21.06.2021)
Yaxın Şərq məsələləri üzrə ekspert Vüqar Zifəroğlu deyir ki, dəyişikliklərin prinsipial nöqtələrlə bağlı olub-olmayacağını demək üçün bir qədər zamana ehtiyac var
Vüqar Zifəroğlu: “Cənub qonşumuz Yaxın Şərqdəki mövqelərini gücləndirməyə çalışacaq”

“Son nəticəyə əsasən Seyid İbrahim Rəisi 17 milyon 926 min 345 səs toplayıb”. Bunu İranın daxili işlər naziri Əbdürrza Rəhmani Fəzli keçirdiyi mətbuat konfransında deyib. Onun sözlərinə görə, əhalinin seçkilərdə aktivliyi 48.8 faiz təşkil edib.

Yaxın Şərq məsələləri üzrə ekspert Vüqar Zifəroğlu Sputnik Azərbaycan-a deyir ki, islahatçı qanadı mühafizəkarların əvəz etməsi İranın daxili və xarici siyasətində istər-istəməz müəyyən dəyişikliklərə səbəb olacaq: “Dəyişikliklər istənməsəydi islahatçı namizədlərdən birinin artıq səs toplamasının şahidi olardıq. Dəyişikliklərin prinsipial nöqtələrlə bağlı olub-olmayacağını demək üçün bir qədər zamana ehtiyac var. İran hələlik daxildə olan problemlərini həll etməklə məşğul olacaq. Bununla yanaşı Cənub qonşumuz Yaxın Şərqdəki mövqelərini gücləndirməyə çalışacaq”.

Vüqar Zifəroğlunun geniş şərhinə audiofaylda qulaq asa bilərsiniz

7

Türkiyədən AVRO-2020 ilə bağlı Azərbaycana müraciət: Əla qardaşlıq ruhu göstərdiz

0
(Yenilənib 21:12 21.06.2021)
Türkiyə Futbol Federasiyasında qeyd ediblər ki, AVRO-2020 təşkilatçılarının qonaqpərvərliyi bir daha Azərbaycan və Türkiyənin "bir millət, iki dövlət" olduğunu sübut edib.

BAKI, 21 iyun — Sputnik. Türkiyənin Futbol Federasiyası bu ölkənin milli komandasının AVRO-2020 çərçivəsində Bakıda keçirilən oyunlar zamanı ona göstərilən qonaqpərvərliyə görə Azərbaycana minnətdarlığını ifadə edib. Bu barədə Sputnik Azərbaycan Federasiyanın saytına istinadən xəbər verir.

"Dost və qardaş ölkə olan Azərbaycan AVRO-2020 prosesində və Bakıda oynadığımız iki oyunda tribunaları qırmızı-ağ rənglərlə dolduraraq əla qardaşlıq ruhu göstərdi. Milli komandamıza, Federasiyamıza və bütün Türk xalqına böyük dəstək göstərən və bizi ən yaxşı şəkildə qəbul edən Azərbaycan, "bir millət, iki dövlət" olduğumuzu dərindən hiss etdirdi", - deyə Federasiyanın bəyanatında deyilir.

Daha sonra bəyanatda Türkiyə-Uels oyununu (0:2) Türkiyə prezidenti Rəcəb Tayyib Ərdoğan, Azərbaycan prezidenti İlham Əliyevin də ziyarət etdiyi deyilir və Azərbaycan Futbol Federasiyasının prezidenti Rovnaq Abdullayevə təşəkkür ifadə olunur.

Türkiyə millisi koronavirus pandemiyası üzündən bir il təxirə salınmış Avropa çempionatında uğusuz çıxış edib. "A" qrupunda Şenol Günəşin yetirmələri Romada İtaliya millisinə (0:3), Bakıda isə Uels (0:2) və İsveçrə (1:3) milli komandalarına məğlub olub.

Onu da qeyd edək ki, Türkiyə komandasının üzvləri artıq Avropa çempionatında çıxışlarını bitirərək Azərbaycan paytaxtını tərk ediblər.

AVRO-2020 Bakı oyunları

Bakı Olimpiya stadionunda ümumilikdə dörd oyunun keçirilməsi nəzərdə tutulub. "A" qrupunda iyunun 12-də İsveçrə-Uels (1:1), iyunun 16-da Türkiyə-Uels (0:2), iyunun 20-də İsveçrə-Türkiyə (3:1) oyunları artıq keçirilib. Bundan əlavə iyulun 3-də isə burada AVRO-2020 ¼ final oyunlarından birinin keçirilməsi də nəzərdə tutulub.

0