Yusuf İslam

İslamı qəbul edən ingilis müğənni Ərdoğanı ziyarətə gəldi

267
Əsl adı Ket Stivens olan ingilis müğənni hələ gənclik illərində olarkən başına gələn maraqlı bir hadisədən sonra İslam dinini qəbul edib

BAKI, 9 fev – Sputnik. Türkiyə prezidenti Rəcəb Tayyib Ərdoğan, iqamətgahında məşhur ingilis müğənni Yusuf İslamla görüşüb. Sputnik Azərbaycan bu haqda Türkiyə NTV-nə istinadən xəbər verir.

Ərdoğanı ziyarətə gələn Yusuf İslamla Türkiyə rəhbərinin görüşü 1 saat 15 dəqiqə davam edib. Prezident Ərdoğanın Twitter hesabından görüşlə bağlı açıqlama verilib: “Sevgili qardaşım Yusuf. Bizi ziyarətin və səmimi söhbətin üçün təşəkkür edirəm. Türkiyəyə xoş gəldin”. 

​Qeyd edək ki, əsl adı Ket Stivens olan ingilis müğənni hələ gənclik illərində olarkən başına gələn maraqlı bir hadisədən sonra İslam dinini qəbul edib. Yusuf İslam öz xatirələrində İslamı necə qəbul etdiyi barədə belə yazıb: “Ən məşhur olduğum zamanlarda, yəni gənclik illərimdə vərəm xəstəliyinə tutulmuşdum. Həyatın ancaq əyləncə və yeyib-içməkdən ibarət olmadığını dərk etməyə başladım. Boğulduğumu hiss elədim. Sanki dənizin dalğaları məni dərinə aparırdı. O an ancaq dua edirdim. Allaha yalvarırdım ki, bu vəziyyətdən məni xilas etsin. Ona doğru yolu axtaracağıma söz verirdim. Bu duadan sonra sanki Allah mənə güc verdi. Araşdırmalara başladım, həqiqətin axtarışına çıxdım. İlahi dinlərə aid kitabları oxudum. Ancaq heç birində İslam və Quran qədər məni rahatladan hissi tapa bilmədim. Və müsəlman olmağa qərar verdim”.

267
Teqlər:
islam, Quran, Yusuf İslam, Ket Stivens, Rəcəb Tayyib Ərdoğan, Türkiyə
Tibbi maskada olan qızlar, arxiv şəkli

Koronavirusla mübarizəyə həsr olunmuş beynəlxalq fotomüsabiqə elan olunub

4
Müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

BAKI, 23 noyabr — Sputnik. Rusiyanın TASS agentliyinin təşkilatçılığı ilə "Koronavirusla mübarizəyə həsr olunmuş xəbərlər üzrə foto mükafatları" müsabiqəsi elan olunub.

Sputnik Azərbaycan xəbər verir ki, müsabiqə dünyanın bütün yerlərindən olan peşəkar fotomüxbirlər üçün açıqdır. Kütləvi informasiya vasitələrində çalışan peşəkar xəbər fotoqrafları müsabiqədə iştirak edə bilər.

Bu, COVID-19 pandemiyası ilə mübarizə mövzusuna həsr olunmuş beynəlxalq fotomüsabiqədir. Təqdim edilən fotoşəkillər yalnız pandemiya ilə əlaqəli olmalıdır. Müsabiqənin şərtlərinə görə yalnız əvvəllər mediada yayımlanan fotoşəkillər keçərlidir.

Birinci yerin qalibinə 10 min dolları veriləcək.

Ətraflı məlumat almaq və müraciət etmək üçün https://npacontest.com/ ünvanına daxil olun

4
Teqlər:
müsabiqə, COVID-19, Koronavirus
İmza, arxiv şəkli

Ermənistanda daha bir nazir vəzifəsindən azad edilib

8
Dağlıq Qarabağdakı separatçıların lideri Araik Arutyunyanın tam adaşı olan naziri Ermənistanda "supernazir" adlandırırdılar.

BAKI, 23 noyabr - Sputnik. Ermənistanın təhsil, elm, mədəniyyət və idman naziri Araik Arutyunyan vəzifəsindən azad edilib.

Sputnik Ermənistan-ın verdiyi xəbərə əsasən, bununla bağlı müvafiq fərmanı bu gün Ermənistan prezidenti Armen Sarkisyan imzalayıb.

Arutyunyanı nazir postunda Vaqram Dumanyan əvəz edib.

8
Teqlər:
nazir, Ermənistan, azad edilmə