Ağ Ev

Vaşinqtondan Tehrana sərt təhdid: "Aman verməyəcəyik"

3607
Maykl Flayn: "İran dövlətinin son vaxtlar sərgilədiyi rəftar Yaxın Şərqdəki tarazlığı pozur. Tehran bilsin ki, Tramp Obama deyil."

BAKI, 2 fev — Sputnik. ABŞ prezidenti Donald Trampın Milli Təhlükəsizlik üzrə müşaviri Maykl Flayn, ballistik raket sınağı həyata keçirən İrana rəsmi xəbərdarlıq etdiklərini açıqlayıb. "İran dövlətinin son vaxtlar sərgilədiyi rəftar Yaxın Şərqdəki tarazlığı pozur və bu, dəlilikdir. Tehran bilsin ki, Tramp Obama deyil. Heç nəyə göz yumulmayacaq" — deyə müşavir bildirib.

Sputnik Azərbaycan Wall Street Journal-a istinadən xəbər verir ki, respublikaçı senatorlar Marko Rubio, Todd Yanq və Con Kornın hazırladığı, İrana qarşı ağırlaşdırılmış sanksiyaların tətbiqi barədə qanun layihəsi Konqresin gündəliyinə salınıb. Senator Marko Rubio öz saytında bu haqda yazıb: "Obama administrasiyasının görməməzliyi ucbatından İran terrorçuluğu rahat dəstəkləyə bilirdi. İndi buna "Dur!" deməyin, müqavimət göstərməyin vaxtı çatıb".

Amerikadan edilən hədə dolu açıqlamalara İranın müdafiə naziri Hüseyn Dehqan belə cavab verib: "Heç bir xarici dövlətin milli müdafiə ilə bağlı gördüyümüz işlərə müdaxiləsinə imkan verməyəcəyik".

3607
Teqlər:
Maykl Flayn, Donald Tramp, İran, Yaxın Şərq, ABŞ
Əlaqədar
ABŞ-da sensasion qətnamə: İrana qarşı müharibə icazəsi
İran Astana danışıqlarında ABŞ-ın iştirakına qarşı çıxıb
ABŞ gəmisi İran donanmasına atəş açıb
"ABŞ imkan verməz ki, Rusiya-Türkiyə-İran üçlüyü onun planını pozsun"
İran prezidenti ABŞ-ı hədələdi
İran ABŞ-la nüvə razılaşmasını poza bilər
Fransız şirkət İrana təyyarə satmaq üçün ABŞ-dan icazə aldı
Aleksey Navalnıy, arxiv şəkli

Navalnı Putinin sarayını axtarır

0
(Yenilənib 18:18 20.01.2021)
"Bir sarayın hovuzuna Putinin Yeniseydə üzdüyü kadrları montaj ediblər, o kadrları da bütün dünya görüb"

BAKI, 20 yanvar - Sputnik. Bloger və müxalifətçi Aleksey Navalnının Rusiya Prezidenti Vladimir Putinin Gəlincikdə sarayını araşdırması barədə xəbərləri Kremldə “cəfəngiyyat” və “kompilyasiya” kimi dəyərləndiriblər.

Sputnik Azərbaycan RİA Novosti-yə istinadən bildirir ki, yaxınlarda Navalnının komandası prezidentin Qara dəniz sahilində 100 milyard dollara saray tikdirdiyi barədə material yayıb.

“Bilirsiniz ki, bu mövzu üç-dörd il əvvəl ortaya atılmışdı. İndi də bu konkret halda həmin insinuasiyadan istifadə etməklə boş-boş danışırlar. Özü də heç özlərinə azacıq əziyyət verib nəyisə sübut etməyə, heç olmasa, şəklini göstərməyə də cəhd göstərmirlər”, - Putinin sözçüsü Dmitri Peskov deyib.

Onun fikrincə, bu işdə “yeganə yenilik” “monatj hekayələri”ndən istifadə olunmasıdır.

“Hansısa bir sarayın hovuzuna Putinin Yeniseydə üzdüyü kadrları montaj ediblər, hansı ki, o kadrları da bütün dünya görüb”, - Kremlin nümayəndəsi bildirib.

Peskov vurğulayıb ki, prezidentin administrasiyasının “bununla maraqlanmaq üçün azacıq da olsa həvəsi yoxdur”.  

“Dövlət başçısına qarşı hazırlanmış və hazırlanmaqda olan informasiya hücumlarından çoxdan xəbərimiz var. Təəssüf ki, onlar olub və olacaq. İndi prezidentə onun olmayan bir şeyi şamil etmək istəyirlər. Prezidentin bütün mülkiyyəti hər il özü tərəfindən bəyan edilir, deklarasyada göstərilir”, - Peskov deyib.

0
Teqlər:
Dmitri Peskov, Kreml, Qara dəniz, saray, Vladimir Putin, Aleksey Navalni
Donald Tramp, arxiv şəkli

"Qayıdacam" - Tramp Evdən necə getdi - VİDEO

2
Bu gün Donald Tramp Ağ Evi tərk edib. Ancaq KİV-də dolaşan "Tramp daha prezident olmayacaq" iddialarına rəğmən, o qayıdacağına söz verib. Prezidenti Sinatranın ifası ilə yola salıblar

BAKI, 20 yanvar - Sputnik. Ağ Evi tərk edən ABŞ Prezidenti Donald Tramp tərəfdaşlarına "bu və ya başqa formada" geri dönəcəyini söz verib. 

"Sizi sevirik. Bu və ya başqa formada qayıdacağıq... Qoy hər işiniz yaxşı olsun. Tezliklə görüşənədək", - Vaşinqtonu tərk edib Floridaya uçmazdan əvvəl "Endryus" aviabazasında toplaşmış qohumları və tərəfdarları qarşısında çıxış edən Tramp deyib. 

​O, vitse-prezident Mayk Pensə və Konqresə xüsusi minnətdarlıq edərək birlikdə yaxşı işlədiklərini vurğulayıb. 

Bundan sonra o, ailəsinin yanına qayıdıb, qızı Tiffanini qucaqlayıb, təyyarəyə doğru yönələrkən isə qayıdaraq Ağ Evin sabiq başçısı Mark Midousun əlini sıxıb və fəxri qarovulun müşayiəti ilə prezident təyyarəsinə minib. Təyyarə havaya qalxanda isə aviabazada Frenk Sinatranın ifasında "My Way" (Mənim yolum) mahnısı səsləndirilib.

2
Teqlər:
tərk etmək, Ağ Ev, Donald Tramp