Mövlud Çavuşoğlu

Kipr müzakirələri yanvarın 18-də davam edəcək

15
(Yenilənib 11:45 13.01.2017)
Danışıqlar başa çatdıqdan sonra zamin ölkələrin xarici işlər nazirləri konkret təkliflər hazırlayacaqlar

BAKI, 13 yan — Sputnik. Türkiyənin xarici işlər naziri Mövlud Çavuşoğlu Cenevrədə keçirilən Kipr müzakirələrindən sonra jurnalistlərə açıqlama verib. Sputnik xəbər verir ki, o, məsələnin qısa müddətdə həll olunmasının vacibliyinə toxunaraq, uzun-uzadı danışıqların problemə yardımçı olmadığını söyləyib.

"Biz əbədiyyətə qədər danışıqlar apara bilmərik. Bacardığımız qədər tez bir zamanda bu məsələni yekunlaşdırmalıyıq" — nazir bildirib.

Yunanıstan tərəfinin xahişi ilə danışıqların daha 1 həftə uzadıldığını deyən Çavuşoğlu əlavə edib ki, müzakirələr yanvarın 18-də mütəxəssislərin iştirakı ilə davam etdiriləcək.

Nazir bildirib ki, danışıqlar başa çatdıqdan sonra zamin ölkələrin — Türkiyə, Yunanıstan və İngiltərənin xarici işlər nazirləri konkret təkliflər hazırlayacaqlar. Şimali və cənubi Kipr rəhbərləri BMT-nin də köməyi ilə yenidən bir araya gələcək və təkliflər dəyərləndiriləcək. Çavuşoğlu sonda, Kipr məsələsinin həllində hər kəsin səmimi olmasının vacibliyinə toxunub.

15
Teqlər:
xarici işlər naziri, Kipr, Mövlud Çavuşoğlu, Türkiyə, müzakirə
Əlaqədar
Kiprdə tarixi görüş keçirilib
Kipr probleminin həllində sona az qalıb?
Sergey Lavrov Kiprdə Türkiyədən danışdı
Kiprin müsəlman və xristian din adamları sülh istəyirlər
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

12
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

12
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

15
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

15

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0