Трехногая девушка

Üç ayaqlı qız dünyanı şoka saldı

1156
Araşdırmaçılar belə, üçüncü ayağın necə yarandığını tapa bilməyiblər

BAKI, 11 yan — Sputnik. Şəkillərin yüklənməsi, saxlanılması və paylaşılması üçün istifadə olunan "Imgur" online xidmətinin auditoriyası yeni bir optik illüziya kəşf edib. Belə ki, ilk baxışdan şəkildə təsvir olunan qızın üç ayağı olduğu görünür.

Sputnik RİA Novosti-yə istinadən xəbər verir ki, yüzdən çox "Imgur" istifadəçisi şəklin altındakı şərhlərdə tapmacanı həll etməyə çalışıblar. Bir sutka ərzində şəkil 200 mindən artıq baxış əldə edib. Bəzi istifadəçilər hətta etiraf ediblər ki, onlar uzun araşdırmadan sonra da üçüncü ayağın necə yarandığını tapa bilməyiblər.

Əslində, optik illüziyanın sirri olduqca sadədir. Şəkildəki qız əlində güldan tutub. Onu şəklin sol tərəfinə diqqətlə baxarkən görmək olar. Lakin bəzi istifadəçilər sirri bildikdən sonra da şəkildə üç ayaq gördüklərini bildiriblər.

Qeyd edək ki, şəkil 2012-ci ildə çəkilib, lakin diskussiya iştirakçıları əvvəllər onu görməyiblər.

1156
Teqlər:
istifadəçi, "Imgur", ayaq, şəkil, illüziya, qız
Əlaqədar
Qız qaçırmağın yeni forması meydana çıxıb
19 yaşlı qız sirkə turşusundan zəhərlənib
Oğlana aşiq olan gənc qız qəddar insana çevrildi
Azərbaycanda qız anasını döyərək çaya atıb
Bakıda gənc qız "Mercedes” qaçırdı
Bacısının əri ilə qaçan 14 yaşlı qız tapıldı
Sevgisini ləkədən qorumağa çalışan qız özünü çaya atır
Antoniu Quterreş, arxiv şəkli

BMT Baş katibi Azərbaycan Ermənistana müraciət etdi  

62
(Yenilənib 09:36 14.07.2020)
Antonio Quterreş tərəfləri vəziyyətin həlli istiqamətində addımlar atmağa, eləcə də təxribatçı ritorikadan çəkinməyə çağırıb

BAKI, 14 iyul – Sputnik. BMT-nin Baş katibi Antonio Quterreş Azərbaycan və Ermənistanı qarşıdurmaları dayandırmağa və münaqişənin həllinə başlamağa çağırıb.

Sputnik Azərbaycan xəbər verir ki, bu barədə BMT Baş katibinin rəsmi nümayəndəsi Stefan Düjarrik açıqlama verib.

“Baş katib hərbi əməliyyatların dərhal dayandırılmasına çağırır və iştirak edən tərəfləri vəziyyətin həlli istiqamətində addımlar atmağa, eləcə də təxribatçı ritorikadan çəkinməyə çağırır”, - məlumatda belə deyilir.

62
İtaliyada epdimioloji vəziyyət

Hələ gözlənilmir! Avropa iqtisadiyyatı vaxt bərpa olacaq?

112
(Yenilənib 23:27 13.07.2020)
Avropa pandemiyanın bir neçə il davam etməsinə və ardınca yeni epidemiyaların gəlməsinə hazırlaşmağa başlamalıdır.

BAKI, 14 iyul — Sputnik. Avropa İttifaqı (Aİ) ölkələrinin real ümumi daxili məhsulu (ÜDM) 2019-cu ilin səviyyəsinə yalnız 2022-ci ildə qayıdacaq.

Sputnik Azərbaycan xəbər verir ki, bu barədə Beynəlxalq Valyuta Fondunun (BVF) Avropa Departamentinin Direktoru Poul Tomsen məqaləsində bildirib.

Onun sözlərinə görə, 2020-ci ildə Aİ ölkələrinin real ÜDM-i 9,3 faiz azalacaq və yalnız bundan sonra tədricən bərpa olmağa başlayacaq.

Tomsen qeyd edir ki, iqtisadiyyatın artım tempinə koronavirusdan effektiv dərmanın yaradılması və ya xəstəliyin yeni dalğaları əhəmiyyətli dərəcədə təsir göstərə bilər.

Ekspert həmçinin deyib ki, böhrandan sonrakı iqtisadiyyat xeyli yenidənqurma tələb edəcək. O qeyd edib ki, hakimiyyət pandemiyanın bir neçə il davam etməsinə və ardınca yeni epidemiyaların gəlməsinə hazırlaşmağa başlamalıdır. Məhz buna görə də Avropa ölkələri uzun müddət ərzində sosial distansiya tədbirlərinə əməl etmək üçün yararlı olan yeni və daha ekoloji iqtisadiyyata can atmalıdır.

112

İyulun 20-dən sonra buraxılış qəbul imtahanları keçiriləcək

0
(Yenilənib 10:52 14.07.2020)
İyul ayında keçiriləcək imtahanların dəqiq tarixləri, onların keçiriləcəyi şəhər və rayonlar, eləcə də imtahanlarda iştirak edəcək kontingent haqqında məlumat imtahandan 1 həftə əvvəl DİM-in saytında yerləşdiriləcəkdir.

BAKI, 14 iyul – Sputnik. Dövlət İmtahan Mərkəzi tərəfindən iyulun 20-dən sonra növbəti buraxılış (qəbul) imtahanlarının keçirilməsi nəzərdə tutulur.

DİM-dən Sputnik Azərbaycan-ya verilən məlumata görə, imtahanlarla əlaqədar tədbirlər planı iyulun 14-də keçiriləcək DİM Direktorlar Şurasının iclasında müzakirə olunacaq və Nazirlər Kabineti yanında Operativ Qərargaha təqdim olunacaq.

Məlum olduğu kimi, Dövlət İmtahan Mərkəzi tərəfindən son bir ayda ölkə ərazisində buraxılış (qəbul) imtahanları keçirilir. Belə ki, xüsusi karantin rejimi tətbiq olunduqdan sonra Dövlət İmtahan Mərkəzi tərəfindən 1 iyun tarixində Nazirlər Kabineti yanında Operativ Qərargaha pandemiya şəraitində imtahanların keçirilməsi ilə əlaqədar tədbirlər planı təqdim olunub və Operativ Qərargah tərəfindən iyunun 10-dan etibarən imtahanların keçirilməsinə icazə verilib. 

Bundan sonra Mərkəz tərəfindən 10, 11, 18, 19 iyun tarixlərində bir sıra şəhər və rayonlarda 9 və 11-ci siniflər üzrə buraxılış imtahanları, 9-cu sinif təhsil bazasında kolleclərə qəbul imtahanları, 9 və 11-ci sinif şagirdləri üçün Azərbaycan dili (dövlət dili kimi) imtahanları keçirilib. Qeyd olunan tarixlərdə keçirilən imtahanlarda 86385 nəfər iştirak edib. 

İyunun 19-da isə Nazirlər Kabineti tərəfindən müəyyən şəhər və rayonlarda xüsusi karantin rejiminin sərtləşdirilməsi ilə bağlı qərar qəbul olunduğu və imtahanların keçirilməsinə icazə verilmədiyi üçün Mərkəz tərəfindən sərtləşdirilmiş rejim tətbiq olunmayan şəhər və rayonların ərazisində imtahanların keçirilməsi üçün yenidən Qərargaha müraciət olunmuş və 24-25 iyun və 2‑3 iyul tarixlərində növbəti buraxılış (qəbul) imtahanlarının keçirilməsi üçün razılıq əldə olunmuşdur. İyulun 10-da isə sərtləşdirilmiş rejim tətbiq olunmayan 41 şəhər və rayonda əvvəlki illərin məzunları üçün qəbul imtahanları keçirilmişdir. Beləliklə, 1 ay ərzində bu imtahanlarda ümumilikdə 142 mindən artıq şagird (abituriyent) iştirak etmişdir. İlk iki həftə ərzində keçirilmiş imtahanlarda iştirak edən bütün şəxslərin (86385 nəfər) nəticələri artıq elan olunmuşdur. Bundan əlavə 24-25 iyun və 2-3 iyul tarixlərində keçirilən 9-cu sinif buraxılış (qəbul), 9 illik təhsil bazasında kolleclərə qəbul, 9 və11 illik təhsil səviyyələri üzrə Azərbaycan dili imtahanları iştirakçılarının (29426 nəfər) da nəticələri elan olunmuşdur. Qeyd olunan tarixlərdə keçirilən imtahanlarda iştirak edən 11-ci sinif şagirdləri və 10 iyulda keçirilən imtahan iştirakçılarının nəticələri də elan edilmiş qrafikə uyğun DİM-in saytına yerləşdiriləcəkdir.

Qeyd etmək istərdik ki, keçirilən imtahanlarda ehtiyat tədbirləri çərçivəsində görülən işlərə əlavə olaraq iyunun 24-dən etibarən sərtləşdirilmiş karantin rejimi tətbiq olunan şəhər və rayonlarda yaşayan və DİM tərəfindən imtahanların idarə edilməsinə cəlb olunan hər bir əməkdaş COVID‑19 testindən keçirilib. Məlumat üçün bildiririk ki, görülən qabaqlayıcı tədbirlərin sayəsində indiyə qədər keçirilən imtahanlarda iştirakçılar və imtahan heyəti arasında koronavirusa yoluxma faktı qeydə alınmayıb.

Nəzərinizə çatdırırıq ki, Dövlət İmtahan Mərkəzi tərəfindən sərtləşdirilmiş karantin rejimi tətbiq olunan şəhər və rayonlarda buraxılış və qəbul imtahanlarının keçirilməsi üçün də tədbirlər planı hazırlanıb və aidiyyəti qurumlarla razılaşdırılır. Belə ki, bu bölgələrdən olan şagirdlərin (abiturieyntlərin) sayı 47000 nəfər təşkil edir. Tədbirlər planı iyulun 14-də keçiriləcək DİM Direktorlar Şurasının iclasında müzakirə olunacaq və Nazirlər Kabineti yanında Operativ Qərargaha təqdim olunacaq. Qərargah tərəfindən icazə veriləcəyi təqdirdə iyulun 20-dən sonra növbəti 2 həftə ərzində və hər həftə 2 dəfə olmaqla hazırda sərtləşdirilmiş karantin rejimi tətbiq olunan rayon və şəhərlərdə buraxılış (qəbul) imtahanlarının keçirilməsi nəzərdə tutulur. Qeyd olunmalıdır ki, bu imtahanlarda iştirakçıların kütləviliyinin azaldılması məqsədilə kolleclərə (və ya hərbi liseylərə) ərizə verməyən 9-cu sinif şagirdləri iştirak etməyəcəklər. Bu şagirdlər üçün buraxılış imtahanı sentyabr ayında keçiriləcək. Həmçinin ali məktəblərə (kolleclərə) sənəd verməyən və buraxılış imtahanlarında iştirak etməyən 11-ci sinif məzunları üçün də sentyabr ayında buraxılış imtahanları keçiriləcək.

İyul ayında keçiriləcək imtahanların dəqiq tarixləri, onların keçiriləcəyi şəhər və rayonlar, eləcə də imtahanlarda iştirak edəcək kontingent haqqında məlumat imtahandan 1 həftə əvvəl DİM-in saytında yerləşdiriləcəkdir.

Daha sonrakı həftələrdə isə sanitar epidemioloji vəziyyətin əlverişli olacağı və Operativ Qərargah tərəfindən icazə veriləcəyi təqdirdə ali təhsil müəssisələrinə qəbul imtahanlarının ikinci mərhələsinin (blok imtahanları) keçirilməsi nəzərdə tutulur. Bu imtahanlarda 73000 abituriyentin iştirakı nəzərdə tutulur.

Qeyd edək ki, imtahan keçiriləcək tarixlərdə hansısa rayon və şəhərdə sərtləşdirilmiş karantin rejimi tətbiq olunarsa, həmin bölgələrdəki imtahan iştirakçıları haqqında məlumat bazası aidiyyəti qurumlara təqdim ediləcək, imtahan iştirakçılarının və ehtiyac olarsa, iştirakçını müşayiət edən bir nəfərin imtahan binasına gedib və imtahandan sonra qayıtmasına icazə veriləcək.

İndiki şəraitdə bizim əsas məqsədimiz koronavirusla mübarizə əlehinə görülən tədbirlərə dəstək olmaq və ictimai sağlamlığın qorunub saxlanılmasına töhfə verməkdir. Abituriyentlərin və onların valideynlərinin, eləcə də müəllimlərin narahatlığı başa düşüləndir. Lakin hər bir şəxs bu həssas məqamda səbir nümayiş etdirməli, təşvişə düşməməli və adi qaydada öz imtahanlarına hazırlaşmalıdır. Mərkəz tərəfindən əvvəlki imtahanlarda olduğu kimi, bundan sonra da keçiriləcək imtahanlarda obyektivlik və ədalətlilik prinsipləri qorunmaqla, abituriyentlərin tam təhlükəsiz şəraitdə imtahan verməsi təmin olunacaqdır.

0