Yer kürəsi,arxiv şəkli

Rusiya ilə ABŞ bir-birinə girəcək

11485
(Yenilənib 16:34 28.12.2016)
Yer planetində yeni materik əmələ gəlir

BAKI, 28 dek — Sputnik. Rusiyanın Yer Qabığı İnstitutunun (İrkutsk) əməkdaşları apardıqları araşdırmalar nəticəsində sübut ediblər ki, gələcəkdə Şimali Amerika, Yaponiya adası və Avrasiyadan ibarət yeni qitə yaranacaq. Sputnik xarici mətbuata istinadən xəbər verir ki, alimlər Şimali Amerika kontinental platformasının hərəkətini analiz edəndən sonra bu qənaətə gəliblər.

O, tədricən Sibir platformasına tərəf sürüşür. 600 mln. İl bundan əvvəl nəhəng qitədə, sahəsi 24 mln. kvadrat kilometrə çatan çatlar əmələ gəlib. Bu çatlar nəticəsində yeni okean yaranıb. Amma hazırda Şimali Amerika və Avrasiya yenidən yaxınlaşır. Alimlər əmindirlər ki, bu nəhəng quru sahələri yenidən birləşəcək. Amma bu, 30 mln. ildən tez baş verməyəcək.

RF Elmlər Akademiyasının müxbir üzvü Dmitri Qladkoçub bildirib ki, hazırki Şimal platforması Avrasiya plitəsinin bir hissəsidir. Hələ 2,5 mln. il əvvəl o, mövcud deyildi: "Səpələnmiş mikroplitələr mövcud olub və hazırda Sibir kratonu adlandırılan bu blokların vahid strukturda birləşməsi 1,9 mlrd il əvvəl baş verib."

Amma planetimizdə geoloji proseslər dayanmadan gedir. Milyon ildən sonra Yerdə yeni materik əmələ gələcək.

11485
Teqlər:
cənub, şimal, qitə, materik, alim, Avrasiya, Amerika, Rusiya, ABŞ
Əlaqədar
İki qitəni birləşdirən Yavuz Sultan Səlim körpüsü açıldı
Azərbaycanın qitə miqyaslı “Asan daşıma” strategiyası
"Qitələrarası Kubok" uğrunda mübarizə gedəcək
"Qitələrarası Kubok"dan 1 gümüş medal qazana bildik
Uesli Sneyder, arxiv şəkli

Holland ulduz yenidən "Qalatasaray"da

0
(Yenilənib 13:17 25.05.2020)
Uesli Sneyderin bu vəzifədə bu yaxınlarda istefa verən Hasan Şaşı əvəzləməsinin mümkünlüyü vurğulanıb.

BAKI, 25 may — Sputnik. Niderland millisinin sabiq futbolçusu Uesli Sneyder "Qalatasaray"a qayıda bilər. Sputnik Azərbaycan Türkiyə mətbuatına istinadən xəbər verir ki, onun İstanbul klubunda baş məşqçi Fatih Terimin köməkçisi təyin oluna biləcəyi iddia edilib. Sneyderin bu vəzifədə istefa verən Hasan Şaşı əvəzləməsinin mümkünlüyü vurğulanıb.

Qeyd edək ki, Uesli Sneyder 2013-2017-ci illərdə Türkiyənin "Qalatasaray" futbol klubunun şərəfini qoruyub. Türk klubunun heyətində 125 oyunda yaşıl meydançaya çıxan ulduz futbolçu 35 dəfə rəqib qapıçılarını məyus ediub.

0
Tibb işçiləri koronavirus xəstələrini qəbul edirlər

Qonşu ölkədə koronavirusa yoluxanların sayı kəskin şəkildə artdı

6
Ermənistanda son gündə daha 6 nəfər ölüb. Ümumilikdə bu virusdan ölənlərin sayı 87-yə çatıb. Xəstəlikdən sağalanların sayı 3145 olub. Hazırda bu ölkədə olan 3842 nəfər xəstəxanada müalicə alır.

BAKI, 25 may — Sputnik. Ermənistanda koronavirusa yoluxanların sayı 7113-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, son 24 saat ərzində bu virusa yoluxanların sayı daha 452 nəfər artıb.

Ermənistanda son gündə daha 6 nəfər ölüb. Ümumilikdə bu virusdan ölənlərin sayı 87-yə çatıb. Xəstəlikdən sağalanların sayı 3145 olub. Hazırda bu ölkədə olan 3842 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 5,4 milyonu keçib, 345 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

6
Millət vəkili Fazil Mustafa, arxiv şəkli

Fazil Mustafa: Sputnik-ə etibarlılığı ilə bağlı bir dəfə olsun iradımız olmayıb

7
(Yenilənib 14:48 25.05.2020)
"Sputnik informasiya portalı ilk növbədə xəbərin və ya mövqenin ictimaiyyətə çatdırılma peşəkarlığında olan fərqinə görə rəğbət qazanıb".

BAKI, 25 may — Sputnik. Sputnik informasiya portalı ilk növbədə xəbərin və ya mövqenin ictimaiyyətə çatdırılma peşəkarlığında olan fərqinə görə rəğbət qazanıb.

Böyük Quruluş Partiyasının sədri, millət vəkili Fazil Mustafa Sputnik Azərbaycan-ın beş illik yubileyi ilə bağlı agentliyə ünvanladığı təbrik zamanı belə deyib.

"Bu məkanda əslində 5 il kifayət qədər böyük müddətdir və bu müddətdə stabil öz dəst-xəttini qoruyub saxlamaq elə də asan iş deyil. Bu da görünür jurnalist və texniki personalın müasir media texnologiyasının tələblərinə ciddi yanaşması ilə bağlıdır. Bu portalda informasiyanın təqdimetmə üsulu çox vaxt mətn və video sintezində verilməklə onu daha diqqətçəkici edir. Uzun müddətdir Sputnik ailəsi ilə bizim də bir siyasətçi olaraq əməkdaşlığımız var və peşəkarlığı ilə bağlı bir dəfə də olsun iradımız olmayıb. Səhifəsində də yerləşdirən informasiyaların etibarlılığına da hansısa iradımız olmayıb. Bu, təbii ki, kollektivin birgə əməyinin nəticəsidir və düşünürəm ki, Sputnik informasiya məkanımızda öz aparıcı mövqeyini bundan sonra da qoruyub saxlayacaq", - deyə millət vəkili bildirib.

Fazil Mustafa saytın bütün əməkdaşlarını 5 illik yubiley münasibəti ilə təbrik edib, daha böyük uğurlara imza atmalarını diləyib.

7