Moldovanın və Avropa İttifaqının bayraqları, arxiv şəkli

Bu ölkə Avropa İttifaqından rəsmən imtina etdi

495
(Yenilənib 20:10 26.12.2016)
Prezident Administrasiyasının binası üzərindən Aİ bayraqları endirilib

BAKI, 26 dek — Sputnik. Bu gün Avropa İttifaqının (Aİ) bayrağı Moldova Prezident Administrasiyasının binası üzərindən endirilib. Sputnik RİA-ya istinadən xəbər verir ki, bununla yanaşı, dövlət başçısının saytının rumın dilində olan versiyası da moldovan dili ilə əvəz olunub.

İqor Dodon
© AP Photo / Andreea Alexandru

Digər dövlət binalarının və Nazirlər Kabinetinin üzərindəki Aİ bayraqları isə hələ qalır. Prezident Administrasiyasından bildiriblər ki, yeni seçilmiş prezident İqor Dodon konstitusiyaya hörmətlə yanaşır və hamını belə davranmağa səsləyir. O da məlum olub ki, baş verənlərlə bağlı Dodon bu yaxınlarda rəsmi açıqlama verəcək.

Dadon dekabrın 23-də vəzifəsinin icrasına başlayıb. Özünün seçkiöncəsi proqramına uyğun olaraq, o, Moldovo məhsullarının Rusiya bazarına qaytarılması və ikitərəfli iqtisadi münasibətlərin səhmana salınması istiqamətində addımlar atacaq.

Konstitusiyaya görə, respublikanın dövlət dili latın qrafikasına əsaslanan Moldova dili hesab olunur. Ancaq 2013-cü ilin dekabrın 5-də Konstitusiya Məhkəməsi dövlət dilinin Rumın dili olması haqqında qərar qəbul etmişdi.

Xatırladaq ki, Moldovada bu il keçirilən prezident seçkilərinin ikinci turunda rusiyameylli Sosialistlər Partiyasının lideri İqor Dodon qalib gəlib. İkinci turda mübarizə Dodonla, qərbyönümlü "Fəaliyyət və həmrəylik" partiyasının lideri Mayya Sandu arasında gedib.

Seçkiöncəsi proqramında sosialistlərin lideri bəyan etmişdi ki, Rusiya ilə strateji əməkdaşlıq münasibətlərinin bərpasına çalışacaq, Moldova məhsullarının Rusiya bazarlarına qaytarılması və energetika sahəsində münasibətlərin normallaşdırılması istiqamətində fəaliyyət göstərəcək.

495
Teqlər:
rumın, Sosialistlər Partiyası, İqor Dodon, dil, , Avropa İttifaqı, Moldova, bayraq, seçki
Əlaqədar
Avropa İttifaqı Rusiyaya qarşı sanksiyaların müddətini uzatdı
Avropa İttifaqından vacib Türkiyə açıqlaması
Avropa İttifaqı sürətlə populyarlığını itirir
Ərdoğan Avropa İttifaqını hədələdi
"Avropa İttifaqının arxasınca sürünməyin mənası yoxdur"
Avropa İttifaqı Türkiyə ilə müzakirələrin dayandırılması təklifini qəbul etmədi
Avropa İttifaqının xüsusi nümayəndəsi Azərbaycana gəlir
 Braziliyada epidemioloji vəziyyət

Virusdan ölənlərin sayı getdikcə artır

4
(Yenilənib 12:35 04.07.2020)
Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

Eldar Tanrıverdiyev, Sputnik Azərbaycan

BAKI, 4 iyul — Sputnik. Dünyada koronavirusa yoluxanların sayı 11 078 760-a çatıb. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 525 191 nəfər vəfat edib, 5 875 364 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 2 milyon 794 min 321 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 666 941 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

4
İT mütəxəssisi Vahid Qasımov

İT mütəxəssisi: “5G-nin insan bədəninə ziyanından danışmaq əsassızdır”

80
(Yenilənib 11:44 04.07.2020)
İT mütəxəssisi Vahid Qasımov deyir ki, necəki 3G, 4G texnologiyaları tətbiq edilməyə başlayanda müxtəlif nağıllar danışılırdısa, indi də daha geniş imkanlara sahib 5G haqqında belə nağıllar dolaşır
Vahid Qasımov: “Azərbaycanda 5G texnologiyasının sürətlə yayılması ehtimalı aşağıdır”

Azərbaycanda 5G texnologiyası tətbiq olunmur. Bu barədə Nəqliyyat, Rabitə və Yüksək Texnologiyalar Nazirliyindən bildirilib.

İT mütəxəssisi Vahid Qasımov Sputnik Azərbaycan-a deyir ki, 5G texnologiyası bizim gündəlik istifadə etdiyimiz mobil internet texnologiyalarının yeni versiyasıdır:

“Necəki 3G, 4G texnologiyaları tətbiq edilməyə başlayanda müxtəlif nağıllar danışılırdısa, indi də daha geniş imkanlara sahib 5G haqıqnda belə nağıllar dolaşır. Bu texnologiyalarından istifadə olunması ilə bağlı beynəlxalq təşkilatlar təfindən müəyyən qaydalar hazırlanır və ondan sonra tətbiq edilməyə başlanır. Ona görə də 5G-nin insan bədəninə hansısa ziyanından danışmaq hazırkı məqamda əsassızdır. Artıq 5G şəbəkələri dünyanın 20-25 ölkəsində aktiv şəkildə tətbiq edilir. Azərbaycanda isə 5G texnologiyasının sürətlə yayılma ehtimalı aşağıdır”.

Vahid Qasımovun geniş şərhinə audiofaylda qulaq asa bilərsiniz

80
Heroin, arxiv şəkli

Bakı sakini karantin zamanı da öz əməlindən qalmırmış

0
Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

BAKI, 4 iyul — Sputnik. Bakıda karantin rejimini pozan şəxsdə narkotik maddə aşkarlanıb.

Sputnik Azərbaycan-ın məlumatına görə, Qasımov Rəşad Ramiz oğlu hüquq-mühafizə orqanları tərəfindən karantin qaydalarını pozduğu üçün saxlanılıb.

Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

O, saxlanılan zaman hüquq-mühafizə orqanının əməkdaşlarına zor tətbiq edib.

R.Qasımov barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda), 206.4-cü (qaçaqmalçılıq) , 234.4.3-cü (narkotik maddələrin qanunsuz dövriyyəsi, külli miqdarda törədildikdə), 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə), 318.2ci (dövlət sərhədini qanunsuz olaraq keçmə) maddələri ilə ittiham verilib.

Nəsimi rayon Məhkəməsində istintaq orqanının təqdimatı əsasında R.Qasımov barəsində 4 aylıq həbs qətimkan tədbiri seçilib.

0