Fransada miqrant

Miqrant böhranı avropalıları cana doydurub

162
(Yenilənib 13:08 22.12.2016)
Avropa ölkələrinin əhalisinin əksəriyyəti hesab edir ki, bu sahədə vəziyyət son bir ildə daha da pisləşib

BAKI, 22 dek — Sputnik. Sputnik.Rəy sorğusunun nəticələrinə görə, İtaliyada (79%), Fransada (67%) və Böyük Britaniyada (53%) əhalinin çox hissəsinin fikrincə, ölkələrində miqrantlarla bağlı vəziyyət son bir ildə daha da pisləşib. Almaniya və İspaniyada narazı olanlar 45%, Polşada isə, ən az 35% təşkil edib. 

Miqrantlarla bağlı vəziyyətin müsbətə doğru dəyişməsini almaniyalılarının, yalnız 16, Fransa, İspaniya və Böyük Britaniya əhalisinin 7, Polşa əhalisinin 6, italiyalıların isə cəmi 2%-i düşünür.

Narazı olanlar, əsasən 35 yaşdan yuxarı insanlar və sağ təmayüllü partiyaların tərəfdarlarıdır. Polşa və Almaniya burada istisna təşkil edir. Birinci ölkədə müxtəlif siyasi baxışların tərəfdarları, ikincisində isə ayrı-ayrı yaş qruplarından olanların cavabları arasında elə də böyük fərq yoxdur.

ABŞ-da miqrantlarla bağlı vəziyyətin pisləşdiyini əhalinin 38%-i qeyd edib. Bu ölkədə məsələ ilə bağlı müsbət dəyişikliklərin olduğunu 19%, heç bir dəyişiklik olmadığını 33% əhali düşünür.

Sorğu Fransanın IFop şirkəti tərəfindən 2016-cı ilin 22-26 oktyabr tarixlərində keçirilib. Sorğuda Fransada, Almaniyada, İtaliyada İspaniyada, Polşada, Böyük Britaniyada və ABŞ-da 18 yaşından yuxarı 7043 respondent iştirak edib. Ölkə üzrə maksimal səhv göstəricisi +/- 3,1% təşkil edir. Sorğu Ifop şirkəti tərəfindən Sputnik informasiya agentliyi və radiosunun sifarişi ilə həyata keçirilib.

Sputnik.Rəy layihəsi haqqında

İctimai rəyin öyrənilməsi üzrə bu beynəlxalq layihə 2015-ci ilin yanvarından start götürüb. Layihənin tərəfdaşları kimi məşhur tədqiqat şirkətləri "Populus", "Forsa" və ictimai sorğu keçirən qocaman şirkətlərdən biri Ifop çıxış edir. Layihə çərçivəsində ən aktual məsələlər üzrə mütəmadi olaraq Avropa və ABŞ-da sorğular aparılır.

Sputnik (sputniknews.com) — onlarla ölkədə informasiya və multimediya bölmələri fəaliyyət göstərən xəbər agentliyi və radiodur. Sputnik 30 dildə saytları, analoq və rəqəmsal radioyayımı, mobil tətbiqləri və sosial şəbəkələrdə səhifələri özündə birləşdirir. Sputnik xəbər lentləri abunəçilər üçün gün boyu ingilis, ərəb, ispan və çin dillərində çıxır.

162
Teqlər:
vəziyyət, Sputnik.Rəy, Sputnik, sorğu, İtaliya, Fransa, miqrant, Böyük Britaniya
Əlaqədar
Hər il Rusiyaya 17 milyon miqrant gəlir
Liviya sahillərində yüzlərlə miqrant batıb
Türkiyəyə sığınan suriyalı miqrantlar geri qaytarılır
Suriyalı miqrantlar İspaniyada üsyan qaldırdı
Aralıq dənizində dəhşətli miqrant faciəsi yaşanır
İtaliya sahillərində 1000-dən çox miqrant xilas olunub
Çexiya bu il miqrant qəbul etməyəcək
Neft buruğu, arxiv şəkli

Azərbaycan nefti bahalaşır

3
(Yenilənib 11:15 16.04.2021)
"Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub

BAKI, 16 aprel — Sputnik. Azərbaycan neftinin qiyməti bahalaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,12 dollar artaraq 66,04 dollar təşkil edib.

“Brent” markalı neftin qiyməti 0,38 dollar artaraq 67,32 dollar, “Light” markalı neftin qiyməti isə 0,36 dollar bahalaşaraq 63,84 dollar olub.

Qeyd edək ki, "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

3
Teqlər:
"AzeriLight" markalı neft, Azərbaycan, neft
Mövzu:
Neft qiymətləri ətrafındakı ajiotaj
İstanbul şəhərinə mənzərə, arxiv şəkli

İstanbul polisi "Montrö məktubuna" imza atmış admiralların evində axtarışa başladı

5
(Yenilənib 11:05 16.04.2021)
Ankara Baş Prokurorluğu 6 istefada olan admiralla 1 generalın ifadə vermək üçün prokurorluğa çağırıldığını bildirib.

BAKI, 16 aprel — Sputnik. İstanbul Polisi Montrö Konvensiyası barədə açıq məktuba imza atmış istefada olan admirallardan yeddisinin evində axtarışa başlayıb. Sputnik Azərbaycan Türkiyə mətbuatına istinadən bildirir ki, Ankara Baş Prokurorluğu isə admiralların bəyannaməsi ilə bağlı 6 istefada olan admiralla 1 generalın ifadə vermək üçün prokurorluğa çağırıldığını bildirib.

Qeyd edək ki, aprelin 4-də Türkiyənin 104 istefada olan admiralı bəyannamə dərc edərək Montrö Konvensiyasını Bosfor və Dardanel boğazlarına suveren hüquqlarını bərpa edən Türkiyənin diplomatik qələbəsi adlandırıb. Admirallar Qara dənizlə Mərmərə dənizini birləşdirəcək və Bosfor boğazına paralel olacaq "İstanbul" kanalı layihəsi ilə bağlı həmin razılaşmaya yenidən baxılması barədə müzakirələri yersiz adlandırıblar. Həmçinin məktubda Türkiyədə qüvvədə olan Konstitusiyanın saxlanmasına çağırışlar da öz əksini tapıb.

Aprel ayının 5-də isə Türkiyə polisi Montrö Konvensiyasını dəstəkləyən bəyannaməyə imza atmış bir qrup istefada olan admiralı həbs edib.

5
Məktəbdə qız, arxiv şəkli

Valideynlərin nəzərinə: övladlarınızı COVID-19-dan belə qoruyun

0
(Yenilənib 11:25 16.04.2021)
"İmmunitetin gücləndirilməsində yuxunun böyük əhəmiyyəti var. Uşaqlar hər gün eyni vaxtda yatmalı, səhərlər yuxudan doymuş halda oyanmalıdırlar".

BAKI, 16 aprel — Sputnik. Mərkəzi Gömrük Hospitalının pediatr-neonatoloqu Aygün Sadıxova “Həkim məsləhəti” rubrikasında “Uşaqları COVID-19 xəstəliyindən necə qoruya bilərik?” sualını cavablandırıb. Spiutnik Azərbaycan-ın xəbərinə görə, həkim uşaqların yeni növ koronavirusun yayılmasında daha fəal rol oynadığını deyib: "COVID-19 pandemiyası yeni başlayan dövdə uşaqların virusa yoluxmaları nadir hal sayılırdı. Hazırda isə bütün dünyada minlərlə uşağın bu təhlükəli xəstəliyə yoluxması halları qeydə alınıb. Uşaqlar əvvəllər olduğu kimi yenə parklarda, meydançalarda bir-biri ilə oynayırlar. Onların bir-birindən yoluxub gizli daşıyıcı ola biləcəyini nəzərə alsaq, deyə bilərik ki, uşaqlar yeni növ koronavirus infeksiyasına yoluxmada fəal rol oynayırlar. Ona görə də bu gün uşaqlarımızın COVID-19 xəstəliyindən qorunması məsələsi çox aktualdır".

"Uşaq həkimi kimi məsləhət görərdim ki, bütün valideynlər uşaqlara gigiyenik qaydalara riayət etməyi, sosial məsafə saxlamağı öyrətsinlər. Əlbəttə ki, uşaqların öz nənə və babalarının, başqa qohumlarının yanına qonaq getməsi yaxşı haldır, amma pandemiya dövründə bu, yaşlı insanları yoluxma təhlükəsi ilə qarşı-qarşıya qoymaq deməkdir. Bu kontaktları minimuma endirmək məsləhətdir. Həmçinin, uşaqların bir-biri ilə tez-tez ünsiyyətdə olmasını da azaltmaq lazımdır. Böyük bayram tədbirlərindən, ad günlərindən isə hələlik uzaq olmaları yaxşıdır", - deyə o əlavə edib.

O bildirib ki, uşaqların virusa yoluxmaması üçün onların immunitetinin də möhkəmləndirilməsinə diqqət yetirmək lazımdır: "Burada ilk növbədə, onların sağlam qidalanması və düzgün tərtib edilmiş gündəlik rejim mühüm rol oynayır. Gündəlik qida rasionunda zülalların kifayət qədər yer tutması zəruridir. Uşaqlar hər gün ət, kəsmik, süd məhsulları, vitamin və minerallarla zəngin meyvə-tərəvəz qəbul etməlidirlər".

"İmmunitetin gücləndirilməsində yuxunun böyük əhəmiyyəti var. Uşaqlar hər gün eyni vaxtda yatmalı, səhərlər yuxudan doymuş halda oyanmalıdırlar. Gecə yuxusu 8 saatdan az olmamalıdır.  Məsləhətdir ki, uşaqlar saat 22:00-a qədər yatmağa getsinlər. Belə ki, bu vaxt yuxuya getmiş uşaqların orqanizmində immuniteti bərpa edən və tənzimləyən hormonlar, o cümlədən melatonin hazırlanır. Ümumiyyətlə, hər gün erkən yatan uşaqlar respirator virus infeksiyalarına az yoluxurlar. Uşaqlarda COVID-19 xəstəliyinin hər hansı əlamətlərini müşahidə etdikdə, özbaşına müalicə etməmək, mütləq pediatra müraciət etmək lazımdır", - deyə həkim əlavə edib.

0
Teqlər:
həkim, uşaqlar, Koronavirus, epidemiya, COVID-19
Mövzu:
Azərbaycanda koronavirus: son xəbərlər