Fələstinli uşaq

51 gün cəhənnəmdə qalan həkim üzləşdiyi dəhşətləri anlatdı

154
(Yenilənib 22:52 19.12.2016)
"Hər cür silahdan istifadə edildi, mülki əhali, yaşayış binaları, xəstəxanalar, ambulanslar hədəf alınaraq məhv edildi. Bütöv ailələr yox oldu, getdi..."

BAKI, 19 dek — Sputnik. "İsrail, özünə tanınan toxunulmazlığın dadını çıxarır". Sputnik Anadolu Agentliyinə istinadən xəbər verir ki, bu sözləri, İsrail Qəzzanı bombalayarkən, fələstinlilərə tibbi yardım göstərmək üçün ərazidə olan norveçli həkim Mads Gilbert deyib.

2014-cü ildə yaşanan insanlıq faciəsini heç vaxt unuda bilməyəcəyini deyən M. Gilbert, BMT və digər beynəlxalq təşkilatların fələstinlilər üçün heç bir şey etmədiyini söyləyib: "İsrail, məhz bu faktordan hələ də yararlanır, bu toxunulmazlığın dadını çıxarır. Çünki ona heç kim heç nə demir. Nə BMT, nə də digər beynəlxalq təşkilatlar".

Qəzza sektoruna blokadanın başladığı gündən bu yana, İsrailin bütün hərbi əməliyyatlarında fələstinlilərə könüllü tibbi xidmət göstərən norveçli həkim Mads Gilbert, 1982-ci ildə Beyrut İsrail ordusu tərəfindən bombalanarkən gördüyü dramla Qəzzada olanların eynilik təşkil etdiyini deyib: "Ssenari eyni idi. Öncə şəhər mühasirəyə alınırdı. Daha sonra elektrik, qaz və su xətləri sıradan çıxarılırdı. Ən sonda havadan əməliyyat başlayırdı. Yəni Beyrutda elədiklərinin eynisini Qəzzada törədirdilər. Bir sözlə, İsrail əsgərləri ən vəhşi üsullardan istifadə edirdilər. Gecə-gündüz sivillərin üzərinə bombalar yağdırırdılar. Əllərimdə ölən körpələr hələ də gözümün qabağındadır. Qorxunc mənzərə idi. Bütün bu olanlara rəğmən İsrailə "gözün üzərində qaşın var" deyən yox idi və hələ də yoxdur".

2014-cü ildə İsrailin 51 günlük Qəzza qətliamını dəyərləndirən Gilbert deyib: "51 gün davam edən "cəhənnəmdə", xəstəxanaya gələnlərin 95%-i sivillər idi. Onların da yarısı qadın və uşaq idi. Həmin qətliamda 556-sı uşaq olmaqla, 2200 insan həyatını itirdi, 3500 uşaq yaralandı. Bunların hamısı, BMT, Beynəlxalq Qızıl Xaç, Qızıl Aypara kimi vətəndaş təşkilatları tərəfindən qorunmalıydı. Ancaq heç bir şey edilmədi. Fələstinə aid 47 ambulans hədəf alındı və 21 səhiyyə işçisi öldürüldü".

İsrailin beynəlxalq sahədəki toxunulmazlığına diqqəti çəkən Gilbert, müsahibəsini olduqca maraqlı ifadələrlə yekunlaşdırıb: "Özünüzə bu sualı verin: Əgər fələstinli döyüşçülər, Allah qorusun, İsrailin içinə doğru irəliləsələr, 556 israilli uşağı öldürsələr və ya 21 israilli səhiyyə işçisini, həkimi öldürsələr və ya 47 təcili yardımı hədəf alaraq yox etsələr, inanın dünya tərsinə dönərdi. Ancaq bu hərəkətləri İsrail əsgərləri etdiyinə görə dünya susur, BMT susur".

"2006-cı ildən bu yana 4 dəfə ayrı-ayrı illərdə Qəzzada qətliam yaşandı. Hər cür silahdan istifadə edildi, mülki əhali, yaşayış binaları, xəstəxanalar, ambulanslar hədəf alınaraq məhv edildi. Bütöv ailələr yox oldu, getdi. Ancaq bunun qarşısını heç bir söz sahibi təşkilat almadı. Ona görə də, İsrail bu gün böyük, qorxunc bir toxunulmazlığın dadını çıxarır", — həkim vurğulayıb.

154
Teqlər:
Mads Gilbert, Norveç, Qəzza, toxunulmazlıq, həkim, Fələstin, İsrail, bomba
Əlaqədar
Türkiyə yenə Qəzza zolağına humanitar yardım göndərəcək
Qəzzada qədim türk pulu tapılıb
İsrail yenidən Qəzzanı bombaladı
İsrail Qəzzanı yenə bombaladı
İsrail Qəzzaya humanitar yardım aparan İsveç gəmilərinə müdaxilə etdi
İsrail yenə Qəzzanı bombaladı
Almaniya kansleri Angela Merkel, arxiv şəkli

Angela Merkel Prezident İlham Əliyevə zəng edib

56
İlham Əliyev əlavə edib ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır və bu, hərbi cinayət sayılır

BAKI, 29 sentyabr — Sputnik. Sentyabrın 29-da Almaniya Kansleri Angela Merkel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan xəbər verir ki, bu barədə Prezidentin Mətbuat Xidməti məlumat yayıb.

Angela Merkel Ermənistan-Azərbaycan təmas xəttində silahlı qarşıdurmanın baş verməsi ilə bağlı ölkəsinin narahatlığını ifadə edib və hadisələrin gedişi ilə maraqlanıb.

Dövlətimizin başçısı qeyd edib ki, sentyabrın 27-də, səhər saatlarında Ermənistan Azərbaycana qarşı hərbi təxribat törədərək, ağır artilleriya qurğularından təmas xətti boyu yerləşən hərbi birləşmələrimizi, şəhər və kəndlərimizi atəşə tutması nəticəsində iki gün ərzində hərbçilərimiz, mülki şəxslər həlak olub və yaralanıblar, 150 yaşayış evi dağıdılıb. Azərbaycan tərəfi əks-hücum əməliyyatına başlayıb.

Fransa Prezidenti Emmanuel Makron, arxiv şəkli
© AFP 2020 / GONZALO FUENTES / POOL

Dövlətimizin başçısı bildirib ki, bundan əvvəl də iyul-avqust aylarında Ermənistan tərəfindən ölkəmizə qarşı hərbi təxribatlar törədilib və bunların nəticəsində hərbçilərimiz və mülki şəxslərimiz həlak olub. Prezident İlham Əliyev bu təxribatları Ermənistanın Azərbaycana qarşı təcavüzkar siyasətinin davamı olduğunu vurğulayıb.

Azərbaycan Prezidenti qeyd edib ki, Ermənistan baş nazirinin “Qarabağ Ermənistandır və nöqtə” bəyanatı danışıqlar prosesini mənasız edir və Ermənistan rəhbərliyinin Azərbaycandan dırnaqarası “Dalıq Qarabağ respublikası” ilə danışıqlar aparması tələbi danışıqlar formatının dəyişdirilməsi cəhdi kimi qiymətləndirilməlidir. Dövlətimizin başçısı, eyni zamanda, bildirib ki, Ermənistanın müdafiə naziri yeni torpaqlar uğrunda yeni müharibə ilə Azərbaycanı hədələyib və bu plan reallıqda həyata keçirilir.

Dövlətimizin başçısı vurğulayıb ki, Ermənistanın hərbi təxribatı ilə bağlı hadisələrin gələcək inkişafına görə məsuliyyət Ermənistanın siyasi və hərbi rəhbərliyinin üzərinə düşür, Azərbaycan Ordusu öz torpaqlarında vuruşur və Ermənistan ordusu Azərbaycan torpaqlarında olmamalıdır.

Prezident İlham Əliyev əlavə edib ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır və bu, hərbi cinayət sayılır.

Söhbət zamanı atəşkəsin və danışıqlar prosesinin bərpa edilməsi imkanları barədə müzakirələr aparılıb.

56
Mövzu:
Azərbaycan və Ermənistan arasında müharibə
Əlaqədar
İlham Əliyevlə BMT-nin Baş katibi arasında videokonfrans formatında görüş olub
İlham Əliyev Türkiyə prezidentinə təşəkkür edib
Rus İcması beynəlxalq ictimaiyyəti Ermənistana təzyiq etməyə çağırdı
Peskov: Vladimir Putinlə İlham Əliyevin söhbəti lazım gəldikdə baş tutacaq
"Qoşunların təmas xətti boyu əməliyyatlar davam edir, bu, vətən müharibəsidir!
BMT

Rəsmi Bakı BMT Təhlükəsizlik Şurasından gözləntisini açıqladı

56
"Biz ümid edirik ki, 1993-cü ildə olduğu kimi, BMT Təhlükəsizlik Şurası yenidən Ermənistanı öz qoşunlarını işğal olunmuş Azərbaycan torpaqlarından çıxarmağa çağıracaq" - Leyla Abdullayeva

Eldar Tanrıverdiyev, Sputnik Azərbaycan

BAKI, 29 sentyabr - Sputnik. BMT Təhlükəsizlik Şurasının 4 qətnaməsi mövcuddur və onlar hələ də yerinə yetirilməyib. Bu qətnamələrin yerinə yetirilməməsi hazırkı vəziyyətə gətirib çıxarıb. Sputnik Azərbaycan xəbər verir ki, bunu Azərbaycan Xarici İşlər Nazirliyinin mətbuat xidmətinin rəhbəri Leyla Abdullayeva qeyd edib.

"BMT Təhlükəsizlik Şurasının dörd qətnaməsinin yerinə yetirilməməsi dünya birliyinin ikili standartlarının göstəricisidir. Qeyd etmək istəyirəm ki, bütün qətnamələr həyata keçirilməyənə qədər qüvvədədir və biz ümid edirik ki, 1993-cü ildə olduğu kimi, BMT Təhlükəsizlik Şurası yenidən Ermənistanı öz qoşunlarını işğal olunmuş Azərbaycan torpaqlarından çıxarmağa çağıracaq. Ədalət həmişə Azərbaycanın tərəfində olub və olacaq".

56
Teqlər:
rəsmi Bakı, BMT-nin qətnamələri, BMT TŞ, erməni təxribatı, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Rəsmi Bakı: Ermənistanın hərbi təcavüzü nəticəsində 10 mülki şəxs həlak olub
Füzuli istiqamətində Ermənistan SQ-nin əks-hücum cəhdi dəf edilib
Hadrut istiqamətində Ermənistanın komanda müşahidə məntəqəsi darmadağın edilib
Hüsənli kəndində Ermənistan ordusunun mərmisi yaşayış evini dağıdıb – VİDEO
MN: "Ermənistan tərəfi köhnə videoları yeni görüntülər kimi təqdim edir”
Bakıda buludlu hava, arxiv şəkli

Bakıda buludlu olacaq, bölgələrə yağacaq

0
Tibbi-meteoroloji proqnoza gəldikdə isə, sentyabrın 30-u, oktyabrın 1-də Abşeron yarımadasında komfort temperatur şəraiti gözlənilir ki, bu da meteohəssas insanlar üçün əlverişlidir

BAKI, 29 sentyabr — Sputnik. Sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, cənub-şərq küləyi əsəcək. Havanın temperaturu Bakıda və Abşeron yarımadasında gecə 15-17, gündüz 22-25 dərəcə isti olacaq. Atmosfer təzyiqi 767 mm civə sütunundan 763 mm civə sütununa enəcək, nisbi rütubət gecə 60-70, gündüz 40-45 faiz olacaq.

Sentyabrın 30-da Azərbaycanın rayonlarında havanın əsasən yağmursuz keçəcəyi, lakin axşam bəzi yerlərdə şimşək çaxacağı, yağış yağacağı gözlənilir. Səhər bəzi yerlərdə duman olacaq. Mülayim şərq küləyi əsəcək. Havanın temperaturu gecə 12-17, gündüz 23-28, dağlarda gecə 7-11, gündüz 13-16 dərəcə isti olacaq.

Tibbi-meteoroloji proqnoza gəldikdə isə, sentyabrın 30-u, oktyabrın 1-də Abşeron yarımadasında komfort temperatur şəraiti gözlənilir ki, bu da meteohəssas insanlar üçün əlverişlidir.

0
Teqlər:
hava proqnozu