Şaxta baba və Santa Klaus, arxiv şəkli

Şaxta Babadan inanılmaz riyakarlıq - min illik yalan faş oldu

2590
Alimlər sübut ediblər ki, Şaxta Baba, ancaq varlı uşaqlarının evinə gedir

BAKI, 15 dek — Sputnik. Britaniyanın BMJ nəşri maraqlı araşdırma dərc edib. Britaniyada xəstəxanada yatan və imkansız ailələrin uşaqlarının müşahidəsi göstərib ki, onlar Yeni İldə heç bir hədiyyə gözləmirlər, çünki Şaxta Baba, yalnız imkanlı ailələrin uşaqlarına hədiyyələr paylayır.

"Santanın Yeni İl axşamı bütün sutka ərzində planetin dörd bir yanında uşaqlara hədiyyə paylaması məlum əfsanədir. Ancaq biz müşahidə eləmişik ki, sosial-iqtisadi vəziyyətin gərginliyi, hətta hüdudsuz imkanlara malik Şaxta Babaya da təsirsiz ötüşməyib", — Harvard universitetindən Carviz Çen (Jarvis Chen) belə deyir.

Santa Klausun Qərbdəki təmsilçiləri il ərzində özünü yaxşı aparan uşaqların siyahısını tuturlar. Santanın köməkçiləri, yalnız yaxşı uşaqların məktubuna uyğun onlara hədiyyələr verirlər, digər uşaqlara isə kömür və ya çubuq qırıqları qalır.

Carviz Çen və onun həmkarları bu əfsanəni yoxlamaq qərarına gəliblər. Harvard alimləri Britaniyanın iki yüzdən çox uşaq xəstəxanasını gəzərək, həkimlərdən soruşublar ki, 2015-ci ilin Yeni İl axşamı xəstəxanada yatan balacalardan kimlərsə Şaxta Babadan hədiyyə alıblarmı.

Məlum olub ki, İngiltərədə, Şotlandiyada və Uelsdə sosial-iqtisadi vəziyyəti acınacaqlı durumda olan elə yerlər var ki, ora heç Santanın ayağı da dəyməyib. Beləliklə, İngiltərədə, təxminən 11% uşaq Yeni İldə hədiyyəsiz qalır. Şotlandiyalıların xəsisliyinə baxmayaraq, onlarda vəziyyət, nisbətən yaxşıdır.

Alimlər xəbərdarlıq edirlər ki, gələcəkdə rəsmilər bu incə məsələyə diqqət ayırsınlar, çünki uşaqların depressiyasının acınacaqlı fəsadları ola bilər.

2590
Teqlər:
Yeni İl, Şotlandiya, hədiyyə, bayram, Şaxta Baba, ailə, Uels, Britaniya, İngiltərə, araşdırma, uşaq
Əlaqədar
Qanunsuz Şaxta Baba və Qar Qızı 80 manat cərimə gözləyir
Qaçaqmalçıların Yeni il hazırlığının qarşısı alındı
Yeni dərs ilinə hazırlıqlar necə gedir?
Əfv Komissiyasının yeni tərkibdə ilk iclası keçirilib
Bakı Yeni ili qarla qarşıladı
Haluk Levent

Müğənni koronavirusa görə işsiz qalanlar üçün xeyriyyə aksiyası keçirəcək

7
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.

Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.

Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.

Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.

7
At, arxiv şəkli

Tarixi filmdə rol alan aktrisa atdan yıxıldı

14
(Yenilənib 23:29 02.12.2020)
Serialda "Aybike" obrazını canlandıracaq aktrisa, rolu üçün at minməyə və qılınc təlimi almağa başlayıb. Təlimlər zamanı o atdan yıxılıb.

BAKI, 2 dekabr — Sputnik. Tanınmış türk aktrisası Esra Sönmezer "Kutay" adlı tarixi serialda çəkilməyə başlayıb.

Sputnik Azərbaycan Türkiyə mətbuatına istinadən xəbər verir ki, serialda "Aybike" obrazını canlandıracaq aktrisa, rolu üçün at minməyə və qılınc təlimi almağa başlayıb.

Lakin təlimlər zamanı atdan yıxılıb. Aktrisa ağır yaralanmadığı üçün Allaha şükür etdiyini və at minməyin çox çətin olduğunu dilə gətirib.

14
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

0
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

0
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT