ABŞ dünya liderliyinin öhdəsindən gələ bilmədi
(Yenilənib 09:45 09.12.2016)
Avropa əhalisinin çox hissəsi, SSRİ dağıldıqdan sonra, ABŞ-ın dünya liderliyinin öhdəsindən gələ bilmədiyini düşünürBAKI, 8 dek — Sputnik. Sputnik.Rəy sorğusunun nəticələrinə görə, Almaniyada (69%), Fransada (55%) və İtaliyada (51%) əhalinin çox hissəsi, SSRİ dağıldıqdan sonra, ABŞ-ın dünya liderliyinin öhdəsindən gələ bilmədiyini düşünür. Sorğu Ifop şirkəti tərəfindən Sputnik informasiya agentliyi və radiosunun sifarişi ilə həyata keçirilib.
"ABŞ SSRİ dağıldıqdan sonra dünya lideri rolunun öhdəsindən gələ bilibmi?" sualına almaniyalıların 24, fransalıların 35 və italiyalıların 42%-i müsbət cavab verib. Bununla yanaşı, 10% fransalı, 7% almaniyalı və 7% italiyalı sualı cavablandırmaqda çətinlik çəkib.
1991-ci ilin 8 dekabr tarixində SSRİ-nın ləğvi və MDB-nin yaradılması barədə Belovej razılığı imzalandı. O gün Belarus hökumətinin iqamətgahında Belarus, Rusiya və Ukrayna rəhbərləri Müstəqil Dövlətlər Birliyinin yaradılmasını elan ediblər.
Sorğu Fransanın Ifop şirkəti tərəfindən 2016-cı ilin iyulunda keçirilib. Sorğuda Fransada, Almaniyada və İtaliyada 18 yaşından yuxarı 3006 respondent iştirak edib. Ölkə üzrə maksimal səhv göstəricisi +/- 3,1% təşkil edir.
Sputnik.Rəy layihəsi haqqında
İctimai rəyin öyrənilməsi üzrə bu beynəlxalq layihə 2015-ci ilin yanvarından start götürüb. Layihənin tərəfdaşları kimi məşhur tədqiqat şirkətləri "Populus", "Forsa" və ictimai soğu keçirən qocaman şirkətlərdən biri Ifop çıxış edir. Layihə çərçivəsində ən aktual məsələlər üzrə mütəmadi olaraq Avropa və ABŞ-da soğular aparılır.
Belarus MSK ilkin nəticələri açıqlayıb
BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.
Bu barədə Sputnik Azərbaycan RİA Novosti-yə istinadən xəbər verir.
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb.
Qeyd edək ki, Lukaşenko altıncı dəfədir prezident seçkilərində namizəddir.
Musiqi ilə məşq edin, o zaman...
BAKI, 9 avqust — Sputnik. Tsukuba Universitetinin tədqiqatçıları 33 gəncin idman məşqlərini bitirdikdən sonra əhval-ruhiyyəsini qiymətləndirib.
Sputnik Azərbaycan xarici mətbuata istinadla xəbər verir ki, məşqlər zamanı onlara musiqi və bir sıra səs siqnalları dinləndirilib. Musiqiyə qulaq asanların daha yaxşı əhval-ruhiyyədə olduğu və beyin testlərində daha yaxşı idrak performansı göstərdiyi məlum olub.
Alimlər iddia edirlər ki, insan fiziki işlə məşğul olan zaman musiqi dinləyərsə, bu onun əhval ruhiyyəsini yaxşılaşdırar.
"Musiqi ilə rəqs, səs siqnalları ilə müqayisədə həyat gücünü daha da artırır", - deyə qeyd edilir.
Əvvəlki tədqiqatlar göstərir ki, məşq beynin müəyyən bir hissəsində dorsolateral prefrontal korteks (DLPC) fəaliyyətini artırır.
Müəyyən edilib ki, beynin bu sahəsi aktivləşdirildikdə düşüncə, diqqət və qısamüddətli yaddaşa yol açır.
Bu, musiqi ilə məşq etməklə yaranan müsbət əhval-ruhiyyənin təkcə insanın xarici görkəminə deyil, həm də idrak qabiliyyətlərinə təsir etdiyini göstərən ilk araşdırmadır.
Bir müddət əvvəl isə dietoloqlar yemək zamanı sakit musiqi dinləməyin qidalanma prosesini yavaşlatdığını açıqlamışdı.