Türkiyә prezidenti Rəcəb Tayyib Ərdoğan

Ərdoğan jurnalistin "siz diktatorsunuz?" sualına, görün cavab verdi

980
Türkiyə Prezidenti: "Bir insanın diktator olması üçün, həmin ölkədə yaşam şərtlərinin fərqli olması lazımdır"

BAKI, 11 noy — Sputnik. Türkiyə prezidenti Rəcəb Tayyib Ərdoğan prezidentlik üsul-idarəsinin ölkəyə daha sürətli inkişaf imkanı yaradacağını söyləyib. Sputnik Anadolu Agentliyinə istinadən xəbər verir ki, o, bu haqda Qətərin əl-Cəzirə telekanalına müsahibəsi zamanı deyib.

Ərdoğan müsahibəsində Türkiyədəki koalisiya hökumətləri, Ədalət və İnkişaf Partiyasının təkbaşına hakimiyyətdə olduğu dövr, prezident üsul-idarəsi ilə bağlı mübahisələr və 15 iyul çevrilişə cəhd kimi mövzuları dəyərləndirib. O, ABŞ və Rusiyanın iş sistemləri fərqli olsa da, prezident üsulu ilə idarə olunan iki vacib nümunə olduğunu xatırladıb.

"Biz də öz ənənələrimizə söykənərə, Türkiyəyə yaraşan modeli qurmalıyıq. Bu, Türkiyənin daha sürətli şəkildə inkişafına töhfə verəcək, ona görə bunu dəstəkləyirəm", — Ərdoğan bildirib.

Prezident ona ünvanlanan "diktator" ittihamlarına münasibət bildirib: "Bir insanın diktator olması üçün, həmin ölkədə yaşam şərtlərinin fərqli olması, insanların azad yaşaya, düşüncələrini istədikləri kimi ifadə edə, inandıqlarını inandıqları kimi yaşaya bilməməsi lazımdır. Mənim ölkəmdə belə bir problem yoxdur. İstəyən istədiyi kimi danışır, inandığı kimi yaşayır, istədiyi kimi geyinir, istədiyi kimi yeyib-içir".

"Biz heç nəyi qadağan etmədik. Türkiyə yasaqların olduğu bir ölkə olmayıb. Türkiyə son illərdə, son 14 ili bir tərəfə qoyuram, heç bir dövrdə bu səviyyədə azad, bu qədər dinc, bu qədər rahat bir dövr yaşamayıb", — Ərdoğan vurğulayıb.

980
Teqlər:
jurnalist, diktator, prezident, Rəcəb Tayyib Ərdoğan, Türkiyə
Əlaqədar
Ərdoğandan Qərb ölkələrinə ismarış
Ərdoğan jurnalistin sualına elə cavab verdi ki...
Amerikadan Ərdoğana tarixi xəbərdarlıq
Jirinovskinin “Yaxın Şərqi Ərdoğana əmanət etməliyik” çıxışının pərdə arxası
Ərdoğanın sözçüsündən maraqlı Gülən açıqlaması
Obama ilə Ərdoğan arasında telefon danışığı olub
Ərdoğan Putinin xahişini yerə salmadı
Amerikalı aktyor Tom Kruz, arxiv şəkli

Sənət qurban tələb edir - 111 illik körpünü partladacaqlar

3
"Çətin tapşırıq 7" filminin Polşadakı çəkilişləri aprel ayında başlayacaq. Ekran işinin premyerası 18 noyabr 2021-ci il tarixinə planlaşdırılır

BAKI, 13 avqust — Sputnik. Tom Kruzun baş rolda çəkildiyi "Çətin tapşırıq 7" ("Mission Impossible 7") filminin yaradıcı heyəti ekran işi üçün 111 il əvvəl Polşanın Pilxovice kəndində inşa edilmiş körpünü partlatmaq istəyir.

Hakimiyyət artıq buna razılıq versə də, yerli sakinlər qərarın əleyhinə çıxırlar.

Polşa mədəniyyət nazirinin müavini Pavel Levandovskinin sözlərinə görə, körpü artıq istismardan çıxıb və heç bir tarixi dəyər daşımır. Onun fikrincə, çəkilişlərdə körpüdən istifadə dünya ictimaiyyətinin diqqətini ölkəyə cəlb edə bilər.

Xatırladaq ki, "Paramount Pictures" kino şirkəti fevral ayında çəkilişləri dayandırmışdı. Bu addımı Appenin yarımadasında yayılan koronavirus səbəbindən atmışdı. "Çətin Tapşırıq 7" ("Mission Impossible 7") filminin İtaliyanın Venesiya şəhərindəki çəkilişləri zamanı baş rolun ifaçısı ilə yanaşı, digər aktyorlar da koronavirus şübhəsi ilə karantinə götürülmüşdü. Hollivud ulduzu Tom Kruzun baş rolda yer aldığı filmin bəzi səhnələri Venesiyada lentə alınmalı idi. Plana uyğun olaraq çəkiliş qrupu Venesiyada üç həftə keçirməli idi.

Qeyd edək ki, "Çətin tapşırıq 7" filminin Polşadakı çəkilişləri aprel ayında başlayacaq. Ekran işinin premyerası 18 noyabr 2021-ci il tarixinə planlaşdırılır

3
İstanbul mənzərəsi, arxiv şəkli

Türk xalqının seçimi Azərbaycanın da xeyrinə olacaq - SORĞU

100
(Yenilənib 19:25 13.08.2020)
Türkiyədə prezident seçkiləri ilə bağlı keçirilən "Cumhurbaşkanı kim olsun" sorğu anketində muxalifətçi seçicilər Mansur Yavaşa üstünlük veriblər.

BAKI, 13 avqust — Sputnik. Türkiyənin ADA araşdırma şirkəti seçicilərin ölkənin növbəti prezidenti postunda kimi görmək istədiklərinə aydınlıq gətirmək məqsədilə sorğu keçirib. Sputnik Azərbaycan Türkiyə mediasına istinadla xəbər verir ki, "Cumhurbaşkanı kim olsun" anketində muxalifətdən olan seçicilər Mansur Yavaşa üstünlük veriblər.

ADA-nın sorğu anketlərinin nəticələrinə əsasən, birinci yerdə rəqiblərindən böyük səs fərqi ilə hazıkı prezident Rəcəb Tayyib Ərdoğan qərarlaşıb. Muxalif təbəqənin seçimi isə Ankara Böyükşəhər Bələdiyyəsinin başqanı Mansur Yavaş olub. İstanbulun Bələdiyyə Başqanı Əkrəm İmamoğlu Yavaşdan sonra üçüncü sırada yer alıb.

Sorğu anketlərinin nəticələrinə görə, Ərdoğanın ən yaxın rəqibi Mansur Yavaş hesab olunub.

Son dövrlərdə Türkiyədə gündəmdən düşməyən erkən seçkilərlə bağlı müzakirələr ictimai rəyi öyrənən sorğu şirkətlərini də hərəkətə gətirib. Keçirdiyi sorğunun nəticələrini ictimaiyyətlə paylaşan son şirkət ADA olub. Şirkət apardığı anket sorğuda respondentlərə "Bu bazar günü prezident seçkiləri olsa, hansı namizədə səs verərsiz?" sualını ünvanlayıb. Sorğuların nəticələrinə görə, Ərdoğan ümumi səslərin 43,2 faizini toplayaraq birinci olub. İkinci yerdə qərarlaşan Mansur Yavaş isə səslərin 14%-ni qazanıb.

İstanbul Büyükşəhər Bələdiyyəsinin başqanı seçiləndən sonra kulislərdə muxalifətin prezidentliyə namizədi kimi adı hallanan Əkrəm İmamoğlu isə respondentlərin yalnız 13.8%-nin rəğbətini qazanıb.

Sorğunun nəticələrinə görə, İyi Partinın lideri Meral Akşənər dördüncü (6,8%), HDP lideri Səlahəddin Dəmirtaş (5,7%) beşinci, MHP lideri Dövlət Baxçalı (4,2%) altıncı, prezidentliyə keçmiş namizəd, CHP üzvü Məhərrəm İncə (3,7%) yeddinci, DSP sədri Əli Babacan (3,4%) səkkizinci, sabiq xarici işlər naziri Əhməd Davudoğlu (1,7%) doqquzuncu, ana müxalifət partiyası CHP-nin lideri Kamal Kılıcdaroğlu (1,2%) isə onuncu yerdə qərarlaşıb.

100