Amerika-İslam Əlaqələri Şurasının rəhbəri Nihad Avad

Amerika-İslam Şurasının rəhbərindən Trampa ismarış

71
Nihad Avad: "Heç bir yerə getmirik. Bizi susdurub sosial həyatdan kənarlaşdırmalarına imkan verməyəcəyik"

BAKI, 10 noy — Sputnik. Birləşmiş Ştatların ən böyük müsəlman qeyri-hökumət təşkilatı Amerika-İslam Əlaqələri Şurası (CAIR), ölkənin yeni seçilən prezidenti Donald Trampdan, digərlərinə olduğu kimi ABŞ-da yaşayan müsəlmanlara da hörmət göstərməsini istəyib. Sputnik Timeturk-ə istinadən xəbər verir ki, bu barədə şuranın rəhbəri Nihad Avad jurnalistlərlə görüşündə deyib.

Donald Trampı prezident seçilməsi münasibətilə təbrik edən N. Avad, yeni dövlət başçısından ölkədə yaşayan bütün insanlara bərabər davranmağı xahiş edib: "Amerikalı müsəlmanlar bu ölkədə qalmağa davam edəcəklər. Heç bir yerə getmirik. Bizi susdurub sosial həyatdan kənarlaşdırmalarına imkan verməyəcəyik. Seçkidə kimin qalib gəlməyindən, kimin uduzmasından asılı olmayaraq amerikalı müsəlmanlar bu ölkədə yaşamağa davam edəcəklər. Müsəlman cəmiyyətimiz bütün amerikalıların hüquqlarını və azadlıqlarını müdafiə etməkdə ən ön sırada olacaq".

Şura rəhbəri, ABŞ-da yaşayan, ancaq Donald Trampın prezident seçilməsindən sonra narahat olmağa başlayan müsəlmanlara da səslənib: "Sizlər də digər bütün amerikalılar kimi eyni haqqa sahibsiniz və eyni məsuliyyətləri daşıyırsınız".

Qeyd edək ki, ABŞ-ın 58-ci prezidenti seçilən Respublikaçı Donald Tramp seçki kampaniyası ərəfəsində dəfələrlə müsəlmanları hədəf alan çıxışları ilə yadda qalıb. O, qalib gələcəyi halda Amerikaya müsəlman miqrant almağı dayandıracaqlarını söyləmişdi.

71
Teqlər:
CAIR, Amerika-İslam Əlaqələri Şurası, Donald Tramp, Birləşmiş Ştatlar, ABŞ
Mövzu:
ABŞ-da prezident seçkilərinin dünya üçün nəticələri (18)
Əlaqədar
Dövlət Departamenti: "ABŞ-ın xarici siyasəti dəyişməyəcək"
Trampın qələbəsi erməni lobbisinin planlarını alt-üst edib
Donald Trampın prezident seçilməsi dünya liderlərini şoka salıb
Donald Tramp ABŞ prezidenti seçildi
Deputat: ABŞ-ın xarici siyasətini prezidentdən daha çox pul verənlər müəyyən edir
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

11
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

11
Sputnik V vaksininin istehsalı, arxiv şəkli

Rusiya peyvəndi Türkiyədə istehsal olunacaq

13
(Yenilənib 22:59 23.01.2021)
Rusiyanın "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalanıb.

BAKI, 23 yanvar — Sputnik. Rusiya Birbaşa İnvestisiyalar Fondu "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalayıb.

Sputnik Azərbaycan-ın məlumatına görə, artıq istehsal üçün lazım olan texnologiyanın köçürülməsinə başlanılıb. Peyvənd həm Türkiyədə daxili bazara, həm də digər ölkələrə göndəriləcək. Qeyd edək ki, Türkiyə xarici işlər naziri Mövlud Çavuşoğlu bir müddət əvvəl Rusiya peyvəndinin Türkiyədə istehsal olunacağını açıqlamışdı.

13