Qvatemalada gizli Maya sərdabələri aşkar edildi

"İlan çarlığı"nın altındakı sirli qəbirlər açıldı

12656
(Yenilənib 10:51 21.10.2016)
Bu sirlərin açılması ilə gələcək insanlıq dünya tarixinin bu ən böyük tapmacasını tapacaq

BAKI, 20 okt — Sputnik. Qvatemala şəhərindəki qədim "İlan çarlığı" piramidalarının altından, indiyədək arxeoloqların diqqətindən qaçmış iki sərdabə tapılıb. Qeyd olunur ki, 650-700 il əvvəl tikilən bu sərdabələr paytaxtdan 482 km şimalda tapılıb.

Hacı Muradın Qax rayonunundakı qəbrinin başdaşındakı şəkil
© Sputnik / Şahperi Abbasova

Sputnik-in məlumatına görə, bu barəd Daily Mail nəşri məlumat yayıb. Mayyalıların sirli sivilizasiyası həmişə tarixçilər üçün çətin qırılan qoz kimi olub. Lakin hər bir yeni kəşf alimləri bu qədim xalqın mənşəyi haqqında suallara cavab tapmağa bir az da yaxınlaşdırır.

Aydın şəkildə görünür ki, bu sərdabələrdə nüfuzlu insanlar dəfn olunub. Çünki onların dişləri mayyalıların kral ailələrinin ənənələrinə uyğun olaraq yəşim daşı ilə naxışlanıb. Buradakı bəzək əşyaları da yaxşı qalıb: skeletlərin qollarında və qıçlarında iki qolbağı, bud sarğısı və təmtəraqlı boyunbağı, inanılmaz dərəcədə dəqiqliklə işlənmiş yüzlərlə deşikli muncuq.

  • Qvatemalada gizli Maya sərdabələri aşkar edildi
    Qvatemalada gizli Maya sərdabələri aşkar edildi
    © Photo : Francisco Estrada-Belli
  • Qvatemalada gizli Maya sərdabələri aşkar edildi
    Qvatemalada gizli Maya sərdabələri aşkar edildi
    © Photo : Francisco Estrada-Belli
  • Qvatemalada gizli Maya sərdabələri aşkar edildi
    Qvatemalada gizli Maya sərdabələri aşkar edildi
    © Photo : Francisco Estrada-Belli
  • Qvatemalada gizli Maya sərdabələri aşkar edildi
    Qvatemalada gizli Maya sərdabələri aşkar edildi
    © Photo : Francisco Estrada-Belli
  • Qvatemalada gizli Maya sərdabələri aşkar edildi
    Qvatemalada gizli Maya sərdabələri aşkar edildi
    © Photo : Francisco Estrada-Belli
  • Qvatemalada gizli Maya sərdabələri aşkar edildi
    Qvatemalada gizli Maya sərdabələri aşkar edildi
    © Xəritə: Daily Mail
  • Qvatemalada gizli Maya sərdabələri aşkar edildi
    Qvatemalada gizli Maya sərdabələri aşkar edildi
    © Photo : Getty Images
  • Qvatemalada gizli Maya sərdabələri aşkar edildi
    Qvatemalada gizli Maya sərdabələri aşkar edildi
    © Photo : Jaime Awe
1 / 8
© Photo : Francisco Estrada-Belli
Qvatemalada gizli Maya sərdabələri aşkar edildi

Ekspertlər ümid edirlər ki, bu sərdabə "İlan çarlığı" adlandırılan möcüzəvi Mayya qəbiləsi sülaləsinin sirrini aşkara çıxarır. Mütəxəssislər aydınlaşdırıblar ki, "İlan çarları" ailəsi Xolmul sərdabəsindən şimaldakı meydanda məskunlaşıb.

Qeyd edək ki, qəbirlərdən birində orta yaşlı adamın qalıqları tapılıb. Mayyalıların ən məşhur hökmdarlarından birinin, təqribən 3 min il əvvəl yaşadığı elmə məlumdur. Məlum olduğu kimi, o, "İlan kral" adı ilə məşhur idi.

Sərdabənin içindən tədqiqatçılar, həmçinin yəşim daşından, obsidiandan (vulkanık şüşə), insan sümüklərindən və keramikadan hazırlanmış əşyalar tapıblar. Bu dəfinədə ən çox diqqəti çəkən müxtəlif ölçülərdə olan mavi jadeit hissələrindən düzəldilmiş boyunbağıdır. Alimlər bu məzarın kimə məxsus olduğunu müəyyən etmək məqsədilə, oradakı boyunbağıdan asmaq üçün, bir tərəfində quş başı təsvir olunmuş iskənə və balta formasında olan bəzək əşyalarını tədqiq ediblər. Bu zərif bəzək əşyaları sərdabənin olduğu yerin tarixi əhəmiyyətini anlamağa yardım edir.

Digər piramidada tapılan ikinci sərdabə iki otaqdan ibarətdir. Tədqiqatçıların sözlərinə görə, bu otaqların divarlarındakı lövhələr, böyük ehtimalla əvvəllər "Kral-ilan" sarayının divarlarında olublar.

Artıq istisna deyil ki, gələcək insanlıq dünya tarixinin bu ən böyük tapmacasını tapacaq: Mayya sivilizasiyasının mənbəyi haradır? Eyni zamanda, bütün tarix boyu ən böyük və ən güclü krallıq mədəniyyətinə başçılıq etmiş "İlan çarları"nın hökmranlığı dövrü haqqında daha çox şey məlum olacaq.

12656
Teqlər:
Mayya, sirr, "İlan çarlığı", arxeoloqlar, piramida, sərdabə, qəbir
Əlaqədar
Azərbaycanda bu da varmış – gölün içində qəbiristanlıq
Azərbaycanda qəbiristanlıq yandı
Bunu da gördük: ən sürətli qəbir qazma yarışı keçirilib
Azərbaycanda qəbiristanlıq olmayan şəhər: bunu bilirdiniz?
Astarada 20-yə yaxın qəbirin başdaşı sındırılıb
Müsəlmanların İslama uyğun olmayan şəkildə dəfn edildiyi qəbiristanlıq
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

27
(Yenilənib 23:07 25.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

27
Fransa bayrağı, arxiv şəkli

Fransa Senatından Azərbaycan əleyhinə xaincəsinə qərar

122
(Yenilənib 22:12 25.11.2020)
XİN: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

BAKI, 25 noyabr - Sputnik. Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sputnik Azərbaycan RİA Novosti-yə istinadən xəbər verir ki, sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin “Dağlıq Qarabağın müstəqilliyi”ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

122
Teqlər:
Dağlıq Qarabağ, Fransa

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0