Hücre evi basılınca 'canlı bomba' kendini patlattı - Gaziantep

Türkiyədə "canlı bomba" hücrələrinin rəhbəri özünü partladıb

502
(Yenilənib 16:31 28.11.2016)
Terrorçu qaçmaq imkanının olmadığını gördükdə üzərindəki partlayıcı qurğunu işə salıb.

BAKI, 16 okt-Sputnik. Turkiyənin Qaziantep şəhərində həyata keçirilən antiterror əməliyyatları nəticəsində ələ keçəcəyindən qorxan bir nəfər ozunu partladıb.

Sputnik Türkiyənin məlumatına görə, Qaziantep şəhərinin Burak məhəlləsindəki bir binada İŞİD terror təşkilatının bu region üzrə nümayəndəsi Mehmet Kadir Cabel zərərsizləşdirilib. Cabel Qaziantep bölgəsində terror aktlarının planlaşdırılmasına və "canlı bomba hücrələri"nin idarə edilməsinə məsul olub.

O, Şəhidkamil məhəlləsindəki bir evdə gizlənirmiş. Terrorçu qaçmaq imkanının olmadığını gördükdə üzərindəki partlayıcı qurğunu işə salıb. Partlayış nəticəsində o özü ölüb. Digər "canlı bomba" isə sağ ələ keçirilib.

Əməliyyat zamanı evdə olan Cabelin həyat yoldaşı və iki övladı sağ-salamat şəhər Polis İdarəsinə aparılıb.

Şəhər valisi Ali Yerlikaya bu əməliyyata görə yerli polis təşkilatına minnətdarlığını bildirib.

Qeyd edək ki, bu gün bundan öncə Qaziantep şəhərində Qaziantep Universiteti qarşısındakı küçədə evlərdən birində İŞİD terrorçusunun üzərindəki partlayıcı qurğunu işə salması nəticəsində 3 polis şəhid olub, 4 suriyalı olmaqla, 8 nəfər yaralanıb.

502
Teqlər:
Mehmet Kadir Cabel, Qaziantep, Türkiyə, terror
Əlaqədar
Türkiyədə terror aktı nəticəsində ölənlərin sayı 18 nəfərə çatıb
Terror Türkiyəyə 10 milyard zərər vurub
Türkiyədə bir gündə üçüncü terror: 4 ölü, 7 yaralı var
Türkiyədə növbəti dəhşətli terror aktı
Türkiyədə terror baş verib
Əlində gitara olan kişi, arxiv şəkli

Məşhur rok ifaçısı vəfat edib

13
Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

 

BAKI, 7 avqust — Sputnik. 60-70-cı illərin məşhur "Game of love" hitinin ifaçısı, britaniyalı rok musiqiçisi Ueyn Fontana vəfat edib.

74 yaşlı sənətçi İngiltərənin Stokport şəhərindəki xəstəxanalardan birində həyatını itirib.

Məşhur ulduzun ölüm səbəbi hələlik məlum deyil.

O, sözügedən kompozisiyanı ilk dəfə 1965-ci ildə "The Mindbenders" qrupu ilə birlikdə ifa edib.

Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

13
Deyzi Koulmen, arxiv şəkli

"Netflix"in ulduzu intihar etdi

21
Ana: "Düşünürəm ki, mənə onsuz yaşaya biləcəyimi göstərmək istədi. Amma mən bacarmıram. Bütün ağrısını götürmək istərdim".

BAKI, 7 avqust — Sputnik. 23 yaşlı məşhur amerikalı aktrisa və model Deyzi Koulmen intihar edib. Bu barədə ulduzun anası Melinda öz "Facebook" səhifəsində yazıb. Onun sözlərinə görə, qızı ötən gün axşam həyatına son qoyub. Anası bildirib ki, qızı Deyzi 14 yaşındakı təcavüz sarsıntısından hələ də özünə gələ bilmirmiş. O deyib ki, Deyzi Koulmen və rəfiqəsi məktəbdə ikən seksual zorakılığa məruz qalıblar. Hadisədən sonra sosial şəbəkədə ona qarşı qarayaxmalar, ailəsinə qarşı isə təhdidlər yazılmağa başlayıb. Üstəlik, onları təhqir edənlər cəzadan yayına biliblər. Ulduzun anası əlavə edib ki, "Netflix" ulduzu baş verənlərdən heç vaxt qurtula bilməyib: "O, mənim ən yaxşı dostum və gözəl qızım idi. Düşünürəm ki, mənə onsuz yaşaya biləcəyimi göstərmək istədi. Amma mən bacarmıram. Bütün ağrısını götürmək istərdim".

Qeyd edək ki, Koulmen məktəbdə oxuyarkən rəfiqəsi ilə birgə dostlarını ziyarət etdiyi zaman cinsi istismara məruz qalmışdılar. Təcavüzkar keçmiş ABŞ senatoru Metyu Barnettin nəvəsi olub və baş verən hər şey lentə alınıb. O vaxt Koulmen 14 yaşında idi. Bundan sonra Barnett qızı evinə aparıb və eyvanda buraxıb. Deyzinin anasının dediyinə görə, gecə demək olar ki, havanın temperaturu sıfıra bərabər olub. Səhər qızını eyvanda tapanda onun saçları soyuqdan yerə yapışıb. Eyni zamanda bu işi görən yeniyetmələr cəzadan qaçıblar, ittihamlar aradan götürülüb.

Tükürpədici hadisədən sonra, Deyzi Koulmeni sosial şəbəkələrdə təhqir etməyə başlayıblar və ailəsinə təhdidlər gəlib. Deyzinin anası işdən qovulub və müəmmalı şəraitdə evləri yanıb.

2016-cı ildə sözügedən hadisədən bəhs edən "Odri və Deyzi" adlı sənədli film, ABŞ-ın transmilli şirkəti olan "Netflix"-də yayımlanıb.

Bundan sonra Koulmen "Demokratiya indidir" və "Texas - ölüm tələsi" seriallarında çəkilib. O, həm də model və döymə sənətçisi kimi çalışıb.

21
Fövqəladə Hallar Nazirliyi

Fövqəladə Hallar Nazirliyi Hacıqabuldakı yanğınla bağlı məlumat yaydı

0
İlkin məlumata əsasən, Hacıqabul rayonunda çöllük ərazidə qaz xəttində yanğın olması barədə məlumat daxil olub.

BAKI, 7 avqust - Sputnik. Fövqəladə Hallar Nazirliyi Hacıqabulda baş verən yanğınla bağlı məlumat yayıb. 

Bununla bağlı Nazirliyin rəsmi saytında məlumat dərc edilib:

“İlkin məlumata əsasən, Hacıqabul rayonunda çöllük ərazidə qaz xəttində yanğın olması barədə məlumat daxil olub. Nazirliyin Dövlət Yanğından Mühafizə Xidmətinin yanğından mühafizə bölmələri hadisə yerinə cəlb olunub, aidiyyəti qurumlar məlumatlandırılıb.

Əlavə məlumat veriləcək”.

0