Kurtlar Vadisi Dərbə

"Kurtlar Vadisi Darbe" filminə görə cinayət işi açıldı

3857
(Yenilənib 12:51 14.10.2016)
"Pana Film" 15 iyul dövlət çevrilişinə cəhddə günahlandırılır

BAKI, 14 okt — Sputnik. Türkiyədə 15 iyul çevriliş cəhdindən əvvəl "Kurtlar Vadisi Darbe" ("Qurdlar Vadisi Çevriliş") markası üçün müraciət edən "Pana Film" şirkətinə qarşı iddia qaldırılıb. Sputnik-in məlumatına görə, şirkət çevriliş cəhdindən əvvəl çevriliş zamanı baş verən hadisələri filmin senarisində işıqlandırdığına görə istintaqa cəlb edilib.

"Pana Film"in "Kurtlar Vadisi Darbe" adını qeydiyyatdan keçirmək üçün müraciət etdiyi Türkiyə Patent İnstitutu (TPİ) bu müraciəti rədd edib. TPİ çevriliş cəhdindən sonra prokurorluğa bu barədə məlumat verib. İnstitutun sədri, professor Habip Asan tərəfindən prokurorluğa göndərilən məktubda deyilir: "Məlum olduğu kimi, ölkəmizdə 15 iyul 2016-cı il gecəsi Fətullahçı Terror Təşkilatı tərəfindən Cümhuriyyətimizdəki demokratik konstitusion quruluşu silah və zor tətbiq etməklə dəyişdirməyə cəhd olmuşdu. "Kurtlar Vadisi Darbe" məzmunlu markanın qeydiyyatdan keçirilməsi üçün çevriliş təşəbbüsündən əvvəl İnstitutumuza müraciət edilib. Müraciətin çevriliş təşəbbüsündən əvvəl edildiyini və filmin senarisinin cinayət təşəbbüsünə sövq etdirdiyini nəzərə alaraq, "Pana Film" şirkətinin şübhəli şəxs qismində qeydə alınmasını zəruri hesab edirik".

Kurtlar Vadisi Dərbə
Twitter
Kurtlar Vadisi Dərbə

TPİ-nin bu məktubu əsasında İstanbul Cümhuriyyət Baş Prokurorluğu bu günlərdə istintaqa başlayıb.

Qeyd edək ki, daha əvvəl də "Kurtlar Vadisi Darbe" filmi ilə 15 iyul çevrilişinə cəhd arasında paralellər aparmaq təşəbbüsləri olmuşdu. Bildirilirdi ki, əslində çevriliş cəhdinin senarisi ilə sözügedən filmin senarisi çox oxşardır. Hətta hər iki senari müəllifinin eyni şəxs və ya şəxslər olduğu da səslənən iddialar arasında idi.

Filmin yaradıcı heyəti və Polad Ələmdar obrazını canlandıran Nəcati Şaşmaz çevriliş cəhdindən dərhal sonra qanuni hökumətə dəstək nümayiş etdirmiş, "demokratiya növbəsi"ndə keşik çəkmişdilər. Onlar daha əvvəl iki senari arasında əlaqə olduğuna dair iddiaları da rədd etmişdilər.

3857
Teqlər:
Türkiyə Patent İnstitutu, "Qurdlar Vadisi Çevriliş", "Kurtlar Vadisi Darbe", 15 iyul, çevriliş cəhdi, "Pana Film", Türkiyə, çevriliş
Əlaqədar
Gülənin ekstradisiya tələbi çevriliş cəhdi ilə bağlı deyil
Çevrilişdən sonra Ərdoğanın yerinə keçəcək adamın adı açıqlandı
Wikileaks rəhbərindən Türkiyədəki çevriliş cəhdi ilə bağlı ilginc açıqlama
Elmar Məmmədyarov da "xain çevriliş cəhdi"ndən danışdı
İlkər Başbuğ: 15 iyulda baş verənləri dövlət çevrilişi kimi qiymətləndirmirəm
Gülən şəbəkəsi Azərbaycanda çevriliş edə bilər?!
Türkiyədə çevriliş cəhdindən sonra 67 min məmur işdən qovulub
Arxeoloji qazıntılar, arxiv şəkli

Yeddi min ilin sirri - Polşada qədim xəndəklər aşkar edilib

11
(Yenilənib 23:51 06.07.2020)
Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

BAKI, 7 iyul — Sputnik. Arxeoloqlar qrupu Polşanın şimalında naməlum mənşəli xəndəklər sistemi aşkarlayıb. Sputnik Azərbaycan xarici mətbuata istinadla xəbər verir ki, tədqiqatlarla müəyyən edilib ki, hündürlükdən onlar tək şəkil kimi görünürmüş.

Xəndəklər ilk dəfə "Google Maps" və "Google Earth" xəritələrinin köməyi ilə gözə çarpıb. Alimlərin fikrincə, obyektlərin 7 minə yaxın yaşı var.

Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

Xəndəklər bir mərkəz ətrafında oval şəklində qazılıb və bəzi yerlərdə torpaq "körpülər" qorunub saxlanılıb.

Xəndəklərin eni üç metr, dərinliyi iki metrdir. Ən böyüyünün diametri 85 metr təşkil edir. Yəqin ki, qədim tayfalar onları sümük alətlərinin köməyi ilə qazıblar, bu da çox səy və vaxt tələb edib. Arxeoloqların sözlərinə görə, gil torpaqlarda müasir avadanlıqlarla belə qaıntı aparmaq çətindir.

Elm adamları bu quruluşların ritual məna kəsb etdiyini düşünürlər. Ancaq burada hansı ayinlərin keçirildiyi hələ müəyyən edilməyib. İçəridə olan qədim kömür izləri burada hansısa tikilinin olduğunu və sonradan yandığını sübut edir.

11
London, arxiv şəkli

Fərdi sanksiyalar! Britaniya rusiyalılara səudiyyəlilərə qarşı "müharibəyə" başlayır

5
(Yenilənib 23:01 06.07.2020)
Bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq.

BAKI, 6 iyul — Sputnik. Böyük Britaniyanın Xarici İşlər naziri Dominik Raab bazar ertəsi "Maqnitski düzəlişi" çərçivəsində insan hüquqlarının pozulmasına görə barəsində sanksiyalar tətbiq ediləcək Rusiya və Səudiyyə Ərəbistanı vətəndaşlarının adlarını açıqlayacaq.

Sputnik Azərbaycan xəbər verir ki, bu barədə "Financial Times" qəzeti nazirin özünə istinadən məlumat yayıb.

Nəşrin məlumatına görə, bəzi rusiyalılara Birləşmiş Krallığa daxil olmaq qadağan ediləcək və onların Britaniya banklarındakı hesabları dondurulacaq. "Financial Times" yazır ki, sanksiya siyahısında "işgəncə icraçılarının, qatillərin və təcavüzkarların" adları olacaq.

Raabın qara siyahısına, Londonun fikrincə, 2009-cu ildə hüquqşünas Sergey Maqnitskinin ölümündə əli olan şəxslərin adları da daxil ediləcək. Nəşrin məlumatına görə, sanksiyalar dərhal qüvvəyə minəcək.

Qəzetin yazdığına görə, siyahıda müxalifətçi jurnalist Camal Qaşıqçının öldürülməsində əli olduğu şübhəli bilinən Səudiyyə Ərəbistanı təbəələrinin də adları olacaq.

5