Gürcüstan parlamentinin iclası, arxiv şəkli

Azərbaycanlı deputat: "Parlamentdə qarşıdurma başlayacaq"

422
(Yenilənib 15:47 12.10.2016)
Azər Süleymanov: "Neçə ildir ölkədə keçirilən seçkilərə şahidlik edirəm, bu qədər saxtakarlıq olan seçki görməmişdim"

BAKI, 11 okt — Sputnik. "Gürcüstanda yerli müşahidəçilər də, beynəlxalq müşahidəçilər də şahid oldular ki, seçkilər saxtalaşdırılıb. Seçkilər basqılar altında keçdi. Dövlət bu seçkiləri düzgün təşkil edə bilmədi və ölkənin 52 regionunda 2-ci dəfə seçkilər təkrar keçiriləcəkş Çünki, dövlət saxtalaşmaya ümidli idi".

Депутат от партии Единое национальное движение Азер Сулейманов
Депутат от партии Единое национальное движение Азер Сулейманов

Bu fikirləri Sputnik-ə açıqlamasında, ötən həftə Gürcüstan parlamentinə keçirilən seçkilərdə yenidən seçilən azərbaycanlı namizəd Azər Süleymanov deyib. Onun sözlərinə görə, hansı məntəqələrdə saxtalaşdırma çox oldusa, orada iqtidar nümayəndələri qalib gəliblər.

"Hansı məntəqələrdə saxtalaşdırmağa imkan verilmədisə, orda iqtidarın namizədləri 2-ci tura qaldılar. Bir neçə məntəqədə axşam 8-də elektrik kəsildi, saxta səslər qutulara salındı, polislərlə qarşıdurma oldu, xüsusi təyinatlı polis dəstələrə cəlb olundu. Bir sözlə, neçə ildir bu ölkədə seçkilərə şahidlik edirəm, bu qədər saxtakarlıq olan seçkilər olmamışdı", — A. Süleymanov bildirib.

O, buna baxmayaraq, 4 azərbaycanlının parlamentə düşməsini müsbət hal kimi qiymətləndirib: "Gürcüstanda iqtidar-müxalifət qarşıdurması parlamentdə də davam edəcək. Müxalifətlə iqtidarın fikirləri üst-üstə düşmür. Biz 2003-2012-ci illərdə dövlət qurmuşuq, iş görmüşük. Onlar 2012-ci ildən bu yana dövləti dağıtmaqla məşğuldurlar. Çox güman ki, parlamentdə böyük qarşıdurma başlayacaq".

Seçilmiş millət vəkili parlamentdə gündəmə gətirəcəyi məsələlərə də toxunub: "Hər bir zamanın öz tələbi var. Marneuli kənd təsərrüfatı regionudur. Amma illərdir sakinlərin kənd təsərrüfatı məhsulları əllərində qalıb xarab olur, suvarma ilə bağlı problemləri var. İnsanların evləri girovdur banklarda. Regionun inkişafı dayanıb, təhsildə böyük islahatlar lazımdır. Bir sözlə, demək olar, hər sahədə problemlər mövcuddur və biz də çalışacağıq ki, bu sahələrdə olan problemləri aradan qaldıraq".

Xatırladaq ki, Gürcüstan parlamentinə oktyabrın 8-də keçirilən seçkilərlə əlaqədar 100% səslər hesablanıb. Gürcüstan Mərkəzi Seçki Komissiyasının məlumatına görə, yeni parlamentdə hakim "Gürcü arzusu" (48,8%), sabiq prezident Mixail Saakaşvilinin lideri olduğu "Vahid Milli Hərəkat" Partiyası (27,1%) və "Vətənpərvərlər Alyansı" (5,006%) təmsil olunacaq.

Gürcüstanda keçirilən parlament seçkilərində 19 partiya iştirak edib. Gürcüstan parlamentinin dəqiq tərkibi bir çox birmandatlı dairələrdə keçirilən ikinci turdan sonra məlum olacaq.

422
Teqlər:
"Vahid Milli Hərəkat" Partiyası, Azər Süleymanov, müşahidəçi, "Gürcü arzusu", Gürcüstan, seçki, parlament
Əlaqədar
Gürcüstan MSK parlament seçkilərinin nəticələrini açıqlayıb
Politoloq: Gürcüstan yenə də Qərblə Şərq arasında qalıb
Gürcüstanda keçirilən parlament seçkisində kütləvi dava baş verib
Gürcüstanda parlament seçkiləri keçirilir
Azərbaycan və Gürcüstan XİN rəhbərləri görüşüblər
Gürcüstanda beynəlxalq axtarışda olan Azərbaycan vətəndaşı saxlanılıb
Rusiya Müdafiə Nazirliyinin binası, arxiv şəkli

Moskva Qarabağa dair qurulacaq Mərkəz barədə: "Türkiyə hərbçilərinin sayı..."

46
(Yenilənib 17:58 01.12.2020)
Rusiya Müdafiə Nazirliyi və Türkiyə Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub.

BAKI, 1 dekabr — Sputnik. Rusiya və Türkiyə Dağlıq Qarabağda atəşkəsə nəzarət üzrə Ortaq Mərkəzə dair razılığa gəlib. Mərkəzdə hər iki ölkədən olan hərbçilərin sayı bərabər olacaq. Sputnik Azərbaycan "RİA Novosti"yə istinadən xəbər verir ki, bunu Rusiyanın müdafiə naziri general-mayor İqor Konaşenikov bildirib.

"Rusiya Federasiyası Müdafiə Nazirliyi və Türkiyə Respublikası Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub. Mərkəz Azərbaycan ərazisində yerləşəcək. Rusiya və Türkiyə hərbçilərinin sayı bərabər olacaq", - deyə Konaşenkov bildirib.

Qeyd edək ki, bu gün Türkiyənin Milli Müdafiə Nazirliyi məlumat yayaraq Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələrin başa çatdığını və tərəflər arasında anlaşma imzalandığını bildirib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

46
Çak Norris, arxiv şəkli

"Qarabağ, sən indi xoşbəxtsən" - amerikalı aktyor Azərbaycanı təbrik etdi

20
(Yenilənib 17:22 01.12.2020)
Norris açıqlamasında "Qarabağ, sən indi əsl ailənlə xoşbəxtsən" deyib. Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

BAKI, 1 dekabr — Sputnik. Məşhur amerikalı aktyor, film rejissoru və ssenaristi Çak Norris Qarabağla bağlı danışıb.

O, açıqlamasında "Qarabağ, sən indi əsl ailənlə xoşbəxtsən" deyib.

Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

Məlumat üçün bildirək ki, Norris Qərb yarımkürəsində taekvondo sistemi üzrə 8-ci dərəcəli qara kəmərə layiq görülən ilk idmançı, eləcə də Ümumdünya Təkbətək Döyüş Liqasının (World Combat League) banisi və prezidentidir.

Çak Norris çoxsaylı teleşouların yaradıcısı olmaqla yanaşı, öz jurnalını nəşr etdirir, bir neçə kitabın müəllifidir. ABŞ-da onun aktyorluq işi çoxdan ikinci plana çəkilib. Hazırda Norris milli miqyasda xristian missioneridir. Çoxsaylı dini təşkilat və fondlarda üzvlüklə yanaşı, Çak populyar "World Net Daily" saytında bir bölümə rəhbərlik edir. Həmin bölümün əsas mövzusu İncil və xristianlığın ABŞ-da fəal təbliğatından ibarətdir. O, bundan başqa, ondan artıq filmdə rol alıb.

20

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0