Ankarada baş vermiş terror aktı nəticəsində həyatını itirənlərin anım mərasimində qarşıdurma yaşanıb

Terror qurbanlarının anım mərasimində qarşıdurma yaşanıb

22
(Yenilənib 15:42 10.10.2016)
İcazəsiz aksiyanın iştirakçılarına polis xəbərdarlıq edib. Qarşı tərəf isə polisə daş, çubuq və şüşə atmaqla cavab verib.

BAKI, 10 okt — Sputnik. Ötən ilin oktyabrında Ankarada baş vermiş terror aktı nəticəsində həyatını itirənlərin anım mərasimində qarşıdurma yaşanıb. Belə ki, polis anım mərasimi üçün Ankara dəmiryolu vağzalının qarşısına toplaşmaq istəyən vətəndaşlara müdaxilə edib. Sputnik hurriyet-ə istinadla xəbər verir ki, müdaxilə zamanı 60 nəfər nəzarət altına alınıb, yollar bağlanıb.

"Əmək, sülh və demokratiya mitinqi" üçün əraziyə toplanan yüzlərlə insan, 10 oktyabr 2015-ci ildə iki İŞİD terrorçusunun həyata keçirdiyi terrorda həlak olanların xatirəsini anmağa çalışıb. Aksiyaya hücumda həyatını itirənlərin yaxınları və siyasi partiya nümayəndələri qatılıblar.

Terrorun baş verdiyi meydana girmək istəyən icazəsiz aksiya iştirakçılarına polis dağılmaları üçün xəbərdarlıq edib. Polisə daş, çubuq və şüşə atan qruplara gözyaşardıcı qaz və təzyiqli su ilə müdaxilə edilib.

Qeyd edək ki, Ankarada keçən il baş verən terrorda 102 nəfər həyatını itirib, 391 nəfər isə yaralanıb.

22
Teqlər:
dəmiryolu vağzalı, anım mərasimi, qarşıdurma, vətəndaş, Ankara, Türkiyə, polis, terror
Əlaqədar
Azərbaycan filmi Xirosima faciəsinin anım tədbirinə dəvət alıb
Türkiyədə terror qurbanlarının sayı 41-ə çatdı
Terror qurbanlarının əksəriyyətinin şəxsiyyəti müəyyənləşib
Terror qurbanları arasında məşhur futbolçunun atası da var
Terror qurbanlarının sayı artır
İnsan qanı dolu paketlər, arxiv şəkli

Xərçəng xəstələrinə ümid işığı: Yeni test sağ qalma şansını artıracaq

6
(Yenilənib 23:32 27.11.2020)
"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

BAKI, 28 noyabr — Sputnik. İngiltərənin Milli Səhiyyə Xidməti qandan 50 növ xərçəngin erkən əlamətlərini aşkar edən bir testi yoxlayacaq.

Sputnik Azərbaycan xarici mətbuata istinadla xəbər verir ki, "Qan Analizi Qalereyası" 165.000 xəstə üzərində test ediləcək. Əvvəlki tədqiqatlar diaqnozu çətin olan bir çox xərçəng növünü -  boyun, yumurtalıq və beyin xərçənglərini müəyyən edə bildiyini göstərmişdi.

Yeni testin effektiv olduğu sübut edilərsə, erkən mərhələlərdə xərçəng diaqnozu üçün geniş istifadə ediləcək. Bu, dördüncü mərhələdə xəstəliyin aşkarlanması halları ilə müqayisədə xəstələrin sağ qalma sürətini beş-on qat artıracaq.

"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

Milli Səhiyyə Xidməti sınaqların 2023-cü ilə qədər bitməsini planlaşdırır. Bu, 2024-2025-ci illərdə yeni qan testinin geniş yayılmasına imkan verəcək.

6
Teqlər:
İngiltərə, ABŞ, qan, test, xərçəng xəstəliyi
Netflix şirkətinin binası, arxiv şəkli

"Oskar" mükafatında yeni rekordçu ola bilər

5
(Yenilənib 23:25 27.11.2020)
Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanır

BAKI, 28 noyabr — Sputnik. "Netflix" 2021-ci ildə "Oskar" mükafatının təqdimetmə mərasimində "Ən Yaxşı Film" nominasiyaları üzrə yeni rekordçu ola bilər.

Sputnik Azərbaycan-ın verdiyi məlumata görə, "Netflix"in namizədləri arasında Aaron Sorkinin "The Trial of the Chicago 7" və Devid Finçerin "Mank", Nikol Kidmanın iştirakı ilə "Ma Rainey"s Black Bottom", Meril Stripin oynadığı "The Prom", Spayk Linin "Da 5 Bloods" filmləri və Corc Kluninin genişmiqyaslı "The Midnight Sky" layihəsi yer alıb.

Bundan əlavə, Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanıb.

Nəşrin yazdığına görə, əvvəlki rekord MGM ("Metro-Goldwyn-Mayer") kino şirkətinə məxsus olub.

5
Teqlər:
film, rekord, Netflix şirkəti, Oskar mükafatı

İşğaldan azad olunan Kəlbəcər şəhərində Azərbaycan bayrağı qaldırılıb - VİDEO

3
(Yenilənib 09:34 28.11.2020)
Azərbaycanın Kəlbəcər rayonu üçtərəfli bəyanatın şərtlərinə uyğun olaraq, noyabrın 25-də erməni işğalından azad edilib.

BAKI, 28 noyabr - Sputnik. İşğaldan azad olunan Kəlbəcər şəhərində Azərbaycan bayrağı qaldırılıb. Sputnik Azərbaycan-ın xəbərinə görə, bu barədə Müdafiə Nazirliyi məlumat yayıb. 

3
Teqlər:
Azərbaycan bayrağı, Müdafiə Nazirliyi, Üçtərəfli bəyanat, Kəlbəcərin azad olunması