Səudiyyə Ərəbistanı kralı Salman ibn Əbdül-Əziz

Səudiyyə Ərəbistanının qərarı müsəlman ölkələrini qəzəbləndirib

345
(Yenilənib 13:06 05.10.2016)
Mehmet Uzuner: "Daha əvvəl Ümrəyə getmiş bir vətəndaş, bu gün yenidən Ümrəyə getmək üçün müraciəti edəcəyi təqdirdə, gediş-gəliş xərcindən əlavə 540 dollar da ödəməli olacaq"

BAKI, 5 okt — Sputnik. Türkiyənin "Həcc və Ümrə Səyahət Agentləri Dərnəyi"nin üzvü olan turizm sektorunda çalışanlar Səudiyyə Ərəbistanı hökumətinin, Ümrəyə ilk ziyarət istisna olmaqla, gələn müsəlmanlardan 540 dollar əlavə pul istəməsinə reaksiya verib. Sputnik hurriyet-ə istinadla xəbər verir ki, Dərnəyin rəhbəri Mehmet Uzuner bu yeniliyi tənqid edib.

"1000 dollardan başlayan Ümrə ziyarətinin təşkili üçün bu əlavə ödənişin tələb edilməsi ziyarətçilərə sıxıntıya salacaq. Bu, həm bizə, həm də bütün İslam aləmində Kəbəni görmək eşqiylə yola çıxacaq insanlara mənfi təsir edir", — Uzuner qeyd edib.

Onun sözlərinə görə, hazırda Ümrə ziyarətinə getmək üçün müraciət edənlərin sayında ciddi azalma yaşanır: "Qərarın yenidən nəzərdən keçirilməsini və dəyişdirilməsini tələb edirik. Ümrə ziyarətinə daha əvvəl gedənlərdən hər hansı bir ödənişin alınmamasını istəyirik".

Misir və İordaniya hökumətlərinin də qərara ciddi reaksiya göstərdiklərini və vətəndaşlarının Ümrəyə getməməsi istiqamətində qərar qəbul etdiklərini söyləyən Uzuner, ciddi narahatlıq içində olduqlarını deyib: "Din İşləri Nazirliyi də bu işdən xəbərdardır. İnşallah, onlar da üzərinə düşən vəzifəni həyata keçirəcəklər".

"Səudiyyənin yeni qərarına görə, daha əvvəl Ümrəyə getmiş bir vətəndaş, bu gün yenidən Ümrəyə getmək üçün müraciəti edəcəyi təqdirdə, gediş-gəliş xərcindən əlavə 540 dollar da ödəməli olacaq. Bizə müraciət edən insanların 80 faizi bir dəfədən artıq Ümrə ziyarətinə gedənlərdir. Antalyanı, Bodrumu sevənlər olduğu kimi, Məkkəni və Mədinəni sevənlər də var. Bu insanlar da tətillərini ibadət məqsədiylə burada keçirmək istəyirlər", — Uzuner vurğulayıb.

O, əlavə edib ki, istənilən əlavə ödəniş ziyarətə gələnlərin sıxlığını azaltmaq deyil, Səudiyyə Ərəbistanının iqtisadiyyatına əlavə gəlir mənbəyi yaratmaq məqsədi daşıyır.

345
Teqlər:
Mehmet Uzuner, Ümrə, ziyarət, İordaniya, Misir, Həcc, Səudiyyə Ərəbistanı, Türkiyə
Əlaqədar
Həcc ziyarətinin təhlükəsizliyi yəhudilərə həvalə olundu
Bu abidə yalnız ziyarətgahlarda bitən möcüzəli ağacların olduğu meşədədir
Məşhur ziyarətgahımızda acınacaqlı mənzərə
Prezident "Rəhimə Xanım" məscidini ziyarət edib
Səhiyyə naziri Xızıda avtobus qəzasında xəsarət alanları ziyarət edib
 Türkiyə sülhməqamlıları, arxiv şəkli

Türkiyə-Rusiya Ortaq Mərkəzinin yaradılmasına dair anlaşma imzalandı

59
(Yenilənib 12:11 01.12.2020)
"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir"

BAKI, 1 dekabr — Sputnik. Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələr başa çatıb və tərəflər arasında anlaşma imzalanıb.

Sputnik Azərbaycan xəbər verir ki, bu barədə məlumat Türkiyənin Milli Müdafiə Nazirliyinin rəsmi saytında yerləşdirilib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

59
Teqlər:
anlaşma, Rusiya, Türkiyə, Qarabağ
Neft buruğu, arxiv şəkli

Azərbaycan nefti ucuzlaşıb

27
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

 

BAKI, 1 dekabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,68 dollar ucuzlaşaraq 48,05 dollar təşkil edib.

“Brent” markalı neftin bir barelinin qiyməti 0,59 dollar geriləyərək 47,59 dollar, “Light” markalı neftin bir barelinin qiyməti isə 0,28 dollar ucuzlaşaraq 45,06 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

27
Teqlər:
barel, birja, qiymət, neft
ARDNF

ARDNF bu il valyuta satışını 16,6% artırıb

0
(Yenilənib 14:46 01.12.2020)
Dövlət Neft Fondu tərəfindən valyuta hərraclarında 2020-ci ilin noyabr ayı ərzində 495,5 mln. ABŞ dolları məbləğində vəsait satılıb

BAKI, 1 dekabr — Sputnik. Azərbaycan Respublikası Dövlət Neft Fondu (ARDNF) tərəfindən noyabr ayı ərzində valyuta hərraclarında 495,5 milyon ABŞ dolları məbləğində vəsait satılıb.

Bu barədə Sputnik Azərbaycan-a ARDNF-in İctimaiyyətlə əlaqələr departamentindən bildirilib.

Noyabrda valyuta satışında oktyabr ayı ilə müqayisədə 11,6% azalma qeydə alınıb. Belə ki, 2020-ci ilin okyabrında ARDNF tərəfindən 560,3 mln. dollar məbləğində vəsait satılıb. Bu, ötən ilin noyabr ayına nisbətən 8,2% azdır.

Bundan başqa, bu ilin yanvar-noyabr aylarında ARDNF tərəfindən 6665,9 mln. dollar məbləğində vəsait satılıb ki, bu da ötən ilin 11 ayı ilə müqayisədə 16,6% çoxdur.

0
Teqlər:
vəsait, ABŞ dolları, Azərbaycan Respublikası Dövlət Neft Fondu, valyuta