Rusiyaya məxsus sualtı nüvə gəmisi

Nüvə yarışmasında kim daha güclüdür: ABŞ, yoxsa Rusiya?

382
(Yenilənib 12:27 28.09.2016)
Tramp Amerikanın nüvə potensialının köhnəldiyini deyir. Klinton isə rəqibini nüvə silahına yaxın buraxmağın təhlükəli olduğunu bəyan edib.

Nüvə yarışmasında kim daha güclüdür: ABŞ, yoxsa Rusiya?
BAKI, 28 sen — Sputnik. "Rusiyanın nüvə potensialı daha yenidir və ABŞ-ın imkanları artıq köhnəlib". Bu sözləri Respublikaçılar Partiyasından ABŞ prezidentliyə namizəd Donald Tramp deyib.

"Rusiya bizdən fərqli olaraq, öz imkanlarını genişləndirir, onların daha böyük imkanları mövcuddur", — Hillari Klintonla növbəti debatı zamanı, nüvə silahı ilə bağlı öz mövqeyini izah edərkən Tramp bildirib.

O, əlavə edib ki, nüvə təhlükəsi ən böyük təhdiddir. Respublikaçı namizədin sözlərinə görə, belə təhlükədən yayınmağın yalnız bir yolu var. Ki, prezident seçiləcəyi təqdirdə o, yenidən silahlanmaya birinci başlamayacaq.

"Nüvə təhdidi hər şeyin sonudur, amma biz ona cavab verməyə hazır olmalıyıq", — o vurğulayıb.

Hillari Klinton isə növbəti dəfə bəyan edib ki, Trampı nüvə silahına yaxın buraxmaq olmaz.

Amerikada seçkiərəfəsi kampaniyanın qaydalarına uyğun olaraq, debatlarda seçicilərin 15%-nin səsini qazanmış namizədlər iştirak edə bilərlər. ABC televiziya şirkətinin və "Washington Post" qəzetinin apardığı sonuncu sorğunun nəticələrinə görə, populyarlığına görə, Klinton (46 fazi) Trampı (44 faiz) iki faizlik fərqlə qabaqlayır. Yeni ABŞ prezidentinin adı noyabrın 8-də məlum olacaq.

Bu arada Pentaqonun rəhbəri Eşton Karter bəyan edib ki, Amerika üçün iki dövlət — Rusiya və Şimali Koreya nüvə təhlükəsi yaradır. "Yalnız Rusiya və Şimali Koreya nüvə təhlükəsi yaratmaq imkanında olan dövlətlərdir", — Şimali Dakotada hərbçilərlə görüşdə çıxış edən Karter deyib.

Onun sözlərinə görə, ABŞ və NATO-dakı müttəfiqləri Rusiyanı nüvə silahından istifadə etmək fikrindən daşındırır. Amerikanın müdafiə naziri deyib ki, onun ölkəsi köhnəlmiş nüvə ritorikasını canlandırmaq üçün bahanə axtarmır və bunda maraqlı deyil.

Sentayabrın 9-da Şimali Koreyanın bütün tarixi boyu ilk dəfə olaraq geniş nüvə sınağını həyata keçirməsini də Pentaqon təhlükə kimi qiymətləndirib. Həmin sınaqlarda partlayışın gücü on kiloton təşkil etmişdi.

Pentaqon rəhbəri bəyan edib ki, Cənubi Koreyanın potensialı Şimaldan ola biləcək hücumun qarşısını almağa hesablanıb. Bununla yanaşı Karter birmənalı vurğulayıb ki, ABŞ özünə və müttəfiqlərinə qarşı ola biləcək hər hansı təhdidi dəf etmək gücündədir.

Rusiya hakimiyyəti də öz növbəsində, amerikalıların öz sərhədlərindən kənarda nüvə başlıqları yerləşdirməsinin təhlükə mənbəyi olduğunu bayan edib. "Avropada nüvə başlıqlarının yerləşdirilməsi planı isə daha təhlükəlidir. Bu, Avropanın təhlükəsizliyini gücləndirmir. Rusiya başqa ölkələrdəki nüvə başlıqlarını hələ 1989-1990-cı illərdə çıxardıb. Bütün nüvə potensialı, xüsusən də taktiki xarakterli silahlar, yalnız bizim öz milli sərhədlərimiz daxilində yerləşir", — deyə Rusiya XİN rəsmisi Mixail Ulyanov bəyan edib.

382
Teqlər:
nüvə potensialı, Respublikaçılar Partiyası, Hillari Klinton, Donald Tramp, Rusiya, ABŞ
Əlaqədar
Rusiyadan ABŞ və Britaniyaya sərt xəbərdarlıq
ABŞ-da Rusiyaya qarşı yeni cəbhə açılır
Rusiya və ABŞ Suriya ilə bağlı razılığa gəldi
ABŞ Rusiyaya qarşı sanksiyaları genişləndirir
ABŞ-da Rusiya xofu: Moskva seçkilərə müdaxilə edəcək
ABŞ əsgərləri

Amerikalı əsgərlərə "ortabab" qiymət qoydular

16
(Yenilənib 00:36 30.11.2020)
Müəlliflər təxmin edirlər ki, Amerika hökuməti yaxın vaxtlarda diqqəti hərbi xərclərə deyil, sosial proqramlara yönəltməyi planlaşdırır

BAKI, 30 noyabr - Sputnik. Amerikanın The Daily Signal jurnalı yazır ki, öz maraqlarını hərtərəfli qorumaq üçün ABŞ-ın gücü yetməyə bilər.

Nəşr müvafiq nəticəyə "İrs" fondundan aldığı "ABŞ-ın 2021-ci il üçün hərbi qüvvə indeksi" barədə məlumatları analiz edərək gəlib. Bu indeks ölkənin milli maraqlarını müdafiə etməyə hazırlıq, eləcə də xaricdən olan təhlükələrə qarşı müqavimət səviyyəsini əks etdirir.

Analizdən belə qənaətə gəlmək olur ki, dəniz piyadaları korpusu ilə HHQ, eləcə də quru qoşunları "ortabab" qiymətə layiqdirlər. Sonuncuların döyüş qabiliyyəti isə ümumiyyətlə "zəif" kimi dəyərləndirilib. Qiymətləndirməyə görə, ABŞ-ın hərbi-dəniz qüvvələri də ölkənin maraqlarını qoruya bilməyəcək səviyyədədir.

Müəlliflər təxmin edirlər ki, Amerika hökuməti yaxın vaxtlarda diqqəti hərbi xərclərə deyil, sosial proqramlara yönəltməyi planlaşdırır. Bu isə, müəlliflərin fikrincə, milli təhlükəsizlik sahəsindəki strategiyanı gerçəkləşdirməyə mane olacaq.

16
Teqlər:
qiymətləndirmə, HDQ, HHQ, əsgər, ABŞ
Dieqo Armando Maradona

Maradonanın həkimi ittihamlara cavab verdi

29
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

29
Teqlər:
axtarış, ittiham, həkim, ölüm, Dieqo Armando Maradona
Bakıda yağan yağış

Bakının bu yollarında sürət həddi endirildi

0
(Yenilənib 10:53 30.11.2020)
Heydər Əliyev prospekti-Hava Limanı-Bilgəh və Zığ dairəsi-Hava limanı avtomagistrallarında bütün zolaqlar üzrə sürət həddi endirilib

BAKI, 30 noyabr — Sputnik. Bakıda qeyri-sabit hava şəraiti ilə bağlı əsas magistral avtomobil yollarında sürət həddi azaldılıb. Bu barədə Sputnik Azərbaycan-a Bakı Nəqliyyat Agentliyinin Mətbuat katibi Mais Ağayev məlumat verib. O bildirib ki, hazırda paytaxtda müşahidə edilən yağıntılı hava şəraiti ilə əlaqədar Heydər Əliyev prospekti-Hava Limanı-Bilgəh və Zığ dairəsi-Hava limanı avtomagistrallarında bütün zolaqlar üzrə sürət həddi endirilib:

"Məqsəd hərəkətin təhlükəsizliyini təmin etməkdir. Bir daha hərəkət iştirakçılarına bu cür hava şəraitində ehtiyatlı olmağı tövsiyə edirik. Sürücülərdən yollarda sürət həddinə əməl etmələrini, meteoroloji amilləri nəzərə almalarını və digər hərəkət iştirakçılarına qarşı anlayışla davranmalarını xahiş edirik. Eyni zamanda, piyadalara yolun hərəkət hissəsinə çıxmamaq və yolun qarşı tərəfinə keçərkən müəyyən olunan piyada keçidlərindən istifadə etmələri tövsiyə edilir".

0
Teqlər:
sürət, yol, Yağış, Bakı