Boris Conson

Ərdoğanı təhqir edən ingilis nazir Türkiyəyə gəlib

24
(Yenilənib 15:55 26.09.2016)
O, Qaziantep vilayətində suriyalı qaçqınların qaldığı düşərgəyə baş çəkib

BAKI, 26 sen — Sputnik. Britaniyanın xarici işlər naziri Boris Conson Türkiyəyə səfərə gəlib. Sputnik Sözcü-yə istinadən xəbər verir ki, o, Qaziantep vilayətinə gedərək, Türkiyəyə sığınan suriyalı qaçqınların qaldığı düşərgəyə baş çəkib, onların şəraiti ilə maraqlanıb.

Xatırladaq ki, Boris Conson bir müddət əvvəl yerli mediaya müsahibəsi zamanı Ərdoğan əleyhinə təhqiramiz ifadələr işlətmişdi.

Qaziantep Türkiyə-Suriya sərhəddində yerləşir. Suriyadakı silahlı münaqişədən qaçan suriyalıların bir hissəsi məhz bu bölgəyə sığınıblar.

24
Teqlər:
Qaziantep, Boris Conson, Britaniya, Türkiyə
Əlaqədar
ABŞ-dan Türkiyə ilə bağlı terror xəbərdarlığı
Yunanıstan Türkiyənin tələbini geri çevirmədi
Türkiyə Suriyaya quru qoşunları göndərəcək?
ABŞ mediasında Türkiyə ilə bağlı çağırış
Türkiyə-Rusiya yaxınlaşması doğru seçim kimi qiymətləndirilir
İraqın Baş naziri Türkiyənin ünvanına "od püskürdü"
Türkiyə parlamentinin sədri Avropanı sərt tənqid etdi
Fukusima

Yaponiyalı nazir deyir ki, "Fukusima"da istifadə olunan suyu içmək olar

3
(Yenilənib 15:32 16.04.2021)
Çin xarici işlər nazirliyi: "Sakit okean nə çirkab suları üçün anbar, nə də Yaponiyanın zibil vedrəsi deyil ki, qəzaya uğramış AES-dən sular ora tökülsün".

BAKI, 16 aprel — Sputnik. Yaponiyanın maliyyə naziri və eyni zamanda baş nazirin müavini Taro Aso Çin xarici işlər nazirliyinin "Fukusima-1" AES-dəki suyu okeana axıtmadan əvvəl onu içmək barədə təklifinə cavab verib. Sputnik Azərbaycan Rusiya mediasına istinadən xəbər verir ki, Yaponiya adı çəkilən AES-də reaktorların soyudulması üçün istifadə olunmuş suyun okeana axıdılması barədə qərar qəbul edib.

Xatırladaq ki, ötən çərşənbə axşamı Aso bildirib ki, "Fukusima-1" də istifadə olunmuş suda radionukleidlərin səviyyəsi, tritium istisna olunmaqla, Ümumdünya Səhiyyə Təşkilatının (ÜST) normalarından 7 dəfə, Yaponiyada qüvvədə olan normalardan isə 40 dəfə aşağıdır.

Buna cavab olaraq Çin Xarici İşlər Nazirliyinin rəsmisi bildirib ki, "Sakit okean nə çirkab suları üçün anbar, nə də Yaponiyanın zibil vedrəsi deyil ki, qəzaya uğramış AES-dən sular ora tökülsün".

Daha sonra XİN rəsmisi "bəzi yapon siyasətçilərinə" suyun təhlükəsizliyi barədə fikir yürütməzdən əvvəl onu içməyi məsləhət görüb.

"Burada əsas məsələ odur ki, həmin su ÜST normalarından 7 dəfə çox başqa sularda həll olunacaq. Yəni həmin suyu içmək də olar. Bu adi haldır", - deyə Aso telekanallardan birinə müsahibəsində bildirib.

Qeyd edək ki, Yaponiya 2023-cü ildən etibarən "Fukusima-1" AES-də reaktorların soyudulması üçün istifadə olunmuş suyun tritiumdan başqa digər radionukleidlərdən təmizlənərək okeana axıdılması barədə qərar qəbul edib. Rusiya, Çin və Koreya məsələ ilə bağlı narahatlıqlarını ifadə ediblər.

3
Reanimasiyada COVİD-19 xəstəsi, arxiv şəkli

Rusiyada bir gündə 390-dan çox adam koronavirusdan öldü

3
(Yenilənib 14:45 16.04.2021)
Dünyada koronavirus infeksiyasına indiyədək yoluxanların sayı 138,8 milyonu keçib, 2,98 milyondan çox adam isə virus səbəbi ilə ölüb.

BAKI, 16 aprel — Sputnik. Son bir sutka ərzində Rusiyada 8995 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 397 nəfər ölüb.

Ümumilikdə, Rusiyada bu xəstəliyə yoluxanların sayı 4 684 148–ə çatıb. Rusiyada pandemiya yayılandan 104 795 nəfər COVID-19-dan vəfat edib. Ölkədə bu virusdan sağalanların sayı 4 310 557-yə çatıb.

Xatırladaq ki, koronavirus infeksiyası 2019-cu ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 138,8 milyonu keçib, 2,98 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) 2020-ci il fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

3
Teqlər:
statistika, Koronavirus, epidemiya, COVID-19, Rusiya
Mövzu:
Yeni tip koronavirus pandemiyası
Qan analizi, arxiv şəkli

Səkkizinci faktordan asılı olan adamlar: Onlar COVID-ə yoluxanda ağırlaşma olmur

4
(Yenilənib 15:38 16.04.2021)
"Təsəvvür edin, adi burun qanamasından insan dünyasını dəyişirdi. Təxminən ötən ilin ortalarınadək xəstəliyin yeganə müalicə ünvanı Bakıda idi".

Nigar İsgəndərova, Sputnik Azərbaycan

BAKI, 16 aprel — Sputnik. "2021-ci ildə Azərbaycanda hemofiliyalı xəstələrin sayı 1704 olub. İki il öncə isə bu rəqəm 1640 idi. Bu rəqəm hemofiliya ilə doğulan körpələrin hesabına iki il ərzində artıb. Ümumilikdə isə qeyd edim ki, hazırda ölkədə hemofiliyalı uşaqların sayı 300-dür. Bu xəstəliyin yaranmasında əsas faktorlardan biri qohum nikahlarıdır".

Hemofiliyalı Xəstələrin Respublika Assosiasiyasının sədri Ayaz Hüseynov bu barədə Sputnik Azərbaycan-ın Multimedia Mətbuat Mərkəzində onlayn çıxışı zamanı deyib.

© Sputnik / Murad Orujov
Hemofiliyalı Xəstələrin Respublika Assosiasiyasının sədri Ayaz Hüseynov

Assosiasiya sədri bildirib ki, irsi xəstəliklərin müəyyənləşdirilməsində mühüm rol oynayacaq tibbi genetik laboratoriyanın yaranması ilə rəqəmlərin artmasının qarşısı alınacaq. Yəni belə olan halda nikaha daxil olmaq istəyən şəxslər analizlər verərək genetik xəstəliklərini öyrənə biləcəklər ki, bu zaman da xəstəliyin artmasını əngəlləmək mümkün olacaq.

A.Hüseynov həmçinin bu xəstələrin COVID-19-a yoluxmasından da söz açıb:

"COVID-19 zamanı qan qatılaşır. Bu xəstəliyin daşıyıcısı olanlarda isə qan duru olur. Bu səbəbdən COVID-19 virusu bu xəstələr arasında xüsusi bir risk yaratmır. Yəni COVID-19-a yoluxan belə xəstələr arasında heç bir ağırlaşma olmur".

O son görülən işlərdən də danışıb: "2005-ci ilədək hemofiliyalı xəstələrin vəziyyəti ağır idi. Onlar üçün lazım olan dərman və preparatlar yox idi. Təsəvvür edin, adi burun qanamasından insan dünyasını dəyişirdi. Təxminən ötən ilin ortalarınadək xəstəliyin yeganə müalicə ünvanı Bakıda idi. Lakin biz ötən ilin əvvəlindən regional qan banklarının yaradılması üçün təkliflər irəli sürdük. Artıq hemofiliyalı xəstələrin Bakıya gəlməsinə ehtiyac qalmır. Onlar regional qan banklarına üz tutaraq lazım olan prosedurdan keçirlər".

"Elə dərman preparatları var ki, ayda bir dəfə vurulmaqla insan normal həyatını yaşaya bilir. Bu dərman və preparatlar qanda çatışmayan 8-ci faktoru bərpa edir. Yəni, ən ağır xəstələr bu dərman preparatını qəbul etməklə normal həyat tərzlərini yaşaya bilərlər. Əsas hədəfimiz xüsusən də ağır formalı uşaqları bu dərman preparatları ilə təmin etmək, onların sağlam böyüməsidir", - deyə sədr əlavə edib.

A.Hüseynov yaxın zamanlarda hemofiliyalı xəstələr üçün nəzərdə tutulan dərman və preparatların gələcəyini qeyd edib.

4
Teqlər:
uşaqlar, Azərbaycan, COVID-19, xəstə, hemofiliya