Fələstin prezidenti Mahmud Abbas BMT-nin 71-ci Baş Assambleyasında çıxışı zamanı, 22 sentyabr 2016-cı il

BMT sammitində İsrail-Fələstin "atışması"

80
Mahmud Abbas İsraili müstəmləkəçilik və təcavüzkarlıqda ittiham edib. Binyamin Netanyahu isə məsələnin kökündə başqa problem dayandığını bildirib.

BAKI, 23 sen — Sputnik. BMT-nin 71-ci Baş Assambleyasının yığıncağı Fələstin prezidenti Mahmud Abbas ilə İsrail Baş naziri Binyamin Netanyahu arasında söz duelinə səhnə olub. Mahmud Abbas bildirib ki, işğal altındakı torpaqlarda olan yəhudi yaşayış məntəqələri iki dövlətli həll yoluna olan ümidləri öldürür.

Sputnik-in xəbərinə görə, Fələstin lideri deyib ki, İsrailin yəhudi yaşayış məntəqələrini genişlətmə planları, 1967-ci ildən öncəki sərhədlər çərçivəsində iki dövlətli həll planına zərbə vurur və o planı məhv edir: "Yəhudi sakinlər sanki bir terror qrupu kimi hərəkət edirlər. Fələstinli ailələrə hücumlar olur. Təhlükəsizlik Şurasında yəhudi sakinlərin törətdiyi terroru və yaşayış məntəqələri haqqında qərar qəbul etdirmək üçün bütün gücümüzü ortaya qoyacağıq".

Fələstin prezidenti çıxışında İsraili fələstinlilərə qarşı etnik təmizləmə aparmaqda günahlandırıb və Fələstin xalqının müvəqqəti həll yollarını qəbul etməyəcəyini bildirib. İsraili müstəmləkəçilik və təcavüzkarlıqda günahlandıran Mahmud Abbas deyib: "İsrail gerçəkdən sülh istəyirmi? Tətbiq etdiyi siyasətdən əl çəkməyə hazırdırmı? Bu ölkə atəşlə oynayır. Bunun axırı nə olacaq, məlum deyil".

M. Abbas Fələstin torpaqlarında yəhudilərə bir dövlət vəd edən "Balfour bəyannaməsi"nin üzərindən, təqribən 100 il ötdüyünü xatırladaraq, bununla bağlı Britaniyanı Fələstin xalqından üzr istəməyə çağırıb.

İsrailin Baş naziri Binyamin Netanyahu isə Abbasın "əslində sülh istəmirlər, tək dövlət istəyirlər" barədəki ittihamı qarşısında Fələstin liderini İsrail parlamentində çıxış etməyə dəvət edib. Netanyahu özünün də Fələstin parlamentində çıxış edə biləcəyini söyləyib.

Yəhudi yaşayış mərkəzlərinə dair ittihamlara ötəri cavab verən Netanyahu "fələstinlilərlə aramızda olan əsas məsələ bu deyil" bildirib.

80
Teqlər:
Mahmud Abbas, BMT Baş Assambleyası, Fələstin, İsrail, Binyamin Netanyahu, BMT
Əlaqədar
Araz Əzimov İsrail və Fələstinə səfər edib
Yunanıstan Fələstinin müstəqilliyini tanıdı
Fələstindən İsrailə tarixi çağırış
Fələstin prezidenti Misirə hansı səbəblə gedir?
Biznes  ledi

İllərin sənətçisi yeni biznesə başlayıb

20
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

20
Sputnik Beynəlxalq İnformasiya Agentliyinin loqosu, arxiv şəkli

"Bu, "Sputnik Latviya"ya qarşı ilk qərəz deyil" - Azərbaycanlı media eksperti

15
(Yenilənib 22:03 04.12.2020)
"Azadlıq radiosunun yayımının bloklanması pislənir, amma "Russia Today"-in yayımına məhdudiyyətə heç bir reaksiya verilmir"

Zülfiyyə Quluyeva, Sputnik Azərbaycan

BAKI, 4 dekabr — Sputnik. Latviya Dövlət Təhlükəsizlik xidməti dekabrın 3-də Riqadakı "Sputnik" bürosunun əməkdaşlarına, eləcə də "Baltnews" portalının jurnalistlərinə və digər rusdilli media nümayəndələrinə Latviya Cinayət Məcəlləsinin 84-cü maddəsi ilə – Avropa Şurasının sanksiya rejimini pozma – ittiham irəli sürüb. Jurnalistlər saxlanılıb, dindirilib, axtarışa məruz qalıb və onlar haqqında cinayət işi qaldırılıb. Sputnik Azərbaycan ölkənin tanınmış media ekspertlərinin bu məsələyə münasibət bildirib.

Jurnalistlərin Həmkarlar İttifaqının sədri Müşfiq Ələsgərli Sputnik Azərbaycan-a açıqlamasında bildirib ki, bu hadisələr  jurnalistika prinsipi baxımından həqiqətən də yolverilməzdir: "Bu "Sputnik Latviya"ya qarşı olan ilk hadisə deyil. Çox uzun müddət dünyada belə kampaniyalar aparılırdı ki, Azadlıq radiosunun və digər beynəlxalq KİV-lərin fəaliyyəti bloklanır. Amma məsələ ondadır ki, Avropa ölkələrində, hətta ABŞ-ın özündə bu prinsiplər çox pozulur. Bunlardan qabaq, "Russia Today"-in yayımı bloklanmadı. Pribaltika ölkələrində onların yayımına məhdudiyyət qoyulub. Hələ o vaxt bu məsələ qalxanda bildirilirdi ki, Azadlıq radiosunun yayımının bloklanması pislənir, amma "Russia Today" yayımına məhdudiyyətə heç bir reaksiya verilmir. Çox təəssüf ki, söz azadlığı prinsipləri çox vaxt elə onu yaradan ölkələr tərəfindən pozulur. Müasir mediada baş verən ifadə azadlığı pozuntularının çoxu elə qərb dövlətlərinin özündən gəlir. O cümlədən, Avropa və ATƏT məkanından. Əvvəllər biz danışırdıq ki, bu ikili standartlar əsasən Azərbaycana qarşıdır. Amma son dövrlər görürük ki, bunların özlərinin ifadə azadlığına qarşı münasibətlərində çox ciddi dəyişikliklər var. Məsələn, elə bir neçə gün öncə Fransada baş verən toqquşmalarda media azadlığını götürək. Qlobal təhlükəsizlik haqqında qəbul olunan qanunun bir nömrəli hədəfi medianın azadlığının məhdudlaşdırılmasıdır. Beynəlxalq təşkilatlar tərəfindən belə bir ifadə işlədildi ki, artıq ATƏT-in, Avropa Şurasının ən aparıcı dövlətlərindən olan Fransa kimi ölkə söz azadlığının durumuna görə Somali və Sudanın vəziyyətinə düşüb. Söz və ifadə azadlığına ikili yanaşma var. Bu cür yanaşmalar Qərb dəyərləri haqqında danışanların özünü şübhə altına salır. Media azadlığının qanunvericilik nöqteyi nəzərindən məhdudlaşdırılması, ikili yanaşma jurnalistlərin təhdid olunması ilə bağlı ciddi faktlar ortaya çıxır. "Sputnik Latviya"ya qarşı baş verən hadisələr də kəskin şəkildə qınanılmalı, media, ifadə azadlığına qarşı addım kimi dəyərləndirilməlidir. Mən xarici KİV-lərin, onların əməkdaşlarının fəaliyyətinə baltikyanı dövlətlərdə yaradılmış bu maneəni və təhdidi kəskin qınayıram".

Qeyd edək ki, Rusiya Xarici İşlər Nazirliyi Latviya hakimiyyət orqanlarının "Baltnews" portalı və "Sputnik Latviya"nın rusdilli jurnalistlərinə qarşı hərəkətlərini sərt şəkildə qınayıb. Bildirilib ki, "Latviya Dövlət Təhlükəsizlik Xidmətinin dekabrın 3-də Riqadakı "Sputnik" bürosunun əməkdaşlarına və rusdilli jurnalistlərə qarşı həyata keçirdiyi aqressiv hərəkətləri demokratik cəmiyyətin təməl prinsiplərinin – media və ifadə azadlıqlarının pozulmasının bariz nümunəsi kimi qiymətləndiririlir: "Bu məhdudiyyətlər şəxsi xarakter daşıyır və şəxsən "Rossia Seqodnya" BİA-nın baş direktoru Dmitri Kiselyovla əlaqəlidir, media holdinqin bütün əməkdaşlarına şamil edilə bilməz. Bütün bu uydurma ittihamların, heç şübhəsiz, rusofobiyanın təsiri ilə həyata keçirilən cəzalandırma tədbiri olduğu aydındır. Məsələ ATƏT Nazirlər Şurasında qaldırılacaq", – deyə məlumatda bildirilir. Nazirlik ümid etdiyini bildirir ki, ATƏT-in yeni Media Azadlığı Nümayəndəsi baş verənləri görməzdən gəlməyəcək və Latviyaya qarşı "bu cür hücumların qəbuledilməzliyi", "söz azadlığını təmin edilməsi üçün beynəlxalq öhdəliklərin yerinə yetirilməsinin zəruriliyi" əsasında təzyiq göstərəcək. "Avropa Şurasından da adekvat reaksiya gözləyirik", – deyə məlumatda bildirilir.

Xatırladaq ki, keçən il Estoniyada da analoji hadisə müşahidə olunmuşdu.

15
Teqlər:
Həbs, jurnalistlər, Sputnik Latviya