Arsen Avakov

"Avakov erası" başa çatır

57
(Yenilənib 12:23 15.09.2016)
Ukraynanın Baş prokuroru ölkənin erməni əsilli daxili işlər nazirinə qarşı cinayət işi qaldırıb

"Avakov erası" başa çatır
BAKI, 15 sen — Sputnik. Ukraynanın baş prokuroru Yuri Lutsenko ölkənin daxili işlər naziri, erməni əsilli Arsen Avakova qarşı cinayət işinin başlandığını bildirib. Sputnik xəbər verir ki, bu barədə RİA Novosti məlumat yayıb.

"Mən cənab Şabunin (Ukrayna Korrupsiyaya Müqavimət Mərkəzinin Başçısı Vitaliy Şabunin — red.) də daxil olmaqla, hər gün onlarla insandan məktub alıram. Siz inanmayacaqsınız, məhz Şabuninin məktubu əsasında, DİN rəhbəri Avakova qarşı cinayət işi başlanılıb", — deyə "Sol sahil" proqramının efirində Lutsenko bildirib.

"Çünki qanun qarşısında hamı eynidir. Ukraynanın Baş Prokurorluğuna edilən müraciətlər eyni prossesual statusa malikdir", — o vurğulayıb. Bununla yanaşı, Lutsenko cinayət işinin hansı maddə ilə qaldırıldığını dəqiqləşdirməyib.

Avakovun adı fevral ayındakı qalmaqalda hallanıb. "YouTube"da DİN əməkaşları üçün çantaların alınmasına dair danışıq aparan Aleksandr Avakova (DİN rəhbərinin oğlu) və Sergey Çebotıryaya (Avakovun müavini) bənzəyən şəxslərin videosu yayılmışdı. "Azadlıq radiosu" burada söhbətin korrupsiyadan getdiyini ehtimal etmişdi. Belə ki, videoya əsasən, DİN çantaları saxta şirkətdən ala bilərdi.

Jurnalistlərin məlumatına görə, naməlum səhifə sahibi tərəfindən yüklənən video dövlət satınalmaları üzrə məsuliyyət daşıyan Çebotıryanın kabinetində gizli kamera ilə çəkilib. Söhbətdən anlaşılır ki, Avakovun oğluna bənzəyən insan DİN-ə böyük həcmdə çanta gətirmək istəyir, əslində isə bu proses açıq tender yolu ilə baş tutmalıdır.

Videodakı dialoq 2014-cü ilin dekabr ayına aiddir. 2015-ci ilin fevralında isə DİN həqiqətən 16,5 milyon qrivenlik (630 min dollar) çanta alıb.

Baş prokurorun sözlərinə görə, Arsen Avakov Donbasda separatçılarla mübarizə aparan təhlükəsizlik qüvvələrinin döyüşçüləri üçün alınmış geyim və digər ləvazimatların qiymətlərini şişirdərək dövlət vəsaitini mənimsəyib və qanunsuz qazanc əldə edib. Avakov isə öz növbəsində Baş prokurorun ittihamlarını rədd edərək tender prosedurunun şəffaf keçdiyini bildirib.

Anti-Korrupsiya Bürosunun tədqiqatları da göstərib ki, alınmış altı min çantanın qiyməti şişirdilib, tender qalibləri isə DİN başçısının sabiq müavininin müdaxiləsi ilə seçilib. Bu azmış kimi, alınan mallar anbarlara tam həcmdə daxil olmayıb.

Qeyd edək ki, son günlər Ukraynada yaşayan azərbaycanlıların təzyiqlərə və həbslərə məruz qalması, oğurlanması, obyektlərinin yandırılması halları barədə də xəbərlərin sayı durmadan artır. Bütün bunların axrasında Arsen Borisoviç Avakovun dayandığını iddia edənlər də var.

Xatırladaq ki, Ukraynanın DİN rəhbəri Arsen Borisoviç Avakov 1964-cü il yanvarın 2-də Bakının Binəqədi rayonunda (keçmiş Kirov rayonunun Kirov qəsəbəsində) hərbçi ailəsində anadan olub. 1966-cı ildən Ukraynada yaşayır.

57
Teqlər:
Yuri Lutsenko, DİN, Arsen Avakov, Baş Prokurorluq, Ukrayna, cinayət işi
Əlaqədar
Suriya və Ukrayna problemləri "düyünə düşüb"
Ukrayna Rusiyanın yeni səfirini qəbul etmədi
Rusiya Ukraynanın Krımla bağlı tələbini blokladı
Məşhur rus jurnalist Ukraynada qətlə yetirildi
Azərbaycanla Ukrayna birgə təyyarə istehsal edə bilər
Azərbaycan və Ukrayna prezidentlərinin təkbətək görüşü olub
İnsan qanı dolu paketlər, arxiv şəkli

Xərçəng xəstələrinə ümid işığı: Yeni test sağ qalma şansını artıracaq

7
(Yenilənib 23:32 27.11.2020)
"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

BAKI, 28 noyabr — Sputnik. İngiltərənin Milli Səhiyyə Xidməti qandan 50 növ xərçəngin erkən əlamətlərini aşkar edən bir testi yoxlayacaq.

Sputnik Azərbaycan xarici mətbuata istinadla xəbər verir ki, "Qan Analizi Qalereyası" 165.000 xəstə üzərində test ediləcək. Əvvəlki tədqiqatlar diaqnozu çətin olan bir çox xərçəng növünü -  boyun, yumurtalıq və beyin xərçənglərini müəyyən edə bildiyini göstərmişdi.

Yeni testin effektiv olduğu sübut edilərsə, erkən mərhələlərdə xərçəng diaqnozu üçün geniş istifadə ediləcək. Bu, dördüncü mərhələdə xəstəliyin aşkarlanması halları ilə müqayisədə xəstələrin sağ qalma sürətini beş-on qat artıracaq.

"Analiz Qalereyası" Amerikanın "Greil" şirkəti tərəfindən hazırlanıb. Test qanda molekulyar səviyyədə dəyişikliklər tapır və bu da xərçəngin aşkarlanmasına imkan verir.

Milli Səhiyyə Xidməti sınaqların 2023-cü ilə qədər bitməsini planlaşdırır. Bu, 2024-2025-ci illərdə yeni qan testinin geniş yayılmasına imkan verəcək.

7
Teqlər:
İngiltərə, ABŞ, qan, test, xərçəng xəstəliyi
Netflix şirkətinin binası, arxiv şəkli

"Oskar" mükafatında yeni rekordçu ola bilər

5
(Yenilənib 23:25 27.11.2020)
Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanır

BAKI, 28 noyabr — Sputnik. "Netflix" 2021-ci ildə "Oskar" mükafatının təqdimetmə mərasimində "Ən Yaxşı Film" nominasiyaları üzrə yeni rekordçu ola bilər.

Sputnik Azərbaycan-ın verdiyi məlumata görə, "Netflix"in namizədləri arasında Aaron Sorkinin "The Trial of the Chicago 7" və Devid Finçerin "Mank", Nikol Kidmanın iştirakı ilə "Ma Rainey"s Black Bottom", Meril Stripin oynadığı "The Prom", Spayk Linin "Da 5 Bloods" filmləri və Corc Kluninin genişmiqyaslı "The Midnight Sky" layihəsi yer alıb.

Bundan əlavə, Sofi Lorenin iştirak etdiyi "The Life Ahead" və Priyanka Çopranın rol aldığı "The White Tiger" filmlərinin də şansı olduğu vurğulanıb.

Nəşrin yazdığına görə, əvvəlki rekord MGM ("Metro-Goldwyn-Mayer") kino şirkətinə məxsus olub.

5
Teqlər:
film, rekord, Netflix şirkəti, Oskar mükafatı
Azərbaycan hərbçiləri Kəlbəcərdə, arxiv şəkli

İşğaldan azad olunan Kəlbəcər şəhərində Azərbaycan bayrağı qaldırılıb - VİDEO

9
(Yenilənib 09:51 28.11.2020)
Azərbaycanın Kəlbəcər rayonu üçtərəfli bəyanatın şərtlərinə uyğun olaraq, noyabrın 25-də erməni işğalından azad edilib.

BAKI, 28 noyabr - Sputnik. İşğaldan azad olunan Kəlbəcər şəhərində Azərbaycan bayrağı qaldırılıb.

Sputnik Azərbaycan-ın xəbərinə görə, bu barədə Müdafiə Nazirliyi məlumat yayıb. Həmin möhtəşəm kadrları təqdim edirik.

9
Teqlər:
Azərbaycan bayrağı, Müdafiə Nazirliyi, Üçtərəfli bəyanat, Kəlbəcərin azad olunması