Gecəyarısı dəhşətli iniltiyə oyanan kişi gördüyündən şoka düşdü
BAKI, 1 sent — Sputnik. Doberman cinsindən olan ev iti Hindistanın Sebekapur əyalətində böyük şərəf və təmtəraqla dəfn edilib. Çünki o, üzvü olduğu ailəni zəhərli kobraların hücumundan xilas edib. Həm də öz həyatı bahasına.
©
Photo : PUBLIC DOMAIN
Hindistanlı doberman həyatı bahasına sahiblərini zəhərli kobralardan xilas edib
Bu it özünün yeni sahibinin evində cəmi bir neçə ay yaşayıb. Bir dəfə ailə gecəyarısı yüksək it səsinə və tükürpərdən iniltiyə oyanıb. Yaxşı bir şey baş vermədiyini hiss edən dobermanın sahibi həyətə qaçıb. O, öz itinin bir neçə kobra ilə gərgin mübarizə apardığını görüb.
©
Photo : PUBLIC DOMAIN
Gecə səs-küyə oyanan ev sahibləri itin evə hücum çəkmiş bir neçə kobra ilə mübarizə apardığının şahidi olurlar
İt ilanlarla apardığı amansız mübarizə nəticəsində onların evə hücumunun qarşısını alıb. Düşmən məğlub olub, amma bir neçə saniyədən sonra zəhər öz işini görüb. Cəsur Doberman yerə yıxılıb. Sən demə, döyüşdə ilanlar onu sancıb, amma bu cəsur heyvan onlara təslim olmayıb, sonadək mübarizə apararaq "ilan ordusu"nu məhv edib.
©
Photo : PUBLIC DOMAIN
Köpək ilanların evə girməsinə imkan verməsə də, bu, ona canı bahasına başa gəlir
İti heç nə xilas edə bilməyib. O, özünün son dəqiqələrini sevdiyi və qoruduğu insanlarla keçirib.
©
Photo : PUBLIC DOMAIN
O, ömrünü sevdiyi və sadiq olduğu insanlara qurban verməklə başa vurdu
"Mən şokda idim. O, bizim üçün öz həyatını qurban verib. Onun əziz xatirəsi daim bizim yaddaşımızda olacaq", — deyə dobermanın sahibi Raita Dibakar bildirib.
©
Photo : PUBLIC DOMAIN
İtin sahibi: "O, bizə görə özünü qurban verdi. O, daima xatirələrmizdə yaşayacaq"
Qəhrəmanın dəfninə bütün kənd toplaşıb. Bu inanılmaz hərəkət yalnız alqışa layiqdir. İtlər insanların əsl dostlarıdır. Məhz onlar insanlara sədaqətli olmağı, cəsurluğu və təmənnasız sevgini öyrədirlər.
"Lotu Quli"nin məzarı üstündə atışma olub, 1 nəfər ölüb
BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.
APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.
Onu vuran digər azərbaycanlı Kənan adlı şəxs isə xəstəxanaya çatdırılıb.
Məlumata görə, hadisə borc üstündə baş verib.
Hadisədə şübhəli bilinən 3 nəfər saxlanılıb.
Vaksini də tapıblar, amma xeyri yoxdur: bir gündə 586 nəfər öldü
(Yenilənib 16:03 19.01.2021)
Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.
BAKI, 19 yanvar — Sputnik. Son bir sutka ərzində Rusiyada 21734 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 586 nəfər ölüb.
Ümumilikdə, Rusiyada bu xəstəliyə yoluxanların sayı 3612800-ə çatıb. Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 95.5 milyonu keçib, 1,04 milyondan çox adam isə virus səbəbi ilə ölüb.
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.
Bakının Heydər Əliyev prospektində baş verən qəza tıxaca səbəb olub
BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.
Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.