Rusiyanın baş kardiocərrahı Leo Bokeriya. Arxiv şəkli

Əfsanəvi həkim İslam Kərimovu müayinə etdi

8144
(Yenilənib 12:29 01.09.2016)
Akademik Leo Bokeriya reanimasiyada olan Özbəkistan prezidentinin səhhəti ilə əlaqədar Daşkəndə gedib

BAKI, 1 sen — Sputnik. Əfsanəvi rusiyalı həkim Leo Bokeriya, reanimasiyada olan Özbəkistan prezidenti İslam Kərimovu müayinə etmək üçün Daşkəndə gedib. Bəzi məlumatlara görə, Leo Bokeriya xəstəni əhatəli müayinədən keçirib. Sputnik Rusiya mətbuatına istinadən xəbər verir ki, həkimin nümayəndələri onun Özbəkistana səfərini şərh etməkdən imtina ediblər.

Lola Kərimova-Tillyayeva (sağda)
© Photo : lola_tillyaeva/instagram

Xatırladaq ki, İslam Kərimovun beyninə qan sızması haqda məlumat verilmişdi. Hazırda o, Daşkənddə dövlət xəstəxanasının reanimasiya şöbəsindədir. Həkimlər isə onun səhhəti ilə bağlı heç bir proqnoz verməyiblər.

Leo Bokeriya Antonoviç (əsl adı — Leonid) Rusiya Federasiyasının baş kardiocərrahı, Rusiya Elmlər Akademiyasının akademiki və Rusiya Federasiyası İctimai Palatasının üzvüdür. Bokeriya öz fəaliyyəti ərzində bir çox məşhur eksperimentlərə imza atıb. Buraya Rusiyada, eləcə də ölkə xaricində həyata keçirilən və kənardan idarə olunan ürək əməliyyatları, ürək xəstəliklərinin simulyasiyası, krioblasiya, fulgurasiya, lazer fotoablasiya və bir sıra digər yeni üsulları aid etmək olar.

Həkim qan dövranı sistemi, qaz mübadiləsi və aritmiya xəstəliklərinin müayinəsi zamanı kompüter üsullarından fəal istifadə edir. O, bu vaxta kimi taxiaritmiyadan əziyyət çəkən 2000-dən artıq insan üzərində açıq ürək əməliyyatı keçirib.

8144
Teqlər:
reanimasiya, Leo Bokeriya, İslam Kərimov, müayinə, Özbəkistan, prezident
Əlaqədar
Özbəkistan prezident aparatı: İslam Kərimov sağdır
Özbəkistan prezidenti İslam Kərimovun vəziyyəti ağırlaşıb və o, xəstəxanaya yerləşdirilib
Özbəkistan Qırğızıstan sərhəddinə qoşun yeridib
Azərbaycan Özbəkistandan taxıl ixrac edəcək
Vebinar, arxiv şəkli

"Qoşulmama Hərəkatı COVID-19" mövzusunda vebinar keçirilib

2
(Yenilənib 22:47 04.08.2020)
Xalid Teymur Əkrəm deyib ki, dünyanın üzləşdiyi müxtəlif aspektli böhran şəraitində Qoşulmama Hərəkatı beynəlxalq əməkdaşlığın və həmrəyliyin yaradılması üçün mühüm rol oynayır.

BAKI, 4 avqust — Sputnik. Beynəlxalq Münasibətlərin Təhlili Mərkəzinin (BMTM) təşkilatçılığı ilə "Qoşulmama Hərəkatı və COVID-19 pandemiyası" mövzusunda beynəlxalq vebinar keçirilib.

BMTM-nin mətbuat xidmətindən Sputnik Azərbaycan-a verilən xəbərə görə, vebinarın moderatoru, Mərkəzin İdarə Heyətinin sədri Fərid Şəfiyev bu ilin mayında Azərbaycan Prezidenti İlham Əliyevin təşəbbüsü ilə təşkil edilmiş Qoşulmama Hərəkatının virtual sammitini xatırladıb.

O bildirib ki, bu tədbir təşkilat tarixində vacib hadisə olmaqla yanaşı, onun güclənməsinə və koronavirus böhranına adekvat reaksiya verməsinə şərait yaradıb.

Pakistanın Qlobal və Strateji Araşdırmalar Mərkəzinin Direktoru Xalid Teymur Əkrəm deyib ki, dünyanın üzləşdiyi müxtəlif aspektli böhran şəraitində Qoşulmama Hərəkatı beynəlxalq əməkdaşlığın və həmrəyliyin yaradılması üçün mühüm rol oynayır.

BMTM-in baş məsləhətçisi Vasif Hüseynov çıxışı zamanı bildirib ki, Qoşulmama Hərəkatının üzvləri təşkilatın 2019-2022-ci illərdə sədri olan Azərbaycan Prezidentinin pandemiya ilə mübarizə üçün təqdim etdiyi təşəbbüsləri yüksək qiymətləndirir. Onun sözlərinə görə, bu təşəbbüslər içərisində BMT Baş Assambleyasının xüsusi sessiyasının təşkil edilməsi təklifi xüsusi qeyd edilməlidir: "Yalnız Ermənistanın qarşı çıxdığı bu təşəbbüsə 130-dan artıq dövlət dəstək göstərib".

Pandemiyanın dövlətlər arasındakı münaqişələrə təsirindən danışan V.Hüseynov diqqəti Ermənistan-Azərbaycan sərhədində iyulda yaşanan hadisələrə çəkərək, Ermənistanın Azərbaycana qarşı təcavüzünün səbəblərindən birinin ölkənin daxilində olan böhranlı vəziyyət olduğunu qeyd edib.

Daha sonra çıxış edən Belarus Strateji Araşdırmalar Mərkəzinin nümayəndəsi Jauhen Zadrucki deyib ki, koronavirus pandemiyasının beynəlxalq ticarət əlaqələrinə, investisiyalara və s. zərər verməsinə imkan verilməməlidir. Onun sözlərinə görə, ölkəsi Qoşulmama Hərəkatının bu cəhətdən fəaliyyətini və Qoşulmama Hərəkatının sədri kimi Azərbaycanın təşəbbüslərini yüksək qiymətləndirir.

Vebinar sual-cavab sessiyası ilə davam edib.

2
Beyrutda partlayış

Beyrutdakı partlayışda baş nazirin ailəsi xəsarət alıb - VİDEO

1168
(Yenilənib 22:52 04.08.2020)
Hadisə zamanı həmçinin yüzlərlə insanın xəsarət aldığı bildirilir. Xəsarət alanlar arasında Qazaxıstanın bu ölkədəki konsulu da var.

BAKI, 4 avqust - Sputnik. Livanın paytaxtı Beyrutda baş verən ard-arda iki partlayışda baş nazir Həsən Diabın həyat yoldaşı və qızı xəsarət alıblar. Bu barədə Sputnik Azərbaycan xarici mətbuata istinadən xəbər verir..

Partlayışda azı 11 nəfər ölüb. Ölənlər aeasında "Əl-Kataib" partiyasının baş katibi Nazar Nacaryan da var.

Hadisə zamanı həmçinin yüzlərlə insanın xəsarət aldığı bildirilir. Xəsarət alanlar arasında Qazaxıstanın bu ölkədəki konsulu da var.

Bildirilib ki, partlayışın səsi Kiprdə belə eşidilib. Partlayış episentrinə yaxın olan binaların şüşələri dağılıb.

Hadisənin terror aktı olmadığı bildirilir.

1168
Kvas içən şəxs

Diqqət! Bu içkilər artıq çəkiyə səbəb olur

0
Bir çox insanlar çay və ya qəhvəni böyük miqdarda şəkər əlavə etməklə içirlər ki, bu da bədənin ümumi vəziyyətinə mənfi təsir göstərir.

BAKI, 4 avqust — Sputnik. Şirələrin, kvasların və qazlaşdırılmış suların tərkibində çox miqdarda qlükoza var və onlar yüksək qlikemik indeksə malikdir. Bu içkiləri müntəzəm olaraq içmək mədəaltı vəz üçün böyük yük yaradır və artıq çəkiyə səbəb olur.

Sputnik Azərbaycan xəbər verir ki, bu barədə rusiyalı həkim-endokrinoloq Yekaterina İvannikova "Komsomolskaya Pravda" qəzetinə müsahibəsində deyib.

Bundan əlavə, bir çox insanlar çay və ya qəhvəni böyük miqdarda şəkər əlavə etməklə içirlər ki, bu da bədənin ümumi vəziyyətinə mənfi təsir göstərir.

İvannikova içkilərinə dad qatmaq istəyənlərə suya təzə xiyar, nanə və ya limon əlavə etməyi və belə bir içkidən bir kiloqrama 30 millilitr həcmində istifadə etməyi məsləhət görüb.

0