BAKI, 22 avq — Sputnik. ABŞ Federal Ehtiyatlar Sisteminin (FED) sədr müavini Stenli Fişer təmsil etdiyi qurumun tam məşğulluq və 2 faizlik inflyasiya hədəflərinə çatmağa yaxın olduğunu söyləyib. Sputnik milliyet-ə istinadla xəbər verir ki, ABŞ-da məşğulluq bazarının tam güclənməyə yaxın olduğunu ifadə edən FED sədrinin müavini, iqtisadiyyatın güclənməsini optimist qiymətləndirərək "hədəflərimizə yaxınıq" deyib.
Bununla yanaşı, bu il məşğulluğun artmasının keçən ilə nisbətən zəif olduğunu deyən Fişer, ancaq baş verən artımın məşğulluq bazarının yaxşılaşmağa doğru davam etməsi üçün lazım olandan çox olduğunu da vurğulayıb.
