Hillari Klinton

Radikal islamçı Ev Aparatının rəhbəri ola bilər

193
Hillari Klintonun köməkçisi Xuma Abedin 11 sentyabr terror aktına görə ABŞ-ı günahlandıran və qadın hüquqlarına qarşı çıxış edən radikal Səudiyyə nəşrinin redaktorudur

BAKI, 22 avq — Sputnik. ABŞ prezidentliyinə Demokratlar Partiyasından olan namizəd Hillari Klintonun köməkçisi Xuma Abedin radikal müsəlman qəzetində işləyib. Sputnik-in məlumatına görə, bu barədə New York Post qəzeti məlumat yayıb.

"Hillari Klintonun seçkiqabağı kampaniyada baş köməkçisi, ABŞ-ın ilk qadın prezidentinin Ağ Ev Aparatının rəhbəri olacaq qadın 10 il qadın hüquqları əleyhinə çıxış edən və 11 sentyabr 2001-ci il terror aktına görə ABŞ-ı ittiham edən radikal müsəlman qəzetinin redaktoru işləyib" — deyə qəzet yazıb.

NYP-un məlumatına görə, Abedin Səudiyyə Ərəbistanına məxsus "Journal of Muslim Minority Affairs" nəşrinin redaktoru olub. Bu nəşrin baş redaktoru isə, elə Xuma Abedinin anasıdır.

Onun 1996-cı ildə yazdığı məqalələrindən biri belə adlanır: "Qadın hüququ — İslam hüququdur". Bu məqalə 1995-ci ildə Pekində keçirilən BMT-nin qadınların vəziyyətinə dair konfransında Klintonun "Qadın hüququ insan hüququdur" ifadəsinə həsr olunub. Abedin öz məqaləsində qeyd edib ki, "tənha analar, işləyən analar və uşaqları olan eynicinsli cütlüklər ailə kimi tanınmamalıdır".

2001-ci ildə baş verən terror aktı ilə bağlı ABŞ-ın ittiham edildiyi məqalədə isə ana Abedin yazıb ki, "11 sentyabr hücumuna ABŞ İraq əleyhinə sanksiyalara, müsəlman dünyasına qarşı etdiyi digər ədalətsizliklərə görə məhkum idi".

ABŞ-da prezidenti seçkilər noyabrın 8-də keçiriləcək. Prezident postu uğrunda iki namizəd — respublikaçı Donald Tramp və Demokrat Partiyasının nümayəndəsi Hillari Klinton mübarizə aparacaq.

193
Teqlər:
Ağ Ev, Xuma Abedin, Hillari Klinton, Demokratlar Partiyası, ABŞ prezidentliyinə namizəd
Əlaqədar
Sorğu nəticəsinə əsasən Hillari Klinton Donald Trampı 3% qabaqlayır
Cənubi Karolina ştatındakı ilkin seçkidə Hillari Klinton qalib gəlib
Klinton araq içdiyini necə etiraf etdi
Uilyam Cefferson Klinton
Bill Klinton rekord qonorarı İsveç bankından alıb

"Qafqazın Xirosiması" - fransız kanalı Ağdamı belə adlandırdı

12
(Yenilənib 21:43 28.11.2020)
“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir" - France-24.

BAKI, 28 noyabr - Sputnik. “France-24” kanalı işğaldan azad edilmiş Ağdam rayonu haqqında reportaj yayımlayıb.

Sputnik Azərbaycan AZƏRTAC-a istinadla xəbər verir ki, reportajda münaqişəyə son qoyan razılaşmaya əsasən, dekabrın 1-də Laçın rayonunun Azərbaycana təhvil verilməli olduğu bildirilir. Qeyd edilir ki, bununla da Azərbaycan Dağlıq Qarabağın ətrafındakı 7 rayonun hamısını geri qaytarmış olacaq.

Kanalın xüsusi müxbirləri Lüdoviq dö Fuko, Katrin Norestrent və Hüseyn Əsədin Ağdamdan hazırladıqları reportajda deyilir:

“Bu şəhər o qədər dağıdılıb ki, bəzən onu “Qafqazın Xirosiması” adlandırırlar. 1980-ci illərin sonlarında 40 min əhalisi olan Ağdam bu gün “ruhlar şəhəri”dir. Bu gün Ağdamda hələ də qalan yeganə bina məsciddir. Bu şəhər 30 il əvvəl Birinci Qarabağ müharibəsi zamanı böyük strateji əhəmiyyət daşıyırdı. 1993-cü ildə bu şəhərin itirilməsi müharibənin dönüş nöqtəsi oldu. Buranın sakinləri köç etmək məcburiyyətində qaldı. Bu gün məcburi köçkünlər qayıdırlar və dağılmış binaları görürlər”.

Reportajda Ağdam sakini Zülfü Qasımovun bu fikirlərinə də yer verilir: “Belə bir şəhəri bu günə salmaq olarmı? Bu evləri belə dağıtmaq olarmı? Siz bu evlərin keçmişini görsəydiniz bilərdiniz ki, ən müasir evlər, ən yaxşı tikilmiş evlər ancaq Ağdamda olub. Onlar bilirdilər ki, burada yaşamayacaqlar. Onların inamı yox idi ki, burada qalsınlar. Çünki qalmaqları mümkün deyildi. Ona görə də əllərinə düşən hər şeyi dağıdıblar”.

Reportajda qeyd edilir ki, bərpa işlərindən əvvəl təhlükəsizliyi təmin etmək lazımdır. Azərbaycan tərəfindən azad edilmiş digər rayonlar kimi, Ağdam da mina ilə doludur. Hakimiyyət orqanları bu istiqamətdə işə başlayıblar.

ANAMA-nın əməliyyat qərargahının rəhbəri İdris İsmayılov deyir ki, 4500-ə yaxın piyada əleyhinə mina, 2000-ə yaxın tank əleyhinə mina, 750-yə yaxın isə müxtəlif növ bombalar aşkar edilərək zərərsizləşdirilib.

Reportajda, həmçinin Azərbaycanın işğaldan azad edilmiş ərazilərə vurulmuş ziyanı 10 milyardlarla dollar həcmində dəyərləndirdiyi və Ermənistan tərəfindən təzminat almaq üçün məhkəmələrə müraciət edəcəyi diqqətə çatdırılır.

12
Teqlər:
Xirosima faciəsi, Xirosima, Qafqaz, ANAMA, Ağdam şəhəri, Ağdam
Türkiyə Böyük Millət Məclisinin sədri Mustafa Şentop

Atatürkün Naxçıvanla bağlı arzusu həyata keçirilir - TBMM-in spikeri

23
Mustafa Şentop: "Dövlətimizin banisi Qazi Mustafa Kamal Atatürkün Naxçıvan sərhəd qapısına verdiyi əhəmiyyət və sərhəd qapısını açıq tutmaq üçün göstərdiyi cəhd illər sonra səmərəsini verdi".

BAKI, 28 noyabr - Sputnik. Qardaş Azərbaycanın Qarabağ və digər işğal altında olan bölgələri birmənalı  hərbi qələbə ilə geri almasından sonra ölkəmiz və Orta Asiyada yaşayan qardaşlarımız arasında birbaşa quru yolu və dəmiryolu əlaqələrinin təmin olunması imkanı yaranıb. 

Sputnik Azərbaycan Anadolu Agentliyinə istinadla xəbər verir ki, bu sözləri Türkiyə Böyük Millət Məclisinin (TBMM) sədri Mustafa Şentop deyib.

O, bu məsələdə Mustafa Kamal Atatürkün Naxçıvanla bağlı mövqeyini də yada salıb:

"Dövlətimizin banisi Qazi Mustafa Kamal Atatürkün Naxçıvan sərhəd qapısına verdiyi əhəmiyyət və sərhəd qapısını açıq tutmaq üçün göstərdiyi cəhd illər sonra səmərəsini verdi. Ölkə olaraq bunun sevincini yaşayırıq".

TBMM-in spikeri onu da qeyd edib ki, məqsəd Orta Asiyadakı türk cümhuriyyətləri ilə əlaqələri daha da genişləndirməkdir:

"Tarixi İpək Yolunu daima birlikdə canlandıracaq, Orta Asiyada yaşayan qardaşlarımızla iqtisadi, mədəni, siyasi və hərbi əlaqələrimizi təkmilləşdirəcəyik. Ölkəmizdə həyata keçirdiyimiz kommunikasiya investisiyalarını və bu mövzudakı podratçı təcrübəmizi Orta Asiyaya daşıyacağıq". 

23
Teqlər:
Naxçıvan, Mustafa Kamal Atatürk, Atatürk, Mustafa Şentop, Türkiyə Böyük Millət Məclisi, Orta Asiya