Patrik Hikk - Avropa Ölimpiya Komitəsinin prezidenti

Avropa Olimpia Komitəsinin rəhbəri həbs edildi

916
(Yenilənib 18:41 17.08.2016)
Patrik Hikki Rio-de Janeyroda Olimpiya biletlərinin qanunsuz satışında ittiham olunur

BAKI, 17 avq — Sputnik. Avropa Olimpiya Komitəsinin rəhbəri Patrik Hikki (Patrick Hickey) Rio-de Janeyroda Olimpiya biletlərinin qanunsuz satışı ilə bağlı həbs edilib. Sputnik BBC-yə istinadla xəbər verir ki, bu barədə Braziliya mediası yazıb.

71 yaşlı Hikki Olimpiya Oyunlarının biletlərini 3-cü əldən və çox baha qiymətə satmaqda ittiham edilir. O, bir gün əvvəl Rio-da bir kişinin 800 biletlə yaxalanmasından sonra saxlanılıb. Polis bildirib ki, onlar Patrik Hikkini həbs etməyə gedəndə, İrlandiya Olimpiya Komitəsinin rəhbəri qaçmağa və müqavimət göstərməyə cəhd edib.

Polis otel otağının qapısını döyəndə, Hikki qonşu otaqda qalan oğlunun yanına qaçıb və qapının altından özünün Olimpiya Komitəsinin sədri olmasına dair vəsiqəsini ötürüb. Bundan sonra o, həbs edilib. Həbs olunduqdan sonra Hikki özünü pis hiss edib və ona ilkin tibbi yardım göstərilib.

Braziliya mediasının yazdığına görə, Hikkinin həbsi Olimpiadanın açılış günü saxlanılmış irlandiyalı tanışı, həmçinin İOK-un tərəfdaşı Kevin Ceyms Mellonun (Kevin James Mallon) həbsi ilə əlaqədardır. Mister Mellon idman yarışlarının təşkilati işləri ilə məşğul olan THG Sports şirkətinin direktorudur. Onun rəhbərlik etdiyi bu şirkət Rio-2016 olimpiadasının biletlərinin qeyri-qanuni olaraq 3-cü əldən satışında günahlandırılır.

Mellon avqustun 5-də həbs olunarkən onun üzərində 800 ədəd top-klass bilet olub. Polis bildirib ki, o, biletləri çox baha qiymətə 6,000 ($7,800) funt-sterlinqə satırmış. THG-dən isə bildiriblər ki, Mister Mellon biletləri satmayıb, sadəcə biletləri qabaqcadan sifariş etmiş irland müştərilərdən kolleksiya toplamaq məqsədilə alıb.

İOK-dan isə bildirilib ki, onlar mübahisəli biletlərin satışı ilə bağlı araşdırma başladacaqlar. Lakin bu araşdırmaların müstəqil araşdırmaçılar vasitəsilə aparılmasının əleyhinədirlər.

İOK öz saytında onu da qeyd edib ki, onların hər hansı əməkdaşlarının müstəqil fəaliyyətlərinə görə qurum məsuliyyət daşımır və bu səbəbdən də, rəhbərliyin ittiham edilməsi doğru deyil.

Qeyd edək ki, Patrik Hikki Avropa Olimpiya Komitəsinin sədri kimi Bakıda keçirilən ilk Avropa Oyunlarının təşkilatçısı olub.

916
Teqlər:
bilet, Rio-de Janeyro, Avropa Olimpiya Komitəsi, Patrik Hikki, Patrick Hickey
Əlaqədar
Azərbaycan boksçusu Olimpiadanın yarımfinalındadır
Rəsul Çunayev Olimpiadada yarımfinalda məğlub oldu
Güləşçimiz Rəsul Çunayev Olimpiadanın yarımfinalına çıxıb
Azərbaycan idmançısı Olimpiadada bürünc medal qazandı
Rəsul Çunayev Olimpiadaya qələbə ilə başladı
Olimpiya oyunlarında daha bir qeyri-adi olay
Əfqanıstan Prezidenti Əşrəf Qani, arxiv şəkli

Əşrəf Qəni Taliban* hakimiyyətini tanımağa çağırıb?

8
(Yenilənib 22:09 27.09.2021)
Eks-prezidentin rəsmi "Facebook" səhifəsində "Əfqanıstandan uzaqlaşmaq əvəzinə, hazırkı hakimiyyətlə əməkdaşlıq vacibdir" şəklində bəyanat yer alıb.

BAKI, 27 sentyabr — Sputnik. Əfqanıstanın keçmiş prezidenti Muhammed Əşrəf Qəninin "Facebook" hesabı sındırılıb. Bundan bir neçə dəqiqə əvvəl isə həmin hesabdan Taliban* hakimiyyətinin tanınmasına çağırış edilib. Bu barədə Sputnik Azərbaycan RİA Novosti-yə istinadla xəbər yayıb.

"Muhammed Əşrəf Qəninin "Facebook"-dakı rəsmi səhifəsi sındırılıb", – deyə Qəni öz "Twitter" hesabında yazıb.

Bundan əvvəl Əşrəf Qəninin "Facebook" səhifəsində "Əfqanıstandan uzaqlaşmaq əvəzinə, hazırkı hakimiyyətlə əməkdaşlıq vacibdir" şəklində bəyanat yer almışdı. Bəyanatda Taliban* qruplaşmasına kömək göstərilməsi, onun hakimiyyətinin tanınması və Əfqanıstanın aktivlərinin yenidən açılmasına çağırış öz əksini tapıb.

Qeyd edək ki, avqustun əvvəlində Amerika hərbi kontingentinin Əfqanıstandan çıxarılması fonunda Taliban hücuma keçərək ölkənin bütün iri şəhərlərini tutub və iyirmi illik müharibənin başa çatdığını elan edib. Əfqanıstanın Milli Barışıq üzrə Ali Şurasının rəhbəri Abdulla Abdulla bildirib ki, Əşrəf Qəni prezidentlikdən istefa verərək ölkəni tərk edib.

Avqustun 15-dən 16-na keçən gecə Talibanın* siyasi ofisinin rəsmi nümayəndəsi Muhamməd Naim isə bəyan edib ki, Əfqanıstanda müharibə başa çatıb.

*Rusiyada və digər ölkələrdə qadağan olunmuş terror təşkilatı

 

8
Tbilisi, arxiv şəkli

Gürcüstan Bakı Yerevan arasında vasitəçilik etmək üçün yeni platforma yaratmaq istəyir

14
Qonşu ölkənin Baş naziri bəyan edib ki, rəsmi Tbilisi sözügedən təşəbbüsün qalıcı olmasının tərəfdarıdır.

BAKI, 27 sentyabr — Sputnik. Gürcüstan hakimiyyəti Bakı və Yerevan arasında yüksək səviyyəli danışıqların aparılması üçün platforma rolunu oynamağa hazırdır. Sputnik Gürcüstan xəbər verir ki, bu fikri Gürcüstanın Baş naziri İrakli Qaribaşvili bazar ertəsi günü keçirilən brifinqdə səsləndirib.

O xatırladıb ki, Gürcüstan iyun ayında saxlanılan 15 erməni diversantın Ermənistana təhvil verilməsi, eləcə də Qarabağdakı mina sahələrinin xəritəsinin Azərbaycana ötürülməsinə kömək edib.

"Bu prosesi daha yüksək səviyyədə davam etdirmək üçün bizə qardaş olan iki dövlətə, azərbaycanlılar və ermənilərə Tbilisidə yaratmaq niyyətində olduğumuz bu platformanın köməyilə vasitəçilik təklif edir və istəyirik ki, həmin təşəbbüs qalıcı olsun", – deyə Baş nazir əlavə edib.

Qeyd edək ki, bir qədər əvvəl Qaribaşvili Nyu-Yorkda BMT Baş Assambleyasının 76-cı sessiyasında çıxış edərkən Qara dəniz regionundan sülhün və sabitliyin təmin olunması üçün "dinc qonşuluq təşəbbüsü" yaratmağı təklif edib.

14

Bakıda şəhidlərinin xatirəsinə səmaya işıq fənərləri buraxılıb

0
"Şəhidlərimiz qürurumuzdur" adlı aksiyası zamanı "Regional İnkişaf" İctimai Birliyinin könüllüləri səmaya 3000-dək işıq fənəri uçurdublar.

Bu gün vətən müharibəsi zamanı şəhid olan soydaşlarımızın xatirəsinə həsr edilən anım tədbiri keçirilib.

Heydər Əliyev Fondunun "Regional İnkişaf" İctimai Birliyinin "Şəhidlərimiz qürurumuzdur" adlı aksiyası zamanı bu gün təməli qoyulan Vətən müharibəsi memorial kompleksi və Zəfər muzeyinin ərazisində quraşdırılmış xüsusi projektorlardan səmaya yönələn şüalar Zəfər tağını simvolizə edib. Aksiyada "Regional İnkişaf" İctimai Birliyinin könüllüləri səmaya 3000-dək işıq fənəri uçurdublar.

Qeyd edək ki, sentyabrın 27-si Vətən Müharibəsinin başlamasının bir ili tamam olur. 44 günlük Vətən Müharibəsində torpaqlarımızın azadlığı uğrunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd edilib. Artıq bir necə gündür ölkədə Anım Gününə hazırlıqlar gedir.

Eyni zamanda Bakının bəzi küçə və prospektlərində eyvanlardan bayraqlar asılıb. Bu gün saat 12:00-da ölkə ərazisində şəhidlərimizin əziz xatirəsi bir dəqiqəlik sükutla yad edilib. Şəhər sakinləri, hərbçilər və rəsmilər İkinci Fəxri Xiyabanda uyuyan şəhidlərimizin məzarlarına baş çəkərək şəhidlərin xatirələrini yad ediblər.

Paytaxtda Müzəffər Ali Baş Komandan İlham Əliyev və birinci xanım Mehriban Əliyevanın iştirakı ilə yürüş keçirilib. Yürüş iştirakçıları əllərində Vətən müharibəsində qəhrəmancasına şəhid olanların şəkilləri əks olunan plakatlar daşıyıblar.

0
  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.

  • © Sputnik / Murad Orujov

    Bakıda şəhidlərin xatirəsinə səmaya işıq fənərləri buraxılıb.