Fətullah Gülənə 1900 illik həbs cəzası istənilir

© REUTERS / Charles MostollerFətullah Gülən Pensilvaniyadakı mənzilində. ABŞ, 29 iyul 2016
Fətullah Gülən Pensilvaniyadakı mənzilində. ABŞ, 29 iyul 2016 - Sputnik Azərbaycan
Abunə olmaq
O, zorakı yolla Türkiyənin Konstitusiya quruluşunu dəyişmək, hökuməti devirməyə təşəbbüs göstərmək, silahlı terror təşkilatı qurmaq və idarə etmək, həmçinin digər cinayətlərdə ittiham olunur

BAKI, 16 avq — Sputnik. Türkiyənin Uşak rayon İkinci Ağır Cəza Məhkəməsi, Fətullahçı Terror Təşkilatı (FETÖ) ilə bağlı 1 il davam edən "paralel dövlət" işinin istintaqı çərçivəsində hazırlanan iddianaməni qəbul edib. Sputnik "Anadolu" agentliyinə istinadla xəbər verir ki, iddianamədə Fətullah Gülənə iki dəfə ömürlük həbs cəzası verilməsi və 1900 il müddətinə azadlıqdan məhrum edilməsi istənilib.

Allahşükür Paşazadə - Sputnik Azərbaycan
Allahşükür Paşazadə də Fətullah Gülənlə mübarizəyə qoşuldu

İddianamədə F. Gülən zorakı yolla Türkiyənin Konstitusiya quruluşunu dəyişmək və hökuməti devirməyə təşəbbüs göstərmək, silahlı terror təşkilatı qurmaq və idarə etmək, insanların dini inanc və duyğularından sui-istifadə edərək dələduzluq etmək və terroru maliyyələşdirməkdə günahlandırılır.

İddianamədə, həmçinin təşkilat üzvlərinin "himmət", "hədiyyə", "qurban", "zəkat" kimi üsullarla xüsusilə iş adamlarından yığdıqları pulları, qurduqları şirkətlər vasitəsilə Birləşmiş Ərəb Əmirlikləri, Cənubi Afrika, Tunis, Mərakeş, İordaniya, Almaniya kimi ölkələrdəki banklardan istifadə edərək ABŞ-a köçürdükləri təsbit edilib.

 

Xəbər lenti
0