İncirlik Hərbi Hava Bazası

"ABŞ İncirlik bazasını boşaltmalıdır"

434
Türkiyədəki hərbi çevriliş cəhdi ilə bağlı qorxunc iddia: "Suriya sərhədinə 120 kilometr məsafədə yerləşən İncirlik bazasında olan silahların yerini dəyişdirməmək qumar oynamaq kimidir"

BAKI, 16 avq — Sputnik. Mərkəzi ofisi Vaşinqtonda yerləşən "Stimson Center" adlı "beyin mərkəzi", 15 iyul hərbi çevriliş cəhdindən sonra Türkiyədə qeyri-müəyyənlik mühitinin meydana gəldiyini, bu səbəbdən İncirlik hərbi hava bazasında olan nüvə silahlarının terrorçuların əlinə keçə biləcəyini iddia edib.

Sputnik Türkiyənin "Doğan" xəbər agentliyinə istinadla xəbər verir ki, "Stimson Center"in analitiklərinin bununla əlaqədar hazırladıqları hesabat dünən Vaşinqtonda keçirilən mətbuat konfransında açıqlanıb. Hesabatın müəlliflərindən olan Laicie Heeley ABŞ-ın İncirlik bazasındakı 50-yə qədər nüvə silahına və bombaya nəzarətin itirilməsi riskiylə qarşı-qarşıya olduğunu önə çəkib.

Hesabatda deyilir: "Türkiyə başda olmaq üzrə, Avropadakı 5 nöqtədə olan ABŞ-ın nüvə silahları, terrorçuların marağını çəkir. Xüsusilə, Türkiyədə 15 iyul prosesi ilə meydana gələn ortamın davam etməsi ehtimalı, bu silahların taleyini naməlum edir. ABŞ-ın, Suriya sərhədinə 120 kilometr məsafədə yerləşən İncirlik bazasında olan bu silahların yerini dəyişdirməməsi qumar oynamaq kimidir".

Hesabatda İncirlik bazasında 15 iyul gecəsi yaşanan qarışıqlıq, elektrikin kəsilməsi və bazanın sabiq komandiri general Bəkir Ercan Vanın həbs olunmasından da bəhs edilir.

434
Teqlər:
İncirlik Hərbi Hava Bazası, ABŞ, Türkiyə, hərbi çevriliş cəhdi, "beyin mərkəzi", "Stimson Center", Vaşinqton
Əlaqədar
Türkiyə ABŞ-ın İncirlikdəki hərbi bazasını bağladı
Almanlara İncirlik şoku
ABŞ İncirlik bazasından çıxarılır?
ABŞ İŞİD-ə qarşı mübarizədə "İncirlik"dən istifadə edə bilər
Hindistanda epidemioloji vəziyyət

Bu ölkə gündəlik COVID-19-a yoluxma sayına görə rekord vurdu

4
(Yenilənib 15:42 22.04.2021)
Halbuki bu ölkə peyvənd tətbiqinə görə bütün dünyada üçüncü yeri tutur və indiyə kimi 132 milyondan çox insan vaksinasiya olunub.

BAKI, 22 aprel — Sputnik. Hindistan Səhiyyə Nazirliyindən verilən məlumata görə, bu ölkədə son 24 saatda koronavirusa 314 min 835 yeni yoluxma halı qeydə alınıb. Beləliklə, Hindistan bu ilin yanvar ayında ABŞ-da qeydə alınan göstəricini keçərək dünyada antirekord vurub. Bu barədə Sputnik Azərbaycan Anadolu Agentliyinə istinadla məlumat yayıb. Son sutka ərzində Hindistanda COVID-19-dan ölənlərin sayı isə 2 min 104 nəfər olub. Nəticədə ümumilikdə bu ölkədə koronavirus qurbanlarının sayı 184 min 657-yə çatıb.

Türkiyədə epidemioloji vəziyyət
© AFP 2021 / ADEM ALTAN

Xəstəlikdən sağalanların sayı isə 13 milyon 454 min 880 nəfər olub. Hazırda 2 milyon 291 min 413 nəfərin müalicəsi davam edir.

Mütəxəssislərin sözlərinə görə, artıq xəstəxanalarda virusa yeni yoluxanları qəbul etməyə yer yoxdur və tezliklə ölkənin səhiyyə sistemi çökəcək.

Əhalisinin sayı 1,4 milyard nəfər olan ölkədə hazırda koronavirusa qarşı vaksinasiya prosesi davam edir. Səhiyyə Nazirliyi indiyə kimi 132 milyon 330 min 644 doza peyvənd tətbiq olunduğunu bildirib.

Peyvənd məlumatlarının əks olunduğu "Ourworldindata.org" internet saytınında yer alan məlumata görə, Hindistan ABŞ və Çindən sonra dünyada ən çox peyvənd tətbiq olunan 3-cü ölkədir.

 

4
Mövzu:
Yeni tip koronavirus pandemiyası
Putin və Lukaşenko, arxiv şəkli

Putin Lukaşenkonun müzakirə edəcəyi məsələlər açıqlandı

3
(Yenilənib 15:33 22.04.2021)
Lukaşenko 17 aprel tarixində özünün və övladlarının həyatına sui-qəsd hazırlayan bir qrup şəxsin həbs olunduğunu elan edib.

 

BAKI, 22 aprel — Sputnik. Rusiya və Belarus liderləri Vladimir Putin və Aleksandr Lukaşenko Moskvada Belarusa qarşı diversiya planlarının üstünün açılmasını müzakirə edəcəklər. Sputnik Azərbaycan "RİA Novosti"-yə istinadən xəbər verir ki, bunu Rusiya Prezidentinin mətbuat katibi Dmitri Peskov bildirib.

"Onlar müntəzəm olaraq gündəmdəki məsələləri müzakirə edirlər və hər dəfə məsələlərin sayı azalmır. Bundan əlavə, əlbəttə ki, Belarusda təxribat planlarının açıqlanması ilə bağlı son hadisələrə dair mövcud vəziyyət barədə fikir mübadiləsi aparılacaq", - deyə Peskov vurğulayıb.

Qeyd edək ki, Lukaşenko 17 aprel tarixində özünün və övladlarının həyatına sui-qəsd hazırlayan bir qrup şəxsin həbs olunduğunu elan edib. Onun sözlərinə görə, ABŞ xüsusi xidmət orqanları burada iştirak edib. Belarus Dövlət Təhlükəsizlik Komitəsinin rəhbəri İvan Tertelin dediyinə görə, qrup üzvlərinin Lukaşenko və ailə üzvlərini fiziki cəhətdən yox etmək, hakimiyyəti ələ keçirmək üçün silahlı bir üsyan təşkil etmək planı olub. Qrupa həm Belarus vətəndaşları, həm də xaricilər daxil idilər.

3
“İnklüziv teatr” layihəsinin iştirakçıları ilə ilk görüş

"İnklüziv teatr" layihəsinin iştirakçıları ilə ilk görüş keçirilib

0
(Yenilənib 15:48 22.04.2021)
Teatrın "Yaradıcılıq studiyası"nın tərkibində fəaliyyətə başlayan "İnklüziv teatr" layihəsinin kollektivi ilə görüşlər və təlimlər əsasən onlayn şəkildə, pandemiyanın tələb etdiyi qaydalara əməl edilməklə aparılacaq.

BAKI, 22 aprel — Sputnik. Azərbaycan Dövlət Akademik Musiqili Teatrında UNESCO tərəfindən təsdiq edilən "İnklüziv teatr" layihəsi üçün onlayn kastinq yolu ilə seçilən eşitmə məhdudiyyətli uşaq və gənclərin iştirakı ilə teatr rəhbərliyinin ilk görüşü keçirilib.

Sputnik Azərbaycan xəbər verir ki, görüşü giriş sözü ilə açan Azərbaycan Dövlət Akademik Musiqili Teatrının direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev burada fəaliyyət göstərən teatr studiyasının nəzdində yaradılan "İnklüziv teatr" barəsində tədbir iştirakçılarına ətraflı məlumat verdi, qarşıda duran vəzifələrdən danışdı və yadıcı heyətə uğurlar arzuladı.

Daha sonra o, teatr studiyasının bədii rəhbəri görkəmli teatr və kino aktrisası, Xalq artisti Şəfiqə Məmmədovanın salamlarını toplaşanlara yetirdi. Layihənin baş prodüseri, teatrın beynəlxalq layihələr üzrə koordinatoru, sənətşünaslıq üzrə fəlsəfə doktoru Rəcəb Məmmədov, tanınmış aktyor, Xalq artisti Pərviz Məmmədrzayev, Əməkdar incəsənət xadimi, rejissor Əsgər Əsgərov da "İnklüziv teatr" haqqında öz fikirlərini görüş iştirakçıları ilə bölüşdülər.

© Photo : Azerbaijan State Academic Musical Theatre
“İnklüziv teatr” layihəsinin iştirakçıları ilə ilk görüş

"İnklüziv teatr" layihəsində iştirak etmək üçün seçilən gənclər arasında "Səssiz dünya" işarət dilində danışan əlillərə və idmançılara dəstək ictimai birliyinin təsisçisi, videobloger, vayner, müxtəlif maarifləndirici sosial çarxların müəllifi kimi yaxşı tanınan Mahmud Səfərov və həmin ictimai birliyin sədri Aida Səfərova layihə iştirakçıları adından bu maraqlı işə görə öz təşəkkürlərini bildirdilər. Qeyd olundu ki, bu layihədə həmin birliyin üzvləri üstünlük təşkil edirlər.

Bakı Uşaq və Gənclər Teatrının aktyoru, tanınmış illüziyaçı Tofiq İsgəndərli də görüşdə çıxış edərək yaradıcı kollektivə uğurlar arzuladı, bu humanist və gözəl layihədə yaxından iştirak edəcəyini və öz dəstəyini əsirgəməyəcəyini bir daha xatırlatdı.

Qeyd edək ki, teatrın "Yaradıcılıq studiyası"nın tərkibində fəaliyyətə başlayan "İnklüziv teatr" layihəsinin kollektivi ilə görüşlər və təlimlər əsasən onlayn şəkildə, pandemiyanın tələb etdiyi qaydalara əməl edilməklə aparılacaq.

0