Nitsada terror

Dünyanı bürümüş dəhşətli psixoz

143
(Yenilənib 12:02 15.08.2016)
Elə bir ay olmur ki, Avropadan Yaponiyaya kimi dünyanın istənilən yerində kütləvi insan tələfatı ilə nəticələnmiş terror hücumu xəbərləri yayılmasın

Dünyanı bürümüş dəhşətli psixoz
BAKI, 15 avqust — Sputnik. 2016-cı il çoxlarının yaddaşında dünyanı bürümüş gözlənilməz terror hücumları ili kimi qalacaq. Təkcə bir neçə ay ərzində dünyanın böyük paytaxtları və meqapolisləri dəhşətli terror hücumlarına hədəf olub, zalımcasına törədilmiş terror aktları nəticəsində yüzlərlə insan həyatını itirib.

Yalnız bu ilin Ramazan ayı ərzində İŞİD qruplaşması 16 ölkədə 393 hücum həyata keçirib. Hücumların əksəriyyəti isə İraq və Suriyada baş verib. BMT Antiterror Komitəsinin icraçı direktoru Jan-Pol Laborde bildirib ki, bu gün bu və ya başqa terror təşkilatlarının tərkibində dünyanın 100 ölkəsindən 30 minə yaxın xarici silahlı fəaliyyət göstərir, terrorizm qlobal təhlükədir.

İyunun 12-də Florida ştatının Orlando şəhərində törədilən terror aktı Birləşmiş Ştatların müasir tarixinə bu qəbildən olan ən qanlı hadisələrdən biri kimi daxil oldu. Müştəriləri seksual azlıqlar olan "Florida Pulse" gecə klubunda ilk atəş səsləri eşidilərkən içəridə 350 nəfərə yaxın şəxs olub. Hücum edən onlardan bir neçəsini girov götürüb. Xüsusi təyinatlı dəstənin döyüşçüləri zirehli maşınla klubun qapısını qıraraq cinayətkarı güllə ilə vurublar. Faciə nəticəsində 50 nəfər ölüb, 50-dən çox insan isə yaralanıb.

İyunun 23-də Almaniyanın qərbində yerləşən Firnhaym şəhərində yerli kinoteatra silahlı hücum olub. Atışma zamanı 50 nəfər yaralanıb, 20-yə yaxın şəxs isə əməliyyat zamanı polisin gözyaşardıcı qazdan istifadəsi nəticəsində xəsarət alıb. Təkcə Türkiyədə 1 il ərzində 300-dən çox adam terror nəticəsində həyatını itirib, 1600 nəfərdən çox adam isə yaralanıb.
İyulun 26-da isə Yaponiyada məhdud imkanlı insanların yaşadığı tibb müəssisəsində qətliam törədilib. "RİA-Novosti" agentliyi xəbər verir ki, cinayət ötən gecə Saqamihara (Kanaqava prefekturası) dəmir yolu stansiyasınln iki kilometrliyində törədilib.

Satosi Uemasu adlı silahlı müəssisəyə girərək pasiyentlərə hücum edib. Hücum nəticəsində 19 nəfər həlak olub, 26 nəfər isə yaralanıb. Həkimlərin məlumatına görə, yaralananlardan 20-nin vəziyyəti ağırdır. Müəssisədə hücum zamanı 19 yaşdan 75 yaşa kimi 149 pasiyent olub.

Silahlı hücumdan yarım saat sonra polis bölməsinə gələrək təslim olub. Cinayətin motivləri hələ ki məlum deyil. "Kyodo" informasiya agentliyinin məlumatına görə, cinayətkar bu müəssisədə 2012-ci ilin fevral ayından işləyirdi və o, bu ilin fevralında işdən çıxıb.

Alman polisi hadisə yerində
© REUTERS / Michaela Rehle

"Kyodo" yazır ki, cinayətkar fevral ayında parlamentə məktub verməyə çalışırdı. Məktubun məzmunu açıqlanmır. Polis bu informasiyanı təsdiq edib. Polis əməkdaşları hadisənin terror aktı olduğunu da təsdiqləməyiblər. Hadisə Bakı vaxtı ilə 21.30-da baş verib. Sözügedən şəxs polisə həmin internatda işlədiyini bildirib.

Əlavə edək ki, bu, Yaponiyada baş verən yeganə terror hadisəsi deyil. "Aum Sinrikyo" adlı terror qruplaşması ölkədə dəfələrlə kütləvi insan qətlinə səbəb olub. 1987-ci ildə yaradılan qruplaşma 1993-cü ilin sonlarında məxfi şəkildə beyni iflic edən zarin qazını istehsal edərək, ölkənin bir sıra şəhərlərində terror hadisələri törədiblər. Onlar, hətta Rusiyadan qeyri-leqal yolla AK-47 avtomat silahının istehsal texnologiyasını da əldə etməyə cəhd göstəriblər. Elə həmin illərdə təşkilat üzvləri kimyəvi silahdan istifadə edərək, Maçumoto şəhərində terror törədərək yeddi nəfərin həyatına son qoyublar. Məlumdur ki, qruplaşmanın fəaliyyəti nəticəsində Rusiyada 24000, Yaponiyada isə 6600 nəfər xəsarət alıb.

Qeyd edək ki, dünya mətbuatında "terrorizm" və "müsəlman" ifadələri tez-tez yan-yana təkrarlanır. Qərb mediaları daha çox terrorçuların "müsəlman" olması üzərində dayanırlar. Lakin son 10 ildə dünyanın müxtəlif bölgələrində baş vermiş terror hücumlarının statistikasına nəzər salanda görürük ki, terror hücumlarının 60 faizi müsəlmanlar yaşadığı ərazilərdə baş verib. Araşdırmalar göstərir ki, müsəlmanlar özləri daha çox terror qurbanlarıdır.

143
Teqlər:
psixoz, qan, hadisə, terror, İŞİD
Əlaqədar
Almaniyada terror təhlükəsi qalmaqdadır
Nitsa terroru ilə bağlı məhkəmə başlayır
İŞİD Fransa terrorunun məsuliyyətini öz üzərinə götürdü
Anadolu Agentliyi Fransa terroruna görə öz əməkdaşını işdən qovdu
İstanbul terrorunda təqsirləndirilənlər arasında Azərbaycan vətəndaşı da var
İstanbul terrorunun istintaqı yekunlaşdı
ABŞ Prezidenti Donald Tramp, arxiv şəkli

"Rusiya bunu çox istəyir" - Tramp

11
(Yenilənib 23:29 12.08.2020)
Avqustun 16-18-də Vyanada Xarici İşlər nazirlərinin müavinləri səviyyəsində strateji sabitlik üzrə Rusiya və ABŞ arasında hökumətlərarası məsləhətləşmələr keçiriləcək

BAKI, 12 avqust — Sputnik. Birləşmiş Ştatlar Prezidenti Donald Tramp Rusiyanın ABŞ-la "nüvə silahları üzrə pakt" imzalamağı "çox istədiyinə" əmin olduğunu bildirib.

"Biz hazırda Rusiya ilə nüvə silahları üzrə paktın üzərində işləyirik və onlar bunu istəyirlər, çox istəyirlər. Mən hesab etmirəm ki, onlar gözləyəcəklər. Hazırda bu dünyanın ən böyük problemidir və biz Rusiya ilə hazırda işləyirik", - deyə Tramp ABŞ jurnalisti Hyu Hyuittə müsahibəsində bildirib.

Qeyd edək ki, daha əvvəl Tramp bəyan etmişdi ki, ABŞ Rusiya ilə nüvə sazişi imzalamağa şad olardı.

Qeyd edək ki, 16-18 avqust tarixlərində Vyanada Xarici İşlər nazirlərinin müavinləri səviyyəsində strateji sabitlik üzrə Rusiya və ABŞ arasında hökumətlərarası məsləhətləşmələr keçiriləcək.

11
Əlaqədar
Dünya müharibəsinin gedişini birdəfəlik dəyişəcək addım - Rusiya bunu da etdi
Rusiya hansı halda nüvə zərbəsi endirə bilər? Baş Qərargah açıqlayıb
Trampdan bahalı əməliyyat: bunun üçün pul tökmək günah deyil
Tramp NATO-nu ticarətlə qarışdırıb: Niyə Rusiyanı "Böyük yeddilik"də görmək istəmirlər
Təcavüzkarı cəzalandırmaq üçün Rusiyanın zəmanəti: "Skif" raketi
Türkiyədə məktəbli, arxiv şəkli

Türkiyə məktəblərin açılması ilə bağlı qərar verdi

23
(Yenilənib 23:15 12.08.2020)
Bu gün Türkiyə Səhiyyə Nazirliyinin nəzdindəki Elm Komitəsi məktəblərin açılması üçün daha bir ay gözləməyin lazım olduğunu tövsiyə edib

BAKI, 12 avqust — Sputnik. Türkiyədə avqustun 31-dən etibarən dərs ili başlayacaq.

Sputnik Azərbaycan Habertürk-ə istinadən bildirir ki, bu barədə Türkiyənin Təhsil naziri Ziya Selcuk məlumat verib.

Bu gün Türkiyə Səhiyyə Nazirliyinin nəzdindəki Elm Komitəsi məktəblərin açılması üçün daha bir ay gözləməyin lazım olduğunu tövsiyə edib. Təhsil naziri isə avqustun 31-dən onlayn təhsilə başlanacağını deyib. Onun sözlərinə görə, sentyabrın 21-dən isə artıq uşaqlar sosial məsafəni gözləmək şərtilə məktəblərə gələ biləcəklər.

23
Mövzu:
Dünyanı cənginə almış bəla
Əlaqədar
Yeni modelə keçidin başlanğıcı: Azərbaycanda pandemiya dövründə təhsil inqilabı
Daşa dirənmiş proses: Xaricdə təhsil alan tələbələrin taleyi necə olacaq?
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Rusiyada oxumaq istəyənlər pandemiyaya rəğmən sərhədi keçə bilərlər