Перекрытая полицейскими улица в Ереване

Yerevanda polis binasını zəbt edən silahlı qrup təslim olub

38
(Yenilənib 21:46 31.07.2016)
Yerevanda Patrul-mühafizə polkunun binasını zəbt edən silahlı qrup təslim olub.

BAKI, 31 iyul — Sputnik. Ermənistan Polisinin Patrul-mühafizə polkunun Erebuni rayonunda yerləşən binasını zəbt edən silahlı qrup təslim olub.

Sputnik-in məlumatına görə, bu barədə Ermənistan Milli Təhlükəsizlik Xidməti xəbər yayıb.

Məlumatda bildirilir ki, antiterror əməliyyatı nəticəsində qrup üzvləri təslim olmağa məcbur ediliblər. Əməliyyat 20 terrorçunun saxlanılması ilə nəticələnib.

Daha öncə silahlı qrupun rəhbərlərindən biri Varujan Avetisyan təslim olacaqlarını bəyan etmişdi.

Qeyd edək ki, silahlı qrup Ermənistan Polisinin Patrul-mühafizə polkunun Erebuni rayonunda yerləşən binasını iyulun 17-dən zəbt edib. Silahlılar 2 polis əməkdaşını qətlə yetiriblər.

38