Kəşfiyyat dinləmələri. Arxiv şəkli

ABŞ kəşfiyyatı xarici ölkə liderlərini necə dinləyirmiş?

230
(Yenilənib 11:26 29.07.2016)
Edvard Snouden: "Bizim hökumət xarici siyasi partiyalar və təşkilatlara kiber-hücumlar üçün xüsusi səlahiyyət verib, bəzi səhvlər buraxılıb"

ABŞ xarici ölkə liderlərini necə dinləyirmiş?
BAKI, 28 iyul — Sputnik. ABŞ hökuməti xarici siyasi partiyalar və təşkilatlara kiber-hücumlar üçün səlahiyyət verib. Sputnik xəbər verir ki, bunu ABŞ Mərkəzi Kəşfiyyat İdarəsinin keçmiş əməkdaşı Edvard Snouden deyib.

"Bizim hökumət xarici siyasi partiyalar və təşkilatlara kiber-hücumlar üçün xüsusi səlahiyyət verib. Bəzi səhvlər buraxılıb", — Snouden öz Twitter səhifəsində yazıb.

Sözlərini təsdiqləmək üçün o, 16 iyul 2010-cu il tarixli sənədə keçid dərc edib. Orada "məxfi" adı altında ölkələr və beynəlxalq təşkilatlar təsnif olunub. Sənəddə ayrı bir bəndlə "xarici siyasi təşkilatlar" qeyd olunub. Orada Pakistan Xalq Partiyası, Livandakı Amal Hərəkatı, Misirin "Müsəlman qardaşları" partiyası, Hindistanın "Bharatiya Janata" xalq partiyası və Rumıniyanın "Milli Qurtuluş Cəbhəsi" partiyası yer alıblar.

Sənədi dərc etmək üçün Snouden uyğun vaxt gözləyirdi. Amerikada Wikileaks tərəfindən Demokratlar Partiyasının Milli Komitəsinin 19252 elektron məktubunun dərc edilməsi nəticəsində yaranan qalmaqal buna uyğun oldu. Yazışmalar partiya funksionerlərinin qaydalara zidd olaraq namizəd Hillari Klintonun xeyirinə çıxış etdiklərini təsdiqləyir.

Klintonun seçkiqabağı qərargahının nümayəndəsi anonim ekspertlərə istinadən bildirib ki, partiyanın serverləri rus hakerləri tərəfindən sındırılıb və guya bu, Rusiyanın respublikaçı namizəd olan Donald Trampa kömək niyyətinin olduğunu göstərir. Milyarderin seçki qərargahının nümayəndələri isə bu məlumatı qəti şəkildə təkzib ediblər.

Qeyd edək ki, Snouden 2013-cü ildə jurnalistlərə məxfi sənədlər verib. Sənədlərdə telefon danışıqlarının genişmiqyaslı dinlənilməsi, həmçinin ABŞ vətəndaşları və dünya liderlərinin elektron yazışmalarının izlənilməsi haqqında danışılırdı.

ABŞ-ın Ədliyyə Nazirliyi Mərkəzi Kəşfiyyat İdarəsinin keçmiş əməkdaşı Edvard Snoudeni hökümət mülkiyyətinin oğurlanması, milli təhlükəsizliklə bağlı informasiyanın qeyri-qanuni istifadəsi, eləcə də gizli kəşfiyyat məlumatlarının kənar şəxslərə könüllü ötürülməsində ittiham etdi. İttihamların hər bəndinə görə onu 10 il, ümumillikdə isə 30 il həbs və ya ölüm hökmü gözləyirdi.

İstintaqdan yayınan Snouden Moskvada tapıldı. O, bir müddət "Şeremetyevo" hava limanda qaldı, sonra isə Rusiya hakimiyyəti ona, ABŞ-a qarşı əməliyyatları dayandırmaq şərti ilə ölkədə üç il yaşamaq üçün sənəd verdi.

230
Teqlər:
dinləmə, Mərkəzi Kəşfiyyat İdarəsi, Edvard Snouden, dinləyici, kəşfiyyat, ABŞ
Əlaqədar
ABŞ kəşfiyyatının şefindən qorxulu Türkiyə açıqlaması
ABŞ kəşfiyyatı 20 ildir Vladimir Putini izləyir
Putin: Əsədə sığınacaq vermək, Snoudenə sığınacaq verməkdən asandır
Fransız xadimlər Assanc və Snoudenə siyasi sığınacaq tələb ediblər

Beyrutda “daş dövrü” paytaxtda iğtişaşlar başlayıb - VİDEO

9
(Yenilənib 18:39 08.08.2020)
Vaxtaşırı polislər kütlənin və atılan daşların təzyiqi altında geri çəkilirlər. İğtişaş bölgəsinə güc strukturlarının əlavə qüvvələri göndərilir

BAKI, 8 avqust — Sputnik. Livanın paytaxtı Beyrutun mərkəzində, parlament binasının qarşısında etiraz edən insanlarla polis arasında toqquşma olub, tərəflər bir-birinə qarşı gözyaşardıcı qaz və daşlardan istifadə edirlər.

Sputnik Azərbaycan RİA Novosti-yə istinadən bildirir ki, yerli vaxtla 16:00-da hökumət əleyhinə mitinq başlayıb və dərhal da iğtişaşa çevrilib.

RİA Novosti-nin müxbirinin bildirdiyinə görə, polis insan kütləsini parlamentdən uzaqlaşdırmaq üçün gözyaşardıcı qazdan istifadə edir. Mitinq edənlər isə cavabında polisə daş yağdırırlar.

​Vaxtaşırı polislər kütlənin və atılan daşların təzyiqi altında geri çəkilirlər. İğtişaş bölgəsinə güc strukturlarının əlavə qüvvələri göndərilir.

Qeyd edək ki, bir neçə gün əvvəl, avqustun 4-də Livan paytaxtı güclü partlayışdan sarsılmışdı. Liman ərazisindəki anbarlarda saxlanan 2,7 ton ammonium nitrat partlayaraq 158 nəfərin ölümünə, 5 mindən artıq insanın xəsarət almasına səbəb olmuşdu.

9
Əlaqədar
Makron təcili Beyruta gedir - Niyəsi bilinmir
Qafqazdan Afrikaya – Beyrutdakı partlayışın detalları
Ərəblərə nəsə olub! İndi də BƏƏ-də böyük yanğın başlayıb - VİDEO
Beyrutda baş verən partlayışda ölən və yaralıların sayı artdı
Türkiyədən Livana böyük dəstək
ABŞ bayrağı, arxiv şəkli

ABŞ prezidentlərini düzgün "tapan" professor Tramp haqda proqnoz verdi

11
(Yenilənib 16:38 08.08.2020)
Noyabr ayında keçiriləcək prezident seçkisində kimin qalib olacağı barədə fikir bildirən Lixtman qeyd edib ki, Ağ Evin indiki sahibi öz postunu itirəcək.

BAKI, 8 avqust — Sputnik. ABŞ-da beş prezident seçkisinin nəticələrini düzgün proqnozlaşdıran Amerika Universitetinin professoru Allan Lixtman Birləşmiş Ştatlarda bu ilin noyabrında keçiriləcək seçkilərə dair proqnoz verib. Bu barədə Sputnik Azərbaycan "CNN"ə istinadən xəbər verir.

Noyabr ayında keçiriləcək prezident seçkisində kimin qalib olacağı barədə fikir bildirən Lixtman qeyd edib ki, Ağ Evin indiki sahibi öz postunu itirəcək. Bununla da o, Demokratlar partiyasının namizədi Co Baydenin qələbə qazanacağını proqnozlaşdırıb.

Qeyd edək ki, qalibi müəyyənləşdirmək üçün tarixçi özünəməxsus iqtisadiyyat, tutduğu vəzifə, sosial iğtişaşlar və qalmaqallar, həmçinin namizədin şəxsi xarizması kimi faktorların qiymətləndirildiyi "13 açar" sxemindən istifadə edir.

11
Əlaqədar
Trampın ABŞ torpaqlarını satmaq istəyi məlum olub
Tramp NATO-nu ticarətlə qarışdırıb: Niyə Rusiyanı "Böyük yeddilik"də görmək istəmirlər
Zaxarova: "Bütün dünyanın informasiya təhlükəsizliyi riskdədir"
Dünyanın bir nömrəli valyutasını taxtdan salırlar?
Ağ Ev prezident seçkisinin vaxtını dəqiqləşdirdi
Bərdənin Güloğlular yeni qəsəbəsində zibillik

Sədri peşman edən iyirmi ilin rahatlığı: pulsuzluq artıq üfunət iyi verir - VİDEO - FOTO

30
(Yenilənib 18:38 08.08.2020)
Yeni seçilən sədr ümid edirmiş ki, bələdiyyənin pulunu yığıb, xərclədiyini geri qaytarar. Ondan sonra işlər yoluna düşər. Amma Güloğlular qəsəbəsinin sakinlərinin düşdükləri bəla heç də gül qoxumur

Musa Muradlı, Sputnik Azərbaycan

BAKI, 8 avqust — Sputnik. Bərdənin Güloğlular yeni qəsəbə massivində 150-yə yaxın ev var. Sakinlərin sosial problemləri az deyil: qaz çəkilməyib, içməli suyu kənardan gətirirlər. Həyət-bacalarını suvarmaq üçün 6-8 metrdən çıxarılan quyu suyundan istifadə edirlər. Burada qabaran problemin biri də məişət tullantılarının düzgün idarə olunmamasıdır. Qəsəbədə tullantılar üçün qablar qoyulmayıb. Sakinlər yaranmış dözülməz vəziyyət barədə Sputnik Azərbaycan-a şikayətləniblər. Onlar bildiriblər ki, evlərinə yaxın ərazidə yaranmış zibilliyin üfunətindən dayana bilmirlər. Hətta zibillkdə məskən salmış siçan, siçovullar yaşadıqları evlərə doluşur.

© Sputnik / Musa Muradli
Bərdənin Güloğlular yeni qəsəbəsində zibillik

Qəsəbə sakini Şamxal Əsədov bildirib ki, zibilliyin qoxusundan nəfəs ala bilmirlər:

“Buradakı evlər təzə tikilib. Müəyyən problemləri var ki, həll olunmalıdır. Belə problemimizdən biri də qəsəbə yolunun üzərində yaranan zibillikdir. Heyvan ölüsünə qədər gətirib buraya atırlar. Zibilliyə it leşi də tullayırlar. Antisanitariya baş alıb gedir. Xüsusilə koronavirusun tüğyan elədiyi bir vaxtda belə bir xəstəlik mənbəyinə laqeyd münasibəti anlamaq olmur".

Şamxal Əsədovun bildirdiyinə görə, bu cür başqa bir zibillik də varmış. Öz vəsaitləri hesabına oranı təmizlədiblər.

”Zibilliyin birini özümüz təmizlətdik. İndi çalışırıq ki, oraya zibil atan olmasın. Ancaq zibilliyin hamısını təmizləmək gücümüz daxilində deyil. Bunun üçün bələdiyyə sədrinə müraciət etmişik. Buna baxmayaraq, dözülməz vəziyyət dəyişməyib. Günbəgün zibilliyə atılan tullantıların həcmi artır”, - Şamxal Əsədov qeyd edib.

Nizaməddin İsbəndiyarov Güloğlular massivində kirayənişin kimi yaşasa da, o da buranın sakinləri kimi məcburən üfunət qoxuyan zibilliyin havası ilə nəfəs alır: ”Nəvəmiz, uşağımız var. Özümüzdən çox, onların gününə yanırıq. Yayın istisində evimizin qapı-bacasını açmaya bilmirik. Açanda da pis qoxu içəri dolur. Uşaqlar məktəbə gedəndə pəncərədən baxıb görürdüm ki, hamısı əlləriylə ağızlarını tutub keçirlər. Xüsusilə xəstəliyin yayılan vaxtında belə bir zibilliyin yığışdırılması təmin olunmalıdır”.

© Sputnik / Musa Muradli
Bərdənin Güloğlular yeni qəsəbəsində zibillik

Qəsəbə sakini olmayan Müsafir Cəmilli mütəmadi olaraq qəsəbəyə baş çəkir. Onun da övladlarından biri burada yaşayır. Bildirir ki, 150 evi olan qəsəbədə qaz çəkilişi aparılmayıb. Qış aylarında sakinlər yanacaq qismində odundan istifadə edirlər. İndi də növbəti qışın gəlişinə baxmayaraq qaz çəkilişi ləngiyir. Müsafir Cəmilli içməli suyun olmadığını da qeyd edib. Əhali suyu uzaq məsafələrdən gətirməyə məcbur olur.

“Kanalı təmizləyib, qırağa töküblər. Daşıyıb, ərazidən kənarlaşdırmayıblar. Abadlıq baxımından ürəkaçan mənzərə deyil. Qarşıdan yağı qış gəlir. Qaz çəkilməlidir. Qaz olmadığına görə buranın sakinləri odundan istifadə eləməli olurlar. Oduna da ki pul çatdırmaq mümkün deyil. Burada yaşayanların əksəriyyəti kasıb adamlardır. Pandemiya səbəbindən bir neçə aydır çoxu işləmir. Bunun üçün də qaz çəkilişi aparılmalıdır ki, qış gələndə qayğıları bir az yüngülləşsin“, - deyə Müsafir Cəmilli vurğulayıb.

© Sputnik / Musa Muradli
Bərdənin Güloğlular yeni qəsəbəsində zibillik

Güloğlular kənd bələdiyyəsinin sədri Mifaqət Əliyev bildirib ki, zibilin daşınması üçün əvvəllər maşın təşkil edib, fəhlə gətirib, qəsəbə sakinlərinin vəsaiti hesabına tullantıların ərazidən götürülməsinə nail olub. Ancaq vəsaitin toplanması sonradan mümkün olmayıb. 70 nəfərdən 30-u çəkilən xərclərə hesablanmış aylıq pulu ödəməkdən imtina edib. Buna görə də zibilin daşınmasını davam etdirmək mümkün olmayıb.

Onu da qeyd edək ki, Mifaqət Əliyev ötən bələdiyyə seçkilərində yerli özünüidarəetmə orqanına üzv seçilib. Bələdiyyə sədrinin dediyinə görə, bələdiyyənin maddi imkanları yox səviyyəsindədir. Özündən əvvəlki bələdiyyədən ona qalan miras ancaq borclardır. Bələdiyyə büdcəsində bir manat da olsun, pul vəsaiti olmayıb. Bələdiyyənin mülkiyyətində olan torpaqlara görə vergisi və icarə haqqı toplanmadığından büdcə boş qalıb. DSMF-yə külli miqdarda bələdiyyə borcu yaranıb.

© Sputnik / Musa Muradli
Bərdənin Güloğlular yeni qəsəbəsində zibillik
“Sentyabrın 15-dən noyabrın 15-nə qədər bələdiyyənin səlahiyyətinə aid olan vergilər yığılmalıdır. Ancaq heç kim vermir. Deyirlər ki, 20 ildir, vergi yığan olmayıb. İndi bu nədir belə? Görürəm ki, özümü çox çətin bir xətaya salmışam”, - deyə bələdiyyə sədri vurğulayıb.

Mifaqət Əliyev bələdiyyə sədri seçiləndən şəxsi vəsaiti hesabına müəyyən işlər gördüyünü də deyib. Ümid edirmiş ki, bələdiyyənin pulunu yığıb, xərclədiyini geri qaytarar. Ondan sonra işlər yoluna düşər. Yavaş-yavaş kəndin abadlığını, camaatın güzəranının yaxşılaşdırılmasını təmin edər. Ancaq bələdiyyənin problemlərini çözə bilmədiyindən gözləntilərini doğrulda bilməyib.

Bələdiyyə sədri qeyd edib ki, bələdiyyənin büdcəsinə pul gələndən sonra zibilliklərin təmizlənməsi təmin ediləcək. İndiki halda isə bələdiyyənin vəsati olmadığından ərazidəki tullantıların daşınması təmin edilmir.

30
Əlaqədar
Üzünə həsrət qaldığımız təbiət: Bizə cəllad lazım deyil, özümüz özümüzü məhv edəcəyik
Zibilinizi yığışdırın! Yoxsa özünüz də zibilə düşə bilərsiz
İlin hər fəslində təhlükəylə üz-üzəyik: qapıya asılanı yiyəsi vaxtında aparsa...
Yasamal gölünü kim qurudur? Müəmma davam edir
Bütün paytaxtı "dəli" edən iyin qarşısı belə alınır - FOTOLAR