ABŞ prezidentliyinə namizəd Donald Tramp

Son yüz ildə Amerika belə siyasətçi görməyib

165
(Yenilənib 18:11 27.07.2016)
Milyarder Donald Tramp prezident seçiləcəyi təqdirdə, ABŞ-ın məhv edəcəyi düşmənləri və qoruyacağı dostlarından danışıb

Son yüz ildə Amerika belə siyasətçi görməyib
BAKI, 25 iyul — Sputnik. İyulun 22-də milyarder Donald Tramp Respublikaçılar Partiyasından ABŞ prezidentliyinə rəsmi namizəd oldu. "Dostlar, Amerika vətəndaşları, mən böyük məmnunluq və minnətdarlıqla sizin mənim Birləşmiş Ştatlar prezidentliyinə namizədliyimi irəli sürmənizi qəbul edirəm", — Klivlenddə partiyanın qurultayında özünün proqram xarakterli çıxışı zamanı Tpamp deyib.

"Sizinlə birlikdə biz yenidən partiyamızı Ağ evə, ölkəmizi isə sabitlik və çiçəklənməyə aparacağıq ", — deyə o bildirib.

Trampın çıxışının mahiyyətini yeni dünya düzənində Amerikanın oynayacağı rol təşkil edib və qətiyyətlə bildirib ki, qısa vaxtda yenidən ABŞ-ın dünyadakı "qüdrətini" geri qaytaracaq. Siyasətçi onu dəstəkləyənləri əmin edib ki, prezident seçiləcəyi təqdirdə onun atacağı addımlar vergilərin aşağı salınmasına, miqrasiyanın məhdudlaşdırlılmasına, ölkə vətəndaşlarının hüquqlarının müdafisinə yönələcək.

Milyarder deyib ki, beynəlxalq ticarətdə "yaxşı müqavilələr" imzalayaraq, Çinin valyuta manipulyasiyalarına və İŞİD-in vəhşiliklərinə birdəfəlik son qoyacaq. Maraqlıdır ki, Tramp çıxışında Rusiyanın adını çəkməyib.

Eksentrik siyasətçi açıq şəkildə öz rəqiblərini hədəf seçərək deyib ki, Ameriakının bu vəziyyətə düşməsinin əsas günahkarları indiki prezident Barak Obama və demoktarların namizədi Hillari Klintondur. O, əmin edib ki, onların yaratdıqları problemləri birdəfəlik həll edəcək.

"Bizim qurutltayımız hazırda ölkənin böhran vaxtında keçirilir. Elə bunun nəticəsidir ki, bizim şəhərlərdə terrorizm həyat tərzimizi təhdid edir… Mənim sizə vacib bir xəbərim var: cinayətkarlıq və zorakılıq tezliklə məhv olacaq. 20 yanvar 2017-ci ildən (bu tarixdə yeni prezident vəzifəsinin icrasına başlayır — red.) təhlükəsizlik bərqərar olacaq", — deyə o, söz verib.

Bununla yanaşı, Respiblikaçıların namizədi ölkənin seksual azlıqlarını, bir qayda olaraq Amerikada səslərini demokratlara verən "rəngli seçiciləri"də yaddan çıxarmayıb. "Sizin prezidentiniz kimi bütün hakimiyyətim dövründə sizi insanlıqla bir araya sığmayan xarici ideoliji təsirlərdən qoruyacağam", — bunları deyərkən siyasətçi, İŞİD-in seksual azlıqlara nifrət ideologiyasını və Orlandoda "Gey kluba" hücumu nəzərdə tutub.

O, qara dərili vətəndaşların və polislərin öldürülməsi ilə müşayət olunan hadisələrdə də Amerikanı irqi ayrıseçkilikdə təhlükəli həddə çatdıran indiki prezidenti ittiham edib. Tramp hesab edir ki, Obama ABŞ-ı hamı üçün təhlükəli ölkəyə çevirib.

Milyarder namizəd, həmçinin indiki hökumətin sosial siyasətini də kəskin tənqid edib: "Baxın, bizim ölkəmizdə yollar və körpülər dağılır, aeroportlarımız elə vəziyyətdədir ki, sanki üçüncü dünya ölkəsinə məxsusdur, 43 milyon amerikalı hələ də arzaq talonlarından istifadə edir".

O, vurğulayıb ki, ölkədəki afroamerikan əhalinin 58%-i aztəminatlı əhali kateqoriyasına aiddir: "İqtisadi fəal əhali isə 14 milyon nəfər azalıb. Amerika dünyada ən yüksək vergilərin olduğu ölkələrdəndir. Vergilərin azaldılması yeni şirkətlərin bura investisiya qoymasına imkan verəcək. Biz enerji istehsalında məhdudiyyətləri aradan qaldırmaqla, təxminən 20 trilyon dollar həcmində uğurlar əldə edə biləcəyik".

Demokratlar Partiyasının namizədi Hillari Klinton da öz növbəsində rəqibinin çıxışlarını tənqid edib, xüsusən onun xarici siyasət barədə dediklərini "təhlükəli" adlandırıb.

Tramp son yüz ildə ABŞ-ın ən böyük partiyasının qeyri-adi manizədlərindən biridir. Heç vaxt seçkilərdə iştirak etməyən və seçkili vəzifələr tutmayan Tramp, qeyri-ənənəvi şüarlardan istifadə edərək praymerizlərdə önə çıxa bilib.

ABŞ-da prezident seçkiləri noyabrın 8-də baş tutacaq. Trampa qarşı Demoktarlar Partiyasından Hillari Klinton mübarizə aparır.

165
Teqlər:
Respublikaçılar Partiyası, prezidentliyə namizəd, Hillari Klinton, Donald Tramp, Demokratlar Partiyası, Ağ ev, ABŞ
Əlaqədar
Donald Tramp qalib gəldi
Sorğu nəticəsinə əsasən Hillari Klinton Donald Trampı 3% qabaqlayır
Görün Donald Trampın neçə milyard dolları var imiş?
Ted Kruz Vayominqdə ilkin seçkilərdə Donald Trampa qalib gəlib
Yunanıstan bayrağı

Yunanıstanın Türkiyə xofu: Orduda xidmət müddətini artırır

12
(Yenilənib 00:32 21.10.2020)
Məlumata əsasən Yunanıstanda xidmət müddəti 9 aydan 12 aya qədər artırılacaq. Bundan əlavə, Yunanıstanda şəxslər hərbi xidmətə bundan sonra 19 yox, 18 yaşdan etibarən çağırılacaq.

BAKI, 20 oktyabr — Sputnik. Yunanıstan Türkiyə ilə münasibətlərin kəskinləşməsi fonunda bu ölkəyə məxsus Silahlı Qüvvələrində xidmət müddətini artırmağı planlaşdırır. Bu barədə Sputnik Azərbaycan "RİA Novosti"yə istinadən xəbər verir.

Məlumata əsasən Yunanıstanda xidmət müddəti 9 aydan 12 aya qədər artırılacaq. Bundan əlavə, Yunanıstanda şəxslər hərbi xidmətə bundan sonra 19 yox, 18 yaşdan etibarən çağırılacaq.

Xatırladaq ki, bu ilin iyununda Türkiyə hökuməti Aralıq dənizinin Kipr adası yaxınlığında olan ərazisində öz maraqlarını qorumaq barədə qərar verib. Rəsmi Ankara bir sıra ölkələrin etirazına baxmayaraq geoloji kəşfiyyat işlərini davam etdirmək niyyətindədir.

Aralıq dənizinin şərq hissəsi – bir tərəfdə Avropa İttifaqının üzvləri Kipr və Yunanıstanla, digər tərəfdə isə Türkiyə olmaqla gərginlik mənbəyidir. Türkiyə dəfələrlə yataqların Kipr türkləri ilə Kipr yunanlarının birgə işlətmələrini təklif edib. Rəsmi Ankara Moskva ilə əməkdaşlığı da istisna etməyib. Enerji daşıyıcıları mübahisəsinə həmçinin, Misir və İsrail də daxildir.

Tərəflər arasında fikir ayrılığı 1974-cü ildə Kiprdə adanın Yunanıstan anneksiyası ilə bağlı çevriliş baş verəndən sonra başlayıb. Həmin vaxt Türkiyə Kiprin şimalına qoşun yeridib və həmin ərazidə Kipr – Türk Federativ dövləti yaradıb. Daha sonra onun adı Şimali Kipr Türk Respublikasına dəyişdirilib. Adanın digər hissəsi isə Kipr Respublikasının nəzarəti altındadır.

12
Şimali Dakotada qitələrarası ballistik raketlərin idarəetmə obyekti, arxiv şəkli

Co Bayden gəlsə, Strateji Hücum Silahları Haqqında Müqaviləni uzadacaqlar

10
(Yenilənib 23:19 20.10.2020)
Kremldən ABŞ-ın SHS-3 müqaviləsi ilə əlaqədar bəyanatını şərh edərkən bildiriblər ki, Moskva Vaşinqtonla strateji sabitliklə bağlı təmaslarını davam etdirir. Amerikaşünas Konstantin Bloxin Sputnik radiosunun efirindən bu məsələ barədə öz fikirlərini səsləndirib.

BAKI, 20 oktyabr — Sputnik. Rusiya Prezidentinin mətbuat katibi Dmitri Peskov bəyan edib ki, Vaşinqton Vladimir Putinin SHS-3-ün (Strateji Hücum Silahları Haqqında Müqavilənin) daha bir il uzadılması təklifindən imtina etsə də, Moskva hər bir halda Amerika tərəfi ilə təmasların davam edəcəyinə ümid bağlayır.

Qeyd edək ki, bir qədər bundan əvvəl Ağ Ev Putinin mövcud müqavilənin yeni şərt irəli sürülmədən daha bir il uzadılması təklifini rədd edib.

"Biz ümid edirik ki, istənilən halda Amerika tərəfi ilə təmaslar davam edəcək. Ümumilikdə, əlbəttə ki, Prezidentin də qeyd etdiyi kimi, müqavilənin uzadılması bizə vaxt qazandıra bilərdi. Qazanacağımız bu əlavə 12 ay ərzində silahlanmaya nəzarət məsələsi ilə bağlı substantiv və ciddi danışıqlar aparmaq mümkün idi", – deyə Peskov bildirib.

O, bütün dünyanı qlobal sabitlik və təhlükəsizliyin bu "məhək daşı"ndan məhrum etməyin çox fəlakətli nəticələrə gətirib çıxaracağını da vurğulayıb.

"Buna görə də biz hər bir halda Amerika tərəfinin bu sənədin müddətini uzatmağa hazır olduğunu eşitmək istərdik ", – deyə Prezidentin mətbuat katibi qeyd edib.

Onun sözlərinə görə, hələlik bu sahədə gözlənilən inkişaf müşahidə olunmur, ancaq bu heç də o demək deyil ki, "təmasları tamamilə dayandırmaq lazımdır".

Rusiya Elmlər Akademiyası Təhlükəsizlik Araşdırmaları Mərkəzinin aparıcı tədqiqatçısı, amerikaşünas, politoloq Konstantin Bloxin Sputnik radiosu-nun efirində bildirib ki, müqavilənin taleyi daha çox ABŞ-da bu yaxınlarda keçiriləcək prezident seçkisində kimin qalib gələcəyindən asılıdır.

"Əvvəla, Respublikaçılar Partiyasının namizədi Donald Tramp Çinə nifrət edir və SHS-3-ü birbaşa Çinlə əlaqələndirir. İkincisi, ənənəvi olaraq Respublikaçılar Partiyası silahlanma üzərində nəzarəti dağıtmaq istəyir. Xatırladıram ki, Corc Buş (oğul) administrasiyası dövründə amerikalılar Anti-Ballistik Raket Sistemi (ABM) Müqaviləsindən, Tramp özü isə Orta və Qısa Mənzilli Raketlər və Açıq Səma müqavilələrindən imtina edib. Odur ki, Tramp seçkilərdə qalib gəlsə, ABŞ-ın SHS-3-dən çəkilmə ehtimalı olduqca yüksəkdir", – deyə Konstantin Bloxin bildirib.

Əgər Demokrat Partiyasının namizədi Cozef Bayden qalib gələrsə, o halda ekspertin fikrincə, müqavilənin uzadılması ehtimalı var.

"Ənənəvi olaraq, Demokrat Partiyası ruslarla strateji sabitlik mövzusunda danışıqlar aparmağın tərəfdarıdır. Xatırladım ki, mövcud müqavilənin müddətini Medvedev administrasiyası ilə Obama administrasiyası uzatmışdı. Ancaq kim qalib gəlirsə-gəlsin, bir neçə ayda yeni bir müqavilə bağlamaq, demək olar ki, mümkün deyil. Buna görə də mövcud müqavilənin müddətini ən azı bir il uzatmaq lazımdır ki, həmin dövrdə yenisi qəbul olunsun", – deyə ekspert bildirib.

Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatacaq. Əgər müqavilə yenilənməsə, artıq dünyada bu iki böyük nüvə gücünün silah arsenallarını məhdudlaşdıran heç bir sənəd mövcud olmayacaq.

10
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0