ABŞ-ın Əfqanıstandakı sülh missiyasına rəhbərlik edən general Con Kempl

Türkiyədəki çevriliş cəhdinin arxasından amerikalı general çıxdı

21803
"Hadisədən iki gün əvvəl Nigeriyada olan amerikalı general Con Kempl ABŞ Mərkəzi Kəşfiyyat İdarəsinin dəstəyi ilə, yerli bank şöbəsindən Türkiyədəki çevrilişçi əsgərlərin hesabına milyonlarla dollar pul yatırıb"

BAKI, 25 iyul — Sputnik. Türkiyədəki 15 iyul hərbi çevriliş cəhdinin arxasındakı xarici bağlantılar üzə çıxıb. Sputnik "Yeni Şafak" qəzetinə istinadən xəbər verir ki, ABŞ-ın Əfqanıstandakı sülh missiyasına rəhbərlik edən general Con Kempl (John F. Campbell) Türkiyədəki çevrilişin uğurlu olması üçün xuntaçıların hesabına külli miqdarda pul köçürüb.

Qəzetin iddiasına görə, redaksiyaya məlumatı adının açıqlanmasını istəməyən yüksək rütbəli hərbçi ötürüb. Həmin şəxsin dediyinə görə, hadisədən iki gün əvvəl Nigeriyada olan amerikalı general Con Kempl ABŞ Mərkəzi Kəşfiyyat İdarəsinin (CİA) dəstəyi ilə yerli UBA (United Bank of Africa) bank şöbəsindən Türkiyədəki çevrilişçi əsgərlərin hesabına milyonlarla dollar pul yatırıb.

"Əgər plan baş tutsaydı, Ərdoğan həbs olunacaq və general Kempıl birbaşa uçuşla Ankaraya gələcəkdi", — deyə "Yeni Şafak" qəzeti yazıb.

Maraqlısı odur ki, hərbi çevriliş cəhdindən bir müddət öncə general Con Kempıl iki dəfə Ərzurum və Adanada bəzi türk hərbçilərlə gizli danışıqlar aparıb.

Türkiyəyə göndərilən pul, ölkə içində 80 nəfərlik xüsusi qrupa aid fərqli hesablara köçürülüb. Həmin pullar CİA-in Türkiyədəki xüsusi adamları tərəfindən xuntaçılara çatdırılıb.

21803
Teqlər:
ABŞ Mərkəzi Kəşfiyyat İdarəsi, John F. Campbell, general Con Kempl, çevriliş cəhdi, CIA, hərbi çevriliş, Türkiyə
Əlaqədar
"WikiLeaks" Türkiyədəki çevriliş cəhdi ilə bağlı gizli sənədlər açıqlayacaq
"Türkiyədəki hərbi çevriliş cəhdinin arxasında ABŞ dayanır"
Çevrilişə cəhddə təqsirləndirilən generalların məhkəmə prosesi zamanı atışma olub
Çevriliş gecəsi türk generaldan ABŞ-a şok telefon zəngi
Türkiyədə çevrilişə cəhddən sonra 2400-dən artıq hərbçi həbs edilib
Türkiyədə çevriliş cəhdində həlak olanların dəfn mərasimi keçirilib
Koronavirus xəstəsi, arxiv şəkli

Ermənistanda koronavirusa yoluxanların sayı 165 mini keçdi

13
(Yenilənib 12:50 20.01.2021)
Dünyada koronavirus infeksiyasına indiyədək yoluxanların sayı 96,1 milyonu keçib, 2,05 milyondan çox adam isə virus səbəbi ilə ölüb.

BAKI, 20 yanvar — Sputnik. Ermənistanda koronavirusa yoluxanların sayı 165221-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 309 nəfər artıb.

Ermənistanda son gündə daha 9 nəfər ölüb. Ümumilikdə bu virusdan ölənlərin sayı 3016-ya çatıb. Xəstəlikdən sağalanların sayı 153857 nəfər olub. Hazırda bu ölkədə 7607 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 96,1 milyonu keçib, 2,05 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

13
Teqlər:
Ermənistan, Koronavirus, epidemiya, COVID-19
Əfqanıstanda ABŞ hərbçiləri, arxiv şəkli

"Rusiyaya qalib gəlməyin yolunu tapmışıq": Pentaqon nəyə cəhd göstərir?

23
(Yenilənib 09:59 20.01.2021)
"Secure World Foundation"-ın kosmik təhlükəsizlik məsələləri üzrə eksperti Brayan Uiden xatırladır ki, uzun uçuşlarda nüvə enerjisi olmadan keçinmək mümkün deyil. Gələcəkdə yerdən kənar ilk koloniyalar üçün də reaktorlara ehtiyac olacaq.

 

BAKI, 19 yanvar — Sputnik, Andrey Kots. Amerikalılar nüvə enerjisinin hərbi istiqamətini inkişaf etdirmək qərarına gəliblər. Hələlik hakimiyyətdə olan ABŞ Prezidenti Donald Tramp hərbi qüvvələr və kosmik tədqiqatlar üçün kompakt nüvə reaktorlarının hazırlanması barədə fərman imzalayıb. Beləliklə, ABŞ son yarım əsrdə ilk dəfə olaraq atom enerjisindən təkcə Hərbi Dəniz Donanmasında istifadə etməyəcək. Bəs Vaşinqtonu bu addımı atmağa nə vadar edir: Sualın cavabı RİA Novosti-nin növbəti materialında.

Rezerv mənbə

ABŞ Silahlı Qüvvələrinin sualtı qayıqlar və təyyarə gəmiləri artıq nüvə reaktorları ilə təchiz edilib. Bunun sayəsində Amerika donanmasının ən nəhəng vımpelləri, demək olar ki, məhdudiyyətsiz dənizlərdə qala bilir.

Digər ölkələrin hərbi dəniz donanmaları da nüvə enerjisindən istifadə edir. Məsələn, Fransanın nüvə mühərrikli təyyarə gəmisi "Şarl de Qoll" və Rusiyaya məxsus ağır raket kreyseri "Pyotr Velikiy". Bununla belə, ABŞ-ın nüvə mühərrikli gəmiləri daha çoxdur. Amerikalılar bu yolda əldə etdikləri ilə kifayətlənmək fikrində deyillər.

Prezident Trampın göstərişi ilə Müdafiə Nazirliyi ölkədəki bir hərbi obyektdə kiçik nüvə reaktorlarını nümayiş etdirmək üçün plan hazırlayacaq və onu reallaşdıracaq, həmçinin aşağı güclü mobil reaktoru sınaqdan keçirəcək. Bu cür enerji mənbələri Günəş enerjisindən istifadənin qeyri-mümkün olduğu yerlərdə və müdafiə sahəsində dərin kosmik tədqiqatlar üçün əvəzolunmazdır", – deyə Ağ Evin mətbuat xidməti məlumat verib.

Kiçik nüvə reaktorunun nəyə lazım olduğu açıqlanmır. "Defensenews.com" portalının ekspertləri belə hesab edirlər ki, söhbət ordu bazalarının ehtiyat enerji təchizatından gedir. Əgər hərbi obyektdə elektrik olmasa, reaktor mühüm əhəmiyyətli cihazları enerji ilə təmin edəcək. Fərmana əsasən, ilk prototipin sınaqlarına altı ay ərzində başlanmalıdır. Mütəxəssislərin fikrincə, sınaqlar ABŞ-ın ən böyük poliqonlarından biri olan Nevadadakı hərbi meydançada sınaqdan keçiriləcək.

Kosmosun fəthi

"Secure World Foundation"-ın kosmik təhlükəsizlik məsələləri üzrə eksperti Brayan Uiden xatırladır ki, uzun uçuşlarda nüvə enerjisi olmadan keçinmək mümkün deyil. O cümlədən, Aya, Marsa və başqa planetlərə uçuşlarda da. Gələcəkdə Yerdən kənar ilk koloniyalar üçün də reaktorlara ehtiyac olacaq. Bəzi mütəxəssislər yeni texnologiyaların orbital silah platformalarında istifadə edilə biləcəyinə də inanır. Prinsipcə, bu ssenari kosmosun potensial döyüş meydanı olduğunu düşünən ABŞ Kosmik Qüvvələrinin kifayət qədər aqressiv doktrinasına uyğun gəlir.

"Məncə, bu amerikalılara, ilk növbədə, kosmik məqsədlər üçün lazımdır," - deyə "Orsenal Oteçestva" jurnalının baş redaktoru Viktor Muroxovski RİA Novosoti-yə müsahibəsində bildirib. "Atom reaktoru" söz birləşməsi müxtəlif mənalarda işlənə bilər. Birincisi, bu uranın parçalanması ilə müşayiət olunan zəncirvari reaksiyaya əsaslanan cihazdır. Rusiyada "Burevestnik" və "Poseydon" üçün artıq oxşar qurğular yaradılıb. İkincisi, peyklərdə, radio mayaklarında və hava stansiyalarında istifadə olunan izotopik nüvə enerji mənbələridir. Onlar daha az effektli olsalar da, güclü radiasiya yaymırlar", Mütəxəssis 1950-60-cı illərdə həm ABŞ-da, həm də SSRİ-də təyyarələr üçün kompakt nüvə reaktoru hazırlamağa cəhd göstərildiyini xatırladır. Bununla birlikdə, həmin layihələrdən imtina edildi - hətta ən böyük təyyarə belə heyətin bioloji müdafiə sistemini çəkib aparmağa qadir deyil. Bu səbədən də böyük təyyarələrdə reaktorların tətbiqi məhdudlaşdırılıb", - V.Muroxovski əlavə edib.

Muraxovskinin sözlərinə görə, indiyə kimi heç bir ölkə pilotlu təyyarələrdə, kiçik tonnajlı gəmilərdə və yerüstü nəqliyyat vasitələrində istifadə edilə bilən kompakt reaktor yaratmağa nail olmayıb.

Radiasiya problemi

Vaxtilə nüvə enerji qurğusu qitələrarası strateji bombardmançı təyyarələri olan "Convair B-36"-lar üçün də işlənib hazırlamışdı. "Convair B-36"-lar 1949-59-cu illərdə ABŞ Hərbi Hava Qüvvələrinin silahlandırmasına daxil edilmişdi.

NB-36H uçan laboratoriyasının burun hissəsinə 12 tonluq qoruyucu kapsul quraşdırılmışdı. Gücü 1 meqavat, diametri 1,2 metr və ağırlığı 16 ton olan sürətli neytron reaktoru bomba yuvasına yerləşdirilirdi. O, uçuş zamanı buraxılmalı və təyyarənin göyərtəsindəki hava girişlərindən daxil olan atmosfer havası ilə soyudulmalı idi. Eksperiment maşını 47 uçuş yerinə yetirdi, lakin nüvə mühərriki yalnız qısa müddət ərzində işə salındı.

Əslində, kifayət qədər cəlbedici ideya idi. Əlavə yanacaqdoldurma həyata keçirilmədən bir neçə sutka havada qala bilən belə uçan aparatdan strateji bombardmançı və ya kəşfiyyat təyyarəsi kimi istifadə oluna bilərdi. Lakin problemlər də az deyildi. Birincisi, hər bir atom təyyarəsi, əslində, ona sahib olan ölkənin öz ərazisinə də düşə biləcək "çirkli" bombadır. İkincisi, "eksperiment göyərtəsi" həm də havada özü ilə birgə radioaktiv maddələr daşıyırdı. Nəhayət, hər bir halda şəxsi heyət ciddi şüalanmaya məruz qalırdı.

ABŞ-da yerüstü texnikaya da nüvə reaktoru quraşdırmağa cəhd göstərilib. Bu 25 tonluq "Chrysler TV-8" tankı heç vaxt kütləvi şəkildə istehsal edilməyib - standart sistemlərin yalnız bir hissəsi ilə təchiz olunmuş tam ölçülü maket şəklində mövcud olub. Tank kiçik bir nüvə reaktorunun qızdırdığı buxar mühərriki ilə idarə edilməli idi. Bununla belə, tank çox mürəkkəb mexanizm hesab edildi, onun döyüş qabiliyyəti isə ənənəvi nəqliyyat vasitələrindən imtina etmək üçün yetərsiz sayıldı. Beləliklə, 1956-cı il aprelin 23-də layihə ləğv olundu.

23
Koronavirusa qarşı peyvənd, arxiv şəkli

Pulumuza edilən qəsd: Milyon dozalarla peyvənd zibilliyə atılır

0
(Yenilənib 13:53 20.01.2021)
Halbuki Danimarka şüşədə artıq qalan 6-cı doza ilə 250 mindən çox şəxsin peyvənd olunduğu barədə məlumat verib. Niderland isə artıq qalan vaksin preparatı sayəsində 39 mindən çox səhiyyə işçisinin peyvənd olunduğunu açıqlayıb.

BAKI, 20 yanvar — Sputnik. Bəzi Avropa ölkələri “Pfizer/BioNTech” peyvəndinin şüşədəki dozadan daha az miqdarından istifadə edir. Sputnik Azərbaycan bu barədə Türkiyənin NTV kanalına istinadla məlumat yayıb.

Dünyanın bir sıra yoxsul ölkələrinin koronavirus peyvəndindən məhrum olduğu bir vaxtda Fransa, Almaniya və İsveçrədə şüşədə artıq qalan bir doza dərmanın zibilliyə atılması narazılıqla qarşılanıb.

Qeyd edək ki, bir qədər əvvəl türk alimi Uğur Şahinin ortaq qurucusu olduğu "Pfizer" beş dozalıq dərman şüşələrinin içindən bəzən altı dozalıq peyvənd preparatı çıxa biləcəyi barədə xəbərdarlıq etmişdi. Amerikanın Qida və Dərman Vasitələrinə Nəzarət İdarəsi və Avropa Dərman Agentliyi isə bu əlavə dozadan istifadə olunmasını tövsiyə etmişdi.

Artıq Fransa peyvənd şüşələrindən dozadan artıq preparat çıxdığını, bir millilitrlik şprislərin olmaması səbəbindən isə artıq qalan dərmanı zibil qutusuna atmaq məcburiyyətində olduqlarını etiraf edib. Almaniya da əksər tibb müəssisələrində belə şprislərin mövcud olmadığını bildirib. Halbuki Danimarka şüşədə artıq qalan 6-cı doza ilə 250 mindən çox şəxsin peyvənd olunduğu barədə məlumat verib. Niderland isə artıq qalan vaksin preparatı sayəsində 39 mindən çox səhiyyə işçisinin peyvənd olunduğunu açıqlayıb.

Məlumat üçün bildirək ki, Azərbaycan Çinin "Sinovac" şirkətinin hazırladığı "CoronaVac" vaksini alıb. Səhiyyə Nazirliyindən verilən açıqlamaya görə, bu peyvəndləri almağımıza səbəb onun saxlama şərtlərinin ölkəmiz üçün əlçatan olmasıdır. 

Səhiyyə Nazirliyinin nəzdində fəaliyyət göstərən koronavirusla (COVID-19) mübarizə işçi qrupunun üzvü Günay Quluzadənin sözlərinə görə, bu peyvəndləri təhlükəsiz və soyuq şəraitdə saxlamaq lazımdır. Hər bir peyvəndin özünün saxlanma şərtləri var. Bəzi COVID-19 peyvəndləri -20, bəziləri -70 dərəcə saxlanma şərtləri tələb edir. Azərbaycanda tətbiq olunan "Sinovac" şirkətinin hazırladığı "CoronaVac" vaksininin saxlama temperaturu isə sadədir. Onu 2-8 dərəcədə üç ilə qədər saxlamaq mümkündür.

"Vaksinin Türkiyədəki kliniki sınaq nəticələrinə əsasən, onun virusla mübarizədə 91,25 faiz effektiv olduğu müəyyən edilib. İnaktiv üsula görə hazırlanan bu peyvənddə yoluxucu xüsusiyyətini itirmiş virus bədənə verilir və bədənin xəstəlikdən immunitet qazanması hədəflənir. "CoronaVac" vaksini ənənəvi, etibarlı və sınanmış inaktiv platformada hazırlanır. Yüksək qoruyuculuq və uğurlu sınaq nəticələri var. Saxlanma şəraiti, çatdırılma və tətbiq şərtləri, "soyuq zəncir" sistemi tələbi əlverişlidir. Ölkəmizdə illər boyu mövcud olan infrastruktur imkan verir ki, bu vaksinləri ölkənin ən ucqar nöqtəsinə çatdırıb, tətbiq edək", - deyə nazirliyin nümayəndəsi bildirib. 

Avropa istehsalı olan peyvəndlərin niyə alınmaması barədə suala isə verilən rəsmi cavab bundan ibarətdir ki, -20, bəzənsə -70 dərəcə saxlanma şərtləri tələb edən bu peyvəndləri saxlamağa Azərbaycanda şərait yoxdur. Anlaşılan budur ki, həmin peyvəndləri almamaqla əslində Azərbaycan pula və itkiyə xeyli qənaət edib. 

Artıq bir sıra ölkələr şüşədə qalan artıq dozanın əlavə problem yaratdığı barədə istehsalçı şirkətlərə məlumat göndəriblər. Əgər atılacaq doza ilə bağlı problem aradan qaldırılsa, Avropa şirkətlərinin peyvındləri nisbətən kasıb ölkələrin vətəndaşları üçün də əlçatan ola bilər. 

0