Terror nəticəsində həyatını itirənlərin cansız bədənləri

"O, bacardıqca çox adam öldürmək istəyirdi"

904
(Yenilənib 21:22 15.07.2016)
14 iyul 2016-cı il Fransa tarixinə qanlı Bastilya günü kimi düşdü

BAKI, 15 iyul — Sputnik. Nitsa şəhərində yük maşınının, Bastiliya qalasının alınması münasibəti ilə atəşfəşanlığa baxan kütləyə çırpılması və bunun ardınca sürücünün atəş açması Fransa tarixinə növbəti terror aktı kimi düşdü. İlkin təsdiqlənmiş məlumata görə, 84 nəfər həyatını itirib, 150 nəfər yaralanıb.

Terror nəticəsində həyatını itirənlərin cansız bədənləri
© REUTERS / Eric Gaillard

Yaralananların 54 nəfəri azyaşlıdır ki, onların əksəriyyətinin vəziyyətinin ağır olduğu bildirilir. Ölənlər arasında çoxlu xarici ölkə vətəndaşları da var.

Artıq Fransada üç günlük matəm elan olunub. Şahidlərin sözlərinə görə, sürücü daha çox adam öldürmək üçün maşını qəsdən ziqzaqvari sürürmüş.

"Əvvəlcə bizə elə gəldi ki, sürücü nəsə özünü pis hiss edir. Amma dərhal da bu fikirlər alt-üst oldu. O, açıq şəkildə bacardıqca çox adam öldürmək istəyirdi ", — şahidlərdən biri deyib.

Prezident Fransua Olland bəyan edib ki, terrorçu qarşısına yalnız "öldürməyi, əzməyi, məhv eləməyi" məqsəd qoyubmuş. Sonradan elə intensiv atəş açılıb ki, insanlar əvvəlcə bunu atəşfəşanlığın davamı hesab ediblər. Bundan sonra kimlərinsə əsir götürülməsi barədə xəbərlər yayılsa da, bu, təsdiqini tapmayıb.

Əraziyə özünü çatdıran polislər terrorçunu dərhal öldürüblər. Hadisə yerinin yaxınlığında yerləşən Negresco hoteli dərhal səhra hospitalına çevrilib.

"Röyters"in istintaq qrupuna yaxın mənbədən aldığı məlumata görə, hadisəni törədən 31 yaşlı, Tunis əsilli Fransa vətəndaşı olub. Sonra Fransa KİV-i onun adını açıqladı: Məhəmməd Buhlel (Mohamed Lahouaiej Bouhlel).

Onun bu vaxta qədər bir sıra qanun pozuntularına görə, polis tərəfindən saxlanıldığı məlum olub. Terrorçunun radikal qruplaşmalarla əlaqəsinin olub-olmaması araşdırılır. Tunis Xarici İşlər Nazirliyi (XİN) də cinayətkarın terrorçular siyahısında olmadığını açıqlayıb.

Qonşuları Buhlelin axır vaxtlar arvadından ayrıldığı və maliyyə problemlərinə görə depressiya içərisində olduğunu deyiblər. Onların sözlərinə görə, Buhlel dindar olub.

Terror aktından sonra maşının içərisində telefon, tapança və digər silah-sürsat tapılıb. "Frans Pres"in xəbərinə görə yük maşını hadisədən bir neçə gün əvvəl icarəyə götürülübmüş.

Terakta görə məsuliyyəti heç bir terror təşkilatı öz üzərinə götürməyib. Bəzi ekspertlərin fikrincə, bu hadisədə İŞİD-in əlinin olması istisna edilmir. Belə versiyanı İspaniyanın daxili işlər naziri də irəli sürüb.

Hələ may ayında Fransanın daxili təhlükəsizlik baş idarəsinin rəhbəri Patrik Kalvar terrorçuların nəqliyyat vasitələrindən yararlanaraq hücum edəcəkləri barədə xəbərdarlıq etmişdi.

Rusiyanın baş naziri Dmitri Medvedyev terror qurbanlarının yaxınlarına verdiyi başsağlığında deyib: "Terrorçular yalnız güclə hesablaşır və ondan istifadə edirlər".

Ollanda ünvanladığı məktubunda prezident Putin hadisəni "insanlığa sığışmayan, barbar terror hücumu" adlandırıb.

Amerika prezidenti Barak Obama Nitse hadisəsini, Olland xalqa müraciət etməmişdən əvvəl terror aktı adlandırıb. ABŞ lideri istintaqa kömək etməkdə və terrorla mübarizədə ölkəsinin Fransanın yanında olduğunu bəyan edib.

Azərbaycan prezidenti İlham Əliyev də Fransa Prezidenti Fransua Ollanda başsağlığı məktubu ünvanlayıb. Məktubda deyilir: "Azərbaycan Xarici İşlər Nazirliyi Fransanın Nitsa şəhərində törədilmiş terror aktını kəskin şəkildə pisləyir. Bu terror aktı nəticəsində həyatını itirənlərin ailələrinə və yaxınlarına dərin hüznlə baş sağlığı verir və yaralananların tezliklə şəfa tapmasını diləyirik".

904
Teqlər:
"Bastiliya qalasının alınması", Nitsa, kamikadze, Fransa, terror
Əlaqədar
Fransa Prezidenti orduya əmr verdi: "Onların yuvalarına girəcəyik"
Anadolu Agentliyi Fransa terroruna görə öz əməkdaşını işdən qovdu
İlham Əliyev Fransua Ollanda başsağlığı verdi
Azərbaycan Fransadakı vətəndaşlarına çağırış etdi: "Kütləvi yerlərdən uzaq durun"
Nitsadakı terror aktından bir neçə dəqiqə sonra
Türkiyə Prezidenti Rəcəb Tayyib Ərdoğan, arxiv şəkli

Ərdoğan: “Yuxarı sinif şagirdləri üçün əyani təhsil bərpa olunacaq”

7
Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

BAKI, 1 mart - Sputnik. “Türkiyədə ÇOVID-19-la mübarizə tədbirləri ilə əlaqədar yeni nəzarətli normallaşma mərhələsi başlayır”. 

APA-nın xəbərinə əsasən, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti toplantısından sonra bildirib.

Prezident deyib ki, Türkiyədə yeni növ koronavirus infeksiyasının yayılması mavi, sarı, narıncı, qırmızı (zəif, orta, yüksək və çox yüksək) rənglərlə fərqləndirilməklə mübarizə tədbirləri bu dərəcələrə uyğun aparılacaq. 

Zəif və orta riskli ərazilərdə koronavirusla mübarizə tədbirləri ilə əlaqədar sərtləşdirilmiş qaydalar ləğv ediləcək, infeksiyanın yayılması yüksək və çox yüksək olan ərazilərdə isə yayılma dərəcəsinə görə, qaydalar ya saxlanılacaq, ya da daha çox sərtləşdiriləcək. 

Zəif və orta riskli ərazilərdə həftəsonu küçəyə çıxma qadağası yalnız bazar günlərinə şamil ediləcək, şənbə günləri bu məhdudiyyət ləğv olunacaq, axşam saat 21.00-dan səhər saat 5-dək ölkə boyu küçəyə çıxma məhdudiyyəti isə saxlanılacaq. 

Ərdoğan deyib ki, ölkədə 8-ci sinifdən başlayaraq yuxarı sinif şagirdləri üçün ənənəvi əyani təhsil bərpa olunacaq, zəif və orta riskli ərazilərdə isə ibtidai siniflər də daxil məktəblər açılacaq. 

Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

Yaşı 65-dən yuxarı olanlar və 21 yaşdan aşağı kateqoriyaya daxil olan gənclərin küçəyə çıxma məhdudiyyətləri zəif və orta riskli yerlərdə ləğv edilsə də, yüksək riskli yerlərdə bu qaydalar saxlanılacaq, çox yüksək riskli yerlərdə isə əksinə, artırılacaq. 

Qeyd edək ki, Türkiyənin eyni nəzarətli normallaşma mərhələsinə görə, böyük şəhərlərdə Şanlıurfa, Dyarbəkir zəif (mavi) risk,  Ankara, Manisa orta (sarı) risk, İstanbul və İzmir yüksək (narıncı) risk, Konya isə çox yüksək (qırmızı) risk qrupuna daxildir.

7
Belarus Prezidenti Aleksandr Lukaşenko, arxiv şəkli

Aleksandr Lukaşenko oğluna general-mayor rütbəsi verərək vəzifədən azad edib

8
Viktor Lukaşenko seçkili vəzifəyə keçidlə əlaqədar olaraq Belarus Prezidentinin milli təhlükəsizlik üzrə köməkçisi vəzifəsindən azad olunub

BAKI, 1 mart - Sputnik. Belarus Prezidenti Aleksandr Lukaşenko oğlu Viktor Lukaşenkonu dövlət başçısının milli təhlükəsizlik üzrə köməkçisi vəzifəsindən azad edib.

Sputnik Azərbaycan bu barədə BELTA agentlyinə istinadən xəbər verir.

"Viktor Lukaşenko seçkili vəzifəyə keçidlə əlaqədar olaraq Belarus Prezidentinin milli təhlükəsizlik üzrə köməkçisi vəzifəsindən azad olunub", - xəbərdə deyilir.

Həmçinin Viktor Lukaşenkoya prezidentin fərmanı ilə ehtiyatda olan general-mayor hərbi rütbəsi verilib.

8