Terror qurbanı olan balaca qız

Fransanı qana boyayan terrorçunun kimliyi bəlli oldu

134
Hücumda istifadə olunan yük maşınının terrordan bir gün əvvəl icarəyə götürüldüyü bildirilir. Yük maşınında ikinci bir şəxsiyyət vəsiqəsi də tapılıb.

BAKI, 15 iyul — Sputnik. Fransanı qana boyayan terrorçunun kimliyi müəyyənləşib. Sputnik xəbər verir ki, Fransa mətbuatı terrorçunun adının Mohamed Lahouaiej Bouhlel olduğunu yazıb.

Terror nəticəsində həyatını itirənlərin cansız bədənləri
© REUTERS / Eric Gaillard

Digər tərəfdən, Fransa mediasında hücumda istifadə olunan yük maşınının terrordan bir gün əvvəl icarəyə götürüldüyü yazılıb. Digər bir məlumata görə isə, yük maşınında ikinci bir şəxsiyyət vəsiqəsi olub.

Nitsa şəhərində yerləşən "Saint George" klinikasında çalışan bir işçi Sputnik-ə açıqlamasında deyib ki, xəstəxanada yaralıların çoxu xarici ölkə vətəndaşlarıdır. Burada fransızlarla yanaşı, İsveçrədən, Böyük Britaniyadan, İspaniyadan olan yaralılar var.

Almaniya kansleri Angela Merkel hücumdan sonra ilk açıqlamasında deyib: "Almaniya, digər bir çox ölkə ilə birlikdə terrorla mübarizədə Fransanın yanındadır. Bütün çətinliklərə baxmayaraq, bu döyüşü qazanacağımıza inanıram".

134
Teqlər:
fransız, "Saint George", Mohamed Lahouaiej Bouhlel, terror, Fransa
Əlaqədar
İlham Əliyev Fransua Ollanda başsağlığı verdi
Azərbaycan Fransadakı vətəndaşlarına çağırış etdi: "Kütləvi yerlərdən uzaq durun"
Nitsadakı terror aktından bir neçə dəqiqə sonra
Anadolu Agentliyi Fransa terroruna görə öz əməkdaşını işdən qovdu
Dmitri Medvedev, arxiv şəkli

Medvedevin baxış bucağı: Tarixdən dərs çıxarmayanlar

6
(Yenilənib 19:16 23.04.2021)
Liderlər hansısa məqamda birbaşa ünsiyyət qurur, bəzən də buna ehtiyac görmürdülər, ancaq hər bir halda, SSRİ ilə ABŞ arasında təhdid və ultimatum dili ilə gerçəkləşdirilməyən bərabərhüquqlu dialoq mövcud idi.

Rusiya Təhlükəsizlik Şurasının sədr müavini Dmitri Medvedevin məqaləsini təqdim edirik.

"Böyük qüvvələrlə toqquşmanın qarşısını almaq qorxaqlıqdan deyil, müdriklikdən xəbər verir, çünki özünü qurban vermək heç vaxt heç bir yerdə üstünlük hesab olunmur" (Sun Tzu. "Müharibə Sənəti").

Son illər Rusiya ilə ABŞ arasındakı münasibətlər faktiki olaraq rəqabətdən qarşıdurmaya keçib, əslində Soyuq Müharibə dövrünə geri qayıtmışıq desək, daha doğru olar. Sanksiyalarla təzyiq, təhdid, münaqişəli qarşıdurma, eqoistcəsinə öz mənafeyini qoruma - bütün bunlar dünyanı daimi qeyri-sabit vəziyyətdə saxlayır.

İki ölkənin münasibətləri uzun müddət bu vəziyyətdə qalanda buna elə böhran deyilir. Belə böhranlar münasibətlərin daha kəskin formaya – "böhranların böhranına" keçməsinə münbit şərait yaradır. Belə bir vəziyyətdə, hər hansı bir səhv addım, səbirsizlik, hər bir sözün strateji mənasını anlamamaq təkcə iki ayrı ölkəni deyil, bütün dünyanı ən çətin problemlərin girdabına sürükləyərək birbaşa hərbi münaqişə təhdidi qarşısında qoyur.

Buna bənzər hal artıq bizim ümumi tariximizdə yaşanıb. Düzdür, onda zəmanə başqa idi, indikindən fərqlənirdi, hadisənin baş verdiyi yer isə Karib hövzəsi idi. Amma baş verənlərin mahiyyəti çox oxşar idi. ABŞ-ın o zamankı xarici siyasəti ölkəmizi buna uyğun reaksiya verməyə məcbur etdi. 1950-ci illərin sonu, 60-cı illərin əvvəllərində bu, Amerika raketlərinin Türkiyə, Cənubi Vyetnam və Livanda yerləşdirilməsi şəklində özünü göstərdi. Eləcə də Kubada sonradan inqilabla nəticələnən bacarıqsız siyasətdə, "Azadlıq Adası" üzərində nəzarəti ələ keçirtməyə yönəlmiş cəhdlərdə və bir çox başqa şeydə özünü büruzə verdi.

Hazırda bu, Rusiyaya qarşı sanksiyalar, mütəşəkkil qaralama kampaniyası, Amerikanın qonşularımıza qarşı yürütdüyü siyasət, NATO-nun sərhədlərimizə qədər gəlib çatması, "Şimal Axını 2"-yə qarşı hərəkətlər, ölkəmizin Şimal dəniz yolunu işə salması ilə bağlı narahatlıq, nəhayət, Ukrayna məsələsi və daha bir çox şeydə özünü göstərir. Belə siyasətə dair nümunələr gündəlik olaraq qarşıya çıxır.

Keçmiş SSRİ kimi hazırda Rusiya da rəqibə qarşı təhdid səviyyəsinə görə ABŞ-a cavab vermək iqtidarındadır.

1960-cı illərin əvvəllərində amerikalılara cavab olaraq Kubada strateji hücum silahları yerləşdirildi. Məlum olduğu kimi, ABŞ qarşıdurmanı bir az da qızışdırdı: döyüş gəmilərini bir yerə cəmləşdirdi, adanı dəniz mühasirəsinə aldı və hətta tam müdaxilə planı hazırladı. Bu böhran tarixə "Karib böhranı" adı ilə düşdü.

Böhranla bağlı iki əsas məqam var.

Birincisi, uzunmüddətli cavab – bu yalnız ABŞ sahillərində raketlərin peyda olması ilə bağlı deyil. Hər şeydən əvvəl güc nümayişi və daha da əhəmiyyətlisi, Qərb ölkələri tərəfindən qısa müddətdə dünyanın hər hansı bir yerinə hərbi baza yerləşdirmək üçün dövlətimizin infrastruktur imkanlarını göstərmək cəhdi idi.

İkincisi, vəziyyətin müharibənin astanasına qədər gəlib çıxması idi ki, durumu ayıq qiymətləndirən, uzlaşmağın müdrikliyini qəbul edən və bu səbəbdən də güzəştə getməyə hazır olan iki super dövlətin liderləri sayəsində bundan yayınmaq mümkün oldu.

Liderlər hansısa məqamda birbaşa ünsiyyət qurur, bəzən də buna ehtiyac görmürdülər, ancaq hər bir halda, SSRİ ilə ABŞ arasında təhdid və ultimatum dili ilə gerçəkləşdirilməyən bərabərhüquqlu dialoq mövcud idi. Karib böhranının həll olunmasından sonra bütün XX əsr boyunca heç vaxt iki ölkə arasında münasibətlər bu qədər gərginləşməmişdi. Çünki hər iki ölkə baş verənlərdən dərs çıxarmışdı: beynəlxalq problemlərin həllində əməkdaşlıq qarşıdurmadan üstündür.

Ancaq bu gün vəziyyət bir qədər fərqlidir: ABŞ qeyri-sabit xarici siyasət yürütməyə başlayıb. Bu, İranla nüvə anlaşmasından imtina olunmasında, ABŞ-ın Açıq Səma Müqaviləsindən və bir sıra başqa razılaşmalardan çıxmasında, nəhayət, yeni prezidentin ritorikasında özünü göstərdi.

Yeni strateji reallıq - Vaşinqtonun xarici siyasətindəki qeyri-sabitlik - həm daxili səbəblərdən, həm də ABŞ-ın Qərb dünyasının lideri kimi nüfuzunun müəyyən dərəcədə azalmasından qaynaqlanır.

Amerika rəhbərliyinin yeni taktikası bir tərəfdən dialoqa ehtiyac olduğunun siqnalını vermək, digər tərəfdən təzyiqi artırmaqdır. Yeni administrasiya demokratların seçki vədlərini yerinə yetirməsindən, yeni siyasi kursun müəyyənləşdirilməsindən və yeni komandada qərarların qəbul edilməsində birliyin olmamasından, Amerika "missionerliyindən" dəm vura bilər. "Hər zaman haqlıyıq, bizə itaət etməyə məcbursunuz". Tərəfdaşlar və rəqiblər isə bu kursu elə belə də qəbul etməli, hətta aldıqları "dərs"ə görə minnətdar olmalıdırlar.

Aydın məsələdir ki, SSRİ ABŞ tərəfindən bərabərhüquqlu rəqib kimi qəbul edilirdi və şübhəsiz ki, onun rəyi ilə hesablaşmalı idi.

Rusiya Prezidenti Vladimir Putin, arxiv şəkli
© Alexander Zemlianichenko/Pool via REUTERS

Bu, qorunub-saxlanması üçün beynəlxalq təşkilatlar sisteminin qurulduğu tərəflərin hərbi-siyasi paritetlərindən, eləcə də, iki hərbi blokun (NATO və Varşava Paktı) mövcudluğundan irəli gəlirdi.

Ancaq SSRİ-nin dağılmasından sonra bu paritet bir müddət yoxa çıxdı. ABŞ dünyada heç bir ölkənin nəinki onunla müqayisə edilə biləcək gücə sahib olmadığı, hətta belə bir gücə sahib olmaq üçün hipotetik bir hüquqa malik olmadığı koordinat sistemində on il yarım yaşayandan sonra, sadəcə olaraq, bərabərhüquqlu dialoq vərdişini itirdi.

ABŞ-ın yeni administrasiyasının bu ölkənin dünya hökmdarı və kollektiv Qərbin müdafiəçisi mövqeyini bərpa edərək (və eyni zamanda özünü buna inandıraraq) dünyada hər hansı bir dövlətin infrastruktur imkanlarına və hərbi gücə sahib olmaq baxımından onunla müqayisə edilə biləcək siyasi potensiala malik olduğunu etiraf etməyə gücü çatmır. Məsələn, Çin və ya Rusiya kimi.

Ortaya belə bir sual çıxır: mövcud Amerika rəhbərliyi keçən əsrin 60-cı illərindəki Kuba raket böhranında iştirak edən ölkələrin liderlərinin uzlaşmaya gəldiyi kimi kompromisə getmək müdrikliyinə sahib ola biləcəkmi?

Putindən dünyaya sərt xəbərdarlıq: "Peşman olacaqlar">>

Bəs vəziyyət həddən artıq gərginləşəndə problemin həllinə nə kömək edə bilər?

Belə məqamların sayı üçdür.

Birincisi, "həlledici qərar"ların dəyərini anlamaq. Əgər qələbədən gələn zərər qalibin gələcək mövcudluğu məsələsini gündəmə gətirəcək qədər böyükdürsə, deməli, bu heç qələbə deyil.

İkincisi, birbaşa əlaqə. Söhbət telefon əlaqəsindən deyil, açıq danışa bilmək imkanından və ən əsası, həmsöhbətini dinləmək, onun məntiqini, arqumentini anlamaq qabiliyyətindən gedir.

Və üçüncüsü, ən əsası – yalnız kompromislərin vacibliyini başa düşmək deyil, həm də bu uzlaşmaya getməyə hazır olmaq. Dialoqu dalana dirəyən ultimatum və kobudluqdan imtina etməyə hazır olmaq.

Odur ki "Rusiya buna görə cavab verəcək" şəklində ritorika hər nə qədər amerikansayağı səslənsə də, münasibətləri dalana dirəyir. Bu tuneldən isə çıxış yolu yoxdur. Və bu mantra heç kimə xeyir gətirməyəcək.

6
Məmur portfeli, arxiv şəkli

Erməni nazir öz ad günündə istefa verdi

7
(Yenilənib 19:03 23.04.2021)
Son zamanlar Arakelyan hökumətin bir sıra qərarı ilə razılaşmadığını açıq şəkildə bildirirdi. Məsələn, o, Ermənistanda yeni il tətilinin yanvarın ikisinə qədər azaldılmasının əleyhinə olub.

BAKI, 23 aprel — Sputnik. Ermənistanın əmək və sosial məsələlər üzrə naziri Mesrop Arakelyan istefa verib. Sputnik Ermənistan xəbər verir ki, bu barədə nazir öz "Facebook" səhifəsində yazıb.

Maraqlıdır ki, nazir öz ad günündə istefa verib.

Qeyd olunur ki, son zamanlar Arakelyan hökumətin bir sıra qərarı ilə razılaşmadığını açıq şəkildə bildirirdi. Belə ki, o, Ermənistanda yeni il tətilinin yanvarın ikisinə qədər azaldılmasının əleyhinə olub. O qeyd edir ki, bu qərar iqtisadi səmərəlik baxımından birmənalı deyil.

7
Teqlər:
istefa, nazir, Ermənistan
Noutbuk arxasında bloger, arxiv şəkli

SputnikPro KİV-lərə öz ekspertlərini yetişdirməyin yolunu göstərdi

0
(Yenilənib 20:12 23.04.2021)
Öz ekspertini yetişdirmək – istənilən kütləvi informasiya vasitəsi üçün ən düzgün addımdır. SputnikPro maarifləndirmə layihəsi çərçivəsində keçirilən növbəti vebinarda bu barədə danışılıb.

Aprelin 23-ü cümə günü keçirilən növbəti onlayn sessiyada "YouTube – öz ekspertlərinin və törəmə layihələrinin yaradılması üçün platforma kimi" mövzusuna həsr olunub. Vebinarın spikeri "Ukraina.ru" internet nəşrinin sosial şəbəkələr bölməsinin baş redaktoru Aleksandr Fomin idi.

Fomin "Rossiya seqodnya" media qrupunun ştatdankənar müəllif kimi Ukraynada (2017-ci ildə) fəaliyyətə başlayıb. Əvvəllər "Zvezda" televiziya kanalında ("Ukrayna Online: Şərq / Qərb" layihəsi) və Ukrayna mediasında çalışıb. Rusiyanın Xalqlar Dostluğu Universitetinin Beynəlxalq jurnalistika fakültəsini bitirib. Elə həmin universitetin aspirantıdır. Rusiya Federasiya Şurası yanında Blogerlər və Jurnalistlər Şurasının, həmçinin Rusiya Jurnalistlər Birliyinin üzvüdür.

O, vebinarda siyasi ekspertlərin tipologiyasına toxunaraq müsahibə vaxtı onlarla necə işləməyin yollarından bəhs edib, eləcə də tanınmamış şəxsdən ekspert yetişdirməyin vacibliyindən danışıb.

Spiker bildirib ki, öz ekspertini yetişdirməyin bir necə müsbət cəhəti var. Birincisi bu, əlverişlidir, çünki media orqanı vaxtında lazım olan şərhi əldə edə bilir. İkincisi, bu, mütəxəssislər qrupunu genişləndirməyə imkan verir. Üçüncüsü, öz ekspertinizin olması eksklüzivlikdir, çünki o yalnız sizin platformanızda çıxış edir.

Ekspertlərin tipologiyasından da danışan Aleksandr Fomin şərti olaraq onları qırmızı, sarı və yaşıl kateqoriyalara ayıraraq bir neçə məqama toxunub.

Fominin sözlərinə görə, qırmızı kateqoriyanın nümayəndələrinin öz üzərində işləməsinə ehtiyac var. Onlar mövzuya tam hakim olmur və fikirlərini dəqiq ifadə edə bilmirlər.

Sarı kateqoriyaya aid ekspertlər hər hansı bir mövzuda yaxşı yazsalar da, şifahi nitqdə fikirlərini kifayət qədər uğurla çatdıra bilmirlər.

Eləcə də, bu kateqoriyaya mövzunu yaxşı bilən, lakin ictimaiyyət tərəfindən az tanınan mütəxəssislər, yaxud da tələb olunan format və auditoriya üçün uyğun olmayan ekspertlər daxildir.

Fomin "yaşıl" kateqoriyaya öz sahəsində yaxşı tanınan və kanalın baxış sayını artıran müəyyən auditoriyaya sahib mütəxəssisləri aid edib. İşin mənfi tərəfi isə izləyicilərin uzun müddət öz ekspertini görməyəndə abunəlikdən çıxması ilə bağlıdır. Bundan əlavə, belə mütəxəssislə daimi əməkdaşlıq barədə razılığa gəlmək çətindir.

Spiker, həmçinin ekspertlərlə işi daim davam etdirməyi, onları efirə hazırlamağı, tələb olunan atmosferi yaratmağı məsləhət görüb və bildirib ki, belə olarsa, nəticə özünü çox gözlətməyəcək.

SputnikPro – Sputnik Beynəlxalq Xəbər Agentliyi və radiosunun jurnalistlər, universitetlərin müvafiq ixtisas üzrə təhsil alan tələbələri, mətbuat xidmətlərinin əməkdaşları və digər media mütəxəssisləri üçün xarici həmkarlarla təcrübə mübadiləsinə imkan verən, media kommunikasiyaları və peşəkar əlaqələrin inkişafına yönəlmiş layihəsidir.

Müxtəlif formatlarda fəaliyyət göstərən layihədə indiyə kimi 80-dən çox ölkənin nümayəndəsi iştirak edib. SputnikPro-nun Azərbaycan, Belarus, Yunanıstan, Gürcüstan, Hindistan, Qırğızıstan, Türkiyə və Estoniyada üz-üzə formatda ustad dərsləri keçirilib.

SputnikPro layihəsi ilə bağlı, spikerlərin vebinar və ustad dərslərində nə barədə danışdıqları haqda daha geniş məlumatı aşağıdakı linkə daxil olmaqla əldə etmək mümkündür:

https://www.facebook.com/SputnikProject/

0