Tereza Mey

İkinci Yelizavetanın on üçüncü baş naziri

18
Teraza Mey: "Kameronun hökuməti ölkənin vahidliyini təmsil edən yeganə komanda idi. Mən məhz bu ruhda İngiltərənin bütövlüyü üçün fəaliyyətimi davam etdirəcəyəm"

BAKI, 14 iyul — Sputnik. Nəhayət Britaniya öz tarixinin əlamətdar günlərdən birini arxada qoydu: parlamentdəki göz yaşları, sevinc qarışıq alqış sədaları altında Teraza Mey baş nazir olmaqla, əsas nazirliklərin şefləri təsdiqləndi. Günün əsas sensasiyası sayılacaq hadisə isə, təbii ki, Londonun keçmiş meri Boris Consonun xarici siayasət idarəsinin rəhbəri postuna gətirilməsidir.

23 iyun referendumunda britaniyalıların əksəriyyəti Avropa İttifaqından çıxmağa səs verəndən sonra Devid Kameronun istefa verəcəyi gün kimi aydın idi. Kameron günün birinci yarısı parlametndə özünün sonuncu sessiyasını keçirərək həmkarlarının suallarını cavablandırmışdı.

Bu sessiya ingilis parlamentinin əvvəkli ənənəvi iclaslarına qəti bənzəmirdi: deputatlar baş nazir haqqında yalnız xoş sözlər deyir və zarafatlaşırdılar. Kameronun müxalifət lideri Ceri Korbinlə səmimi söhbəti, sevimli pişiyi Larrinin Dauninq-stritdə qalacağı, uşaqlarının və xanımının təbəssümü, bir sözlə hər şey çox səmimi idi. Elə sabiq baş naziri yola salan insanların sürəkli alqışları da olduqca səmimi və təbii görünürdü.

Yerli vaxtla axşam saat 17:00 radələrində Dauninq-strit 10 ünvanında yerləşən məşhur evi tərk edən Baş nazir, jurnalistlər və ora yığılan insanlar qarşısında qısa çıxış edərək bildirdi ki, keçən altı il ərzində ölkə daha da güclənib, iqtisadiyyatı isə möhkəmlənib. Kameron öz xələfinə "Brexit" üzrə danışıqlarda uğurlar arzulayaraq bildirib ki, xanım Mey ölkə üçün zəruri olan siyasi liderliyi təmin edə biləcək.

Bunun ardınca isə kraliça İkinci Yelizavetanın qəbulu proseduru reallaşdı. Qəribədir ki, Kameron kraliça ilə vidalaşıb rəsmən istefasını bildirdikdən cəmi 26 saniyə sonra Bukinqem sarayına yeni baş nazirin korteji daxil olub.

Xatırladaq ki, Tereza Mey İkinci Yelizavetaya təzim edən 13-cü baş nazirdir, kraliçanın ilk dəfə xeyir-dua verdiyi baş nazir isə Uinston Cörçil olub.

Dauninq-stritdəki birinci çıxışında xanım Mey deyib ki, o, sələfinin siyasi kursunu davam etdirəcək: "Kameronun hökuməti ölkənin vahidliyini təmsil edən yeganə komanda idi, mən məhz bu ruhda İngiltərənin bütövlüyü üçün fəaliyyətimi davam etdirəcəyəm. Devid Kameronun təmiz irsi təkcə iqtisadi uğurlarla deyil, həmçinin sosial ədalətiylə seçilirdi".

Xanım baş nazir deyib ki, "Brexit" Böyük Britaniya üçün ciddi dəyişikliklər vəd edir. Yeni baş nazir bir çox təyinatlar versə də, onların içərisində hamını təəccübləndirəni Londonun keçmiş meri Boris Consonun xarici işlər naziri təyin olunması idi. Mey onu partiyanın "ürəyi" adlandıraraq bildirib ki, həmişə Consona etimad göstərib.

Nə qədər qəribə olsa da, bu təyinat həm də təbii görünür. Çünki İngiltərənin Avropa İttifaqından çıxmasının təşəbbüskarlardan biri məhz Consondur. Ekspetrlərin fikrincə, xarici işlər naziri postunu əldə etməsi bu siyasətçinin gələcək karyerası üçün böyük perspektivlər vəd edir.

18
Teqlər:
İkinci Yelizaveta, Devid Kameron, Avropa İttifaqı, Teraza Mey, Boris Conson, baş nazir, ingilis, Britaniya
Əlaqədar
Britaniya Avropa İttifaqı sıralarına qayıda bilər
Britaniyalıların qərarı ABŞ-a 1 trillion dollara başa gəldi
Böyük Britaniyanın yeni Baş naziri olacaq adam əslən türk çıxdı
Putin britaniyalıların qərarına münasibət bildirdi
27 ölkədən Britaniyaya: "Dərhal İttifaqı tərk edin!"
Britaniya Mərkəzi Bankı funt sterlinqin qorunması üçün 345 milyard dollar ayıracaq
Britaniyanın Baş naziri istefaya gedir
Şimali İrlandiya Britaniyadan ayrılmaq istəyir
 Mario Balotelli, arxiv şəkli

Məşhur futbolçu evlənməyə hazırlaşır

0
(Yenilənib 14:43 26.09.2020)
Məşhur futbolçu 1 aydır ki, münasibətdə olduğu model və "Instagram" fenomeni Alessia Messina ilə ailə qurmağa hazırlaşır.

BAKI, 26 sentyabr — Sputnik. İtaliyalı tanınmış qaradərili futbolçu ailə qurmağa hazırlaşır.

Sputnik Azərbaycan-ın Türkiyə mediasına istinadən xəbərinə görə, İtaliyanın ən çox gündəmdə olan futbolçusu Mario Balotelli evlilik hazırlıqlarına başlayıb. Məşhur hücumçu 1 aydır ki, münasibətdə olduğu model və "İnstagram" fenomeni Alessia Messina ilə ailə qurmağa hazırlaşır.

Qeyd edək ki, məşhur cütlük artıq nişanlanıb.

 

0
Restoranda nahar, arxiv şəkli

Bar restoranlarla bağlı yeni qərar verilib

8
(Yenilənib 14:40 26.09.2020)
Qərara görə, 6 ay qüvvədə olacaq yeni tələblərə cavab verməyən həm fiziki, həm də hüquqi şəxslər yüksək əbləğdə cərimələnəcəklər.

BAKI, 26 sentyabr — Sputnik. İngiltərənin baş naziri bar və restoranlarla bağlı yeni qərar açıqlayıb.

Sputnik Azərbaycan-ın Türkiyə mediasına istinadən xəbərinə görə, yeni qərara əsasən ölkədəki pandemiya vəziyyətinin daha da kritikləşməsi ilə bar və restoranlaırn fəaliyyəti saat 22:00-dan etibarən dayandırılır. Beləcə artıq qərarın qüvvəyə minməsi ilə küçələrdə böyük boşluq yaranıb, sıxlıq aradan qalxıb. Qərarın bir bəndinin məhz bar və restoranlara şamil edilməsinin səbəbi isə son zamanlar xüsusən də gənclər arasında COVID-19-a yoluxma halının daha çox qeydə alınması ilə əlaqədardır.

Qərara görə, 6 ay qüvvədə olacaq yeni tələblərə cavab verməyən həm fiziki, həm də hüquqi şəxslər yüksək məbləğdə cərimələnəcəklər.

Qeyd edək ki, bu gün Avropa ölkələrində ən çox ölüm halının qeydə alındığı ölkələrdən biri olan İngiltərədə bu günədək ölü sayı 41 min 902 olub. '

8