Oleq Peşkovun ailəsinə Antalyada ev veriləcək

Ölən rus pilotun ailəsinə Antalyada ev veriləcək

38
Bələdiyyə sədri: "Bu təkliflərimiz qəbul ediləcəyi təqdirdə həyatını itirən pilotun ailəsini Kəmərdə görmək bizləri xoşbəxt edəcək"

BAKI, 1 iyul — Sputnik. Türkiyənin Antalya şəhərinin Kəmər bələdiyyəsi, Rusiyanın vurulan Su-24 təyyarəsinin pilotu Oleq Peşkovun ailəsinə ev verəcək. Sputnik haberturk-ə istinadla xəbər verir ki, bu barədə Kəmər bələdiyyəsinin sədri Mustafa Gül açıqlama verib.

Bələdiyyə sədri bu istəyini Rusiyanın Antalyadakı Baş konsulluğuna çatdırıb. Bununla əlaqədar bələdiyyə sədri Rusiyanın Antalyadakı baş konsulu Aleksandr Tolstopyatenko ilə görüşüb.

  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
  • Oleq Peşkovun ailəsinə Antalyada ev veriləcək
    Oleq Peşkovun ailəsinə Antalyada ev veriləcək
    © Photo : Haber Türk
1 / 10
© Photo : Haber Türk
Oleq Peşkovun ailəsinə Antalyada ev veriləcək

Jurnalistlərin suallarını cavablayan Mustafa Gül deyib ki, Kəmərdəki otellər və qeyri-hökumət təşkilatlarının imzası ilə ölən pilota Kəmərdən ev vermək qərarına gəliblər: "Bu təkliflərimiz qəbul ediləcəyi təqdirdə həyatını itirən pilotun ailəsini Kəmərdə görmək bizləri xoşbəxt edəcək".

Qeyd edək ki, Türkiyənin hava məkanını pozduğu iddia olunan, Rusiyaya məxsus Su-24 təyyarəsi Suriya ilə sərhəddə vurulub. Oleq Peşkovun cənazəsi Türkiyədən Rusiyaya noyabrın 30-da gətirilib.

38
Teqlər:
Aleksandr Tolstopyatenko, Mustafa Gül, Oleq Peşkov, Su-24 təyyarəsi, Kəmər, Antalya, Rusiya, Türkiyə
Əlaqədar
Türk deputat: "Alparslan Çeliki rus pilotunu öldürdüyünə görə tutmayıblar"
Rus pilot türkmənlərin əlinə keçməsi videosu yayıldı
Türkiyənin vurduğu Su-24 təyyarəsinin pilotu dəfn edilib
Ankara terrorunun hədəfi türk hərbi pilotları olub
Ermənistan hökuməti UNICEF-in Yerevandakı nümayəndəliyinin rəhbəri Merienn Klark-Hattinq

Ermənistanda Azərbaycanla bağlı casus qalmaqalı - İngilis diplomat Bakıya məlumat ötürüb?

244
(Yenilənib 13:24 09.03.2021)
Ermənistan XİN-ində olan mənbə bildirib ki, Klark-Hattinq təcili Ermənistanı tərk edib. Ermənistan hökuməti onu "persona non grata" elan edib.

BAKI, 9 mart — Sputnik. Ermənistan hökuməti UNICEF-in Yerevandakı nümayəndəliyinin rəhbəri Merienn Klark-Hattinqin fəaliyyətini dayandırıb. Sputnik Ermənistan xəbər verir ki, bu barədə Ermənistan Xarici İşlər Nazirliyinin rəsmi sözçüsü Anna Naqdalyan bildirib.

"BMT-nin daimi nümayəndəsi və UNICEF-in nümayəndələri bu qərar barədə məlumatlandırılıb", - deyə Naqdalyan bildirib.

Qeyd edək ki, Ermənistan XİN-ində olan mənbə Sputnik Ermənistan-a bildirib ki, Klark-Hattinq təcili Ermənistanı tərk edib. Qeyd olunur ki, Klark-Hattinq öz missiyası zamanı bəzi səhvlər buraxıb. Onun hansı səhvlər buraxdığı bildirilmir.

Qeyd edək ki, daha əvvəl "Mediaport" telegram kanalı məlumat yayıb ki, Klark-Hattinq Azərbaycan və Böyük Britaniyanın xeyrinə casusluq edib və ona görə Ermənistan hökuməti onu "persona non grata" elan edib.

244
ABŞ bayrağı, arxiv şəkli

Azərbaycan ABŞ-dakı erməni lobbisinin Pakistana hücumlarını pisləyib

12
N.Ağayev Pakistanın Azərbaycana göstərdiyi dəstəyə görə ABŞ-dakı radikal erməni lobbisinin müharibədən sonra Pakistana qarşı çirkin qarayaxma kampaniyasına start verdiyini qeyd edərək,

Eldar Tanrıverdiyev, Sputnik Azərbaycan

BAKI, 9 mart — Sputnik. Azərbaycanın Los-Ancelesdəki baş konsulu Nəsimi Ağayev və Türkiyənin Los-Ancelesdəki baş konsulu Can Oğuzun birgə iştirakı ilə martın 4-də ABŞ-dakı Pakistan icmasının rəhbərləri ilə onlayn görüş keçirilib.

Bu barədə Sputnik Azərbaycan Azərbaycanın Los-Ancelesdəki Baş Konsulluğundan məlumat verilib.

Görüşdə çıxış edən baş konsul N.Ağayev Vətən Müharibəsi dövründə qardaş Türkiyə və Pakistanın Azərbaycanın haqq mübarizəsinə verdiyi hərtərəfli siyasi dəstəyə görə minnətdar olduğumuzu, bu mübarizəmizin nəticəsində 30 illik qanunsuz işğaldan sonra Azərbaycanın öz ərazi bütövlüyünü və tarixi ədaləti bərpa etdiyini diqqətə çatdırıb.

Diplomat həm müharibə, həm də ondan sonrakı dövrdə ABŞ-ın Pakistan icmasının xüsusilə Los-Ancelesdə Azərbaycana tam dəstəyini nümayiş etdirdiyini qeyd edərək, icma rəhbərlərinə təşəkkürünü bildirib. Pakistan icması ilə son illərdə sıx dostluq münasibətlərinin qurulmasından bəhs edən N.Ağayev bu prosesin məhz Los-Ancelesdə başladığını və Azərbaycan, Pakistan və Türkiyə Baş Konsulluqlarının səylərilə, keçirilən birgə tədbirlərlə hər üç icma arasında da yaxın münasibətlərin yarandığını vurğulayıb.

N.Ağayev Pakistanın Azərbaycana göstərdiyi dəstəyə görə ABŞ-dakı radikal erməni lobbisinin müharibədən sonra Pakistana qarşı çirkin qarayaxma kampaniyasına start verdiyini qeyd edərək, bunun bir daha bu ekstremist lobbi qruplarının əsl xislətini nümayiş etdirdiyini diqqətə çatdırıb. Baş konsul bildirib ki, Ermənistanın Azərbaycan və Türkiyə ilə düşmənçiliyinin davam etməsində maraqlı olan erməni lobbisi yalnız özü haqda düşünür və buna görə də bu lobbi təşkilatları regionda sülhün bərqərar olmasında əsla maraqlı deyil. Çünki Ermənistanın öz qonşuları ilə normal münasibətlərinin yaranacağı təqdirdə erməni lobbi təşkilatlarının ianə toplamaq və diasporu radikal ideologiya ətrafında səfərbər etmək imkanları da azalacaq. Təsadüfi deyil ki, 10 noyabr razılaşmasından sonra erməni lobbisi bu razılaşmanın pozulması, Ermənistan-Azərbaycan münasibətlərinin normallaşdırılmasının qarşısının alınması və yeni müharibənin alovlanması üçün dəridən-qabıqdan çıxır.

Erməni lobbisinin Pakistana qarşı bu məkrli hücumları başlayan kimi Baş Konsulluğun bu hücumları dərhal pislədiyini və Pakistan icması ilə həmrəylik nümayiş etdirdiyini qeyd edən N.Ağayev, qardaş Azərbaycan, Türkiyə və Pakistan icmaları arasında sıx münasibətlərin daha da möhkəmləndirilməsinin vacibliyini vurğulayıb.

Sonra çıxış edən Türkiyənin baş konsulu C.Oğuz üç ölkə arasında tarixi qardaşlıq və əməkdaşlıq münasibətlərinə diqqət çəkib. O, Türkiyənin Vətən Müharibəsi dövründə Azərbaycana siyasi dəstəyinin iki ölkə arasındakı sarsılmaz əlaqələrə, eləcə də beynəlxalq hüquq və BMT Təhlükəsizlik Şurasının məlum qətnamələrinə əsaslandığını qeyd edib.

C.Oğuz çıxışında qardaş Pakistanın Azərbaycana qəti dəstəyini alqışladıqlarını bildirərək, Kaliforniyada Azərbaycan və Türkiyəni hədəf alan erməni lobbisinin artıq Pakistan icmasına qarşı hücuma keçdiyini təəssüflə bildirib. O, Kaliforniyadakı siyasətçilərin qərəzli yanaşmadan çəkinərək, Türkiyə, Azərbaycan və Pakistan icmalarının da fikir və narahatlıqlarını dinləməsinin və nəzərə almasının zəruriliyini vurğulayıb.

Sonra çıxış edən Pakistan icma rəhbərləri daim qardaş Azərbaycan və Türkiyənin yanında olduqlarını qeyd edərək, Azərbaycanın ərazi bütövlüyünün bərpa edilməsindən böyük məmnunluq hissi keçirdiklərini və bunun regionda davamlı sülhə yol açacağına inandıqlarını bildiriblər.

Qeyd edək ki, ABŞ-da hazırda 1 milyona yaxın, Kaliforniyada isə 250 mindən çox pakistanlı yaşayır və bu icmanın ABŞ-ın ictimai-siyasi həyatında rolu və nüfuzu durmadan artır.

12
Yarmarka

Deputat bahalaşma ilə bağlı həyəcan təbili çaldı

0
"Heç olmasa Novruz bayramında sosial təminata ehtiyacı olan ailələrin süfrə açmasına imkan yaratmaq lazımdır. Dünyada bayramlar zamanı qiymətlər düşür, bizdə isə əksinədir"

Xalid Məmmədov, Sputnik Azərbaycan

BAKI, 9 mart — Sputnik. "Benzinin qiyməti cəmi 10 qəpik bahalaşdı, amma bundan sonra monopolistlər hər gün qiymətləri bahalaşdırmağa başladılar. Hər gün demək olar ki, eyni məhsullar müəyyən qədər bahalaşır".

Sputnik Azərbaycan xəbər verir ki, bunu Milli Məclisin bu gün keçirilən iclasında deputat Əli Məsimli deyib.

Deputat qeyd edib ki, heç olmasa Novruz bayramında sosial təminata ehtiyacı olan ailələrin süfrə açmasına imkan yaratmaq lazımdır: "Dünyada bayramlar zamanı qiymətlər düşür, bizdə isə əksinədir. Dünyada qiymətləri aşağı salanlar itirmirlər, əksinə qazanırlar. Dünya təcrübəsini artıq biz də tətbiq etməliyik. İqtisadi azadlıqları genişləndirməklə ölkədə məhsul bolluğu yaratmalıyıq. Ən əsası monopoliyaya son qoyulmalı, bəzi işbazların fəaliyyətinin qarşısı alınmalıdır".

0