ABŞ qırıcıları. Arxiv şəkli

Suriya üçün "Yuqoslaviya ssenarisi"

46
(Yenilənib 11:12 28.06.2016)
ABŞ diplomatları bu ölkəni bombalamağı və münaqişəni birdəfəlik həll etməyi təklif edirlər. Rəsmi Vaşinqton hələlik təklifə münasibət bildirməsə də, Rusiyadan etiraz bəyanatı gəlib.

BAKI, 24 iyun — Sputnik. ABŞ Dövlət Departamentinin əməkdaşları bu təşkilatın rəhbərliyinə göndərdikləri məktubda Suriyanın "Yuqoslaviya ssenarisi" üzrə bombalanmasını təklif ediblər. Sputnik xəbər verir ki, bu barədə "New York Times" qəzeti yazıb.

Türkiyə ordusu
© AP Photo / Emre Tazegul

Ötən həftə məlum olub ki, Dəməşqin bombardıman edilməsi çağrışını özündə əks etdirən və daxili istifadə üçün nəzərdə tutulmuş memorandumu amerikalı diplomatlardan 50 nəfəri imzalayıb. Onlar hesab edirlər ki, bu metod İŞİD-lə mübarizə aparmaq və Suriyada sülhə nail olmaq üçün yeganə vasitədir. Departamentin rəsmisi Con Kirbi detalları açıqlamasa da, faktı təsdiqləyib və əlavə edib ki, rəhbərlik hazırda sözügedən sənədi öyrənir.

"Biz hesab edirik ki, hava hücumu və məsafədən idarə olunan silahlardan istifadə etməklə Amerikanın Suriyada aktiv hərbi məmliyyatlara başlaması məqsədyönlü diplomatik səylərin artırılması ilə də müşayət oluna bilər", — qəzetin yazdığına görə məktubda belə qeyd olunub.

Ekspertlərin fikrincə, məsafədən idarə olunan silahlar dedikdə diplomatlar uzaqdan buraxılan qanadlı raketlərə işarə vururlar ki, Suriya ordusunun bunun qarşısında cavab zərbələri mümkünsüzdür. NATO ABŞ-ın rəhbərliyi ilə bu üsuldan 1999-cu ildə Yuqoslaviya əməliyyatları zamanı istifadə edib ki, bunun da nəticəsində, sonradan ölkə hakimiyyəti dialoqa məcbur edilib, hətta Kosovanın müstəqiliyi elan olunub.

"Bəziləri isə hesab edirlər ki, belə addımın atılması regionda güclü mövqeləri olan Rusiya və İranın Suriya ordusuna dəstək verməkdə fallığına səbəb ola bilər ki, bu da öz növbəsində Amerikanının raket zərbələrini neytrallaşdıra bilər", — sənədə şərh verən NYT agentliyinin jurnalisiti Maks Fişer belə yazır.

Ümumiyyətlə, Dövlət Departamenti diplomatlarının məktubu on maddadən ibarətdir və hər bir maddədə ölkədə vətəndaş müharibəsini dayandırmaq üçün Suriyaya hərbi müdaxilənin qaçılmaz olduğu əsaslandırılır. Eyni zamanda qaçqınların öz evlərinə qayıtmaqla humanitar problemin həlli, İŞİD yaraqlıları ilə mübarizənin həlledici fazaya keçirilməsi göstərilir. Onların fikrincə, Amerikanını zərbələri Suriya ordusunun müxalifət qüvvələrinə qarşı hücumlarının qarşısını alacaq ki, bu da "İslam Dövləti" terrorçuları ilə mübarizədə qüvvələrin birləşdirilməsinə yardım edəcək.

Maks Fişer bir vacib məqama diqqət çəkir ki, dağılmış müxalifət qüvvələri belə şəraitdən öz məqsədləri üçün istifadə edəcək ki, bu da gələcəkdə hakimiyyət uğrunda mübarizəyə qoşulma ehtimalı kimi təhlükə meydana çıxaracaq. Belə təcrübə 1992-ci ildə Əfqanıstanda olub, üsyançılar qalib gəldikdən sonra ölkədə uzun illər hakimiyyət uğrunda qanlı vətəndaş müharibəsi davam edib. Həmçinin, 2011-ci ildə Liviyada da oxşar proseslər başlayıb.

Bununla yanaşı, amerikalı diplomatların məktubunda Suriya probleminin həllinin hüquqi aspektləri göstərilməyib. Məlumdur ki, hərbi əməliyyatlara başlamaq üçün Rusiyanın etirazı ucbatından BMT-nin sanksiyasını almaq mümkün olmayacaq. Bundan əlavə, Suriyanın siyasi perspektivləri ilə bağlı Amerikanın müttəfiqləri arasında fikir ayrılıqları qalmaqdadır.

Qəribədir ki, departament işçilərinin məktubu "New York Times" və "The Wall Street Journal" kimi nəşrlərdə yayımlandıqdan sonra, ABŞ xarici siyasət idarəsinin rəhbərliyi səviyyəsində məsələyə münasibət bildirilməyib. Məktub yayımlanan vaxt Norveçdə səfərdə olan dövlət katibi Con Kerrinin "Suriya ilə bağlı Birləşmiş Ştatların artıq səbri tükənib" kimi sərt bəyanat verməsini təsadüf hesab etmək olarmı? Ekspertlər güman edirlər ki, 50 nəfər diplomatın belə memorandumla çıxış etməsi təsadüfi deyil və bu, regionda gedən proseslərin gələcək gedişinə təsir göstərə biləcək nələrinsə baş verəcəyinə işarədir.

Gözlənildiyi kimi, Dövlət Departamenti əməkdaşlarının məktubunu Moskva tənqid edib. Prezidentin mətbuat katibi Dmitriy Peskov açıqlama verib ki, Əsədin zorla hakimiyyətdən devirilməsi regionda xaosa gətirib çıxara bilər.

Rusiya Xarici İşlər Nazirliyi də umidvar olduğunu bildirib ki, Vaşinqton İraqdakı kimi hərbi müdaxilə ilə ölkələrin daxili problemlərini həll etmək cəhdi kimi yalnış addımını bir daha təkrarlamayacaq.

"Birləşmiş Ştatların özünün iştirakı ilə yaradılmış beynəlxalq format BMT sənədlərinə istinad edir ki, orada hərbi gücün tətbiq edilməsi nəzərdə tutlmayıb. Yalnız sülh yolu, yalnız siyasi dialoq", — nazirlik rəsmisi Mariya Zaxarova bildirib.

Oxşar narahatlığı Rusiyanın Müdafiə Nazirliyi də ifadə edib.

46
Teqlər:
bombardıman, Dəməşq, Yuqoslaviya, ABŞ Dövlət Departamenti, NATO, Suriya, Rusiya
Əlaqədar
Türkiyə bütün Suriya qaçqınlarını Avropaya ötürə bilər
Hər 25 dəqiqədə bir suriyalı qətlə yetirilib
Almaniyanın XİN rəhbəri Suriyanın gələcəyini Bəşər Əsədsiz görmür
Suriyalı və əfqan qaçqınlar "bir-birilərinə girdilər"
Kerri: Suriya vahid və bölünməz olmalıdır
PKK-nın Suriyadakı qolu Əsədin 60 əsgərini əsir götürdü
ABŞ-dan önəmli Suriya açıqlaması
Laboratoriya işçisi, arxiv şəkli

Koronavirusla mübarizədə yeni üsul - şüa terapiyası

3
(Yenilənib 23:07 14.08.2020)
Rusiya alimlərinin fikrincə isə bu müalicə forması heyvanlar üzərində sınandıqdan sonra istifadə edilə bilər.

BAKI, 15 avqust — Sputnik. Alimlər koronavirusun müalicəsi üçün yeni üsul təklif ediblər.

Sputnik Azərbaycan xarici mətbuata istinadla xəbər verir ki, alimlər koronavirusu müalicə etmək üçün şüalanmadan istifadə etməyi təklif edirlər.

Məlumata görə, müalicə üsulunu eyni zamanda bir çox ölkələrin elmi kollektivləri təklif edib. Söhbət şüalanma terapiyasından gedir.

Məsələn, Kanadanın Xərçəng Mərkəzinin Tibbi Fizika şöbəsinin mütəxəssisləri müəyyən ediblər ki, aşağı dozalı rentgen şüaları pnevmoniyadan ölüm riskini 20 faiz azaldır.

Eyni zamanda bu terapiya üsulu sətəlcəmin ən kəskin dövründə ölüm hallarını iki dəfə azalda bilər.

Artıq bu metodika ABŞ-da sınaqdan keçirilib.

Araşdırmada iştirak edən 10 xəstə 12 gün əvəzinə 3 günə sağala bilib, bununla yanaşı, xəstəxanadan çıxma müddəti 20 gündən 12 günə düşüb.

Eyni zamanda, Amerika radioloqları bu müalicənin əks-təsirləri haqqında məqalə hazırlayıblar. Onların fikrincə, şüa terapiyası yalnız iltihabı azaldır, həm də koronavirusla mübarizə üçün lazım olan immun hüceyrələri öldürür.

Rusiya alimlərinin fikrincə isə bu müalicə forması heyvanlar üzərində sınandıqdan sonra istifadə edilə bilər.

"COVID-19 zamanı ağciyər toxumalarının bərpası pozulur. Radiasiya terapiyası bu prosesi yalnız ağırlaşdıra bilər. Ağciyərlərin fibrozlaşması yalnız şiddətlənər", - deyə professor Qalina Reva bildirib.

Onun sözlərinə görə, alimlər hələ də koronavirus infeksiyası barədə çox məlumatlı deyillər. Bu səbəbdən də insan bədənini sınaq meydanına çevirmək yolverilməzdir.

3
Teqlər:
müalicə, Koronavirus, COVID-19
Mövzu:
Dünyanı cənginə almış bəla
Əlaqədar
ABŞ koronavirus istehsalına başlayıb – peyvənd olanlara vurulacaq
Koronavirusa yoluxanların sayı 21 milyona yaxınlaşır
Hindistan koronavirus əleyhinə dərmanın satışına başladı - 64 manata
Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
ABŞ-ın baş infeksionisti Rusiyanın koronavirus peyvəndinə şübhə edib
Aktrisa Leoni Hemsvort oğlu Kris Hemsvortla birgə, arxiv şəkli

Aktyor Kris Hemsvortun altmış yaşlı anasının gəncliyi gözəlliyi hər kəsi şoka salıb

7
(Yenilənib 22:48 14.08.2020)
Fotomodel və aktrisa olan Elsa Pataki qaynanası Leoninin ciddi qidalanma rejimi sayəsində 30 il daha gənc göründüyünü bildirib

BAKI, 15 avqust — Sputnik. Aktyor Kris Hemsvortun "əbədi gənc" hesab olunan 60 yaşlı anasının gözəlliyinin sirri açılıb. Aktyorun həyat yoldaşı Elsa Patakinin (Elsa Pataky) qaynanası ilə bağlı fikirləri Britaniyanın Daily Mail tabloidində yer alıb.

Fotomodel və aktrisa olan Elsa Pataki qaynanası Leoninin ciddi qidalanma rejimi sayəsində 30 il daha gənc göründüyünü izah edib. "O, bizim bildiyimiz ciddi intervalla aclıq prinsiplərinə riayət etməyə başlayan ilk adam idi. Və Leoni möhtəşəm görünür. Onun 60 yaşı var, lakin ildən-ilə daha da gözəlləşir", - deyə Pataki bildirib.

Leoni bu rejimə həftədə bir gün yeməkdən başlayıb. Sonra o, hər gün 15-16 saat ərzində qidadan uzaq durmağa başlayıb.

Leoni Hemsvortun zahiri görünüşü aktyorun pərəstişkarlarını heyran edib. Kris may ayında Analar Günündə anası ilə çəkdirdiyi şəklini paylaşıb. Şəkli şərh edənlər Leoninin zahiri görünüşünə təriflər yağdırıblar. Hətta qeyd ediblər ki, Leoni sanki Krisin anası yox, bacısıdır.

Daha əvvəl media 56 il aktyor sənəti və ingilis dili üzrə müəllim işləmiş 81 yaşlı London sakininin gənc və gözəl görünüşünün sirrini açmağa çalışmışdı. Qadın bildirmişdi ki, aktiv həyat tərzi keçirir, gündəlik meditasiya edir və cavanlaşdırıcı kremlərdən istifadə edir.

7
Əlaqədar
Hollivud ulduzu Kemeron Diaz kinodan niyə getdiyini açıqlayıb
Canet Cekson azərbaycanlı müğənniyə təşəkkür edib: Mahnımı gözəl oxuyursan
Bədən tərbiyəsi müəllimi arıqlamağın sadə yolunu öyrədib
Dünya şöhrətli model: "Özümü faydasız hiss edirəm"
Türkiyəli məşhur aktrisadan nümunəvi addım
Polis postu, arxiv şəkli

Paytaxtdan rayona gedənlər orada xəstəliyi artırıblar

0
Hacıyev bildirib ki, ezamiyyə vərəqləri ilə rayonlara gediş-gəliş rayonlarda COVID-19-a yoluxmada müəyyən artıma səbəb olub.

BAKI, 15 avqust — Sputnik. "Rayonlara gediş-gəlişin açılması müzakirə olunur. Lakin hələlik bu haqda qərar vermək erkən olardı. Bir çox məqamlar xırdalığına qədər, elmi nöqtəyi-nəzərdən də araşdırılır".

Sputnik Azərbaycan xəbər verir ki, bu sözləri Azərbaycan Respublikası Prezidentinin Administrasiyasının xarici əlaqələr şöbəsinin rəhbəri Hikmət Hacıyev deyib.

O bildirib ki, ezamiyyə vərəqləri ilə rayonlara gediş-gəliş rayonlarda COVID-19-a yoluxmada müəyyən artıma səbəb olub.

 

0