Aktoba şəhərində antiterror əməliyyatı

Qazaxıstanda dövlət çevrilişinə cəhd olub

84
(Yenilənib 15:18 06.06.2016)
Aktoba şəhərində baş verən atışma nəticəsində ölənlərin sayı 17 nəfərə çatıb. Hücumun məsuliyyətini "Qazaxıstan Azadlıq Ordusu" öz üzərinə götürüb.

BAKI, 6 iyun — Sputnik. Qazaxıstanın Aktoba şəhərində ötən gün baş verən atışma nəticəsində ölənlərin sayı 17 nəfərə çatıb. Sputnik-in məlumatına görə, bu barədə Qazaxıstanın Daxili İşlər Nazirliyi məlumat yayıb.

Sputnik "Azadlıq" radiosunun rus xidmətinin ("Radio Svaboda") məlumatına istinadən xəbər verir ki, ölənlərdən 11-nin cinayətdə şübhəli bilinən şəxslər, 3-nün hərbçi, 1-nin silah dükanının satıcısı, 1-nin dükandakı müştəri, 1-nin isə mühafizə xidmətinin əməkdaşı olduğu bildirilir.

Hadisə nəticəsində 22 nəfər yaralanıb. Hücumun məsuliyyətini "Qazaxıstan Azadlıq Ordusu" öz üzərinə götürüb. Qazaxıstan Daxili İşlər Nazirliyi cinayətdə şübhəli bilinənlərin hamısının şəxsiyyətini müəyyənləşdirsə də, adlarını açıqlamayıb.

Qazaxıstan Milli Təhlükəsizlik Komitəsinin məlumatına görə, dövlət çevirilişində adı hallanan iş adamı, "Şımkendpivo" şirkətinin direktoru Toxtar Tuleşov Rusiya Dövlət Dumasının keçmiş müşaviridir. Qurum təmsilçisi Rüstəm Karasayevin sözlərinə görə, ölkənin Atırau, Alma-ate, Ural, Qıqız Orda bölgələrində torpaq islahatına qarşı keçirilən etiraz aksiyaların təşəbbüsçüsü Toxtar Yuleşovdir. O, həmin aksiyaların keçmiş müşavir tərəfindən maliyyələşdirildiyini də vurğulayıb.

Qeyd edək ki, ötən gün Aktoba şəhərindəki "Pallada" silah mağazası və Milli Qvardiyanın hərbi hissəsi bir qrup şəxsin hücumuna məruz qalıb. Qazaxıstan DİN-in verdiyi məlumata görə, quldurlar həmçinin "Pantera" mağazasına da hücum ediblər. Hərbi hissəyə hücum zamanı isə marşrut avtobusunu ələ keçirərək sürücünü və sərnişinləri düşürüblər.

Qazaxıstan DİN-in mətbuat katibi Almas Sadubayev dünən bildirmişdi ki, Aktoba şəhərində həyata keçirilən antiterror əməliyyatı zamanı bir neçə silahlı şəxs məhv edilib, bir neçəsi isə saxlanılıb. Digər cinayətkarların yaxalanması istiqamətində əməliyyat tədbirləri davam etdirilir.

84
Teqlər:
dövlət çevrilişi, Aktoba şəhəri, Astana, Qazaxıstan, terror
Əlaqədar
Azərbaycan, Gürcüstan və Qazaxıstan konsorsium yaratdı
Qazaxıstan parlamentində üç partiya olacaq
Qazaxıstan vətəndaşı Azərbaycandan ekstradisiya edildi
Azərbaycan və Qazaxıstan prezidentləri arasında telefon danışığı olub
Parlamenti buraxmağın Qazaxıstan yolu
Qazaxıstan neft emalı həcmini 17 milyon tona qaldırmağı planlaşdırır
Tarkan, arxiv şəkli

Rəzalət davam edir - Türk sənətkarları Qarabağda "öldürürlər"

32
(Yenilənib 09:57 24.10.2020)
Bu dəfə meqastar Tarkan və müğənni Mustafa Sandal öldürülən Azərbaycan əsgərləri kimi təqdim ediliblər.

BAKI, 24 oktyabr — Sputnik. Ermənistanın Qarabağda davam edən döyüşlərdə türkiyəli məşhurlardan istifadə edərək dezinformasiya yaymağı Türkiyə KİV-nin gündəmini zəbt edib.

Sputnik Azərbaycan xəbər verir ki, ölkənin tanınmış telekanalları və xəbər portalları məlumat yayaraq ermənilərin çirkin təbliğata əl atdıqlarını qeyd edib.

Həmçinin məşhurların hərbi xidmətdə çəkilən fotolarının düşmən ölkənin mətbuatında yer alıb. Bu dəfə meqastar Tarkan və Mustafa Sandal öldürülən Azərbaycan əsgərləri kimi təqdim edilib.

Qeyd edək ki, bundan öncə ermənilər məşhur simalar - müğənni Sərdar Ortac, aktyorlar - Aras Bulut İynemli, Kaan Girgin, aparıcı Alp Kırşan, şoumen Bəyazit Öztürk və sosial şəbəkə fenomeni Burak Özdemiri öldürülən Azərbaycan əsgərləri kimi təqdim etmişdilər.

32
Nəsrin Cavadzadə

Türkiyədə yaşayan azərbaycanlı aktrisa Gəncə terroru ilə bağlı paylaşım edib

80
(Yenilənib 22:45 23.10.2020)
Aktrisa Gəncədə baş vermiş hadisə ilə bağlı video paylaşaraq "Mən Azərbaycandanam və ürəyim qanayır" (I am from Azerbaijan and my heart is bleeding) yazıb

Şahpəri Abbasova, Sputnik Azərbaycan

BAKI, 23 oktyabr — Sputnik. Türkiyənin bir çox məşhur serial və filmlərində rol alan azərbaycanlı aktrisa Nəsrin Cavadzadə oktyabr ayının 16-dan 17-nə keçən gecə Azərbaycanın ikinci böyük şəhəri sayılan Gəncədə ermənilərin törətdiyi 3-cü terror hadisəsi ilə bağlı özünün "Instagram" səhifəsində paylaşım edib. Sputnik Azərbaycan xəbər verir ki, aktrisa Gəncədə baş vermiş hadisə ilə bağlı video paylaşaraq "Mən Azərbaycandanam və ürəyim qanayır" (I am from Azerbaijan and my heart is bleeding) yazıb.

View this post on Instagram

I am from Azerbaijan and my heart is bleeding. 🇦🇿

A post shared by nesrin cavadzade (@nesrin.cavadzade) on

Aktrisa həmçinin Azərbaycan bayrağı əks olunmuş köynək geyinərək "Yurdum, yuvam, məskənimsən" paylaşımı edib.

80
Mövzu:
Azərbaycan və Ermənistan arasında müharibə
Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva

Ekspert: “Gürcüstan azərbaycanlıları parlament seçkilərində aktiv iştirak edəcəklər”

0
(Yenilənib 10:50 24.10.2020)
Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva deyir ki, bu il parlamentə namizədliyini verən azərbaycanlıların sayı əvvəlki illərlə müqayisədə çoxdur
Aygül İsayeva: “İnsanlar səslərinin ölkədə baş verənlərə ciddi təsir edəcəyini anlayırlar”

Oktyabrın 31-də Gürcüstanda parlament seçkiləri keçiriləcək.

Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva Sputnik Azərbaycan-a deyir ki, bu gün siyasi fəal olmayan insanlar belə səslərinin ölkədə baş verənlərə ciddi təsir edəcəyini anlayırlar:

“Düşünürəm ki, Gürcüstan azərbaycanlıları parlament seçkilərində aktiv iştirak edəcəklər. Bəzi təşkilatların keçirdiyi sorğuya əsasən 70 faizə yaxın insanın səsvermədə iştirak etməsi gözlənilir. Ümumiyyətlə əvvəlki illərlə müqayisədə həm seçicilər, həm də namizədlər arasında aktivlik hiss olunur. Bu il parlamentə namizədliyini verən azərbaycanlıların sayı əvvəlki illərlə müqayisədə çoxdur, bu, çox yaxşı haldır. Ancaq təəssüf ki, eyni dairədən namizədliyini verən azərbaycanlılar, həm də bir-birinə rəqibdirlər”

Aygül İsayevanın geniş şərhinə audiofaylda qulaq asa bilərsiniz

0