Rusiyanın xarici işlər naziri Sergey Lavrov

Sergey Lavrov haqqında bunları bilirdiz?

2855
Rusiyanın xarici işlər nazirinin şairliyi də varmış.

BAKI, 2 iyun — Sputnik. Rusiyanın xarici siyasətinə 12 ildir istiqamət verən xarici işlər naziri Sergey Lavrov xarizmatik, ciddi imicə malik siyasətçi olmaqla yanaşı, siyasi dairələrdə futbola olan sevgisi və yumor hissi ilə də tanınır. 

Ötən gün “Komsomolskaya Pravda” qəzetinə verdiyi videomüsahibədə Lavrov, idmanla əlaqəsi, vərdişləri, uşaqlığı ilə bağlı bir çox suallara cavab verib. 

Lavrovun sözlərinə görə, o, hərdənbir siqaret çəkir. 2003-cü ildə Nyu Yorkdakı BMT qərargahının kafe və barlarında siqaretin çəkilməsinin baş katib Kofi Annan tərəfindən qadağan edilməsini təəssüflə qarşılayıb. 

Həmin vaxt Rusiyanın BMT-dəki daimi nümayəndəsi olan Lavrov, “İzvestiya” qəzetinə verdiyi müsahibədə demişdi ki, “BMT-nin binası bütün üzv ölkələrə aiddir. Baş katib isə sadəcə icarəyə götürülmüş bir müdirdir."

Lavrov, “Komsomolskaya Pravda”nın XİN-in binasında siqaret çəkib-çəkmədiyi barədə sualına  cavabında deyib: "Mən Rusiya qanunlarını poza bilmərəm. Amma məncə Rusiyada qanunlar Avropadakı qanunlarla müqayisədə bir qədər irəli gedib. Əslində qanunda siqaret çəkməyənləri narahat etməyəcək bəzi dəyişiklikləri etmək mümkündür”. 

Müsahibəsində uşaq vaxtı valideynlərinin ona çox da ağır cəzalar vermədiyini vurğulayan Lavrov, “uşaqlıq vaxtlarınıza məktub yazmaq imkanınız olsaydı, özünüzə nəyi demək istəyərdiz” sualına cavabında deyib: “Sergey, qarşında çox maraqlı bir həyat var."

Lavrov iş proqramının gərgin olmasının, davamlı olaraq bir yerdən başqa yerə uçmasının onun yuxu rejiminə mane olub-olmadığına da aydınlıq gətirib: “Gecələr yatıram. Həmişə olduğum ölkənin vaxt rejiminə uyğun yaşamağa çalışıram”. 

Lavrov yeməklərlə arasının necə olduğunu da açıqlayıb: “Bir ölkəyə gedəndə mütləq oranın sfesifik yeməklərindən dadmalısız. Ora Çin, Yaponiya, İtaliya da olsa, fərqi yoxdur. Mənsə hər nə oldu, yeyə bilərəm.” 

Sən demə, Rusiyanın xarici siyasət idarəsinin rəisi Moskva Dövlət Beynəlxalq Əlaqələr İnstitutunun marşının müəllifidir. Onun sözlərinə görə, keçmişdə tez-tez şeir yazırmış. Amma zaman keçdikcə, bu işi buraxmaq məcburiyyətində qalıb. "Düşünürəm ki, artıq buna vaxtım yoxdur"- deyə bildirib. 

Lavrov öz həyatında idmana xüsusi yer verən siyasətçilərdən biridir. Raftinq və futbol onun sevimli idman növləridir. “Spartak Moskova”nın tərəfdarı olan Lavrov davamlı olaraq idman zallarına getməyə çalışdığını və digər idman növləri ilə də arasının yaxşı olduğunu deyib. 

Lavrova, Səudiyyə Ərəbistanında oranın rəhbərliyi ilə birgə keçirdiyi mətbuat konfransında mikrofonun açıq olduğunu bilmədən “debillər” ifadəsini işlətdiyini də xatırladıblar. Onun bu ifadəsi internetdə və sosial şəbəkələrdə ən çox hallanan mövzulardan olmuşdu. O, bu barədə suala cavabında deyib: “Üzr istəyirəm, amma mikrofonun bağlı olduğunu düşünərək bəzi sözləri deyən adam tək mən deyiləm. Belə hallar Kameronun (Böyük Britaniyanın baş naziri) və Obamanın (ABŞ prezidenti) da başına gəlib.

2855
Beyrutda partlayış, arxiv şəkli

Beyrutda ölənlərin sayı yenə artdı

9
(Yenilənib 19:45 11.08.2020)
İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

BAKI, 11 avqust — Sputnik. Beyrut limanında baş verən partlayış nəticəsində ölənlərin sayı 171-ə çatıb. Sputnik Azərbaycan "RİA Novosti"-yə istinadən xəbər verir ki, bu barədə Livanın Səhiyyə Nazirliyi məlumat yayıb.

Məlumatda, həmçinin qeyd olunub ki, daha 30-40 nəfər itkin düşmüş hesab olunur.

Qeyd edək ki, avqustun 4-ü Beyrutda güclü partlayışlar baş verib. Biri digərindən güclü olan iki partlayış şəhərin liman hissəsində yerləşən anbar binalarında baş verib.

İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

Güclü partlayışlar nəticəsində həlak olanların sayı artıq 100 nəfəri ötüb, dörd mindən çox adam yaralanıb. Bununla yanaşı, Livan hakimiyyəti çoxlu sayda itkin düşmüş şəxslərin olması səbəbindən qurbanların sayının artacağını gözləyir.

9
Suriyada amerikalı hərbçilər, arxiv şəkli

"Amerikalılar, evinizə gedin!": Suriyada baş verir

8
(Yenilənib 19:46 11.08.2020)
Suriya artıq ABŞ ordusunun hərbçiləri üçün narahat bir yerə çevrilib. Özü də zərbələri təkcə terrorçu qrupları vurmur.

BAKI, 11 avqust — Sputnik, Nikolay Protopopov. Hərbi bazalara və patrullara hücumlar, raket atəşləri və avtomobil karvanlarının yolunda fuqasların partlaması – Suriya artıq ABŞ ordusunun hərbçiləri üçün narahat bir yerə çevrilir. Özü də zərbələri təkcə terrorçu qrupları vurmur. Amerikalıların Suriya Ərəb Respublikasında olmasından başqa kim narazıdır? Cavabı RİA Novosti-nin məqaləsində.

Hər tərəfdən

Bu yaxınlarda Suriyanın şimal-şərqindəki Haseke əyalətində ABŞ-ın hərbi bazası raket hücumuna məruz qalıb. Suriya mediasının məlumatına görə, naməlum silahlı birləşmələr bazaya hücum edib.

Son aylarda amerikalılar Suriyada daim atəşə tutulurlar və itkilər verirlər. "Naməlum" şəxslərin hücumlarına xüsusilə mobil patrullar həssasdır. Belə ki, mayın sonlarında Deyr-əz-Zor əyalətində ABŞ ordusunun hərbçilərini və "Suriya Demokratik Qüvvələri" (SDQ) qruplaşmasının döyüşçülərini aparan avtomobil karvanına avtomat, pulemyot və qumbaralarla silahlanmış dəstə hücum edib. Üç amerikalı və beş SDQ üzvü yaralanıb.

Apreldə Əl-Hasake əyalətində bir sıra hücumlar baş verib. Xüsusilə, ABŞ hərbçilərini və SDQ üzvlərini daşıyan "Hammer" zirehli avtomobili Ruveyşid kəndi yaxınlığında "naməlum şəxslər" tərəfindən atəşə tutulub. Bir neçə nəfər yaralanıb. Deyr-əz-Zorda baş vermiş oxşar insident nəticəsində ABŞ ordusunun zabiti və SDQ döyüşçüləri həlak olublar. Daha bir hücumdan sonra isə iki hərbçi itkin düşüb — onların taleyi hələ də məlum deyil.

Tez-tez patrulların yolunda partlayıcı qurğular işə salınır. Belə ki, iyulda avtomobil karvanı Deyr-əz-Zor əyalətindəki Sabha yaşayış məntəqəsində partladılıb.

Bəzən kamikadzelər bomba qoyulmuş avtomobillərdə hücum edirlər. Amerikalılar ən böyük itkiləri ötən ilin yanvarında veriblər: Suriyanın şimalındakı Mənbicdə kamikadze piyada patrulunun yanında fuqas partladıb: iki əsgər, ABŞ Müdafiə Nazirliyinin bir əməkdaşı və bir muzdlu döyüşçü həlak olub.

Pentaqonda isə Suriyadakı hücumların əksəriyyətini inadla inkar edir, onları saxta xəbər adlandırırlar.

Resurslar uğrunda mübarizə

Hərbi ekspert Yuri Lyamin RİA Novosti ilə söhbətində qeyd edib ki, ABŞ-ın və müttəfiqlərinin işğalı altında olan yerli tayfalar Amerika hərbi obyektlərinə və patrullarına hücum edə bilərlər.

"Bunlar Suriyanın şərqində və şimal-şərqində yaşayan ərəblərdir. İndi onlar faktiki olaraq amerikalıların dəstəklədiyi kürdlərin hakimiyyəti altındadır. Təbii ki, insanlar narazıdırlar, onlar hazırkı vəziyyətin qəti əleyhinədirlər, hesab edirlər ki, regiona Dəməşq nəzarət etməlidir. Buna görə də iğtişaşlar olur", – Lyamin bildirib.

Bu tayfalar adətən olduqca yaxşı silahlanmış və təlimli olurlar.

"Ölkədə uzun illərdir vətəndaş müharibəsi gedir, əhalinin əlində kifayət qədər silah var. Yalnız odlu silahlar deyil. Minaatanları, ağır pulemyotları, hətta Çin və ya ərəb istehsalı olan, Suriya və İraqda çox yayılmış yüngül 107 millimetrlik yaylım atəş sistemləri də var", — Lyamin vurğulayıb.

Plexanov adına Rusiya İqtisad Universitetinin Politologiya və Sosiologiya Kafedrasının dosenti, "Rusiya Zabitləri" təşkilatının ekspert şurasının üzvü Aleksandr Perenciyev hesab edir ki, Amerika hərbçilərinə hücumlar Suriyanın resursları uğrunda koalisiyadaxili mübarizənin bir hissəsi ola bilər.

"Bu, faktiki olaraq soyğunçular arasında döyüşdür. Bir tərəfdən Pentaqon var, digər tərəfdən isə özəl hərbi şirkətlərin maraqlarına xidmət edən müxtəlif maliyyə-sənaye qrupları var ki, həmin terrorçuları silahlandıra bilər", – o bildirib.

Onun sözlərinə görə, Pentaqon da Suriya oyununda müstəqil bir qüvvə deyil və ABŞ-da müəyyən qrupları təmsil edir. Belə gizli zərbələr Suriyanın faydalı qazıntıları uğrunda mübarizənin gücləndiyini göstərir.

"Suriya ordusu hücum etsəydi Pentaqon bunu dərhal etiraf edərdi. Amma "naməlum dəstələr" deyəndə sadəcə olaraq, gizli, daxili müharibəni işıqlandırmaq istəmirlər. Bununla yanaşı, əminəm ki, amerikalılar onları kimin vurduğunu yaxşı bilirlər", – Perenciyev əlavə edib.

Xalqın qəzəbi

Amerikalıların üzərinə düşən daha bir təhlükə xalqın müqavimətidir və onun əsas məqsədi – Prezident Bəşər Əsəd dediyi kimi – Suriya ərazilərini xarici işğaldan azad etməkdir. Amerikalılardan narazı olmaq üçün kifayət qədər səbəb var.

Tez-tez amerikalıların təqsiri üzündən dinc sakinlər həlak olur. Mayda ABŞ əsgərləri Deyr-əz-Zor əyalətində sürücünü güllələyiblər — onun avtomobili guya Konniko neft yatağı yaxınlığında əsas yoldan dönüb. Hərbçilər bunu təhlükə hesab ediblər və atəş açıblar.

Fevralda isə Kamışlı şəhəri yaxınlığında yerləşən blokpostda Suriya hərbçiləri razılaşdırılmamış marşrutla hərəkət edən ABŞ ordusunun karvanını dayandırıblar. Amerikalılar yerli əhali ilə münaqişə yaradıblar. Nəticədə, əsgərlər mülki əhaliyə atəş açmağa başlayıblar. Həmin vaxt 14 yaşlı Feysəl Xalid Məhəmməd həlak olub, daha bir nəfər yaralanıb. İnsidenti yalnız rusiyalı hərbçilərin müdaxiləsindən sonra həll etmək mümkün olub.

8
Kitab oxuyan uşaq, arxiv şəkli

Gözdən qaçırdığımız təhlükə - Uşaqlara aid ədəbiyyatda onlara "məşuqə olmaq" aşılanır?!

4
Aygün Bal adlı müəllifin "Qaz ilə Göyərçinin əhvalatı" adlı şeiri məktəb yaşlı uşaqlar üçün nəzərədə tutulmuş olsa da, şeirin mənası uşaqlara düzgün tərbiyə aşılamır.

İradə Cəlilova, Sputnik Azərbaycan

BAKI, 11 avqust — Sputnik. Uşaqların şüuraltı, həyata baxışı 8 yaşına qədər formalaşır. Onların bu dövrə qədər almış olduğu məlumatlar, gördükləri, oxuduqları, yaaşdıqları, şahid olduqları birbaşa gələcək həyatlarının, xarakterlərinin formalaşmasına təsir edir.

Bu prosesdə uşaq ədəbiyyatının, ibtidai sinif dərsliklərinin böyük rolu var.

Belə ki, uşaqların çox zaman vaxt keçirdiyi kitablar onlara düzgün olmayan düşüncələr, məlumatlar və fikirlər öyrədə bilər.

Məsələn bu günlərdə social şəbəkələrdə paylaşılan Aygün Bal adlı müəllifin "Qaz ilə Göyərçinin əhvalatı" adlı şeiri məktəb yaşlı uşaqlar üçün nəzərədə tutulmuş olsa da, şeirin mənası uşaqlara düzgün tərbiyə aşılamır.

Və yaxud bir müddət əvvəl elə ibtidai sinif şagirdlərinə aid ədəbiyyatda uşaqlara dini biliklər aşılanırdı ki, bu da uşağın azad seçiminə bağlı bir prosesdir.

Azərbaycanda uşaq ədəbiyyatına nəzarət var? Valideynlər uşaqlaırn bu kimi düşüncədə yazılmış əsərlərdən qorumaq üçün nə etməlidir?

Sputnik Azərbaycan bu məsələni araşdırıb.

Təhsil eksperti Qoşqar Məhərrəmli Sputnik Azərbaycan-a açıqlamasında bildirib ki, şagirdlərin şüurulatının formalaşması erkən yaşlara təsadüf edir. Bu səbədən də erkən yaş pedaqogikası ən önəmli alt sahələrdən hesab edilir.

Pedaqoqların və psixoloqların fikrincə, uşaqların bu yaşlarda məruz qaldıqları hər bir şey onların şüuraltında qalır və bu onların gələcək həyatlarına təsir edir: "Bir çox yazarların - Adəm Günəşin, Doğan Güzeloğlunun kitablarında, qərb psixologiyasında da qeyd edilir ki, uşaqların erkən dövrdə məruz qaldıqları hər bir şey onların sonrakı həyatında xarakterlərinin formalaşmasına səbəb olur. Uşaq ədəbiyyatı da uşaqların təhtəlşüurunda yer alacaq amillərdəndir. Bu səbəbdən biz uşaqlar üçün ədəbiyyat seçəndə diqqətli olmalıyıq".

Ekspert bildirib ki, nəinki uşaq ədəbiyyatı, hətta uşaqların daim istifadə etdiyi oxu, riyaziyyat və ya təbiətlə bağlı kitablarda hər bir şəkil belə diqqətli seçilməlidir.

Çünki dərsin məqsədi başqa olsa belə, verilən hər şəkil uşaqların psxikiasına ayrı cür təsir edə bilər.

Uşaq ədəbiyyatı uşaqların dillərinin zənginləşməsinə, şüuralarının inkişafına, təfəkkürlərinin yaradıcı-tənqidi olmasına birbaşa təsir edir.

Bu səbəbdən də uşaqların oxuduqları kitabların, baxdıqları cizgi filmlərinin, kinoların seçilməsində valideynlər və müəllimlər diqqətli olmalıdıdr. Əks halda biz onların başqa tərbiyə ilə yetişdiklərinin şahidi ola bilərik.

Mütəxəssisin fikrincə, uşaqların cinsi tərbiyəsində də uşaq ədəbiyyatının böyük rolu var.

"Uşaqların cinsi tərbiyəsində, məhrəmiyyət təlimində onlara aid olan oxudqları, öyrəndikləri, gördükləri hər şeyin birbaşa təsiri var. Bu səbəbdən də uşaq ədəbiyyatı seçərkən çox diqqətli olmaq lazımdır" - deyə ekspert bildirib.

Onun sözlərinə görə, uşaq ədəbiyyatı – hekayə, nağıl, şeirlər yazanlar da diqqətli olmalıdır.

Mütəxəssis hesab edir ki, uşaq ədəbiyyatı nümunələri pedaqoqların, erkən yaş psixoloqlarının senzurasından keçəndən sonra ibtidai sinif uşaqlarının və müəllimlərinin istifadəsinə verilməlidir: "Düzdür, sərbəst bazar iqtisadiyyatı dövründə yaşayırıq. Ancaq uşaq ədəbiyyatı senzuradan keçdikdən sonra uşaqların istifadəsinə verilsə, daha yaxşı olar. Beləcə, uşaqların gələcək həyatı daha düzgün formalaşmış olar. Bu uşaqların əxlaqi tərbiyəsində mənəvi dəyərləri qavramasında çox böyük yer tutur".

Psixoloq Ramin Hacıyevin sözlərinə görə, uşaqlarda şüuraltının əsas formalaşdığı dövr 8 yaşına qədərdir.

Bu yaşa qədər uşaqlar gördükləri, öyrəndikləri, oxuduqları hər bir hadisəni şüurulatına yazır: "Uşaq beyni ağ kağıza bənzəyir və onun üzərində yazılanlar ətraf mühiytin təsiri ilə formalaşır. Yəni, bir uşaq ailədə dava-mübahisə, sevgisizlik görürsə, böyüyəndən sonra o da ətrafına, insanlara qarşı o formada davranır. Çünki o həyatı elə öyrənir".

Psixoloqun fikrincə, bu baxımdan uşaqlara uşaq ədəbiyyatı, kitablar seçərkən valideynlər çox diqqətli olmalıdır. Kitab alarkən ən azından kitabı adına görə deyil, müəllifə, kitabın içində olanlara görə almaq lazımdır.

"Azyaşlı uşaqları böyüklərin həyat düşüncələri ilə, həyata baxışları ilə, hətta yaşanmış, müxtəlif formada qələmə aldıqları uşaqların psixologiyasına zərər vura biləcək əsərlərlə böyütmək olmaz. Burada yük birmənalı olaraq, valideynlərin üzərinə düşür", - deyə psixoloq vurğulayıb.

Onun fikrincə, indiki dövr uşaq ədəbiyyatı nümunələrinin əksəriyyəti uşaqların əxlaqına, cinsi düşüncələrinə, gələcək həyatına zərbə verə biləəck vəziyyətdədir.

Bu səbəbdən də hər bir valideyn çox diqqətli olmalıdır.

4