Almaniyada yaşayan minlərlə türk Federal Məclisdə qondarma erməni soyqırımı qərar layihəsinə etiraz edir

Diqqətlər Almaniyada: Türk dünyası əleyhinə radikal qərar verilə bilər

259
(Yenilənib 12:46 02.06.2016)
Bu gün Federal Məclisdə qondarma "erməni soyqırımı" qərar layihəsinin səsverməsi keçiriləcək. Almaniyada yaşayan minlərlə türk layihə əleyhinə etiraz aksiyası keçirib.

BAKI, 2 iyun — Sputnik. Bu gün Almaniya parlamenti 1915-ci il hadisələrini "erməni soyqırımı" olaraq tanıyan layihəni səsə qoyacaq. Ekspertlərin gözləntilərinə görə, Federal Məclisdə qondarma "soyqırımı" tanıyan qərar çıxarsa, Türkiyə ilə Almaniya arasında ciddi böhran başlayacaq.

Sputnik haber3-ə istinadla xəbər verir ki, 2005-ci ildə Almaniya Federal Məclisində buna bənzər bir təklif qəbul edilmiş, ancaq Ermənistan-Türkiyə dialoqunun zədələnməməsi üçün "soyqırımı" anlayışı istifadə edilməmişdi.

Layihənin təsdiqlənəcəyi təqdirdə, ilk olaraq Türkiyənin Almaniyadakı səfiri Hüseyn Avni Karslıoğlunun Ankaraya çağırılacağı bildirilir. Almaniyanın Ankaradakı səfiri Martin Erdmanın Türkiyə Xarici İşlər Nazirliyinə çağırılaraq, nota təqdim olunacağı da gündəmə gələ bilər.

Türkiyə prezidenti Rəcəb Tayyib Ərdoğan səsvermədən öncə Almaniyanın Baş naziri Angela Merkellə telefonla danışıb. Ərdoğan Almaniyanın "sağlam düşüncəli yanaşma" nümayiş etdirməli olduğunu deyib.

Nümayişə təxminən 10 min adam qatılıb
© REUTERS / Hannibal Hanschke
Nümayişə təxminən 10 min adam qatılıb

Bu səhər hava limanında açıqlama verən Türkiyənin Baş nazir Binali Yıldırım da məsələyə toxunub. O, layihənin qəbul ediləcəyi təqdirdə Almaniya ilə əlaqələrin zədələnəcəyini, amma bunun olmasını istəmədiklərini söyləyib.

Qeyd edək ki, bu gün Almaniya Federal Məclisində qondarma "erməni soyqırımı" qərar layihəsinin səsverməsi keçiriləcək. Xristian Birlik Partiyası və Sosial Demokrat Partiyasının millət vəkillərinin böyük əksəriyyətinin layihəyə "hə" deyəcəyi proqnozlaşdırılır. Məclisdəki səsvermədə baş nazir Angela Merkel, baş nazir müavini Sigmar Gabriel və xarici işlər naziri Frank-Valter Ştaynmayerin iştirak etməyəcəyi gözlənilir.

Almaniyada yaşayan minlərlə türk Federal Məclisdə (Bundestaq) bu gün 1915-ci il hadisələrinin "soyqırım" kimi ifadə olunması və səsverməyə çıxarılmasına etiraz olaraq küçələrə axışıb. Berlində etiraz aksiyası başlayıb. Türk-Alman Həmrəylik Platforması tərəfindən Bundestaqa 100 metr məsafədə olan tarixi Brandenburq Qapısı qarşısında təşkil edilən nümayişə təxminən 10 min adam qatılıb.

Nümayişdə Türkiyə, Almaniya və Azərbaycan bayraqları ilə yanaşı, "Tarix tarixçilərə buraxılmalı", "Bundestaq, Avropa hüququna hörmət göstər", "Soyqırım yalanına xeyr", "Parlamentlər səlahiyyətli deyil", "Şəhidlər ölməz vətən bölünməz" yazılı plakatlar qaldırılıb, şüarlar səsləndirilib.

259
Teqlər:
Bundestaq, qondarma "erməni soyqırımı", Federal məclis, Türkiyə, Almaniya
Mövzu:
Almaniyanın qondarma "erməni soyqırımını" tanıması (10)
Əlaqədar
Gürcü general: Xocalıda dinc sakinlərin qətlə yetirilməsi əsl soyqırımıdır
Bu ölkə də uydurma "erməni soyqırımını" tanıdı
Kerri: Əsəd öz xalqına qarşı soyqırım etdi, terrorçulara fürsət verdi
Yanukoviç: Bu gün Donbas əhalisi soyqırıma məruz qalır
“Erməni soyqırımı” abidəsinin ucaldılmasının qarşısı alınıb
Rusiya Müdafiə Nazirliyinin binası, arxiv şəkli

Moskva Qarabağa dair qurulacaq Mərkəz barədə: "Türkiyə hərbçilərinin sayı..."

46
(Yenilənib 17:58 01.12.2020)
Rusiya Müdafiə Nazirliyi və Türkiyə Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub.

BAKI, 1 dekabr — Sputnik. Rusiya və Türkiyə Dağlıq Qarabağda atəşkəsə nəzarət üzrə Ortaq Mərkəzə dair razılığa gəlib. Mərkəzdə hər iki ölkədən olan hərbçilərin sayı bərabər olacaq. Sputnik Azərbaycan "RİA Novosti"yə istinadən xəbər verir ki, bunu Rusiyanın müdafiə naziri general-mayor İqor Konaşenikov bildirib.

"Rusiya Federasiyası Müdafiə Nazirliyi və Türkiyə Respublikası Milli Müdafiə Nazirliyi arasında noyabrın 11-i imzalanan memoranduma uyğun olaraq, atəşkəsə və bütün hərbi fəaliyyətlərə nəzarət üzrə Rusiya-Türkiyə Ortaq Mərkəzinin yaradılması və fəaliyyətinə dair razılıq əldə olunub. Mərkəz Azərbaycan ərazisində yerləşəcək. Rusiya və Türkiyə hərbçilərinin sayı bərabər olacaq", - deyə Konaşenkov bildirib.

Qeyd edək ki, bu gün Türkiyənin Milli Müdafiə Nazirliyi məlumat yayaraq Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələrin başa çatdığını və tərəflər arasında anlaşma imzalandığını bildirib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

46
Çak Norris, arxiv şəkli

"Qarabağ, sən indi xoşbəxtsən" - amerikalı aktyor Azərbaycanı təbrik etdi

21
(Yenilənib 17:22 01.12.2020)
Norris açıqlamasında "Qarabağ, sən indi əsl ailənlə xoşbəxtsən" deyib. Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

BAKI, 1 dekabr — Sputnik. Məşhur amerikalı aktyor, film rejissoru və ssenaristi Çak Norris Qarabağla bağlı danışıb.

O, açıqlamasında "Qarabağ, sən indi əsl ailənlə xoşbəxtsən" deyib.

Qeyd edək ki, Çak Norris əvvəllər də izləyicilərinin istəklərini video vasitəsilə çatdırıb.

Məlumat üçün bildirək ki, Norris Qərb yarımkürəsində taekvondo sistemi üzrə 8-ci dərəcəli qara kəmərə layiq görülən ilk idmançı, eləcə də Ümumdünya Təkbətək Döyüş Liqasının (World Combat League) banisi və prezidentidir.

Çak Norris çoxsaylı teleşouların yaradıcısı olmaqla yanaşı, öz jurnalını nəşr etdirir, bir neçə kitabın müəllifidir. ABŞ-da onun aktyorluq işi çoxdan ikinci plana çəkilib. Hazırda Norris milli miqyasda xristian missioneridir. Çoxsaylı dini təşkilat və fondlarda üzvlüklə yanaşı, Çak populyar "World Net Daily" saytında bir bölümə rəhbərlik edir. Həmin bölümün əsas mövzusu İncil və xristianlığın ABŞ-da fəal təbliğatından ibarətdir. O, bundan başqa, ondan artıq filmdə rol alıb.

21

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0