Министр иностранных дел РФ Сергей Лавров

Lavrov: Türkiyəyə zeytun budağı, başqa budaq uzatmayacağıq

130
Rusiya XİN: Biz demişik ki, Türkiyə üzr istəməli və törədilən hərbi cinayətlə bağlı itkilərə görə təzminat ödəməlidir.

BAKI, 31 may — Sputnik. Rusiyanın xarici işlər naziri Sergey Lavrov, Ankara üzr istəməyənə qədər Türkiyəyə dostluq əlini uzatmayacaqlarını bildirib.

Bu gün “Komsomolskaya Pravda” qəzetinə verdiyi canlı on-line müsahibədə Lavrov deyib ki, "Türkiyəyə zeytun budağı və ya hər hansı başqa budaq uzadacağımızı heç vaxt söyləməmişik”. 

“Bunu nəyə əsasən söyləyirlər? Biz demişik ki, Türkiyə üzr istəməli və törədilən hərbi cinayətlə bağlı itkilərə görə təzminat ödəməlidir” – deyə Lavrov bildirib. 

Rusiya prezidenti Vladimir Putinin ötən həftə Yunanıstanda verdiyi açıqlamanı xatırladan Lavrov  deyib: "Putin də Ankaranın təkliflərini dəyərləndirməyə hazır olduğumuzu, ancaq bundan əvvəl Türkiyənin üzərinə düşən addımı atması lazım gəldiyini  söyləmişdi.” 

Lavrov Türkiyənin İraqdakı hərbi mövcudluğunun hüquqa zidd olduğunu vurğulayıb: "Türkiyənin İraqdakı qanundankənar mövcudluğunu sona çatdırmasını tələb edirik və bunu tələb etməkdə də davam edəcəyik. Türkiyənin keçmiş baş naziri Əhməd Davudoğlu demişdi ki, türk əsgərləri İraqın suverenliyini möhkəmləndirmək üçün bu ölkədədir. Biz bu mövqeni qəbul edə bilmərik və türklərin bu hərəkəti qərbli tərəfdaşlarımızın diqqətini cəlb etməlidir.”

Rusiya XİN başçısı ABŞ-ın liderlik etdiyi beynəlxalq koalisiyanı da heç bir iş görməməkdə qınayıb: “ABŞ dövlət katibi Con Kerri ilə görüşümüzdə ona niyə terrorçuları bombalamaqdan vaz keçdiklərini və Suriyadan Türkiyəyə neft qaçaqmalçılığının qarşısını almaq üçün niyə heç bir addım atmadıqlarını soruşdum. Kerri mənə bununla məşğul olduqlarını dedi və yenidən terrorçular arasında yaxşı müxalifətçilərin olduğunu, onları vurarlarsa, həmin yaxşı müxalifətçilərə də zərər vermiş olacaqlarının söylədi."

130
Aktrisa Alissa Milano, arxiv şəkli

COVID-19 bu amerikalı ulduzdan da yan keçmədi

15
(Yenilənib 22:42 11.08.2020)
"Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"

Şahpəri Abbasova, Sputnik Azərbaycan

BAKI, 11 avqust — Sputnik. Dünyanı cənginə alan koronavirus (COVID-19) bəlası Amerikanın məşhur aktirisası Alissa Milanodan da yan keçməyib.

Virus nəticəsində aktirisanın saçları tökülüb. Ulduz saçının necə töküldüyünü göstərmək üçün instaqram səhifəsində video paylaşıb. Tanınmış aktirisa izləyicilərini maska taxmağa çağırdı. Milano, xəstəlik simtonlarını aprel ayında hiss etməyə başlayıb. Virusa görə test etdirən aktirasanın nəticələri pozitiv çıxıb. Xəstəliyinin hələ də davam etdiyini bildirən aktirisa bunları deyib: "Bu vaxta qədər belə bir xəstəlik görmədim. Hər yerim ağrıyır. Qoxu duyğumu itirmişəm. Sanki sinəmin üstündə fil oturub, nəfəs ala bilmirəm"

Qeyd edək ki, A.Milano "Kommando", "Alatoranlıq vaxtı", "Şöhrətin parıltısı", "Gəlini öp", "Patologiya", "Köhnə Yeni il", "Qorxu" və s. filmlərində rol alıb.

15
Beyrutda partlayış, arxiv şəkli

Beyrutda ölənlərin sayı yenə artdı

11
(Yenilənib 19:45 11.08.2020)
İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

BAKI, 11 avqust — Sputnik. Beyrut limanında baş verən partlayış nəticəsində ölənlərin sayı 171-ə çatıb. Sputnik Azərbaycan "RİA Novosti"-yə istinadən xəbər verir ki, bu barədə Livanın Səhiyyə Nazirliyi məlumat yayıb.

Məlumatda, həmçinin qeyd olunub ki, daha 30-40 nəfər itkin düşmüş hesab olunur.

Qeyd edək ki, avqustun 4-ü Beyrutda güclü partlayışlar baş verib. Biri digərindən güclü olan iki partlayış şəhərin liman hissəsində yerləşən anbar binalarında baş verib.

İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə alıb.

Güclü partlayışlar nəticəsində həlak olanların sayı artıq 100 nəfəri ötüb, dörd mindən çox adam yaralanıb. Bununla yanaşı, Livan hakimiyyəti çoxlu sayda itkin düşmüş şəxslərin olması səbəbindən qurbanların sayının artacağını gözləyir.

11

Təhsil şöbəsinin müdiri iki gündür xəstəxanadadır

0
Qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib.

Musa Muradlı, Sputnik Azərbaycan

BAKI, 11 avqust - Sputnik. Tərtər RTŞ-nin müdiri Yaşar Məhərrəmov iki gün öncə kəskin ürək çatışmazlığı ilə bağlı xəstəxanaya yerləşdirilib. Sputnik Azərbaycan-ın əldə etdiyi məlumata görə, Yaşar Məhərrəmovun sağlamlıq durumu hazırda kafidir.

Onu da qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib. Ona qədər Tərtər rayon Sarıcalı kənd orta məktəbində direktor işləyib.

Rayon sakinlərinin bildirdiyinə görə, Yaşar Məhərrəmov fəaliyyətə başlayandan sonra Tərtər rayon təhsilində rüşvət kimi neqativ hallar aradan qaldırılıb.

0