Aviqdor Liberman və Benyamin Netanyahu

İsraildə böyük saziş əldə edildi

154
Baş nazir Benyamin Netanyahunun lideri olduğu Likud ilə radikal sağçı Aviqdor Libermanın lideri olduğu "Evimiz İsrail" partiyaları bu gün Knessetdə koalisiya sazişi imzalayıblar

BAKI, 25 may — Sputnik. İsrailin baş naziri Benyamin Netanyahunun lideri olduğu Likud ilə radikal sağçı Aviqdor Libermanın (Avigdor Lieberman) lideri olduğu "Evimiz İsrail" partiyaları bu gün Knessetdə koalisiya sazişi imzalayıb. Sputnik "The Yerusalem Post"a istinadən xəbər verir ki, sazişə görə Aviqdor Liberman İsrailin müdafiə naziri olacaq. İmmiqrasiya naziri postu da "Evimiz İsrail"-dən olan millət vəkilinə həvalə ediləcək.

Sazişə əsasən, Likud Libermanın koalisiya qarşısında qoyduğu, pensiyaların artımı üçün büdcədən 1.4 milyard şekel ayrılması tələbini də qəbul edib. Bu ödəmə Libermanın ən böyük dəstəkçiləri sayılan sabiq Sovet ölkələrindən gələn mühacirlər üçün də keçərli sayılacaq.

"The Yerusalem Post"un yazdığına görə, Netahyahu Knessetdə baş tutan siyasi əməkdaşlıq barədə razılaşmadan sonra Libermanla bağlı müsbət fikirlərini ifadə edib. Libermanla 30 ilə yaxındır ki, əməkdaşlıq etdiyini vurğulayan Netanyahu, "Biz indi əllərimizi İsraili irəli aparmaq üçün birləşdiririk" deyib.

"Biz uzun yol gəlmişik, İsrail dövlətinin mənafeləri üçün birgə addımlamışıq. Sirr deyil ki, biz bəzən razılaşmamışıq, bəzən mübahisə etmişik, amma heç vaxt "məhz mənim dediyim olmalıdır" deməmişik, yekunda ortaq məxrəcə gəlmişik", — deyə Netanyahu bildirib.

Daha sonra Baş nazir deyib: "Mənim birinci prioritetim İsrailin təhlükəsizliyidir. Mən baş nazirəm, Libermanla birlikdə həm də müdafiə naziriyəm. Çünki İsrail Silahlı Qüvvələrinin heyətinin rəhbəri və hərbi komandan olaraq İsrailin təhlükəsizliyi üçün məsuliyyət daşıyıram".

O qeyd edib ki, İsrail öz hökumətindən sabitlik gözləyir və bu sahədəki problemlərin həllini hökumətin qarşısına vəzifə olaraq qoyub. Netanyahu millətin birliyini gücləndirəcək bir birlik hökumətinin qurulmasında maraqlı olduğunu qeyd edib. O hətta müxalifətdəki Sionist Birliyinin lideri İsaak Herzoqu da bir daha onlara qoşulmağa çağırıb və deyib: "Biz İsrail naminə hər cür sülh sazişinə hazırıq".

Qeyd edək ki, saziş tərəflərindən biri olan Likudun liderlik etdiyi koalisiya 120 mandatlı İsrail parlamentində 66 deputatla çoxluqdadır. Liberman koalisiyada İsrailin müdafiə naziri postunu daşımaqla yanaşı, Fələstin problemi ilə də məşğul olacaq.

154
Teqlər:
İsrail, Benyamin Netanyahu, Aviqdor Liberman, Baş nazir, müdafiə naziri, saziş, Likud, 'Evimiz İsrail'
Əlaqədar
Araz Əzimov İsraildə İran haqqında nə deyib?!
Araz Əzimov İsrail və Fələstinə səfər edib
"Türkiyə - İsrail yaxınlaşması Azərbaycan üçün çox vacibdir"
Türkiyə ilə İsrail razılaşdı
İsrail jurnalistlərinin Azərbaycan təəssuratları
İsrail öz vətəndaşlarını Türkiyədən geri çağırır
Dünya Bankının binası, arxiv şəkli

Daha Doing Business reytinqi dərc olunmayacaq

343
(Yenilənib 01:25 17.09.2021)
Bir il əvvəl Dünya Bankı Doing Business hesabatının nəşrini dayandırmışdı. Bildirilirdi ki, məlumatlar toplanarkəın səhvlərə yol verilib.

BAKI, 17 sentyabr - Sputnik. Dünya Bankı bundan belə müxtəlif ölkələrdə biznesin aparılması şərtləri barədə illik Doing Business reytinqini dərc etməyəcək. Sputnik Azərbaycan təşkilatın rəsmi saytına istinadən bildirir ki, buna səbəb 2018 və 2020-ci illər üzrə hesabatlarda aşkarlanmış səhvlərdir.

"Bu gün Dünya Bankının öz Direktorlar Şurasının adından təqdim etdiyi Doing Business barədə bütün məlumat və məruzə, o cümlədən əvvəlki icmal və auditlər öyrənildikdən sonra Dünya Bankının rəhbərliyi Doing Business hesabatının (dərcinin - red.) dayandırılması qərarını verib. Nəticədə biz işgüzar və investisiya iqliminin qiymətləndirilməsinə dair yeni yanaşma üzərində işləyəcəyik", - məlumatda deyilir.

Qeyd edək ki, bir il əvvəl Dünya Bankı Doing Business hesabatının nəşrini dayandırmışdı. Bildirilirdi ki, məlumatlar toplanarkəın səhvlərə yol verilib. Reytinqin tərtibçiləri bildirmişdilər ki, əvvəlki illərin nəticələrini gözdən keçirə bilərlər. Məsələn, Amerikanın WilmerHale hüquq firmasının məlumatına görə, maliyyə təşkilatının rəhbərliyi həmkarlarını reytinqdə Çinin mövqeyini 13 bənd qaldırmağa məcbur etmişdi.

Avqustun sonunda Dünya Bankı özünün Əfqanıstandakı layihələrini maliyyələşdirməyi dayandırıb. Təşkilatın rəhbərliyi bunu ölkədə gərgin vəziyyətlə əlaqələndirib. DB-nin əsas narahatlığına səbəb isə ölkədə qadınların durumudur.

DB-nin saytında bildirilir ki, Əfqanıstanın inkişafı və bərpası üçün 2002-ci ildən 5.3 mlrd dollar ayrılıb. 

Eləcə də oxuyun:

343
Moskvada Cümə məscidində Ramazan bayram namazının qılınması, arxiv şəkli

Moskvada məscid çatışmır

349
(Yenilənib 01:27 17.09.2021)
Müfti Nafiqulla Aşırov bildirir ki, Rusiyada məscidlər inanclı adamların, müsəlman mesenatların öz qüvvəsi hesabına tikilir. Heç kim məscid tikilməsi üçün büdcədən vəsait ayrılacağını gözləmir.

BAKI, 17 sentyabr - Sputnik. Müsəlmanlar Moskvada daha çox məscidin tikilməsinə səsləyiblər, çünki inanclıların sayı çox, ibadət etmək üçün məkan isə azdır, bu isə cümə və bayram günlərində paytaxtda tıxaclara səbəb olur.

Sputnik Azərbaycan bildirir ki, bunu Rusiya mediasına müsahibəsində Rusiyanın Asiya hissəsinin Müsəlmanlarının Dini İdarəsinin sədri Nafiqulla Aşırov deyib.

"Hər şeyi Rus Pravoslav Kilsəsinə (RPK) baxıb etmək vacib deyil, amma pandemiyadan əvvəl  də Moskvanın dörd məscidinin ətrafı insanlarla dolu idi, bu isə nəqliyyatın və piyadaların hərəkətinə mane olurdu", - Aşırov deyib.

Onun sözlərinə görə, Rusiya paytaxtında müsəlmanların sayı artıb və dörd məscid inanclıların hamısını qəbul edə bilmir.

"Onlar gah yağışın, gah qarın altında səkidə dua etməli olurlar. Məsələ bunda deyil ki, RPK-nın proqramına uyğun proqramımız olsun, söhbət küçələrdə insan sıxlığını azaltmaq məqsədilə bir, yaxud iki məscidin tikilməsindən gedir", - müfti deyib.

O qeyd edib ki, məscidləri Moskvanın mərkəzində tikmək vacib deyil, məsələn, Moskvaətrafında böyük Cümə məscid inşa etmək mümkündür. 

Əsas problem isə ondadır ki, indiyədək tikinti üçün yer ayrılmayıb və bunun səbəbi də bəlli deyil, müfti əlavə edib. Onun sözlərinə görə, digər bölgələrdə məscidlərin tikilməsi məsələsi belə problemli deyil.

"Rusiyada məscidlər inanclı adamların, müsəlman mesenatların öz qüvvəsi hesabına tikilir. Heç kim məscid tikilməsi üçün büdcədən vəsait ayrılacağını gözləmir, mən hesab edirəm ki, büdcənin özünün əsas məsələləri var", - Aşırov deyib.

349
Teqlər:
məscid, Moskva, çatışmazlıq
İlyas Hüseynov

Politoloq: “Toyvo Klaarın indi səfər etməsinin müəyyən səbəbləri var”

0
(Yenilənib 14:48 16.09.2021)
Politoloq İlyas Hüseynov deyib ki, enerji təhlükəsizliyi məsələlərinin müzakirəsi, eyni zamanda təhlükəsizlik və humanitar məsələlər də burada önəmli yer tutur
İlyas Hüseynov: “Aİ Cənubi Qafqazla yeni əməkdaşlıq formatına üstünlük verir”

Avropa İttifaqının Cənubi Qafqaz və Gürcüstanda böhran üzrə xüsusi nümayəndəsi Toyvo Klaar Azərbaycana gəlib.

Politoloq İlyas Hüseynov Sputnik Azərbaycan-a Aİ nümayəndəsinin Azərbaycana səfərini şərh edib. Politoloq bildirib ki, Azərbayca-Aİ münasibətləri müntəzəm olaraq yüksələn xətlə inkişaf edir: “Vətən müharibəsindən sonra da ölkəmizə müntəzəm səfərlər təşkil edilib. Hazırda xüsusi nümayəndənin səfər etməsinin müəyyən səbəbləri var. Burada enerji təhlükəsizliyi məsələlərinin müzakirəsi, eyni zamanda təhlükəsizlik və humanitar məsələlər də önəmli yer tutur. Bu onu deməyə əsas verir ki, Aİ Cənubi Qafqazla yeni əməkdaşlıq formatına üstünlük verir. Cənubi Qafqaz dövlətləri Avropa İttifaqının xüsusi maraq dairəsindədir”.

İlyas Hüseynovun geniş şərhinə audifaylda qulaq asa bilərsiniz

0